ທ່ານ ພັນເອກ ກົງຈັນ ໄຊປັນຍາ ຫົວໜ້າກອງບັນຊາການປ້ອງກັນຄວາມສະຫງົບ (ປກສ) ແຂວງບໍລິຄຳໄຊ ໄດ້ໃຫ້ສຳພາດຕໍ່ນັກຂ່າວໜັງສືພິມປະຊາຊົນໃນວັນທີ 4 ມີນາຜ່ານມາ ທີ່ກອງບັນຊາການແຂວງ ຕໍ່ກັບການຈັດ ຕັ້ງປະຕິບັດວາລະແຫ່ງຊາດ ວ່າດ້ວຍການແກ້ໄຂບັນຫາຢາເສບຕິດ.
ທ່ານໃຫ້ຮູ້ວ່າ: ຕາມທິດຊີ້ນຳຂອງສູນກາງພັກໃຫ້ສືບຕໍ່ຈັດຕັ້ງປະຕິບັດວາລະແຫ່ງຊາດ ວ່າດ້ວຍການແກ້ໄຂບັນຫາຢາເສບຕິດນັບແຕ່ປີ 2024-2025. ເມື່ອໄດ້ຮັບທິດຊີ້ນຳທາງກອງບັນຊາການ ປກສ ແຂວງໄດ້ນຳເອົາທິດທາງດັ່ງກ່າວເຂົ້າພົບປະທານປ້ອງກັນຊາດ-ປ້ອງກັນຄວາມສະຫງົບ ແລະ ລາຍງານແຜນສືບຕໍ່ວາລະແຫ່ງຊາດ ວ່າດ້ວຍການແກ້ໄຂບັນຫາຢາເສບຕິດ. ມາເຖິງປັດຈຸບັນແຂວງບໍລິຄຳໄຊໄດ້ເປີດກອງປະຊຸມສະຫຼຸບ ແລະ ວາງແຜນການແຕ່ປີ 2024-2025 ເພື່ອສືບຕໍ່ 5 ວຽກຈຸດສຸມ ໂດຍສະເພາະວຽກທີໜຶ່ງ ສືບຕໍ່ໂຄສະນາບັນດານິຕິກຳອື່ນໆ ແລະ ປັບປຸງນິຕິກຳທີ່ເຫັນວ່າຍັງບໍ່ທັນສອດຄ່ອງ ແລະ ສືບຕໍ່ໂຄສະນາຜົນຮ້າຍຂອງຢາເສບຕິດຢູ່ບັນດາຊຸມຊົນ, ຈຸດຫຼໍ່ແຫຼມຂັ້ນບ້ານ; ວຽກທີສອງ ສືບຕໍ່ບັນດາແຜນເລິກຮື້ຜູ້ທີ່ພົວພັນກັບຢາເສບຕິດ ໂດຍສະເພາະແຜນອັດປ່ອງຂ້າມລອຍຢາເສບຕິດ, ເລິກຮື້ບັນດາເປົ້າໝາຍທີ່ພົວພັນຢາເສບຕິດນັບແຕ່ການມົ້ວສຸມ, ການເສບ, ການຜະລິດ, ການມີຢາເສບຕິດໄວ້ໃນຄອບຄອງ ແລະ ອື່ນໆ; ວຽກທີສາມ ສືບຕໍ່ປັບປຸງສູນບຳບັດຢາເສບຕິດຂອງແຂວງ ຊຶ່ງມີຜູ້ເຂົ້າບຳບັດຢາເສບຕິດເກືອບ 1.000 ຄົນ ຍິງ 10 ກວ່າຄົນ. ຜ່ານການຈັດຕັ້ງປະຕິບັດມີຫຼາຍຄົນຢຸດເຊົາມອບໃຫ້ຄອບຄົວສຶກສາອົບຮົມໃຫ້ກາຍເປັນພົນລະເມືອງດີ; ສືບຕໍ່ປະສານກັບບັນດາອົງການຈັດຕັ້ງພາກລັດ-ເອກະຊົນ ກໍຄືການພົວພັນຮ່ວມມືກັບຕ່າງປະເທດເພື່ອແລກປ່ຽນຂໍ້ມູນຜູ້ທີ່ພົວພັນກັບຢາເສບຕິດ ໂດຍສະເພາະປະເທດໄທ, ຕັ້ງໜ່ວຍປະຈຳພື້ນທີ່ເພື່ອປະສານງານແກ້ໄຂບັນຫາຢາເສບຕິດ, ສ່ວນປະເທດຫວຽດນາມໄດ້ປະສານສົມທົບກັບເຈົ້າໜ້າທີ່ຕຳຫຼວດແຂວງເຫງະອານ, ຮ່າຕິ່ງ ຫຼື ທະຫານຊາຍແດນທັງສອງແຂວງເປັນປະຈຳ ພິເສດສາມາດມ້າງຄະດີຢາເສບຕິດໄດ້ຫຼາຍລາຍ.
