ປິດການຈັດຕັ້ງປະຕິບັດໂຄງການພັດທະນາໂຄງລ່າງຊົນນະບົດພາກເໜືອ

15:22 25/03/2024

ກອງປະຊຸມສະຫຼູບປິດການຈັດຕັ້ງປະຕິບັດໂຄງການພັດທະນາໂຄງລ່າງ ຊົນນະບົດພາກເໜືອ-ທຶນເພີ່ມ ປະຈໍາແຂວງຜົ້ງສາລີ ໄດ້ຈັດຂຶ້ນໃນວັນທີ 25 ມີນານີ້ ຢູ່ທີ່ຫ້ອງປະຊຸມຂອງຫ້ອງວ່າການເມືອງບຸນເໜືອ ແຂວງຜົ້ງສາລີ ໂດຍພາຍໃຕ້ການເປັນປະທານຮ່ວມຂອງທ່ານ ສົມຈິດ ສິດທິວົງ ຫົວໜ້າພະແນກກະສິກຳ ແລະ ປ່າໄມ້ແຂວງ ທັງເປັນຮອງປະທານຊີ້ນຳໂຄງການ ພັດທະນາໂຄງລ່າງ ຊົນນະບົດ ຂັ້ນແຂວງ, ທ່ານ ວິນວິໄລ ໄຊຍະພອນ ຮອງຫົວໜ້າກົມ ຊົນລະປະທານ ກະຊວງກະສີກຳ ແລະ ປ່າໄມ້, ມີບັນດາທ່ານຮອງຫົວໜ້າພະແນກການທີ່ກ່ຽວຂ້ອງ, ຮອງເຈົ້າເມືອງເຂົ້າຮ່ວມ.

ທ່ານ ສົມລິດ ຄໍາແສນວົງ ຫົວໜ້າຂະແໜງ ຊົນລະປະທານ ທັງເປັນຫົວໜ້າໜ່ວຍງານ ຄຸ້ມຄອງໂຄງການ ພັດທະນາໂຄງລ່າງຊົນນະບົດ ພາກເໜືອ-ທຶນເພີ່ມ ປະຈໍາແຂວງຜົ້ງສາລີ ໄດ້ສະຫຼູບລາຍງານກ່ຽວກັບການຈັດຕັ້ງປະຕິບັດໂຄງການໃນໄລຍະທີ່ຜ່ານມາວ່າ: ໂຄງການດັ່ງກ່າວ ແມ່ນໄດ້ຈັດຕັ້ງປະຕິບັດຢູ່ 3 ເມືອງຂອງແຂວງຜົ້ງສາລີ ຄື: ເມືອງບຸນເໜືອ, ບຸນໃຕ້ ແລະ ເມືອງຍອດອູ ໄດ້ເລີ່ມຈັດຕັ້ງປະຕິບັດມາແຕ່ປີ 2017 ລວມມູນຄ່າຂອງໂຄງການທັງໝົດ 37,6 ລ້ານໂດລາ. ໃນນີ້, ທຶນຊ່ວຍເຫຼື່ອລ້າຈາກທະນາຄານພັດທະນາອາຊີ ຫຼື (ADB) ຈຳນວນ 35,6 ລ້ານໂດລາ ແລະ ທຶນຂອງລັດຖະບານລາວ 2 ລ້ານໂດລາ, ມີຈຳນວນ 30 ບ້ານ ແລະ 1.649 ຄອບຄົວ ທີ່ໄດ້ຮັບຜົນປະໂຫຍດໂດຍກົງຈາກໂຄງການນີ້. ຈຸດປະສົງຫຼັກຂອງໂຄງການແມ່ນເພື່ອປັບປຸງ ແລະ ກໍ່ສ້າງຊົນລະປະທານເຂດທີ່ມີເງື່ອນໄຂ ເພື່ອຮັບປະກັນການສະໜອງນໍ້າໃຫ້ພຽງພໍຕໍ່ການຜະລິດໃນລະດູຝົນ ແລະ ລະດູແລ້ງ, ເພື່ອສ້າງແນວຄິດລິເລີ່ມໃຫ້ປະຊາຊົນ ໃນການດໍາເນີນການຜະລິດກະສິກຳ ໃຫ້ກາຍເປັນສິນຄ້າ ແກ້ໄຂສະພາບຄວາມທຸກຍາກຂອງປະຊາຊົນໃນເຂດພື້ນທີ່ໂຄງການ ເຮັດໃຫ້ຊີວິດການເປັນຢູ່ຂອງເຂົາເຈົ້າດີຂຶ້ນ.

