ປີນີ້ ກາແດງກຽມພ້ອມຫຼາຍດ້ານຊ່ວຍເຫຼືອວຽກງານສຸກເສີນໄພພິບັດ

ປີນີ້ ກາແດງກຽມພ້ອມຫຼາຍດ້ານຊ່ວຍເຫຼືອວຽກງານສຸກເສີນໄພພິບັດ
ໂດຍ: ສຳນານ ພົມພັກດີ
ກາແດງກຽມຄວາມພ້ອມສະໜອງນໍ້າ, ສຸຂາພິບານ ແລະ ສົ່ງເສີມສຸຂານາໄມໃນພາວະສຸກເສີນໃຫ້ແກ່ຜູ້ປະສົບໄພຈາກໄພພິບັດ,ໃນຂະນະດຽວກັນຈະຂົນຂວາຍແຫຼ່ງທຶນ ແລະ ອຸປະກອນ ເພື່ອສະໜັບສະໜູນວຽກງານກູ້ໄພສຸກເສີນໃຫ້ມີຄວາມເຂັ້ມແຂງ,ຮັບປະກັນ ການຊ່ວຍເຫຼືອສຸກເສີນແກ່ຜູ້ບາດເຈັບຈາກອຸບັດເຫດ,ເຈັບເປັນກະທັນຫັນ ແລະ ໄພພິບັດຕ່າງໆ.
ທ່ານ ຮອງຈັນ ຈັນທະວົງ ຮອງຫົວໜ້າຫ້ອງການ ອົງການກາແດງແຫ່ງຊາດລາວໃຫ້ຮູ້ວ່າ: ປີ 2024,ວຽກງານການສົ່ງເສີມສຸຂະພາບຂັ້ນພື້ນຖານຈະຂົນຂວາຍແຫຼ່ງທຶນເພື່ອສະໜອງໃຫ້ແກ່ວຽກງານສົ່ງເສີມສຸຂະພາບຂັ້ນພື້ນຖານເປັນຕົ້ນ ການສະໜອງນໍ້າ, ສຸຂາພິບານ, ສົ່ງເສີມສຸຂານາໄມ, ໂພຊະນາການ, ແມ່ ແລະ ເດັກ, ການປ້ອງກັນພະຍາດຕິດຕໍ່ ແລະ ບໍ່ຕິດຕໍ່ສົ່ງເສີມສຸຂະພາບຜູ້ສູງອາຍຸ ແລະ ຄົນພິການ,ກະກຽມຄວາມພ້ອມ ແລະ ສະໜອງນໍ້າ, ສຸຂາພິບານ ແລະ ສົ່ງເສີມສຸຂານາໄມໃນພາວະສຸກເສີນໃຫ້ແກ່ຜູ້ປະສົບໄພ ຈາກໄພພິບັດຕ່າງໆ,ສືບຕໍ່ສະໜອງລະບົບນໍ້າສະອາດ ແລະ ວິດຖ່າຍໃຫ້ໂຮງຮຽນ ແລະ ບ້ານທີ່ຫ່າງໄກສອກຫຼີກ ແລະ ບ້ານທີ່ມີຄວາມສ່ຽງ ຕໍ່ກັບໄພພິບັດທາງທຳມະຊາດ,ສືບຕໍ່ຈັດຕັ້ງປະຕິບັດກິດຈະກຳສົ່ງເສີມສຸຂະພາບຜູ້ອາຍຸສູງ ຢູ່ 5 ບ້ານ ເມືອງສັງທອງນະຄອນຫຼວງວຽງຈັນ, ອົບຮົມ ຄະນະກຳມະການ ແລະ ອາສາສະໝັກບ້ານ, ສະໜອງອຸປະກອນສົ່ງເສີມສຸຂະພາບຈຳເປັນໃຫ້ອາສາສະໝັກບ້ານ,ຈັດກອງປະຊຸມຜູ້ອາຍຸສູງ, ກິດຈະກຳກຸ່ມຜູ້ອາຍຸສູງ, ການຕິດຕາມຊຸກຍູ້, ຈັດກອງປະຊຸມຖອດຖອນບົດຮຽນ,ສືບຕໍ່ກິດຈະກຳກວດທາງພັນທຸກຳການໄດ້ຍິນ, ການສະໜອງອຸປະກອນ ແລະ ນໍ້າຢາກວດເລືອດ, ການອົບຮົມດ້ານວິຊາການ, ການກວດກຸ່ມເປົ້າໝາຍ, ການວິເຄາະຕົວຢ່າງກຸ່ມເປົ້າໝາຍ, ການສະໜອງເຄື່ອງຟັງການໄດ້ຍິນ ຊຶ່ງໄດ້ຮັບຈາກມູນນິທິພົວພັນຮ່ວມມືສາກົນ ນະຄອນເສີນເຈີ້ນ,ໃຫ້ຄວາມຮູ້ກ່ຽວກັບການປ້ອງກັນ ເຮສໄອວີ/ເອດ, ສຸຂະພາບຈິດ ແລະ ການຊ່ວຍເຫຼືອທາງດ້ານຈິດໃຈ ແລະ ການໃຊ້ຢາທີ່ເປັນອັນຕະລາຍຂອງກຸ່ມເປົ້າໝາຍໄດ້ຮັບການປັບປຸງ, ການປິ່ນປົວ ARV ແບບຍືນຍົງສໍາລັບຜູ້ເຄື່ອນຍ້າຍທີ່ຕິດເຮສໄອວີ/ເອດ, ເສີມສ້າງການຮ່ວມມືລະຫວ່າງບັນດາຄູ່ຮ່ວມງານ ແລະ ສ້າງຂີດຄວາມສາມາດຂອງຄູ່ຮ່ວມງານໂດຍຜ່ານການຕິດຕາມ ແລະ ປະເມີນຜົນ,ສືບຕໍ່ລົງໂຄສະນາຕ້ານເອດ, ຕ້ານການຈຳແນກ ແລະ ລັງກຽດຂອງຜູ້ຕິດເຊື້ອເອດຢູ່ເມືອງຢ່າງໜ້ອຍໃຫ້ໄດ້ 10 ບ້ານ, ຄາດຄະເນຜູ້ເຂົ້າຮ່ວມປະມານ 400 ຄົນ ແລະ ປຸກລະດົມໃຫ້ຜູ້ທີ່ຕິດເຊື້ອ HIV/AIDS ເຂົ້າເຖິງສະຖານທີ່ບໍລິການ ສາທາລະນະສຸກແລະຢາ ARV.
ໃນຂະນະດຽວກັນການປະຖົມພະຍາບານ:ສືບຕໍ່ຈັດຕັ້ງປະຕິບັດໂຄງການສ້າງຄວາມເຂັ້ມແຂງ ໃຫ້ແກ່ພະນັກງານ ອົງການກາແດງແຫ່ງຊາດລາວ ຢູ່ 6 ແຂວງ ເປົ້າໝາຍ, ຝຶກອົບຮົມປະຖົມພະຍາບານແກ່ຄູຝຶກ ແລະ ນັກຮຽນ 24 ໂຮງຮຽນ ພາຍໃນເທດສະບານແຂວງ 4 ຄັ້ງ,ຈັດກິດຈະກຳສະເຫຼີມສະຫຼອງວັນປະຖົມພະຍາບານໂລກ,ຝຶກອົບຮົມປະຖົມພະຍາບານ ແບບເກັບຄ່າໃຫ້ໄດ້ 30 ຄັ້ງ,ຝຶກອົບຮົມຄູຝຶກປະຖົມພະຍາບານ, ປະຖົມພະຍາບານດ້ານຮ່າງກາຍ ແລະ ຈິດໃຈ ໃຫ້ໄດ້ 1.000 