ໃນໂອກາດເຂົ້າຮ່ວມກອງປະຊຸມລັດຖະບານເປີດກວ້າງ ຄັ້ງທີ II ປີ 2025 ໃນລະຫວ່າງ ວັນທີ 12-13 ມັງກອນ ຜ່ານມາ, ທ່ານ ບົວຄົງ ນາມມະວົງ ລັດຖະມົນຕີ ຫົວໜ້າຫ້ອງວ່າການສຳນັກງານນາຍົກລັດຖະມົນຕີ ໄດ້ໃຫ້ສຳພາດຕໍ່ນັກຂ່າວວ່າ: ຫ້ອງວ່າການສຳນັກງານນາຍົກລັດຖະມົນຕີ ມີ 3 ພາລະບົດບາດສຳຄັນຄື: ການເປັນເສນາທິການ, ການເປັນໃຈກາງປະສານງານ, ການບໍລິການຮັບໃຊ້ໃຫ້ແກ່ລັດຖະບານ, ທ່ານນາຍົກ, ຮອງນາຍົກລັດຖະມົນຕີ ໃນການຄວບຄຸມ, ຄຸ້ມຄອງການເຄື່ອນໄຫວວຽກງານຂອງລັດຖະບານ ແລະ ອົງການປົກຄອງທ້ອງຖິ່ນ, ພ້ອມທັງການປະສານງານກັບບັນດາກະຊວງ,ອົງການທຽບເທົ່າຂັ້ນສູນກາງ, ບັນດາການຈັດຕັ້ງຂອງພັກ-ລັດ, ແນວລາວສ້າງຊາດ, ສະຫະພັນນັກຮົບເກົ່າແຫ່ງຊາດລາວ, ອົງກາານຈັດຕັ້ງມະຫາຊົນ, ສະພະແຫ່ງຊາດ ແລະ ບໍລິການຮັບໃຊ້ນາຍົກ, ຮອງນາຍົກ ເພື່ອອຳນວຍຄວາມສະດວກໃນການເຄື່ອນໄຫວວຽກງານ.
ທ່ານໃຫ້ຮູ້ຕື່ມວ່າ: ອີງຕາມພາລະບົດບາດ ແລ້ວຍັງມີອີກ 33 ໜ້າທີ່, 12 ສິດ, 4 ຫຼັກການ ແລະ 3 ແບບວິທີເຮັດວຽກ, ໂດຍປະຕິບັດຕາມພາລະບົດບາດດັ່ງກ່າວ ໃນ ປີ 2025 ຜ່ານມາ ໄດ້ສຸມໃສ່ຈັດຕັ້ງປະຕິບັດ 4 ວຽກໃຫຍ່ຕົ້ນຕໍ, ໂດຍປະຕິບັດຕາມພາລະບົດບາດໜ້າທີ່ຂອງສຳນັກງານນາຍົກ
ລັດຖະມົນຕີ ໄດ້ມີການຫ້າງຫາກະກຽມດ້ານຕ່າງໆ ໂດຍສະເພາະທາງດ້ານເນື້ອໃນ, ສະຖານທີ່ໃຫ້ແກ່ການຈັດກອງປະຊຸມສະໄໝສາມັນຂອງລັດຖະບານປະຈຳເດືອນ ແລະ ກອງປະຊຸມລັດຖະບານເປີດກວ້າງປະຈຳປີ 2025, ໄດ້ມີການກະກຽມທາງດ້ານເນື້ອໃນຕ່າງໆໃຫ້ແກ່ນາຍົກ, ຮອງນາຍົກລັດຖະມົນຕີ, ກະກຽມເນື້ອໃນ, ບົດລາຍງານຂອງລັດຖະບານທີ່ມີຕໍ່ກອງປະຊຸມຄະນະບໍລິຫານງານສູນກາງພັກ ແລະ ກອງປະຊຸມກົມການເມືອງຮ່ວມກັບຄະນະເລຂາທິການສູນກາງພັກເປັນແຕ່ລະເດືອນ, ໃນນັ້ນໄດ້ມີການຫ້າງຫາກະກຽມທາງດ້ານເນື້ອໃນທີ່ທ່ານນາຍົກລັດຖະມົນຕີໄດ້ລາຍງານຕໍ່ກອງປະຊຸມສະໄໝສາມັນ ຫຼື ວິສາມັນຂອງສະພາແຫ່ງຊາດ, ໄດ້ມີການແຈ້ງການ ຫຼື ອອກນິຕິກຳຕ່າງໆໃຫ້ແກ່ພາກສ່ວນທີ່ກ່ຽວຂ້ອງໃນການຈັດຕັ້ງປະຕິບັດຕາມທິດຊີ້ນຳຕາມການຕົກລົງຂອງລັດຖະບານ, ຂອງທ່ານນາຍົກ, ຮອງນາຍົກລັດຖະມົນຕີ ຫຼື ຕາມການຊີ້ນຳ ຂອງກົມການເມືອງ, ຂອງຄະນະເລຂາທິການສູນກາງພັກ, ໄດ້ມີການຄົ້ນຄວ້າຄຳສະເໜີ ແລະ ບັນຫາຕ່າງໆຂອງບັນດາກະຊວງອົງການ, ທ້ອງຖິ່ນ, ບຸກຄົນ, ນິຕິບຸກຄົນທີ່ສະເໜີຫາທາງລັດຖະບານ ຫຼື ສະເໜີຫາທ່ານນາຍົກ, ຮອງນາຍົກ ຊຶ່ງທາງສຳນັກງານນາຍົກລັດຖະມົນຕີກໍໄດ້ມີການລົງເລິກ, ຄົ້ນຄວ້າໃຫ້ທັດສະນະສະເໜີໃຫ້ແກ່ທາງລັດຖະບານ, ນາຍົກ, ຮອງນາຍົກເປັນຜູ້ພິຈາລະນາໃນການຕົກລົງ ແລະ ໃຫ້ທິດຊີ້ນຳຕໍ່ກັບບັນຫາດັ່ງກ່າວ. ໃນນັ້ນ ໄດ້ສົມທົບກັບສະພາແຫ່ງຊາດ ໂດຍສະເພາະເລຂາທິການສະພາແຫ່ງຊາດໃນການຄົ້ນຄວ້າ ປະກອບຄຳຄິດຄຳເຫັນຕໍ່ກັບຄຳສະເໜີຂອງເບື້ອງລັດຖະບານເຖິງຄະນະປະຈຳສະພາແຫ່ງຊາດເພື່ອພິຈາລະນາຄຳສະເໜີຂອງລັດຖະບານ, ໄດ້ມີການກະກຽມທາງດ້ານເນື້ອໃນຂອງກອງປະຊຸມຮ່ວມລະຫວ່າງລັດຖະ
ບານກັບຄະນະປະຈຳສະພາແຫ່ງຊາດ. ໃນນັ້ນ, ວຽກງານປັບປຸງກົງຈັກການຈັດຕັ້ງ ໂດຍໄດ້ຮັບເອົາ 4 ວຽກຂອງກະຊວງພາຍໃນຄື: ວຽກແຜນທີ່ແຫ່ງຊາດ, ວຽກງານສຳຫຼວດວັດແທກແຜນທີ່, ວຽກງານຊົນເຜົ່າສາສະໜາ ແລະ ວຽກງານເອກະສານແຫ່ງຊາດ, ພ້ອມດ້ວຍບຸກຄະລາກອນ 131 ທ່ານ ມາເຂົ້າກັບກົງຈັກການຈັດຕັ້ງສຳນັກງານນາຍົກລັດຖະມົນຕີ.
(ຂ່າວ-ພາບ: ສຳນານ)
ຄໍາເຫັນ