ທັງນີ້, ລັດຖະມົນຕີກະຊວງປ້ອງກັນຄວາມສະຫງົບມີອຳນາດໃນການກຳນົດຄ່າທຳນຽມໃຫ້ສູງກວ່ານີ້ໄດ້ຕາມບົດບັນຍັດ ແລະ ຫຼັງຈາກນັ້ນ ຈະມີການປັບຄ່າທຳນຽມຕາມອັດຕາເງິນເຟີ້.
ຄ່າທໍານຽມດັ່ງກ່າວເອີ້ນວ່າ "ຄ່າທໍານຽມເພື່ອຄວາມໂປ່ງໃສຂອງວີຊາ," ເປັນສ່ວນໜຶ່ງຕາມບົດບັນຍັດຂອງ "ກົດໝາຍທີ່ຍິ່ງໃຫຍ່ ແລະ ງົດງາມ," ຊຶ່ງເປັນກົດໝາຍການປະຕິຮູບການໃຊ້ຈ່າຍແລະພາສີຄັ້ງໃຫຍ່ ທີ່ສະເໜີໂດຍທ່ານ ໂດໂນ ທຣໍາ ແລະ ຖືເປັນຫົວໃຈຂອງການຄຸ້ມຄອງນະໂຍບາຍເສດຖະກິດຂອງການບໍລິຫານຊຸດນີ້ ຊຶ່ງມີຜົນບັງຄັບໃຊ້ໃນວັນທີ 4 ກໍລະກົດ ຜ່ານມາ.
ສຳລັບຜູ້ທີ່ຕ້ອງຈ່າຍຄ່າວີຊາຕາມອັດຕາໃໝ່ແມ່ນຜູ້ຂໍວີຊາຊົ່ວຄາວທັງໝົດ, ລວມທັງນັກທ່ອງທ່ຽວ, ນັກທຸລະກິດແລະນັກສຶກສາຕ່າງປະເທດ. ຢ່າງໃດກໍຕາມ, ນັກທ່ອງທ່ຽວບາງກຸ່ມເຊັ່ນ: ອົສຕຣາລີ, ສ ເກົາຫຼີ, ຍີ່ປຸ່ນ, ແລະບັນດາປະເທດເອີຣົບຈໍານວນໜຶ່ງ, ອາດຈະໄດ້ຮັບການຍົກເວັ້ນ. ພາຍໃຕ້ໂຄງການຍົກເວັ້ນວີຊາ(Visa Waiver Program).
ທັງນີ້, ຄ່າທໍານຽມຈະຖືກເກັບໃນຂັ້ນຕອນການອອກວີຊາ. ດັ່ງນັ້ນ, ຜູ້ທີ່ຍື່ນຂໍວີຊາແຕ່ບໍ່ໄດ້ຮັບອະນຸມັດຈະບໍ່ຖືກເກັບຄ່າທໍານຽມນີ້. ໂດຍຄ່າທຳນຽມໃໝ່ນີ້ແມ່ນ “ເປັນຄ່າທຳນຽມເພີ່ມເຕີມ” ນອກເໜືອຈາກຄ່າທຳນຽມປົກກະຕິເຊັ່ນ: ຄ່າທຳນຽມການຂໍວີຊາ.
ຄໍາເຫັນ