ຄົນ,ສ້າງຄູຝຶກປະຖົມພະຍາບານໃຫ້ໄດ້ 55 ຄົນ,ສ້າງອາສາສະໝັກປະຖົມພະຍາບານ ໃຫ້ໄດ້ 500 ຄົນ,ໃຫ້ການບໍລິການປະຖົມພະຍາບານແກ່ສັງຄົມ ໃນງານບຸນປະເພນີຂອງຊາດ ແລະ ງານສັງຄົມອື່ນໆ,ປະກອບສ່ວນເຂົ້າໃນການສິດສອນປະຖົມພະຍາບານໃນສະຖາບັນການສຶກສາ.
ໃນນັ້ນ, ການກູ້ໄພສຸກເສີນຈະຂົນຂວາຍແຫຼ່ງທຶນ ແລະ ອຸປະກອນ ເພື່ອສະໜັບສະໜູນວຽກງານກູ້ໄພສຸກເສີນໃຫ້ມີຄວາມເຂັ້ມແຂງ, ຮັບປະກັນການຊ່ວຍເຫຼືອສຸກເສີນແກ່ຜູ້ບາດເຈັບຈາກອຸບັດເຫດ, ເຈັບເປັນກະທັນຫັນ ແລະ ໄພພິບັດຕ່າງໆ, ນໍາສົ່ງໄປໂຮງໝໍຂະຫຍາຍໜ່ວຍກູ້ໄພສຸກເສີນຢ່າງໜ້ອຍ 2 ແຂວງສະຫວັນນະເຂດ ແລະ ບໍລິຄໍາໄຊ ແລະ ຈັດຝຶກອົບຮົມການແພດສຸກເສີນ ໃຫ້ແກ່ພະນັກງານ ແລະ ອາສາສະໝັກກູ້ໄພສຸກເສີນ,ສ້າງອາສາສະໝັກກູ້ໄພສຸກເສີນ ໃຫ້ໄດ້ 50 ຄົນ,ສືບຕໍ່ຊ່ວຍເຫຼືອສຸກເສີນຜູ້ໄດ້ຮັບບາດເຈັບຈາກອຸບັດຕິເຫດ ເຈັບເປັນກະທັນຫັນ, ໄພພິບັດຕ່າງໆ, ນໍາສົ່ງຄົນເຈັບໄປໂຮງໝໍ,ສືບຕໍ່ຮ່າງລະບຽບການຄຸ້ມຄອງລະບົບການເງິນໜ່ວຍກູ້ໄພສຸກເສີນ, ປັບປຸງປຶ້ມຄູ່ມືກູ້ໄພສຸກເສີນ, ຄູ່ມືສື່ໂຄສະນາ ການຂັບຂີ່ປອດໄພ,ສົ່ງເສີມກິດຈະກຳການຂັບຂີ່ປອດໄພ ພາຍໃນໂຮງຮຽນຢ່າງໜ້ອຍ 2 ໂຮງຮຽນ,ສືບຕໍ່ປະສານງານກັບກອງເລຂາຄະນະກຳມະການແຫ່ງຊາດດ້ານຄວາມປອດໄພທາງຫຼວງ ກ່ຽວກັບການກູ້ໄພສຸກເສີນແລະ ການຂັບຂີ່ປອດໄພ ແລະ ໂຄງການພັດທະນາ ແລວທາງເສດຖະກິດ ອາຊີຕາເວັນອອກສຽງໃຕ້ ເພື່ອການເຊື່ອມ ຈອດ-ເຊື່ອມໂຍງ ຢູ່ແຂວງໄຊຍະບູລີ, ອຸດົມໄຊ, ຜົ້ງສາລີ, ຫຼວງພະບາງ, ຫຼວງນໍ້າທາ,ກະກຽມຄວາມພ້ອມໃນການມອບໂອນໜ່ວຍກູ້ໄພສຸກເສີນໃຫ້ກາແດງນະຄອນຫຼວງ ແລະ ອື່ນໆ.

