ກອງປະຊຸມອົງການປົກຄອງເມືອງເງິນ ປະຈຳປີ 2023 ໄດ້ຈັດຂຶ້ນໃນວັນທີ 8 ມັງກອນນີ້ ທີ່ຫ້ອງວ່າການເມືອງເງິນ ແຂວງໄຊຍະບູລີ ພາຍໃຕ້ການເປັນປະທານຂອງ ທ່ານ ທະວີສັກ ໄຊຍະວົງ ເຈົ້າເມືອງໆເງິນ,ມີຫົວໜ້າຫ້ອງການແລະ ພາກສ່ວນກ່ຽວຂ້ອງເຂົ້າຮ່ວມ.
ກອງປະຊຸມໄດ້ຮັບຟັງການລາຍງານ ການຈັດຕັ້ງປະຕິບັດວຽກງານທີ່ພົ້ນເດັ່ນ ຂອງອົງການປົກຄອງເມືອງ ປະຈຳປີ 2023 ແລະທິດທາງແຜນວຽກຈຸດສຸມປະຈຳປີ 2024 ຊຶ່ງໄດ້ຍົກໃຫ້ເຫັນ ໃນໄລຍະ 1 ປີຜ່ານມາໄດ້ສຸມໃສ່ຈັດຕັ້ງປະຕິບັດບັນດາຄາດໝາຍສູ້ຊົນຢ່າງເປັນລະບົບຕໍ່ເນື່ອງ ດ້ວຍຈິດໃຈບຸກທະລຸ ຊຶ່ງເຮັດໃຫ້ເສດຖະກິດຂອງເມືອງຂະຫຍາຍຕົວໃນລະດັບ 5,38%, ລວມຍອດຜະລິດຕະພັນພາຍໃນ ປະຕິບັດໄດ້ 539,05 ຕື້ກີບ, ສະເລ່ຍຕໍ່ຫົວຄົນ 26,7 ລ້ານກີບ/ຄົນ/ປີ;ຈັດເກັບລາຍຮັບເຂົ້າງົບປະມານໄດ້ທັງໝົດ 9,03 ຕື້ກີບ, ໄດ້ລື່ນແຜນ 40,85% ຂອງແຜນການ,ຄຸ້ມຄອງລາຍຈ່າຍໄດ້ທັງໝົດ 2,56 ຕື້ກີບປະຕິບັດໄດ້ 99,60% ຂອງແຜນການປີ, ສາມາດເບີກຈ່າຍເງິນບໍລິຫານ ແລະອື່ນໆໄດ້ສໍາເລັດ, ອັນພົ້ນເດັ່ນແມ່ນໄດ້ນໍາໃຊ້ລະບົບທັນສະໄໝ (TaxRis) ເຂົ້າໃນການຄຸ້ມຄອງຈັດເກັບລາຍຮັບຢູ່ພາຍໃນເມືອງໄດ້ທັງໝົດ 219 ຫົວໜ່ວຍ;ສໍາຫຼວດຂໍ້ມູນຕອນດິນເພື່ອເຂົ້າລະບົບທັນສະໄໝໄດ້ 3 ບ້ານ ມີ 313 ຕອນ.
ໃນຂະນະທີ່ການຜະລິດກະສິກຳ ເຫັນວ່າເປັນຂະບວນການຟົດຟື້ນ ສາມາດຄໍ້າປະກັນສະບຽງອາຫານໄດ້ຢ່າງພຽງພໍ ການຜະລິດສິນຄ້າກະສິກຳສົ່ງອອກມີປະລິມານເພີ່ມຂຶ້ນພືດທີ່ພົ້ນເດັ່ນແມ່ນມັນຕົ້ນມີເນື້ອທີ່ 2.866,97 ເຮັກຕາປັດຈຸບັນພວມເກັບກູ້ຜົນຜະລິດ,ອັນພົ້ນເດັ່ນແມ່ນໄດ້ຊຸກຍູ້ສົ່ງເສີມໃຫ້ສ້າງຕັ້ງໂຮງງານປຸງແຕ່ງຜົນຜະລິດກະສິກໍາຂັ້ນຕົ້ນ ເຊັ່ນ: ໂຮງອົບແຫ້ງສາລີ,ໝາກເດືອຍ ແລະອື່ນໆ.
