ບົດລາຍງານລະບຸວ່າ: PPI ຊຶ່ງເປັນຕົວຊີ້ວັດຕົ້ນທຶນການຜະລິດກ່ອນເຖິງຜູ້ບໍລິໂພກ, ຫຼຸດລົງ 0.4% ຈາກເດືອນກ່ອນໜ້າມາຢູ່ທີ່ 119.66 ໃນເດືອນພຶດສະພາ ຊຶ່ງຖືວ່າຫຼຸດລົງເປັນເດືອນທີສອງຕິດຕໍ່ກັນ ແລະ ເປັນການຫຼຸດລົງຢ່າງຫຼວງຫຼາຍທີ່ສຸດນັບຕັ້ງແຕ່ເດືອນພະຈິກ 2023.
ສຳລັບສາເຫດຕົ້ນຕໍແມ່ນມາຈາກລາຄາສິນຄ້າກະສິກຳ ແລະ ການປະມົງ ຫຼຸດລົງ 4.4% ເມື່ອປຽບທຽບເປັນເດືອນຕໍ່ເດືອນ, ຍ້ອນສະພາບອາກາດທີ່ເອື້ອອຳນວຍ, ບວກກັບລາຄານ້ຳມັນຫຼຸດລົງ 0.6%.
ເຖິງຢ່າງໃດກໍຕາມ, ເມື່ອທຽບໃສ່ກັບໄລຍະດຽວກັນຂອງປີກາຍ, ດັດສະນີ PPI ຍັງສືບຕໍ່ເພີ່ມຂຶ້ນ 0.3% ໃນເດືອນພຶດສະພາ ຊຶ່ງເປັນເດືອນທີ 22 ຕິດຕໍ່ກັນຂອງການຂະຫຍາຍຕົວ.
ດັດຊະນີລາຄາສະໜອງພາຍໃນປະເທດ ຊຶ່ງຄິດໄລ່ຈາກລາຄາຜູ້ຜະລິດ ແລະ ລາຄານໍາເຂົ້າ ໄດ້ຫຼຸດລົງ 1.4% ໃນເດືອນພຶດສະພາ ເມື່ອປຽບທຽບເປັນເດືອນຕໍ່ເດືອນ.
ຄໍາເຫັນ