ກິດຈະກຳຫຼັກທີ່ໂຄງການໄດ້ຈັດຕັ້ງປະຕິບັດ ແມ່ນສໍາເລັດການກໍ່ສ້າງ ແລະ ຟື້ນຟູລະບົບຊົນລະປະທານ ຈໍານວນ 6 ໂຄງການ ຢູ່ 3 ເມືອງດັ່ງກ່າວ, ສໍາເລັດການກໍ່ສ້າງຫ້ອງການສະມາຄົມຜູ້ນໍາໃຊ້ນໍ້າ ໂຄງການຊົນລະປະທານ ນໍ້າລານ-ນໍ້າແຫງນ ບ້ານນາຫວາຍ ເມືອງບຸນໃຕ້ ຈໍານວນ 1 ຫຼັງ ຂະໜາດ 8x12m ຕໍ່ຫຼັງ; ສໍາເລັດການກໍ່ສ້າງຫ້ອງການກຸ່ມຜູ້ນໍາໃຊ້ນໍ້າ ໂຄງການຊົນລະປະທານ ຫ້ວຍລາບ ບ້ານເພຍເຫຼັກ ເມືອງບຸນໃຕ້ ຈໍານວນ 1 ຫຼັງ ຂະໜາດ 8x12m ຕໍ່ຫຼັງ, ສໍາເລັດການກໍ່ສ້າງຫ້ອງການປະສານງານ ໂຄງການ ພຄຊ ເມືອງບຸນ ເໜືອ, ສໍາເລັດການກໍ່ສ້າງເຮືອນຮົ່ມ (ໂຄງເຫຼັກ) ທີ່ສູນ ບ້ານຢໍ້ ເມືອງບຸນເໜືອ ຈໍານວນ 5 ຫຼັງ ຂະໜາດ 6x30,8m ຕໍ່ຫຼັງ. ໃນກອງປະຊຸມຜູ້ເຂົ້າຮ່ວມໄດ້ພ້ອມກັນປະກອບຄຳຄິດຄຳເຫັນຕໍ່ການຈັດຕັ້ງປະຕິບັດໂຄງການດັ່ງກ່າວທີ່ເຫັນວ່າຍັງພົບຄວາມຫຍຸ້ງຍາກ, ຂໍ້ຄົງຄ້າງ ແລະ ບົດຮຽນທີ່ຖອດຖອນໄດ້.

(ພາບ - ຂ່າວ: ແສງຄຳ ສາລີວັນ)

ຄໍາເຫັນ

ຂ່າວວັດທະນະທຳ-ສັງຄົມ

ນາງສັງຂານເອກະລັກສະເພາະຊາວເມືອງຫຼວງພະບາງ ປະເພນີສືບທອດກັນມາໃນບຸນປີ ໃໝ່ລາວ

10/04/2026 11:10

ຕາມການເລົ່າຂານຕໍ່ກັນມາໃນຕຳລາໂຫລາສາດ ການເຮັດບຸນເດືອນ 5 ຫຼື ສະເຫຼີມສະຫຼອງບຸນກຸດສົງ ການ ຫຼື ຕຸດສົງການປີໃໝ່ລາວ ແມ່ນມີລັກສະນະເຈືອປົນກັນ ລະຫວ່າງສາສະໜາພາມ ແລະ ສາສະໜາພຸດຖືເປັນບຸນປະເພນີຂອງປະເທດລາວຂອງເຮົາທີ່ມີແຕ່ບູຮານນະການ ສືບທອດກັນມາຕັ້ງແຕ່ຍຸກກ່ອນໆ ແຕ່ສະໄໝບູຮານຈົນມາຮອດປັດຈຸບັນ ໂດຍກຳນົດ 3 ມື້ ຄື 14-15-16 ເມສາຂອງທຸກໆປີ

