ໃນລະຫວ່າງ ທ້າຍເດືອນ ມັງກອນ-ຕົ້ນເດືອນ ກຸມພາ 2024 ເຈົ້າໜ້າທີ່ພະແນກຕໍ່ຫຼວດ ປກສ ເມືອງລອງ ແຂວງຫຼວງນ້ຳທາ ໄດ້ຮັບແຈ້ງຄວາມຈາກພົນລະເມືອງດີ ວ່າມີກຸ່ມຄົນມົ້ວສຸມ-ຂາຍຢາເສບຕິດ ໃນຂອບເຂດ ເມືອງລອງ. ດັ່ງນັ້ນ, ຈຶ່ງໄດ້ແຕ່ງຕັ້ງພະນັກງານວິຊາສະເພາະ ເຄື່ອນໄຫວຂອບເຂດຄວາມຮັບຜິດຊອບ ສາມາດກັກຜູ້ຖືກຫາໄດ້ 6 ຄົນ ພ້ອມຍຶດຂອງກາງຢາເສບຕິດປະເພດຢາບ້າ ຈໍານວນ 961 ເມັດ.
ທ່ານ ພັນຕີ ບຸນມີ ສຸທະວົງ ຮອງຫົວໜ້າພະແນກ ປກສ ເມືອງລອງ ໄດ້ໃຫ້ຮູ້ວ່າ: ໄລຍະຜ່ານມາ ແມ່ນໄດ້ເອົາໃຈໃສ່ຕິດຕາມກຸ່ມເປົ້າໝາຍຢາເສບຕິດມາດົນແລ້ວ ແຕ່ກໍ່ບໍ່່ສາມາດກັກຕົວພວກກ່ຽວໄດ້. ຈົນມາຮອດ ວັນທີ 15 ມັງກອນ 2024 ຈຶ່ງສາມາດກັກຕົວທ້າວ ແພວຈາ ອາຍຸ 28 ປີ ປະຊາຊົນ ຢູ່ບ້ານແສນຂັນຄໍາໃໝ່ ພ້ອມຂອງກາງຢາບ້າ 159 ເມັດ; ທ້າວ ໄມ ຄຳນວນ ອາຍຸ 51 ປີ ປະຊາຊົນ ຢູ່ບ້ານຊຽງກົກເກົ່າ (ຖືກກັກຕົວໃນວັນທີ 17 ມັງກອນ 2024) ພ້ອມຂອງກາງຢາບ້າ 404 ເມັດ; ທ້າວ ຢາທູ ອາຍຸ 30 ປີ ປະຊາຊົນ ຢູ່ບ້ານກົກມ່ວງ (ຖືກກັກຕົວໃນວັນທີ 18 ມັງກອນ 2024) ພ້ອມຂອງກາງຢາບ້າ 117 ເມັດ; ທ້າວ ລືວາ ອາຍຸ 52 ປີ ພ້ອມຂອງກາງຢາບ້າ 187 ເມັດ ແລະ ທ້າວ ຄົວເນັງ ອາຍຸ 52 ປີ ພ້ອມຂອງກາງຢາບ້າ 83 ເມັດ ທັງສອງແມ່ນປະຊາຊົນ ບ້ານຫົວຂົວ II (ຖືກກັກຕົວໃນວັນທີ 26 ມັງກອນ 2024); ທ້າວ ບຸນສີ ອາຍຸ 18 ປີ ອາຊີບເຮັດໄຮ່ ຢູ່ບ້ານຫ້ວຍກຸ້ມ ພ້ອມຂອງກາງຢາບ້າ 11 ເມັດ (ຖືກກັກຕົວໃນວັນທີ 7 ກຸມພາ 2024), ຜູ້ຖືກຫາທັງ 6 ຄົນ ແມ່ນຢູ່ເມືອງລອງ ແຂວງຫຼວງນ້ຳທາ.
ຜ່ານການສອບສວນຂອງເຈົ້າໜ້າທີ່ ພວກກ່ຽວທັງ 6 ຄົນ ຮັບສາລະພາບວ່າ: ຢາບ້າທີ່ທາງເຈົ້າໜ້າທີ່ກວດພົບ ແລະ ຍຶດໄວ້ນັ້ນ ແມ່ນຂອງພວກກ່ຽວແທ້ ໄລຍະຜ່ານມາໄດ້ເຄື່ອນໄຫວພົວພັນຊື້ນຳຄູ່ຮ່ວມຂະບວນການດຽວກັນ, ຊຶ່ງຢາບ້າທີ່ຊື້ມານັ້ນ ກໍເພື່ອມາເສບ ແລະ ຂາຍຍ່ອຍໃຫ້ກຸ່ມໄວລຸ້ນ ຢູ່ພາຍໃນບ້ານ. ປັດຈຸບັນ ຜູ້ຖືກຫາທັງ 6 ຄົນ ເຈົ້າໜ້າທີ່ພະແນກຕຳຫຼວດ ປກສ ເມືອງລອງ ພ້ອມຂອງກາງຢາເສບຕິດ ປະເພດຢາບ້າ ຈຳນວນ 961 ເມັດ ແມ່ນໄດ້ມອບໃຫ້ເຈົ້າໜ້າທີ່ທີ່ກ່ຽວຂ້ອງ ກອງບັນຊາການ ປກສ ແຂວງ ສືບສວນຂະຫຍາຍຜົນຫາກຸ່ມແກ້ງ ມາດຳເນີນຄະດີຕາມລະບຽບກົດໝາຍ.
