ກອງປະຊຸມພົບປະແລກປ່ຽນບົດຮຽນວຽກງານແມ່ຍິງລະຫວ່າງສະຫະພັນແມ່ຍິງ 6 ແຂວງຄື: ຄໍາມ່ວນ,ສະຫວັນນະເຂດ,ສາລະວັນ,ຈໍາປາສັກ,ເຊກອງ ແລະ ອັດຕະປືໄດ້ຈັດຂຶ້ນໃນວັນທີ 9 ພະຈິກ ນີ້ທີ່ຫ້ອງປະຊຸມເຮືອນຮັບແຂກເລກ 1 ຂອງແຂວງຄໍາມ່ວນ, ໂດຍການເປັນປະທານຂອງທ່ານ ຄໍາສອນ ອ້ວນທະວີ ຄະນະປະຈໍາພັກແຂວງ ປະທານຄະນະກວດກາພັກແຂວງ.
ທ່ານ ນາງ ກຽນຕາ ວັນມະນາ ປະທານຄະນະບໍລິຫານງານສະຫະພັນແມ່ຍິງແຂວງຄໍາມ່ວນໃນນາມແຂວງເຈົ້າພາບກໍໄດ້ສະແດງຄວາມຕ້ອນຮັບ ແລະ ກ່າວເປີດກອງປະຊຸມ ຊຶ່ງໃນວາລະຂອງການພົບປະແລກປ່ຽນບົດຮຽນໃນຄັ້ງນີ້ຕາງໜ້າສະຫະພັນແມ່ຍິງຂອງແຕ່ລະແຂວງກໍໄດ້ຜ່ານບົດລາຍງານແລກປ່ຽນບົດຮຽນຊຶ່ງກັນ ແລະ ກັນເຊັ່ນ: ທ່ານ ນາງ ໄພວັນ ພົນຫາລາດ ຮອງປະທານຄະນະບໍລິຫານງານສະຫະພັນແມ່ຍິງແຂວງຄໍາມ່ວນໄດ້ນໍາສະເໜີໃນຫົວຂໍ້: ສົ່ງເສີມຜະລິດຕະພັນສິນຄ້າ; ທ່ານ ນາງ ວຽງສະໝອນ ພະທິທັກ ວ່າການປະທານຄະນະບໍລິຫານງານສະຫະພັນແມ່ຍິງແຂວງສະຫວັນນະເຂດໄດ້ນໍາສະເໜີໃນຫົວຂໍ້: ການຈັດຕັ້ງພາລະບົດບາດໃຫ້ຄໍາປຶກສາປົກປ້ອງແມ່ຍິງ ແລະ ເດັກນ້ອຍ; ທ່ານ ນາງ ເຕດາວັນ ແກ້ວພິລາວັນ ກໍາມະການພັກແຂວງ ປະທານຄະນະບໍລິຫານງານສະຫະພັນແມ່ຍິງແຂວງຈໍາປາສັກໄດ້ນໍາສະເໜີໃນຫົວຂໍ້: ການສ້າງພະນັກງານເພດຍິງເຂົ້າໃນຕໍາແໜ່ງນໍາພາ - ຄຸ້ມຄອງ; ທ່ານ ນາງ ດວງມະລາ ສີສະໝຸດ ຮອງປະທານຄະນະບໍລິຫານງານແຂວງສາລະວັນໄດ້ນໍາສະເໜີໃນຫົວຂໍ້: ວຽກງານຊຸກຍູ້ສົ່ງເສີມສິນຄ້າໂອດັອບ (ODOP); ທ່ານ ນາງ ມະນີວອນ ສາຍນໍ້າລິນ ຮອງປະທານຄະນະບໍລິຫານງານສະຫະພັນແມ່ຍິງແຂວງເຊກອງໄດ້ນໍາສະເໜີໃນຫົວຂໍ້: ການຝຶກອົບຮົມວິຊາຊີບ; ທ່ານ ນາງ ສຸກວິໄລ ວຽງໄຊ ຮອງປະທານຄະນະບໍລິຫານງານສະຫະພັນແມ່ຍິງແຂວງ ທັງເປັນສະມາຊິກສະພາປະຊາຊົນແຂວງອັດຕະປືໄດ້ນໍາສະເໜີໃນຫົວຂໍ້: ການສ້າງຄອບຄົວ, ບ້ານແມ່ຍິງ 3 ດີ ຕິດພັນກັບບ້ານພັດທະນາຕາມທິດ 3 ສ້າງ, ນອກຈາກນັ້ນຕາງໜ້າສະຫະພັນແມ່ຍິງແຂວງບໍລິຄໍາໄຊກໍໄດ້ປະກອບຄໍາຄິດເຫັນຕໍ່ທີ່ປະຊຸມໃນນາມແຂວງສັງເກດການ. ຫຼັງຈາກນັ້ນຕາງໜ້າສະຫະພັນແມ່ຍິງແຕ່ລະແຂວງກໍໄດ້ມີການປະກອບຄໍາຄິດເຫັນແລກປ່ຽນບົດຮຽນ, ປະສົບການຊຶ່ງກັນ ແລະ ກັນທັງນີ້ກໍເພື່ອນໍາເອົາບົດຮຽນທີ່ດີ, ດ້ານຕັ້ງໜ້າຂອງແຕ່ລະແຂວງໄປໝູນໃຊ້ເຂົ້າໃນກົມກອງ, ທ້ອງຖິ່ນຂອງຕົນໃຫ້ມີປະສິດທິພາບ ແລະ ປະສິດທິຜົນ.
ທ່ານ ຄໍາສອນ ອ້ວນທະວີ ໄດ້ໂອ້ລົມສະແດງຄວາມຍ້ອງຍໍຊົມເຊີຍມາຍັງສະຫະພັນແມ່ຍິງທັງ 6 ແຂວງ ແລະ 1 ແຂວງສັງເກດການທີ່ໄດ້ສ້າງເງື່ອນໄຂໃຫ້ມີການພົບປະແລກປ່ຽນບົດຮຽນ ແລະ ປະສົບການຊຶ່ງກັນ ແລະ ກັນຊຶ່ງໃນການພົບປະຄັ້ງນີ້ແມ່ນຢູ່ໃນທ່າມກາງບັນຍາກາດທີ່ ສປປ ລາວ ໄດ້ສ້າງຂະບວນການ ການເປັນປະທານໝູນວຽນອາຊຽນຂອງລາວ ແລະ ການເປີດປີທ່ອງທ່ຽວລາວໃນປີ 2024 ທີ່ຈະມາເຖິງໃຫ້ມີບັນຍາດອັນຟົດຟື້ນ ແລະ ມີຄວາມໝາຍສໍາຄັນ.
ຂ່າວ-ພາບ: ແດງສະຫວັດ ແສນພານິດ
ທ່ານ ນາງ ກຽນຕາ ວັນມະນາ ປະທານຄະນະບໍລິຫານງານສະຫະພັນແມ່ຍິງແຂວງຄໍາມ່ວນໃນນາມແຂວງເຈົ້າພາບກໍໄດ້ສະແດງຄວາມຕ້ອນຮັບ ແລະ ກ່າວເປີດກອງປະຊຸມ ຊຶ່ງໃນວາລະຂອງການພົບປະແລກປ່ຽນບົດຮຽນໃນຄັ້ງນີ້ຕາງໜ້າສະຫະພັນແມ່ຍິງຂອງແຕ່ລະແຂວງກໍໄດ້ຜ່ານບົດລາຍງານແລກປ່ຽນບົດຮຽນຊຶ່ງກັນ ແລະ ກັນເຊັ່ນ: ທ່ານ ນາງ ໄພວັນ ພົນຫາລາດ ຮອງປະທານຄະນະບໍລິຫານງານສະຫະພັນແມ່ຍິງແຂວງຄໍາມ່ວນໄດ້ນໍາສະເໜີໃນຫົວຂໍ້: ສົ່ງເສີມຜະລິດຕະພັນສິນຄ້າ; ທ່ານ ນາງ ວຽງສະໝອນ ພະທິທັກ ວ່າການປະທານຄະນະບໍລິຫານງານສະຫະພັນແມ່ຍິງແຂວງສະຫວັນນະເຂດໄດ້ນໍາສະເໜີໃນຫົວຂໍ້: ການຈັດຕັ້ງພາລະບົດບາດໃຫ້ຄໍາປຶກສາປົກປ້ອງແມ່ຍິງ ແລະ ເດັກນ້ອຍ; ທ່ານ ນາງ ເຕດາວັນ ແກ້ວພິລາວັນ ກໍາມະການພັກແຂວງ ປະທານຄະນະບໍລິຫານງານສະຫະພັນແມ່ຍິງແຂວງຈໍາປາສັກໄດ້ນໍາສະເໜີໃນຫົວຂໍ້: ການສ້າງພະນັກງານເພດຍິງເຂົ້າໃນຕໍາແໜ່ງນໍາພາ - ຄຸ້ມຄອງ; ທ່ານ ນາງ ດວງມະລາ ສີສະໝຸດ ຮອງປະທານຄະນະບໍລິຫານງານແຂວງສາລະວັນໄດ້ນໍາສະເໜີໃນຫົວຂໍ້: ວຽກງານຊຸກຍູ້ສົ່ງເສີມສິນຄ້າໂອດັອບ (ODOP); ທ່ານ ນາງ ມະນີວອນ ສາຍນໍ້າລິນ ຮອງປະທານຄະນະບໍລິຫານງານສະຫະພັນແມ່ຍິງແຂວງເຊກອງໄດ້ນໍາສະເໜີໃນຫົວຂໍ້: ການຝຶກອົບຮົມວິຊາຊີບ; ທ່ານ ນາງ ສຸກວິໄລ ວຽງໄຊ ຮອງປະທານຄະນະບໍລິຫານງານສະຫະພັນແມ່ຍິງແຂວງ ທັງເປັນສະມາຊິກສະພາປະຊາຊົນແຂວງອັດຕະປືໄດ້ນໍາສະເໜີໃນຫົວຂໍ້: ການສ້າງຄອບຄົວ, ບ້ານແມ່ຍິງ 3 ດີ ຕິດພັນກັບບ້ານພັດທະນາຕາມທິດ 3 ສ້າງ, ນອກຈາກນັ້ນຕາງໜ້າສະຫະພັນແມ່ຍິງແຂວງບໍລິຄໍາໄຊກໍໄດ້ປະກອບຄໍາຄິດເຫັນຕໍ່ທີ່ປະຊຸມໃນນາມແຂວງສັງເກດການ. ຫຼັງຈາກນັ້ນຕາງໜ້າສະຫະພັນແມ່ຍິງແຕ່ລະແຂວງກໍໄດ້ມີການປະກອບຄໍາຄິດເຫັນແລກປ່ຽນບົດຮຽນ, ປະສົບການຊຶ່ງກັນ ແລະ ກັນທັງນີ້ກໍເພື່ອນໍາເອົາບົດຮຽນທີ່ດີ, ດ້ານຕັ້ງໜ້າຂອງແຕ່ລະແຂວງໄປໝູນໃຊ້ເຂົ້າໃນກົມກອງ, ທ້ອງຖິ່ນຂອງຕົນໃຫ້ມີປະສິດທິພາບ ແລະ ປະສິດທິຜົນ.
ທ່ານ ຄໍາສອນ ອ້ວນທະວີ ໄດ້ໂອ້ລົມສະແດງຄວາມຍ້ອງຍໍຊົມເຊີຍມາຍັງສະຫະພັນແມ່ຍິງທັງ 6 ແຂວງ ແລະ 1 ແຂວງສັງເກດການທີ່ໄດ້ສ້າງເງື່ອນໄຂໃຫ້ມີການພົບປະແລກປ່ຽນບົດຮຽນ ແລະ ປະສົບການຊຶ່ງກັນ ແລະ ກັນຊຶ່ງໃນການພົບປະຄັ້ງນີ້ແມ່ນຢູ່ໃນທ່າມກາງບັນຍາກາດທີ່ ສປປ ລາວ ໄດ້ສ້າງຂະບວນການ ການເປັນປະທານໝູນວຽນອາຊຽນຂອງລາວ ແລະ ການເປີດປີທ່ອງທ່ຽວລາວໃນປີ 2024 ທີ່ຈະມາເຖິງໃຫ້ມີບັນຍາດອັນຟົດຟື້ນ ແລະ ມີຄວາມໝາຍສໍາຄັນ.
ຂ່າວ-ພາບ: ແດງສະຫວັດ ແສນພານິດ
ຄໍາເຫັນ