ແລະ ບໍ່ແຮ່; ສະຫາຍ ທອງຈັນ ພູມີພັນ ຮອງປະທານສູນກາງສະຫະພັນ ກໍາມະບານລາວ, ມີການນຳກະຊວງພະລັງງານ ແລະ ບໍ່ແຮ່, ຄະນະນຳອໍານວຍການໃຫຍ່ ຟຟລ, ປະທານ-ຮອງປະທານສະຫະພັນກໍາມະບານ ກະຊວງພະລັງງານ ແລະ ບໍ່ແຮ່, ພ້ອມດ້ວຍຫົວໜ້າຝ່າຍ, ຫົວໜ້າສາຂາແຂວງ, ພະນັກງານ-ກໍາມະກອນ ຟຟລ, ນັກແຂ່ງຂັນ ແລະ ແຂກທີ່ຖືກເຊີນ.
ສະຫາຍ ຄໍາພູນ ສຸກອາລຸນ ປະທານສະຫະພັນກໍາມະບານ ຟຟລ ໄດ້ຂຶ້ນກ່າວຈຸດປະສົງຂອງງານການແຂ່ງຂັນສີມືແຮງງານ ປະຈໍາປີ 2025 ລວມເຖິງລະດັບຄາດໝາຍ, ເນື້ອໃນຮູບແບບການແຂ່ງຂັນ ວັນເວລາສະຖານທີ່ ແລະ ການຈັດການແຂ່ງຂັນ ຊຶ່ງປີນີ້ປະກອບມີ 6 ຫົວຂໍ້ແຂ່ງຂັນ ຄື: 1. ການນຳໃຊ້ບັນດານິຕິກຳ, ຂໍ້ກຳນົດ ແລະ ລະບຽບການຕ່າງໆ ທີ່ຕິດພັນກັບລະບົບຈຳໜ່າຍໄຟຟ້າ; 2. ການກວດກາຫາຂໍ້ບົກຜ່ອງຂອງການຕິດຕັ້ງໝໍ້ນັບໄຟ; 3. ການກວດກາປ້ອມໝໍ້ແປງຈໍາໜ່າຍ 22/0.4 KV; 4. ການປ່ຽນຖ່າຍໜ່ວຍປ້ອງກັນການສັ່ນສະເທືອນຂອງສາຍໄຟຟ້າແຮງສູງ 115 kV; 5. ດ້ານນະວັດຕະກໍາ ຫຼື ສິ່ງປະດິດ ທີ່ສ້າງສໍາເລັດແລ້ວ, 6. ການນໍາສະເໜີແນວຄວາມຄິດການປັບປຸງ ແລະ ແກ້ໄຂບັນຫາທີ່ເກີດຂຶ້ນໃນລະບົບໄຟຟ້າ.
ຫຼັງຈາກນັ້ນ, ສະຫາຍ ອາຄົມເດດ ວົງໄຊ ຄະນະພັກກະຊວງຜູ້ອໍານວຍການໃຫຍ່ ຟຟລ ກໍໄດ້ຂຶ້ນກ່າວເປີດພິທີ ວ່າ: ການແຂ່ງຂັນສີມືແຮງງານ ແມ່ນກິດຈະກຳໜຶ່ງທີ່ສໍາຄັນ ແລະ ເປັນກິດຈະກໍາທີ່ເປັນຂະບວນການຢ່າງຟົດຟື້ນຂອງຊາວຜູ້ອອກແຮງງານ ເວົ້າລວມ, ໂດຍສະເພາະ ຟຟລ ໄດ້ຈັດຂຶ້ນ ທຸກໆປີ ຊຶ່ງເປັນເວທີອັນຊົງກຽດໃນການສົ່ງເສີມຄວາມກ້າວໜ້າດ້ານວິຊາສະເພາະ, ຄວາມຮູ້, ຄວາມສາມາດ, ຄວາມຊຳນານງານຂອງ ພະນັກງານ-ກຳມະກອນ ຟຟລ ໃນທຸກຂົງເຂດວຽກງານ ທັງເປັນການຊຸກຍູ້, ສ້າງແຮງຈູງໃຈ ພັດທະນາທັກສະຄວາມຮູ້, ຄວາມສາມາດ ແລະ ຄວາມຊໍານານງານໃຫ້ກ້າວໄປສູ່ລະດັບສາກົນເທື່ອລະກ້າວ.
