 |
ກອງປະຊຸມໃນຄັ້ງນີ້ ແມ່ນເພື່ອເປັນການເຜີຍແຜ່ພາລະບົດບາດກ່ຽວກັບສະມາຄົມທຸລະກິດການຢາ ແລະ ຜະລິດຕະພັນການແພດ ແລະ ເພື່ອເປັນການປຶກສາຫາລືແລກປ່ຽນຄຳຄິດຄຳເຫັນຮ່ວມກັນຕໍ່ກັບແຜນງານການຈັດຕັ້ງປະຕິບັດວຽກງານຂອງ ສທປພ ເພື່ອສົ່ງເສີມ ແລະ ສ້າງຄວາມເຂັ້ມແຂງບັນດາຫົວໜ່ວຍທຸລະກິດ, ໂຮງງານ, ຜູ້ປະກອບການທີ່ຕິດພັນທຸລະກິດການຢາ ແລະ ຜະລິດຕະພັນການແພດ ເພື່ອພ້ອມກັນພັດທະນາສ້າງຜົນປະໂຫຍດສູງສຸດໃຫ້ແກ່ທຸລະກິດປະກອບສ່ວນສ້າງສາເສດຖະກິດ-ສັງຄົມຂອງ ສປປ ລາວ ໃຫ້ນັບມື້ນັບຂະຫຍາຍຕົວຮ່ວມກັນ.
ໃນໂອກາດດັາງກ່າວ, ທ່ານ ນາງ ວາລີ ເວດສະພົງ ໄດ້ລາຍງານໂດຍຫຍໍ້ກ່ຽວກັບສະພາບ ແລະ ຂັ້ນຕອນຂໍການສ້າງຕັ້ງສະມາຄົມທຸລະກິດການຢາ ແລະ ຜະລິດຕະພັນການແພດ ຊຶ່ງສະມາຄົມດັ່ງກ່າວໄດ້ຮັບການສ້າງຕັ້ງຢ່າງເປັນທາງການໃນເດືຶອນເມສາ 2025 ຜ່ານມາ, ກອງປະຊຸມຍັງໄດ້ຮັບຟັງການສະເໜີ ຄວາມໝາຍ ແລະ ຄວາມສຳຄັນຂອງສະມາຄົມທຸລະກິດການຢາ ແລະ ຜະລິດຕະພັນການແພດ ແລະ ນິຕິກຳທີ່ກ່ຽວຂ້ອງ,ສະຫຼຸບລາຍງານຫຍໍ້ແຜນການເຄື່ອນໄຫວໃນປີຜ່ານມາ, ຜ່ານບົດສະຫຼຸບການເງິນຂອງສະ ມາຄົມ, ລາຍງານຄວາມຄືບໜ້າໃນການກະກຽມກອງປະຊຸມຂອງສະມາຄົມ, ສະເໜີທິດທາງແຜນການເຄື່ອນໄກວຂອງສະມາຄົມໃນຕໍ່ໜ້າ
ໂອກາດດັ່ງກ່າວ, ທ່ານ ນາງ ວາລີ ເວດສະພົງ ຍັງໄດ້ໃຫ້ກຽດມອບໃບຢັ້ງຢືນໃຫ້ສະມາຊິກຂອງສະມາຄົມທຸລະກິດການຢາ ແລະ ຜະລິດຕະພັນການແພດທີ່ໄດ້ປະກອບສ່ວນເຂົ້າໃນສະມາຄົມດັ່ງກ່າວ.
(ຂ່າວ-ພາບ: ສຳນານ)
ຄໍາເຫັນ