ນອກຈາກນັ້ນ, ໄດ້ປະສານສົມທົບກັບບັນດາກະຊວງກ່ຽວຂ້ອງ ພິເສດແຂວງບໍລິຄຳໄຊໄດ້ສ້າງຄອບຄົວ ແລະ ບ້ານປອດຢາເສບຕິດ ມາຮອດປັດຈຸບັນໄດ້ເປັນຂະບວນການໃນແຕ່ລະເມືອງໄດ້ມີຂໍ້ແຂ່ງຂັນສ້າງຄອບຄົວ ແລະ ບ້ານປ້ອງກັນຢາເສບຕິດ ການສ້າງຕັ້ງຂໍ້ແຂ່ງຂັນດັ່ງກ່າວເພື່ອເປັນການປະເມີນຜົນການຈັດຕັ້ງປະຕິບັດວາລະແຫ່ງຊາດ ວ່າເມືອງໃດທີ່ຈະມາເປົ້າໝາຍຢາເສບຕິດຫຼຸດໜ້ອຍຖອຍລົງ ຕອນທ້າຍປີ 2025 ນີ້ຈະມີການກວດກາ ແລະ ປະເມີນຜົນການຈັດຕັ້ງວາລະແຫ່ງຊາດວ່າມັນເພີ່ມຂຶ້ນ ຫຼື ຫຼຸດລົງ, ສະແດງອອກຜູ້ເສບຫຼຸດລົງ, ຜູ້ຂາຍຫຼຸດລົງສະແດງວ່າພວກເຮົາຈັດຕັ້ງປະຕິບັດໄປຖຶກທາງ.
ຂ່າວ: ພູວັນ, ພາບ: ແສງຈັນ
ທ່ານໃຫ້ຮູ້ວ່າ: ຕາມທິດຊີ້ນຳຂອງສູນກາງພັກໃຫ້ສືບຕໍ່ຈັດຕັ້ງປະຕິບັດວາລະແຫ່ງຊາດ ວ່າດ້ວຍການແກ້ໄຂບັນຫາຢາເສບຕິດນັບແຕ່ປີ 2024-2025. ເມື່ອໄດ້ຮັບທິດຊີ້ນຳທາງກອງບັນຊາການ ປກສ ແຂວງໄດ້ນຳເອົາທິດທາງດັ່ງກ່າວເຂົ້າພົບປະທານປ້ອງກັນຊາດ-ປ້ອງກັນຄວາມສະຫງົບ ແລະ ລາຍງານແຜນສືບຕໍ່ວາລະແຫ່ງຊາດ ວ່າດ້ວຍການແກ້ໄຂບັນຫາຢາເສບຕິດ. ມາເຖິງປັດຈຸບັນແຂວງບໍລິຄຳໄຊໄດ້ເປີດກອງປະຊຸມສະຫຼຸບ ແລະ ວາງແຜນການແຕ່ປີ 2024-2025 ເພື່ອສືບຕໍ່ 5 ວຽກຈຸດສຸມ ໂດຍສະເພາະວຽກທີໜຶ່ງ ສືບຕໍ່ໂຄສະນາບັນດານິຕິກຳອື່ນໆ ແລະ ປັບປຸງນິຕິກຳທີ່ເຫັນວ່າຍັງບໍ່ທັນສອດຄ່ອງ ແລະ ສືບຕໍ່ໂຄສະນາຜົນຮ້າຍຂອງຢາເສບຕິດຢູ່ບັນດາຊຸມຊົນ, ຈຸດຫຼໍ່ແຫຼມຂັ້ນບ້ານ; ວຽກທີສອງ ສືບຕໍ່ບັນດາແຜນເລິກຮື້ຜູ້ທີ່ພົວພັນກັບຢາເສບຕິດ ໂດຍສະເພາະແຜນອັດປ່ອງຂ້າມລອຍຢາເສບຕິດ, ເລິກຮື້ບັນດາເປົ້າໝາຍທີ່ພົວພັນຢາເສບຕິດນັບແຕ່ການມົ້ວສຸມ, ການເສບ, ການຜະລິດ, ການມີຢາເສບຕິດໄວ້ໃນຄອບຄອງ ແລະ ອື່ນໆ; ວຽກທີສາມ ສືບຕໍ່ປັບປຸງສູນບຳບັດຢາເສບຕິດຂອງແຂວງ ຊຶ່ງມີຜູ້ເຂົ້າບຳບັດຢາເສບຕິດເກືອບ 1.000 ຄົນ ຍິງ 10 ກວ່າຄົນ. ຜ່ານການຈັດຕັ້ງປະຕິບັດມີຫຼາຍຄົນຢຸດເຊົາມອບໃຫ້ຄອບຄົວສຶກສາອົບຮົມໃຫ້ກາຍເປັນພົນລະເມືອງດີ; ສືບຕໍ່ປະສານກັບບັນດາອົງການຈັດຕັ້ງພາກລັດ-ເອກະຊົນ ກໍຄືການພົວພັນຮ່ວມມືກັບຕ່າງປະເທດເພື່ອແລກປ່ຽນຂໍ້ມູນຜູ້ທີ່ພົວພັນກັບຢາເສບຕິດ ໂດຍສະເພາະປະເທດໄທ, ຕັ້ງໜ່ວຍປະຈຳພື້ນທີ່ເພື່ອປະສານງານແກ້ໄຂບັນຫາຢາເສບຕິດ, ສ່ວນປະເທດຫວຽດນາມໄດ້ປະສານສົມທົບກັບເຈົ້າໜ້າທີ່ຕຳຫຼວດແຂວງເຫງະອານ, ຮ່າຕິ່ງ ຫຼື ທະຫານຊາຍແດນທັງສອງແຂວງເປັນປະຈຳ ພິເສດສາມາດມ້າງຄະດີຢາເສບຕິດໄດ້ຫຼາຍລາຍ.
ນອກຈາກນັ້ນ, ໄດ້ປະສານສົມທົບກັບບັນດາກະຊວງກ່ຽວຂ້ອງ ພິເສດແຂວງບໍລິຄຳໄຊໄດ້ສ້າງຄອບຄົວ ແລະ ບ້ານປອດຢາເສບຕິດ ມາຮອດປັດຈຸບັນໄດ້ເປັນຂະບວນການໃນແຕ່ລະເມືອງໄດ້ມີຂໍ້ແຂ່ງຂັນສ້າງຄອບຄົວ ແລະ ບ້ານປ້ອງກັນຢາເສບຕິດ ການສ້າງຕັ້ງຂໍ້ແຂ່ງຂັນດັ່ງກ່າວເພື່ອເປັນການປະເມີນຜົນການຈັດຕັ້ງປະຕິບັດວາລະແຫ່ງຊາດ ວ່າເມືອງໃດທີ່ຈະມາເປົ້າໝາຍຢາເສບຕິດຫຼຸດໜ້ອຍຖອຍລົງ ຕອນທ້າຍປີ 2025 ນີ້ຈະມີການກວດກາ ແລະ ປະເມີນຜົນການຈັດຕັ້ງວາລະແຫ່ງຊາດວ່າມັນເພີ່ມຂຶ້ນ ຫຼື ຫຼຸດລົງ, ສະແດງອອກຜູ້ເສບຫຼຸດລົງ, ຜູ້ຂາຍຫຼຸດລົງສະແດງວ່າພວກເຮົາຈັດຕັ້ງປະຕິບັດໄປຖຶກທາງ.
ຂ່າວ: ພູວັນ, ພາບ: ແສງຈັນ
ຄໍາເຫັນ