ທ່ານມານະສິນວົງໄຊຜູ້ອໍານວຍການລັດວິສາຫະກິດຖືຮຸ້ນລາວໄດ້ລາຍງານຜົນສໍາເລັດການດໍາເນີນທຸລະກິດປະຈໍາປີ 2024 ໄດ້ຍົກໃຫ້ເຫັນວ່າ: ປີ 2024ຜ່ານມາ,ລຮລສາມາດສ້າງລາຍຮັບໄດ້ 75.99 ລ້ານໂດລາລື່ນແຜນປີ 28.50%, ທຽບໃສ່ປີ 2023 ເພີ່ມຂຶ້ນ 50.42%, ມີຜົນກຳໄລ 49.45 ລ້ານໂດລາ ທຽບໃສ່ປີ 2023 ເພີ່ມຂຶ້ນ 126.17%. ນອກຈາກນີ້, ລຮລຍັງໄດ້ຊຳລະຕົ້ນທຶນ-ດອກເບັ້ຍຕາມສັນຍາກູ້ຢືມຕໍ່ໃຫ້ກະຊວງການເງິນ 53.08 ລ້ານໂດລາ, ປະຕິບັດພັນທະອາກອນຕ່າງໆ 8.22 ລ້ານໂດລາແລະຊຳລະໜີ້ເງິນກູ້ໃຫ້ທະນາຄານທຸລະກິດພາຍໃນປະເທດຕາມສັນຍາ, 4 ໂຄງການທີ່ລຮລຮ່ວມຖືຮຸ້ນສາມາດຜະລິດໄຟຟ້າລວມກັນໄດ້ທັງໝົດ 21,687 ລ້ານກິໂລວັດໂມງ (kWh) ໃນນັ້ນມີ: ໂຄງການໄຟຟ້ານໍ້າເທີນ 2, ໂຄງການໄຟຟ້າຄວາມຮ້ອນຫົງສາ, ໂຄງການໄຟຟ້າເຊປຽນ-ເຊນໍ້ານ້ອຍແລະໂຄງການໄຟຟ້ານໍ້າງຽບ 1. ລວມລາຍຮັບຈາກການຂາຍໄຟຟ້າທັງໝົດ 1,289 ລ້ານໂດລາ, ລວມພັນທະທີ່ໄດ້ມອບໃຫ້ລັດຖະບານ 98.7 ລ້ານໂດລາ(ຄ່າພາກຫຼວງ 39.16 ລ້ານໂດລາ, ອາກອນກຳໄລ 42.79 ລ້ານໂດລາແລະຄ່າທໍານຽມແຮ່ທາດ 16.75 ລ້ານໂດລາ), ນອກຈາກນັ້ນ, ຍັງໄດ້ມີພິທີມອບໃບຍ້ອງຍໍໃຫ້ແກ່ພະນັກງານທີ່ມີຜົນງານດີເດັ່ນປະຈຳປີ 2024
ທ່ານກ່າວຕື່ມວ່າ:ສໍາລັບທິດທາງ-ແຜນການປີ 2025 ລຮລຈະພະຍາຍາມສູ້ຊົນໃຫ້ມີລາຍຮັບເພີ່ມຂຶ້ນ,ເອົາໃຈໃສ່ມອບພັນທະອາກອນຕ່າງໆໃຫ້ລັດຖະບານຢ່າງຄົບຖ້ວນ,ຄົ້ນຄ້ວາການເຂົ້າຮ່ວມລົງທຶນໃນໂຄງການໃໝ່ໂດຍສະເພາະແມ່ນສຶກສາຄວາມເປັນໄດ້ໃນການຮ່ວມມືພັດທະນາໂຄງການພະລັງງານສະອາດກັບຕ່າງປະເທດຕື່ມອີກ. ຄຽງຄູ່ກັນນີ້, ຈະສືບຕໍ່ເອົາໃຈໃສ່ປະຕິບັດວຽກງານຕາມພາລະບົດບາດແລະໜ້າທີ່ຮັບຜິດຊອບຂອງຕົນໃຫ້ດີທີ່ສຸດເພື່ອເປັນຫົວໜ່ວຍທຸລະກິດໜຶ່ງຂອງລັດທີ່ມີຄວາມເຂັ້ມແຂງ, ປະກອບສ່ວນສ້າງລາຍຮັບທີ່ໝັ້ນຄົງ, ມີກຳໄລຍືນຍົງເພື່ອສົ່ງມອບໃຫ້ລັດຖະບານນັບມື້ຫຼາຍຂຶ້ນຕາມ 5 ວິໄສທັດໃນການຄຸ້ມຄອງບໍລິຫານທຸລະກິດ “ລົງທຶນຢ່າງມີປະສິດທິຜົນ; ສ້າງຜົນກຳໄລໃຫ້ຫຼາຍເທົ່າທີ່ຈະຫຼາຍໄດ້; ສ້າງຄວາມເຊື່ອຖືຈາກສະຖາບັນການເງິນສາກົນແລະຜູ້ສະໜອງທຶນ;ສ້າງຄວາມເຂັ້ມແຂງໃຫ້ແກ່ອົງກອນຢ່າງຕໍ່ເນື່ອງ;ບໍລິຫານລາຍຮັບແລະລາຍຈ່າຍຢ່າງໂປ່ງໃສ”ໃນພິທີຍັງໄດ້ຈັດມີພິທີມອບໃບຍ້ອງຍໍໃຫ້ແກ່ພະນັກງານລັດວິສາຫະກິດລຮລທີ່ມີຜົນງານດີເດັ່ນປະຈຳປີ 2024ຜ່ານມາແລະໄດ້ຮັບຟັງການໂອ້ລົມແລະໃຫ້ທິດຊີ້ນໍາຈາກທ່ານຈັນສະແຫວງບຸນຍົງເພື່ອເປັນເຂັມຊີ້ທິດເຍືອງທາງໃຫ້ລຮລໃນການຈັດຕັ້ງປະຕິບັດວຽກງານໃນຊຸມປີຕໍ່ໜ້າໃຫ້ມີຜົນສຳ
ເລັດເປັນກ້າວໆ,
(ຂ່າວ-ພາບ:ສຳນານ)
ຄໍາເຫັນ