ຄໍາເຫັນ

ຂ່າວວັດທະນະທຳ-ສັງຄົມ

ເຈົ້າແຂວງຈຳປາສັກ ເຄື່ອນໄຫວ ຊຸກຍູ້ວຽກງານກໍ່ສ້າງຮາກຖານການເມືອງຢູ່ເມືອງມຸນລະປາໂມກ

ເຈົ້າແຂວງຈຳປາສັກ ເຄື່ອນໄຫວ ຊຸກຍູ້ວຽກງານກໍ່ສ້າງຮາກຖານການເມືອງຢູ່ເມືອງມຸນລະປາໂມກ

ໃນວັນທີ 27 ກໍລະກົດນີ້, ສະຫາຍ ອາລຸນໄຊ ສູນນະລາດ ກຳມະການສູນກາງພັກ ເລາຂາພັກແຂວງ ເຈົ້າແຂວງຈຳປາສັກ ປະທານຄະນະກຳມະການປ້ອງກັນຊາດ ປ້ອງກັນຄວາມສະຫງົບແຂວງ ໄດ້ເຄື່ອນໄຫວຕິດຕາມຊຸກຍູ້ ວຽກງານກໍ່ສ້າງຮາກຖານການເມືອງ ແລະ ວຽກງານຊາຍແດນ, ພ້ອມທັງ ຕິດຕາມໃຫ້ກຳລັງໃຈນາຍ ແລະ ພົນທະຫານ, ພະນັກງານນັກຮົບ ທີ່ເຮັດໜ້າທີ່ຢູ່ກົມກອງ, ຮາກຖານ ເຂດເມືອງມຸນລະປາໂມກ ແຂວງຈໍາປາສັກ, ໂດຍມີສະຫາຍ ພົນຈັດຕະວາ ວິລະຕູ່ ວໍລະຈິດ ຫົວໜ້າການເມືອງ ກອງບັນຊາການທະຫານແຂວງຈໍາປາສັກ, ສະຫາຍ ວັນນະສັກ ຊາດຕະກູນ ເລຂາພັກເມືອງມຸນລະປາໂມກ, ມີ ການນຳຂອງແຂວງ ແລະ ເມືອງມຸນລະປາໂມກເຂົ້າຮ່ວມ.
ທາບທາມບຸກຄະລາກອນ ສະໝັກເລືອກຕັ້ງເຂົ້າໃນຄະນະບໍລິຫານງານພັກແຂວງສາລະວັນ  ສະໄໝທີ X (ຮອບທີ 3)

ທາບທາມບຸກຄະລາກອນ ສະໝັກເລືອກຕັ້ງເຂົ້າໃນຄະນະບໍລິຫານງານພັກແຂວງສາລະວັນ ສະໄໝທີ X (ຮອບທີ 3)

ໃນວັນທີ 23 ກໍລະກົດຜ່ານມາ ທີ່ສະໂມສອນແຂວງສາລະວັນ ໄດ້ມີກອງປະຊຸມທາບທາມບຸກຄະລາກອນ ທີ່ຈະສະໝັກເລືອກຕັ້ງເຂົ້າໃນຄະນະບໍລິຫານງານພັກແຂວງສາລະວັນ ສະໄໝທີ X (ຮອບທີ 3) ໂດຍການເປັນປະທານ ຂອງສະຫາຍ ພົນເອກ ຈັນສະໝອນ ຈັນຍາລາດ ກຳມະການກົມການເມືອງສູນກາງພັກ ຮອງນາຍົກລັດຖະມົນຕີ ຜູ້ຊີ້ນຳວຽກງານຮອບດ້ານແຂວງສາລະວັນ, ມີສະຫາຍ ດາວວົງ ພອນແກ້ວ ກຳມະການສູນກາງພັກ ເລຂາພັກແຂວງ ເຈົ້າແຂວງສາລະວັນ, ມີແຂກຖືກເຊີນ ແລະ ຜູ້ມີສິດປ່ອນບັດທາມທາບ ທີ່ເປັນຕົວແທນໃຫ້ພາກສ່ວນກ່ຽວຂ້ອງເຂົ້າຮ່ວມ.
ໄຊສົມບູນ ທາບທາມຮ່າງເນື້ອໃນ ແລະ ບຸກຄະລາກອນທີ່ຈະສະໝັກເຂົ້າໃນຄະນະບໍລິຫານງານສູນກາງສະຫະພັນແມ່ຍິງລາວ ສະໄໝທີ IX ຮອບທີ I

ໄຊສົມບູນ ທາບທາມຮ່າງເນື້ອໃນ ແລະ ບຸກຄະລາກອນທີ່ຈະສະໝັກເຂົ້າໃນຄະນະບໍລິຫານງານສູນກາງສະຫະພັນແມ່ຍິງລາວ ສະໄໝທີ IX ຮອບທີ I

ສະຫະພັນແມ່ຍິງ ແຂວງໄຊສົມບູນ ຈັດກອງປະຊຸມທາບທາມຮ່າງເນື້ອໃນ ແລະ ບຸກຄະລາກອນ ທີ່ຈະສະໝັກເຂົ້າໃນຄະນະບໍລິຫານງານສູນກາງສະຫະພັນແມ່ຍິງລາວ ສະໄໝທີ IX ຮອບທີ I ຂຶ້ນ ໃນວັນທີ 24 ກໍລະກົດນີ້ ທີ່ຫ້ອງປະຊຸມຫ້ອງວ່າການແຂວງ ໂດຍການເປັນປະທານຂອງ ສະຫາຍ ພົຈວ ບົວພັນ ອິນທະປັນຍາ ຮອງເລຂາພັກແຂວງ ຜູ້ຊີ້ນຳວຽກງານພັກ- ພະນັກງານ.
ຫສປທ ເຜີຍແຜ່ເອກະສານວັນສ້າງຕັ້ງແນວລາວສ້າງຊາດ ແລະ ວັນສ້າງຕັ້ງສະຫະພັນແມ່ຍິງລາວ

ຫສປທ ເຜີຍແຜ່ເອກະສານວັນສ້າງຕັ້ງແນວລາວສ້າງຊາດ ແລະ ວັນສ້າງຕັ້ງສະຫະພັນແມ່ຍິງລາວ

ຫ້ອງວ່າການສຳນັກງານ ປະທານປະເທດ (ຫສປທ) ໄດ້ຈັດກອງປະຊຸມເຜີຍແຜ່ເອກະສານວັນສ້າງຕັ້ງແນວລາວສ້າງຊາດ ຄົບຮອບ 75 ປີ (13 ສິງຫາ 1950 - 13 ສິງຫາ 2025) ແລະ ວັນສ້າງຕັ້ງສະຫະພັນແມ່ຍິງລາວ ຄົບຮອບ 70 ປີ (20 ກໍລະກົດ 1955 - 20 ກໍລະກົດ 2025) ຂຶ້ນໃນວັນທີ 25 ກໍລະກົດນີ້ ທີ່ຫ້ອງປະຊຸມ ຫສປທ, ໂດຍການເປັນປະທານ ແລະ ໃຫ້ກຽດເຜີຍແຜ່ເອກະສານດັ່ງກ່າວຂອງ ສະຫາຍ ອິນທະປັນຍາ ຂຽວວົງພະຈັນ ຮອງເລຂາຄະນະພັກ ຮອງຫົວໜ້າຫ້ອງວ່າການສຳນັກງານປະທານປະເທດ, ມີບັນດາຄະນະພັກ, ຫົວໜ້າກົມ, ຮອງກົມ, ສະມາຊິກພັກ ແລະ ພະນັກງານເຂົ້າຮ່ວມຮັບຟັງ.
ແມ່ຍິງອົງການໄອຍະການ ປະຊາຊົນສູງສຸດ ຍາດໄດ້ຜົນງານອັນພົ້ນເດັ່ນຫຼາຍດ້ານ

