 |
ສຳລັບແຂວງທີ່ເກີດອຸບັດເຫດຫຼາຍກວ່າໝູ່ ແມ່ນນະຄອນຫຼວງວຽງຈັນມີທັງໝົດ 1,273 ລາຍ ເສຍຊີວິດ 208 ຄົນ, ຖັດລົງມາແມ່ນແຂວງຈຳປາສັກ ມີອຸບັດເຫດເກີດຂຶ້ນ 945 ລາຍ ເສຍຊີວິດ 125 ຄົນ; ແຂວງວຽງຈັນ 761 ລາຍ ເສຍຊີວິດ 70 ຄົນ, ສະຫວັນນະເຂດ 651 ລາຍ ເສຍຊີວິດ 79 ຄົນ, ຫຼວງພະບາງ 466 ລາຍ ເສຍຊີວິດ 56 ຄົນ; ບໍລິຄຳໄຊ 425 ລາຍ ເສຍຊີວິດ 81 ຄົນ; ອັດຕະປື 393 ລາຍ ເສຍຊີວິດ 18 ຄົນ; ຫຼວງນ້ຳທາ 328 ລາຍ ເສຍຊີວິດ 13 ຄົນ; ອຸດົມໄຊ 235 ລາຍ ເສຍຊີວິດ 47 ຄົນ; ສາລະວັນ 180 ລາຍ ເສຍຊີວິດ 27 ຄົນ; ຊຽງຂວາງ 159 ລາຍ ເສຍຊີວິດ 25 ຄົນ; ຄຳມ່ວນ 153 ລາຍ ເສຍຊີວິດ 46 ຄົນ; ໄຊຍະບູລີ 153 ລາຍ ເສຍຊີວິດ 29 ຄົນ; ບໍ່ແກ້ວ 141 ລາຍ ເສຍຊີວິດ 28 ຄົນ; ເຊກອງ 141 ລາຍ ເສຍຊີວິດ 13 ຄົນ; ໄຊສົມບູນ 116 ລາຍ ເສຍຊີວິດ 11 ຄົນ; ແຂວງຜົ້ງສາລີ 105 ລາຍ ເສຍຊີວິດ 8 ຄົນ ແລະ ແຂວງຫົວພັນ 80 ລາຍ ເສຍຊີວິດ 14 ຄົນ. ນອກນັ້ນ, ຍັງມີອຸບັດເຫດເກີດຂຶ້ນຢູ່ເຂດເສດຖະກິດພິເສດສາມຫຼ່ຽມຄຳ 38 ລາຍ ເສຍຊີວິດ 16 ຄົນ ແລະ ຢູ່ທາງດ່ວນ (ວຽງຈັນ-ວັງວຽງ) 36 ລາຍ ເສຍຊີວິດ 3 ຄົນ. ສາເຫດທີ່ພາໃຫ້ເກີດອຸບັດເຫດສ່ວນໃຫຍ່ແມ່ນເກີດຈາກດື່ມສິ່ງມຶນເມົາແລ້ວຂັບ, ຂັບໄວເກີນກຳນົດ, ບໍ່ປ່ອຍສິດ, ຊີງບໍ່ຮັບປະກັນ, ປ່ຽນທິດທາງ ແລະ ອື່ນໆ.
ປັດຈຸບັນ, ລັດຖະບານໄດ້ມີຄວາມພະຍາຍາມໃນການປ້ອງກັນ, ສະກັດກັ້ນ ແລະ ແກ້ໄຂການເກີດອຸບັດ ເຫດ ໂດຍໄດ້ລົງທຶນເຂົ້າໃສ່ວຽກງານຄວາມປອດໄພທາງຫຼວງ ພ້ອມທັງຍາດແຍ່ງການຮ່ວມມື ແລະ ຊ່ວຍເຫຼືອທັງພາຍໃນ ແລະ ຕ່າງປະເທດ ເພື່ອເຮັດໃຫ້ປະຊາຊົນມີຄວາມປອດໄພສູງຂຶ້ນເທື່ອລະກ້າວ. ເຖິງວ່າການເກີດອຸບັດ ເຫດ ແລະ ການບາດເຈັບຈາກການຈະລາຈອນຕາມທາງຫຼວງແມ່ນບໍ່ສາມາດຫຼີກເວັ້ນໄດ້, ແຕ່ພວກເຮົາສາມາດປ້ອງກັນໄດ້. ສະນັ້ນ, ເພື່ອຫຼີກລ່ຽງບັນຫາການເກີດອຸບັດເຫດຕາມທ້ອງຖະໜົນທຸກຄົນໃນສັງຄົມ ກໍຄື ຜູ້ຂັບຂີ່ຍານພາຫະນະ ຕ້ອງມີສະຕິລະວັງຕົວໃນການຂັບຂີ່, ຖ້າດື່ມສິ່ງມຶນເມົາຄວນພັກຜ່ອນກ່ອນທີ່ຈະຂັບຂີ່ ແລະ ປະຕິ ບັດກົດລະບຽບຈະລາຈອນຢ່າງເຂັ້ມງວດ.
ຂ່າວ: ທະນູທອງ
ຄໍາເຫັນ