ບໍລິສັດ ເບຍລາວ ຈຳກັດ ເປີດໂຄງການຂະຫຍາຍກຳລັງການຜະລິດໄລຍະຍາວ LDP1

10/04/2026 11:09

ພິທີເປີດນໍາໃຊ້ໂຄງການຂະຫຍາຍກຳລັງການຜະລິດໄລຍະຍາວ ບໍລິສັດ ເບຍລາວ ຈຳກັດ ໄລຍະທີ 1 (LDP1) ຂັບເຄື່ອນການເຕີບໂຕແບບຍືນຍົງ ຈັດຂຶ້ນໃນວັນທີ 9 ເມສາ ນີ້ ຊຶ່ງໂຄງການດັ່ງກ່າວ ເປັນສ່ວນໜຶ່ງ ຂອງແຜນພັດທະນາ 10 ປີ ບໍລິສັດ ເບຍລາວ ຈຳກັດ ເພື່ອສ້າງຄວາມເຂັ້ມແຂງໃຫ້ແກ່ຂະແໜງອຸດສາຫະກຳ ແລະ ຄວາມຄ່ອງຕົວທາງດ້ານເສດຖະກິດຂອງ ສປປ ລາວ,

ຫຼາຍພາກສ່ວນມອບເງິນຊ່ວຍເຫຼືອແກ້ໄຂຄວາມທຸກຍາກ ແລະ ຜົນກະທົບຈາກພາຍຸໝາກເຫັບ

10/04/2026 09:48

ພິທີມອບ-ຮັບເງິນຊ່ວຍເຫຼືອ ຈາກພາກທຸລະກິດ ເພື່ອນຳໃຊ້ເຂົ້າໃນການແກ້ໄຂຄວາມທຸກຍາກຂອງປະຊາຊົນ ຢູ່ແຂວງຄຳມ່ວນ ແລະ ແກ້ໄຂຜົນກະທົບຈາກພາຍຸໝາກເຫັບ ຢູ່ນະຄອນຫຼວງວຽງຈັນ ຈັດຂຶ້ນໃນວັນທີ 8 ເມສານີ້ ທີ່ສຳນັກງານນານົກລັດຖະມົນຕີ,ຕາງໜ້າຮັບໂດຍ ທ່ານ ໄຊຊະນະ ໂຄດພູທອນ ເລຂາພັກແຂວງຄໍາມ່ວນ ແລະ ທ່ານ ສິລີລາດທົງສິນ ທອງເພັງ ປະທານຄະນະກຳມະການປົກຄອງນະຄອນຫຼວງວຽງຈັນ, ໂດຍມີ ທ່ານ ພົນເອກ ຄຳລຽງ ອຸທະໄກສອນ ຮອງນາຍົກລັດຖະມົນຕີລັດຖະມົນຕີກະຊວງປ້ອງກັນປະເທດ ເຂົ້າຮ່ວມເປັນສັກຂີພິຍານ.