ສ່ວນການສົ່ງອອກ-ນໍາເຂົ້າສິນຄ້າຜ່ານດ່ານສາກົນນໍ້າເງິນ ມີມູນຄ່າທັງໝົດ 1.073 ລ້ານໂດລາເທົ່າກັບ 98%ຂອງແຜນການປີ, ໃນນີ້ມູນຄ່າການສົ່ງອອກ 96,160 ໂດລາ ແລະນໍາເຂົ້າ 977 ລ້ານໂດລາ, ອັນພົ້ນເດັ່ນແມ່ນໄດ້ສົມທົບກັບທະນາຄານໃນການຊຸກຍູ້ການນໍາໃຊ້ສະກຸນເງິນກີບ ແລະໄດ້ຜັນຂະຫຍາຍແຈ້ງການ ຂອງທ່ານເຈົ້າແຂວງວ່າດ້ວຍການຄຸ້ມຄອງ, ຈໍາກັດການນໍາເຂົ້າສິນຄ້າທີ່ສາມາດຜະລິດໄດ້ພາຍໃນເມືອງ.
ໄດ້ຂະຫຍາຍໄຟຟ້າເຍືອງທາງລະບົບແສງຕາເວັນໄດ້ 4 ບ້ານ; ດ້ານພື້ນຖານໂຄງລ່າງໄດ້ຮັບການພັດທະນາ ແລະ ກໍ່ສ້າງ-ສ້ອມແປງເສັ້ນທາງຄົມມະນາຄົມເຊື່ອມຕໍ່ພາຍໃນເມືອງ ຫາ ບ້ານ, ເສັ້ນທາງຮ່ອມບັນດາບ້ານເທດສະບານ ແລະເຂດຊົນນະບົດໄດ້ຮັບການປັບປຸງດີຂຶ້ນເປັນກ້າວໆ;ໄດ້ກໍ່ສ້າງຍົກລະດັບປູຢາງ ທາງຮ່ອມພາຍໃນເມືອງມີ 5 ບ້ານ.
ຈາກນັ້ນ, ແຕ່ລະຂະແໜງການຂອງເມືອງ-ບ້ານ ກໍໄດ້ພ້ອມກັນປະກອບຄຳຄິດເຫັນຢ່າງກົງໄປກົງມາເພື່ອຊອກໃຫ້ເຫັນບັນດາຈຸດອ່ອນຂໍ້ຄົງຄ້າງ ເພື່ອພ້ອມກັນແກ້ໄຂໃນຕໍ່ໜ້າ.
ຂ່າວ-ພາບ: ອິນແປງ ແຫວນຄຳ
ກອງປະຊຸມໄດ້ຮັບຟັງການລາຍງານ ການຈັດຕັ້ງປະຕິບັດວຽກງານທີ່ພົ້ນເດັ່ນ ຂອງອົງການປົກຄອງເມືອງ ປະຈຳປີ 2023 ແລະທິດທາງແຜນວຽກຈຸດສຸມປະຈຳປີ 2024 ຊຶ່ງໄດ້ຍົກໃຫ້ເຫັນ ໃນໄລຍະ 1 ປີຜ່ານມາໄດ້ສຸມໃສ່ຈັດຕັ້ງປະຕິບັດບັນດາຄາດໝາຍສູ້ຊົນຢ່າງເປັນລະບົບຕໍ່ເນື່ອງ ດ້ວຍຈິດໃຈບຸກທະລຸ ຊຶ່ງເຮັດໃຫ້ເສດຖະກິດຂອງເມືອງຂະຫຍາຍຕົວໃນລະດັບ 5,38%, ລວມຍອດຜະລິດຕະພັນພາຍໃນ ປະຕິບັດໄດ້ 539,05 ຕື້ກີບ, ສະເລ່ຍຕໍ່ຫົວຄົນ 26,7 ລ້ານກີບ/ຄົນ/ປີ;ຈັດເກັບລາຍຮັບເຂົ້າງົບປະມານໄດ້ທັງໝົດ 9,03 ຕື້ກີບ, ໄດ້ລື່ນແຜນ 40,85% ຂອງແຜນການ,ຄຸ້ມຄອງລາຍຈ່າຍໄດ້ທັງໝົດ 2,56 ຕື້ກີບປະຕິບັດໄດ້ 99,60% ຂອງແຜນການປີ, ສາມາດເບີກຈ່າຍເງິນບໍລິຫານ ແລະອື່ນໆໄດ້ສໍາເລັດ, ອັນພົ້ນເດັ່ນແມ່ນໄດ້ນໍາໃຊ້ລະບົບທັນສະໄໝ (TaxRis) ເຂົ້າໃນການຄຸ້ມຄອງຈັດເກັບລາຍຮັບຢູ່ພາຍໃນເມືອງໄດ້ທັງໝົດ 219 ຫົວໜ່ວຍ;ສໍາຫຼວດຂໍ້ມູນຕອນດິນເພື່ອເຂົ້າລະບົບທັນສະໄໝໄດ້ 3 ບ້ານ ມີ 313 ຕອນ.