(ຂ່າວ: ສຸລິພັນ, ນັກຂ່າວ ປກສ ເມືອງລອງ)
ທ່ານ ພັນຕີ ບຸນມີ ສຸທະວົງ ຮອງຫົວໜ້າພະແນກ ປກສ ເມືອງລອງ ໄດ້ໃຫ້ຮູ້ວ່າ: ໄລຍະຜ່ານມາ ແມ່ນໄດ້ເອົາໃຈໃສ່ຕິດຕາມກຸ່ມເປົ້າໝາຍຢາເສບຕິດມາດົນແລ້ວ ແຕ່ກໍ່ບໍ່່ສາມາດກັກຕົວພວກກ່ຽວໄດ້. ຈົນມາຮອດ ວັນທີ 15 ມັງກອນ 2024 ຈຶ່ງສາມາດກັກຕົວທ້າວ ແພວຈາ ອາຍຸ 28 ປີ ປະຊາຊົນ ຢູ່ບ້ານແສນຂັນຄໍາໃໝ່ ພ້ອມຂອງກາງຢາບ້າ 159 ເມັດ; ທ້າວ ໄມ ຄຳນວນ ອາຍຸ 51 ປີ ປະຊາຊົນ ຢູ່ບ້ານຊຽງກົກເກົ່າ (ຖືກກັກຕົວໃນວັນທີ 17 ມັງກອນ 2024) ພ້ອມຂອງກາງຢາບ້າ 404 ເມັດ; ທ້າວ ຢາທູ ອາຍຸ 30 ປີ ປະຊາຊົນ ຢູ່ບ້ານກົກມ່ວງ (ຖືກກັກຕົວໃນວັນທີ 18 ມັງກອນ 2024) ພ້ອມຂອງກາງຢາບ້າ 117 ເມັດ; ທ້າວ ລືວາ ອາຍຸ 52 ປີ ພ້ອມຂອງກາງຢາບ້າ 187 ເມັດ ແລະ ທ້າວ ຄົວເນັງ ອາຍຸ 52 ປີ ພ້ອມຂອງກາງຢາບ້າ 83 ເມັດ ທັງສອງແມ່ນປະຊາຊົນ ບ້ານຫົວຂົວ II (ຖືກກັກຕົວໃນວັນທີ 26 ມັງກອນ 2024); ທ້າວ ບຸນສີ ອາຍຸ 18 ປີ ອາຊີບເຮັດໄຮ່ ຢູ່ບ້ານຫ້ວຍກຸ້ມ ພ້ອມຂອງກາງຢາບ້າ 11 ເມັດ (ຖືກກັກຕົວໃນວັນທີ 7 ກຸມພາ 2024), ຜູ້ຖືກຫາທັງ 6 ຄົນ ແມ່ນຢູ່ເມືອງລອງ ແຂວງຫຼວງນ້ຳທາ.
ຜ່ານການສອບສວນຂອງເຈົ້າໜ້າທີ່ ພວກກ່ຽວທັງ 6 ຄົນ ຮັບສາລະພາບວ່າ: ຢາບ້າທີ່ທາງເຈົ້າໜ້າທີ່ກວດພົບ ແລະ ຍຶດໄວ້ນັ້ນ ແມ່ນຂອງພວກກ່ຽວແທ້ ໄລຍະຜ່ານມາໄດ້ເຄື່ອນໄຫວພົວພັນຊື້ນຳຄູ່ຮ່ວມຂະບວນການດຽວກັນ, ຊຶ່ງຢາບ້າທີ່ຊື້ມານັ້ນ ກໍເພື່ອມາເສບ ແລະ ຂາຍຍ່ອຍໃຫ້ກຸ່ມໄວລຸ້ນ ຢູ່ພາຍໃນບ້ານ. ປັດຈຸບັນ ຜູ້ຖືກຫາທັງ 6 ຄົນ ເຈົ້າໜ້າທີ່ພະແນກຕຳຫຼວດ ປກສ ເມືອງລອງ ພ້ອມຂອງກາງຢາເສບຕິດ ປະເພດຢາບ້າ ຈຳນວນ 961 ເມັດ ແມ່ນໄດ້ມອບໃຫ້ເຈົ້າໜ້າທີ່ທີ່ກ່ຽວຂ້ອງ ກອງບັນຊາການ ປກສ ແຂວງ ສືບສວນຂະຫຍາຍຜົນຫາກຸ່ມແກ້ງ ມາດຳເນີນຄະດີຕາມລະບຽບກົດໝາຍ.
(ຂ່າວ: ສຸລິພັນ, ນັກຂ່າວ ປກສ ເມືອງລອງ)
ຄໍາເຫັນ