ຄອສພ ສະຫຼອງສົ່ງທ້າຍປີເກົ່າ ພສ 2568-ຕ້ອນຮັບປີໃໝ່ລາວ ພສ 2569

10/04/2026 09:37

ຄະນະໂຄສະນາອົບຮົມສູນກາງພັກ (ຄອສພ) ໄດ້ຈັດພິທີສະຫຼອງສົ່ງທ້າຍປີ ເກົ່າ ພສ 2568 ແລະ ຕ້ອນຮັບປີໃໝ່ລາວ ພສ 2569 ຂຶ້ນໃນວັນທີ 9 ເມສານີ້, ທີ່ ຄອສພ ໂດຍການເປັນກຽດເຂົ້າຮ່ວມຂອງ ພະອາຈານຖາວອນ ໄທພິມມະທອງ ປະທານສົງວັດຈັນທະບູລີສີສັດຕະນະພຸດ, ມີ ທ່ານ ຄໍາພັນ ເຜີຍຍະວົງ ກຳມະການກົມການເມືອງສູນກາງພັກ ເລຂາຄະນະບໍລິຫານງານພັກ ຫົວໜ້າ ຄອສພ, ພ້ອມ ດ້ອຍພັນລະຍາ, ມີພະເຖລານຸເຖລະ, ບັນ ດາຮອງຫົວໜ້າ ຄອສພ, ຫົວໜ້າກົມ-ຮອງ ກົມ, ອະດີດພະນັກງານອາວຸໂສບໍານານ, ພະນັກງານ-ລັດຖະກອນ, ແຂກຖືກເຊີນ ເຂົ້າຮ່ວມຢ່າງເປັນຂະບວນຟົດຟື້ນ.

ຖະແຫຼງການຂອງໂຄສົກກະຊວງການຕ່າງປະເທດ ລາວ ຕໍ່ຂໍ້ຕົກລົງຢຸດຍິງ ລະຫວ່າງ ສາທາລະນະລັດ ອິດສະລາມ ອີຣານແລະ ສ.ອາເມຣິກາ

09/04/2026 11:15

ສາທາລະນະລັດ ປະຊາທິປະໄຕ ປະຊາຊົນລາວ ມີຄວາມຍິນດີຕໍ່ການບັນລຸຂໍ້ຕົກລົງຢຸດຍິງ ເປັນເວລາ 2 ອາທິດ ລະຫວ່າງ ສາທາລະນະລັດ ອິດສະລາມ ອີຣານ ແລະ ສະຫະລັດ ອາເມຣິກາ ໃນວັນທີ 7 ເມສາ 2026 ຜ່ານມາ ຊຶ່ງຖືເປັນບາດກ້າວອັນສຳຄັນ ໃນການຫຼຸດຜ່ອນຄວາມເຄັ່ງຕຶງຢູ່ໃນພາກພື້ນ ແລະ ໃນໂລກ.

ສສກ ກວດຜ່ານ ແລະ ຮັບຮອງເນື້ອໃນປຶ້ມປະຫວັດວັນນະຄະດີລາວ

09/04/2026 10:39

ສະຖາບັນຄົ້ນຄວ້າວິທະຍາສາດການສຶກສາ (ສວສ) ກະຊວງສຶກສາທິການ ແລະ ກິລາ (ສສກ) ຈັດກອງປະຊຸມຮັບຮອງເນື້ອໃນປຶ້ມປະຫວັດວັນນະຄະດີລາວໄລຍະປີ 1986-2025 ໃນວັນທີ 6 ເມສາຜ່ານມາ ທີ່ ສວສ ໂດຍໃຫ້ກຽດເປັນປະທານຂອງທ່ານ ນາງ ດາລາວອນ ກິດຕິພັນ ຮອງລັດຖະມົນຕີ ກະຊວງ ສສກ, ມີທ່ານ ວົງເພັດ ອຸດົມລິດ ຜູ້ອຳນວຍການ ສວສ ພ້ອມດ້ວຍອະດີດການນຳ ສສກ, ສວສ, ຫົວໜ້າກົມປະກັນຄຸນນະພາບການສຶກສາ ຄະນະອັກສອນສາດ ມຊ, ວິທະຍາໄລສົງອົງຕື້, ສະມາຄົມສົ່ງເສີມການອະນຸລັກສິລະປະວັນນະຄະດີ ຄະນະຮຽບຮຽງ, ຄະນະກວດແກ້ ແລະ ຄະນະຮັບຜິດຊອບເຂົ້າຮ່ວມ.