ການແຂ່ງຂັນສີມືແຮງງານ ປະຈຳປີ 2025 ໄດ້ມີ 84 ທີມ ເຂົ້າຮ່ວມແຂ່ງຂັນຊຶ່ງຜົນຂອງການແຂ່ງຂັນມີດັ່ງນີ້:1.ການນໍາໃຊ້ບັນດານິຕິກຳ, ຂໍ້ກຳນົດ ແລະ ລະບຽບການຕ່າງໆ ທີ່ຕິດພັນກັບລະບົບຈຳໜ່າຍໄຟຟ້າ: ອັນດັບທີ 1 ແມ່ນຟຟລ ສາຂາ ແຂວງຊຽງຂວາງ, ທີ 2 ຟຟລ ສາຂາ ແຂວງອຸດົມໄຊ,ທີ 3 ຟຟລ ສາຂາ ແຂວງໄຊສົມບູນ;2.ການກວດກາຫາຂໍ້ບົກຜ່ອງຂອງການຕິດຕັ້ງໝໍ້ນັບໄຟ: ອັນດັບທີ 1 ຟຟລ ສາຂາ ແຂວງອັດຕະປື,ທີ 2 ຟຟລ ສາຂາ ນະຄອນຫຼວງ 1,ທີ 3 ຟຟລ ສາຂາ ແຂວງເຊກອງ; 3.ການກວດກາປ້ອມໝໍ້ແປງຈໍາໜ່າຍ 22 /0.4 kV: ອັນດັບທີ1 ຟຟລ ສາຂາ ແຂວງອຸດົມໄຊ,ທີ 2 ຟຟລ ສາຂາ ແຂວງຫຼວງພະບາງ, ທີ 3 ຟຟລ ສາຂາ ແຂວງຫຼວງນໍ້າທາ; 4.ການປ່ຽນຖ່າຍໜ່ວຍປ້ອງກັນການສັ່ນສະເທືອນຂອງສາຍໄຟຟ້າແຮງສູງ 115 kV: ອັນດັບທີ 1 ຟຟລ ສາຂາ ແຂວງອຸດົມໄຊ,ທີ 2 ຝ່າຍຄຸ້ມຄອງລະບົບໄຟຟ້າພາກໃຕ້,ທີ 3 ຟຟລ ສາຂາ ແຂວງຈໍາປາສັກ; 5. ດ້ານນະວັດຕະກໍາ ຫຼື ສິ່ງປະດິດ ທີ່ສ້າງສຳເລັດແລ້ວ: ອັນດັບທີ 1 ຟຟລ ສາຂາ ແຂວງສະຫວັນນະເຂດ,ທີ 2 ຝ່າຍວາງແຜນ ແລະ ບັນຊາລະບົບໄຟຟ້າ, ທີ 3 ພະແນກຄຸ້ມຄອງເຕັກນິກລະບົບໄຟຟ້າພາກເໜືອ; 6. ການນຳສະເໜີ ແນວຄວາມຄິດການປັບປຸງ ແລະ ແກ້ໄຂບັນຫາທີ່ເກີດຂຶ້ນໃນລະບົບໄຟຟ້າ: ອັນດັບທີ 1 ບໍລິສັດນໍ້າງື່ມ 3 ພາວເວີ ຈໍາກັດ,ທີ 2 ຟຟລ ສາຂາ ແຂວງອຸດົມໄຊ, ທີ 3 ຝ່າຍຄຸ້ມຄອງລະບົບໄຟຟ້າພາກກາງ.
(ຂ່າວ-ພາບ: ວຽງສະຫວັນ ປຣະດິດ)
ຄໍາເຫັນ