ແມ່ຍິງອົງການໄອຍະການ ປະຊາຊົນສູງສຸດ ຍາດໄດ້ຜົນງານອັນພົ້ນເດັ່ນຫຼາຍດ້ານ

ຄືດັ່ງພວກເຮົາຮັບຮູ້ນຳກັນແລ້ວວ່າ ແມ່ຍິງລາວນັບມື້ນັບມີບົດບາດອັນສູງເດັ່ນຂຶ້ນເລື້ອຍໆ ນັບທັງຢູ່ພາຍໃນປະເທດ ແລະ ເວທີສາກົນ. ເນື່ອງໃນໂອກາດສະເຫຼີມສະຫຼອງ ວັນສ້າງຕັ້ງແມ່ຍິງລາວ ຄົບຮອບ 70 ປີ (20 ກໍລະກົດ 1955 - 20 ກໍລະກົດ 2025)ໄດ້ໝູນວຽນມາບັນຈົບຄົບຮອບອີກວາລະໜຶ່ງ.
ອັດຕະປື ທາບທາມບຸກຄະລາກອນຈະສະໝັກເຂົ້າເປັນຄະນະບໍລິຫານງານສູນກາງສະຫະພັນແມ່ຍິງລາວ ສະໄໝທີ lX

ອັດຕະປື ທາບທາມບຸກຄະລາກອນຈະສະໝັກເຂົ້າເປັນຄະນະບໍລິຫານງານສູນກາງສະຫະພັນແມ່ຍິງລາວ ສະໄໝທີ lX

ໃນວັນທີ 23 ກໍລະກົດຜ່ານມາ ທີ່ຫໍປະຊຸມໃຫຍຂອງແຂວງອັດຕະປື, ຄະນະບໍລິຫານງານສະຫະພັນແມ່ແຂວງ ໄດ້ຈັດກອງປະຊຸມທາບທາມ ຮ່າງເນື້ອໃນເອກກະສານກອງປະຊຸມໃຫຍ່ຂອງຄະນະບໍລິຫານງານສູນກາງສະຫະພັນແມ່ຍິງລາວ ສະໄໝທີ lX ແລະ ທາບທາມບຸກຄະລາກອນ ທີ່ຈະອອກສະໝັກເລືອກຕັ້ງ ເປັນຄະນະບໍລິຫານງານສູນກາງສະຫະພັນແມ່ຍິງລາວ ສະໄໝທີ lX, ໂດຍການເປັນປະທານຂອງ ທ່ານ ນາງ ບຸນນານ ບຸນນະແສງ ຄະນະປະຈຳພັກແຂວງ ຫົວໜ້າຄະນະຈັດຕັ້ງແຂວງ.
ກອງປະຊຸມທາບທາມເນື້ອໃນຮ່າງລາຍງານການເມືອງ ແລະ ເເຜນພັດທະນາເສດຖະກິດ-ສັງຄົມ 5 ປີ

ກອງປະຊຸມທາບທາມເນື້ອໃນຮ່າງລາຍງານການເມືອງ ແລະ ເເຜນພັດທະນາເສດຖະກິດ-ສັງຄົມ 5 ປີ

ກອງປະຊຸມທາບທາມເນື້ອໃນ ຮ່າງລາຍງານການເມືອງ ແລະ ເເຜນພັດທະນາເສດຖະກິດ-ສັງຄົມ 5 ປີ (2025-2030) ຮອບທີ 1 ຢູ່ເມືອງວຽງພູຄາ ເເຂວງຫຼວງນໍ້າທາ ໄດ້ຈັດຂຶ້ນໃນວັນທີ 24 ກໍລະກົດນີ້ ຢູ່ທີ່ສະໂມສອນຂອງເມືອງ ໂດຍເປັນປະທານ ຂອງທ່ານ ສີວິໄລ ປັນເເກ້ວ ກໍາມະການປະຈໍາພັກເເຂວງ ຮອງເຈົ້າເເຂວງ.
ການນໍາຂັ້ນສູງເມືອງເງິນ ສືບຕໍ່ຊຸກຍູ້ໃຫ້ກຳລັງໃຈອາສະໝັກ ທີລົງຊ່ວຍເຫຼືອຟື້ນຟູຫຼັງໄພພິບັດ

ການນໍາຂັ້ນສູງເມືອງເງິນ ສືບຕໍ່ຊຸກຍູ້ໃຫ້ກຳລັງໃຈອາສະໝັກ ທີລົງຊ່ວຍເຫຼືອຟື້ນຟູຫຼັງໄພພິບັດ

ວັນທີ 24 ກໍລະກົດນີ້, ທ່ານ ທອງພັນ ສຸກສະຫວັດ ເລຂາຄະນະບໍລິຫານງານພັກເມືອງໆເງິນ ແຂວງໄຊຍະບູລີ ພ້ອມດ້ວຍທີມງານ ໄດ້ລົງຕິດຕາມຊຸກຍູ້ໃຫ້ກຳລັງໃຈບັນດາ ກຳລັງ ປກຊ - ປກສ, ພະນັກງານ, ປະຊາຊົນ ບ້ານຕ່າງໆ ແລະ ຄອບຄົວທີ່ຖືກຜົນກະທົບ
ສະຫາຍເລຂາພັກແຂວງສະຫວັນນະເຂດ ພົບປະໂອ້ລົມພະນັກງານຫຼັກແຫຼ່ງເມືອງໄຊພູທອງ

ສະຫາຍເລຂາພັກແຂວງສະຫວັນນະເຂດ ພົບປະໂອ້ລົມພະນັກງານຫຼັກແຫຼ່ງເມືອງໄຊພູທອງ

ໃນຕອນບ່າຍວັນທີ 23 ກໍລະກົດນີ້, ສະຫາຍ ບຸນໂຈມ ອຸບົນປະເສີດ ກຳມະການສູນກາງພັກ ເລຂາພັກແຂວງ ເຈົ້າແຂວງສະຫວັນນະເຂດ ໄດ້ສືບຕໍ່ລົງເຄື່ອນໄຫວພົບປະໂອ້ລົມ ແລະ ຕິດຕາມຊຸກຍູ້ການຈັດຕັ້ງຜັນຂະຫຍາຍມະຕິກອງປະຊຸມໃຫຍ່ຄັ້ງທີ VI ອົງຄະນະພັກເມືອງໄຊພູທອງ, ໂດຍການຕ້ອນຮັບຂອງສະຫາຍ ນາງ ດາວວອນ ໄຊສຸລຽນ ເລຂາພັກເມືອງໄຊພູທອງ ພ້ອມດ້ວຍຄະນະບໍລິຫານງານພັກເມືອງ.
ນໍ້າບາກ ກັບຜົນສໍາເລັດການນໍາພາວຽກງານຮອບດ້ານໃນໄລຍະ 6 ເດືອນຕົ້ນປີ 2025

ນໍ້າບາກ ກັບຜົນສໍາເລັດການນໍາພາວຽກງານຮອບດ້ານໃນໄລຍະ 6 ເດືອນຕົ້ນປີ 2025

ພາຍໃຕ້ການນໍາພາຂອງອົງຄະນະພັກເມືອງນໍ້າບາກແຂວງຫຼວງພະບາງໃນການຈັດຕັ້ງຜັນຂະ ຫຍາຍມະຕິຂອງກອງປະຊຸມອົງຄະນະພັກເມືອງຄັ້ງທີ X. ແຜນພັດທະນາເສດຖະກິດ-ສັງຄົມຄັ້ງທີ X. ໃນໄລຍະ 6 ເດືອນຕົ້ນປີ 2025 ນີ້, ເມືອງນໍ້າບາກ ຈຶ່ງມີຜົນສໍາເລັດໃນການປົກປັກຮັກສາ-ສ້າງສາເມືອງຂອງຕົນຢ່າງຕໍ່ເນື່ອງເຮັດໃຫ້ເມືອງມີສະຖຽນລະພາບທາງດ້ານການເມືອງຢ່າງໜັກແໜ້ນ ເສດຖະກິດສືບຕໍ່ ຂະຫຍາຍຕົວເປັນລໍາດັບ ເມືອງມີຄວາມສະຫງົບໂດຍພື້ນຖານ ສາມາດແກ້ໄຂປະກົດການຫຍໍ້ທໍ້ຕ່າງໆພາຍໃນເມືອງໄດ້ຢ່າງທັນການ.
ເພີ່ມເຕີມ