ນວ ຈະສືບຕໍ່ຕອບໂຕ້-ຟື້ນຟູ ຫຼັງໄພພິບັດພາຍຸໝາກເຫັບຕົກ

09/04/2026 10:30

ພິທີຖະແຫຼງຂ່າວກ່ຽວກັບການ ຕອບໂຕ້ ແລະ ຟື້ນຟູຫຼັງໄພພິບັດເຫດ ການພາຍຸໝາກເຫັບຕົກຢູ່ເມືອງສີໂຄດຕະບອງ ແລະ ເມືອງນາຊາຍທອງໃນ ວັນທີ 22 ມີນາ 2026 ໄດ້ຈັດຂຶ້ນໃນ ວັນທີ 8 ເມສານີ້ ທີ່ ນວ ໂດຍໃຫ້ກຽດຖະແຫຼງຂ່າວຂອງທ່ານ ສາລະພິດ ສູນວໍລະວົງ ຫົວໜ້າພະແນກແຮງງານ ແລະ ສະຫວັດດີການສັງຄົມ (ຮສສ) ນວ ຮອງປະທານຜູ້ປະຈໍາ ການຄະນະກໍາມະການຄຸ້ມຄອງໄພພິບັດຂັ້ນ ນວ, ມີຕາງໜ້າຄະນະກໍາມະ ການປົກຄອງເມືອງສີໂຄດຕະບອງ, ເມືອງນາຊາຍທອງ, ລັດວິສາຫະກິດ ໄຟຟ້າລາວ, ນໍ້າປະປາ ນວ, ຫ້ອງການຄຸ້ມຄອງ ແລະ ບໍລິຫານຕົວເມືອງວຽງຈັນ ພ້ອມດ້ວຍສື່ມວນຊົນເຂົ້າຮ່ວມ.

ເຊັນບົດບັນທຶກຄວາມເຂົ້າໃຈເພື່ອສຶກສາຄວາມເປັນໄປໄດ້ ໂຄງການສ້າງພິພິທະພັນສັດນໍ້າ

09/04/2026 10:26

ໃນວັນທີ 7 ເມສາ ຜ່ານມາ ໄດ້ມີພິທີເຊັນບົດບັນທຶກຄວາມເຂົ້າໃຈ (MOU) ເພື່ອສຶກສາຄວາມເປັນໄປໄດ້ໃນໂຄງການສ້າງພິພິທະພັນສັດນໍ້າ ໃນ ສປປ ລາວ ຂຶ້ນ ທີ່ນະຄອນຫຼວງວຽງຈັນ ຊຶ່ງເປັນໂຄງການຮ່ວມມືລະຫວ່າງ ກະຊວງກະສິກໍາ ແລະ ສິ່ງແວດລ້ອມ ແລະ ບໍລິສັດ ວິທະຍາສາດ ແລະ ເຕັກໂນໂລຊີ ກະສິກໍາ ຫົງຫຼົງ (ຫາງໂຈ) ຈໍາກັດ.

ສະຫຼອງບຸນປີໃໝ່ລາວປີນີ້ ບົນພື້ນຖານການປະຢັດມັດທະຍັດ

09/04/2026 10:23

ບຸນສົ່ງທ້າຍປີເກົ່າ ແລະ ຕ້ອນຮັບປີໃໝ່ (ບຸນສົງການ) ລາວປະຈຳປີ 2026 ທີ່ໃກ້ຈະມາເຖິງໃນ ມໍ່ໆນີ້, ປີນີ້ໄດ້ກຳນົດການສະເຫຼີມສະຫຼອງເປັນເວລາ 3 ວັນ (ກົງກັບວັນທີ 14, 15 ແລະ 16), ໃນຂະນະດຽວກັນໃນການສະເຫຼີມສະຫຼອງບຸນປີໃໝ່ປີນີ້, ຕ້ອງໃຫ້ຮັກສາໄດ້ຄວາມເປັນລະບຽບຮຽບຮ້ອຍຕາມຮີດຄອງປະເພນີທີ່ເຄີຍປະຕິບັດກັນມາ, ໃນນັ້ນການຈັດງານສະເຫຼີມສະຫຼອງຕ້ອງບົນພື້ືນຖານການປະຢັດມັດທະຍັດ ແລະ ໃຊ້ຈ່າຍຢ່າງມີເຫດມີຜົນ ແລະ ມີແບບແຜນຢ່າງຄັກແນ່ ຫຼີກລ່ຽງການໃຊ້ຈ່າຍແບບຟຸ່ມເຟືອຍ.