ໃນຂະນະທີ່ການຜະລິດກະສິກຳ ເຫັນວ່າເປັນຂະບວນການຟົດຟື້ນ ສາມາດຄໍ້າປະກັນສະບຽງອາຫານໄດ້ຢ່າງພຽງພໍ ການຜະລິດສິນຄ້າກະສິກຳສົ່ງອອກມີປະລິມານເພີ່ມຂຶ້ນພືດທີ່ພົ້ນເດັ່ນແມ່ນມັນຕົ້ນມີເນື້ອທີ່ 2.866,97 ເຮັກຕາປັດຈຸບັນພວມເກັບກູ້ຜົນຜະລິດ,ອັນພົ້ນເດັ່ນແມ່ນໄດ້ຊຸກຍູ້ສົ່ງເສີມໃຫ້ສ້າງຕັ້ງໂຮງງານປຸງແຕ່ງຜົນຜະລິດກະສິກໍາຂັ້ນຕົ້ນ ເຊັ່ນ: ໂຮງອົບແຫ້ງສາລີ,ໝາກເດືອຍ ແລະອື່ນໆ.
ສ່ວນການສົ່ງອອກ-ນໍາເຂົ້າສິນຄ້າຜ່ານດ່ານສາກົນນໍ້າເງິນ ມີມູນຄ່າທັງໝົດ 1.073 ລ້ານໂດລາເທົ່າກັບ 98%ຂອງແຜນການປີ, ໃນນີ້ມູນຄ່າການສົ່ງອອກ 96,160 ໂດລາ ແລະນໍາເຂົ້າ 977 ລ້ານໂດລາ, ອັນພົ້ນເດັ່ນແມ່ນໄດ້ສົມທົບກັບທະນາຄານໃນການຊຸກຍູ້ການນໍາໃຊ້ສະກຸນເງິນກີບ ແລະໄດ້ຜັນຂະຫຍາຍແຈ້ງການ ຂອງທ່ານເຈົ້າແຂວງວ່າດ້ວຍການຄຸ້ມຄອງ, ຈໍາກັດການນໍາເຂົ້າສິນຄ້າທີ່ສາມາດຜະລິດໄດ້ພາຍໃນເມືອງ.
ໄດ້ຂະຫຍາຍໄຟຟ້າເຍືອງທາງລະບົບແສງຕາເວັນໄດ້ 4 ບ້ານ; ດ້ານພື້ນຖານໂຄງລ່າງໄດ້ຮັບການພັດທະນາ ແລະ ກໍ່ສ້າງ-ສ້ອມແປງເສັ້ນທາງຄົມມະນາຄົມເຊື່ອມຕໍ່ພາຍໃນເມືອງ ຫາ ບ້ານ, ເສັ້ນທາງຮ່ອມບັນດາບ້ານເທດສະບານ ແລະເຂດຊົນນະບົດໄດ້ຮັບການປັບປຸງດີຂຶ້ນເປັນກ້າວໆ;ໄດ້ກໍ່ສ້າງຍົກລະດັບປູຢາງ ທາງຮ່ອມພາຍໃນເມືອງມີ 5 ບ້ານ.
ຈາກນັ້ນ, ແຕ່ລະຂະແໜງການຂອງເມືອງ-ບ້ານ ກໍໄດ້ພ້ອມກັນປະກອບຄຳຄິດເຫັນຢ່າງກົງໄປກົງມາເພື່ອຊອກໃຫ້ເຫັນບັນດາຈຸດອ່ອນຂໍ້ຄົງຄ້າງ ເພື່ອພ້ອມກັນແກ້ໄຂໃນຕໍ່ໜ້າ.
ຂ່າວ-ພາບ: ອິນແປງ ແຫວນຄຳ
ຄໍາເຫັນ