 |
ໃນພິທີ, ທ່ານ ພັທ ສຸລິນ ຈັນທະລາດ ຮອງຫົວໜ້າຫ້ອງການເມືອງ ກອງບັນຊາການ ປທ ໄດ້ຂຶ້ນຜ່ານລັດຖະດໍາລັດຂອງປະທານປະເທດ, ຜ່ານຂໍ້ຕົກລົງຂອງກະຊວງ ປກສ ວ່າດ້ວຍການຍ້ອງຍໍ ແລະ ມອບຫຼຽນປະເພດຕ່າງໆ ໃຫ້ບຸກຄົນທີ່ມີຜົນງານດີເດັ່ນ ໃນການປະຕິບັດໜ້າທີ່ວິຊາສະເພາະ ປະກອບສ່ວນຮັບໃຊ້ກອງປະ ຊຸມສຸດຍອດອາຊຽນ ຄັ້ງທີ 44, 45 ແລະ ກອງປະຊຸມສຸດຍອດອື່ນໆ; ໃນນີ້, ໄດ້ຮັບການຍ້ອງຍໍປະເພດຫຼຽນໄຊແຮງງານຊັ້ນ II 29 ສະຫາຍ; ຫຼຽນໄຊແຮງງານຊັ້ນ III 77 ສະຫາຍ ຍິງ 1 ສະຫາຍ; ຫຼຽນກາແຮງງານ 74 ສະຫາຍ ຍິງ 4 ສະຫາຍ; ໃບຍ້ອງຍໍຂັ້ນລັດຖະບານ 102 ສະຫາຍ ຍິງ 6 ສະຫາຍ; ໃບຍ້ອງຍໍຂັ້ນກະຊວງ ປກສ 308 ສະຫາຍ ຍິງ 8 ສະຫາຍ. ພ້ອມນັ້ນ, ໄດ້ປະກາດການເລື່ອນຊັ້ນໃຫ້ນາຍ ແລະ ພົນຕຳຫຼວດ ໃນນັ້ນເລື່ອນຊັ້ນ ພັນຕີ ຂຶ້ນພັນໂທ 3 ສະຫາຍ; ຮ້ອຍເອກ ຂຶ້ນພັນຕີ 12 ສະຫາຍ ຍິງ 1 ສະຫາຍ; ຮ້ອຍໂທ ຂຶ້ນ ຮ້ອຍເອກ 6 ສະຫາຍ ຍິງ 3 ສະຫາຍ; ຮ້ອຍຕີ ຂຶ້ນຮ້ອຍໂທ 1 ສະຫາຍ ແລະ ສິບເອກຂຶ້ນວາທີ 1 ສະຫາຍ ແລະ ຜ່ານຂໍ້ຕົກລົງຂອງລັດຖະມົນຕີ ກະຊວງ ປກສ ວ່າດ້ວຍການອະນຸມັດໃຫ້ນາຍຕຳຫຼວດພັກການ-ຮັບອຸດໜູນບຳນານຈໍານວນ 2 ສະຫາຍ.
 |
ຕອນທ້າຍ, ທ່ານ ພົຈວ ພູມສະຫວັນ ພັນທະເສນາ ໄດ້ໃຫ້ກຽດໂອ້ລົມເນັ້ນໜັກໃຫ້ບັນດາສະຫາຍທີ່ໄດ້ຮັບການເລື່ອນຊັ້ນໃໝ່ ຈົ່ງສືບຕໍ່ຝຶກຝົນຫຼ່ໍຫຼອມຕົນເອງ, ຍົກສູງຄວາມຮັບຜິດຊອບຕໍ່ໜ້າທີ່ການເມືອງ ທີ່ໄດ້ຮັບມອບໝາຍ, ຮັກສາມູນເຊື້ອອັນດີງາມ ແລະ ເປັນກຳລັງແຮງທີ່ເຂັ້ມແຂງໃຫ້ກຳລັງ ປກສ ເພື່ອປົກປັກຮັກສາຄວາມສະຫງົບ, ຄວາມເປັນລະບຽບຮຽບຮ້ອຍຂອງຊາດ ແລະ ສັງຄົມໃຫ້ໝັ້ນຄົງຕະຫຼອດໄປ.
ຂ່າວ: ລັດດາວັນ
ຄໍາເຫັນ