ຂຶ້ນເປັນຫ້ອງທະຫານຊາຍແດນ, ຊຶ່ງກອງປະຊຸມໄດ້ຈັດຂຶ້ນໃນວັນທີ 24 ກຸມພາຜ່ານມານີ້ທີ່ຫ້ອງປະຊຸມເຮືອນຮັບຕ້ອນກອງບັນຊາການທະຫານແຂວງ ໂດຍການເປັນປະທານຮ່ວມຂອງ ທ່ານ ໂພໄຊ ໄຂຄໍາພິທູນ ຮອງເຈົ້າແຂວງ ສະຫວັນນະເຂດ, ສະຫາຍ ພັນເອກ ອຸນຄໍາສີ ແຫວນວົງສັກ ຜູ້ບັນຊາການທະຫານຊາຍແດນ ກອງທັບປະຊາຊົນລາວ,ມີສະຫາຍ ພັນເອກ ສົມພິດ ແກ້ວວັນທອງ ຮອງກົມເສນາພະລາ ກົມໃຫຍ່ພະລາທິການກອງທັບ,ສະຫາຍ ພັນເອກ ພັນວິໄລ ລາດສະຍົນ ຫົວໜ້າການເມືອງ ແລະສະຫາຍ ພັນເອກ ສຸກສະໝອນ ສີພັນດອນ ຫົວໜ້າການທະຫານກອງບັນຊາການທະຫານແຂວງ, ພ້ອມດ້ວຍຄະນະພັກ-ຄະນະບັນຊາໃນອົງການ 5 ຫ້ອງເຂົ້າຮ່ວມ.
ໃນກອງປະຊຸມໄດ້ຜ່ານໂຄງຮ່າງການຈັດຕັ້ງ,ບຸກຄະລາກອນ,ຈໍານວນພົນທີ່ປະກອບຂອງຫ້ອງທະຫານຊາຍແດນ.ຈາກນັ້ນ, ຫົວໜ້າການເມືອງ ແລະຫົວໜ້າການທະຫານກອງບັນຊາການທະຫານແຂວງໄດ້ຜັດປ່ຽນກັນລາຍງານໂດຍຫຍໍ້ກ່ຽວກັບທີ່ຕັ້ງ,ຂອບເຂດຊາຍແດນ ແລະການເຄື່ອນໄຫວວຽກງານຊາຍແດນໃນໄລຍະຜ່ານມາ,ພ້ອມທັງມີການສະເໜີລາຍຊື່ເຂົ້າໃນໂຄງປະກອບບຸກຄະລາກອນ ຫ້ອງທະຫານຊາຍແດນ,ທີ່ປະກອບມີ: ຫົວໜ້າ ແລະຮອງຫົວໜ້າການເມືອງຫ້ອງທະຫານຊາຍແດນ, ຫົວໜ້າ ແລະຮອງຫົວໜ້າຜູ້ບັນຊາການທະຫານຊາຍແດນ,ພ້ອມກັນນັ້ນຍັງໄດ້ສະເໜີລາຍຊື່ບັນດາຫົວໜ້າ ແລະຮອງພະແນກການ ຈໍານວນ 6 ພະແນກການທີ່ຂຶ້ນກັບຫ້ອງທະຫານຊາຍແດນຄື: ພະແນກເສນາທິການ, ພະແນກການເມືອງ, ພະແນກສືບຂ່າວ, ພະແນກພະລາທິການ, ພະແນກເຕັກນິກ, ພະແນກບໍລິຫານ-ສັງລວມ. ຈາກນັ້ນ, ກອງປະຊຸມຍັງໄດ້ມີການຄົ້ນຄວ້າປຶກສາຫາລືກ່ຽວກັບທີ່ຕັ້ງສໍານັກງານຫ້ອງການ ແລະໄດ້ເຫັນດີເປັນເອກະພາບຕໍ່ການສະເໜີລາຍຊື່ບຸກຄະລາກອນເຂົ້າໃນໂຄງປະກອບ ແລະມີການປະກອບຄໍາຄິດຄໍາເຫັນຢ່າງກົງໄປກົງມາ ເພື່ອເຮັດໃຫ້ການປະກາດຍົກລະດັບພະແນກຊາຍແດນ ຂຶ້ນເປັນຫ້ອງທະຫານຊາຍແດນບັນລຸໄດ້ຕາມຈຸດປະສົງທີ່ກຳນົດໄວ້.
(ແຫຼ່ງຂ່າວ: ແຂວງສະຫວັນນະເຂດ)
ຄໍາເຫັນ