ໂດຍການເປັນປະທານຮ່ວມຂອງ ທ່ານ ນາງ ສົມພອນ ສຸທໍາມະວົງ ຮອງປະທານສະຫະພັນແມ່ຍິງແຂວງວຽງຈັນ ແລະ ທ່ານ ນາງ ຈັນທະມາໄລ ບຸນໄຊທິບ ຮອງເລຂາພັກເມືອງ ປະທານແນວລາວສ້າງຊາດເມືອງ.
ທ່ານ ນາງ ພອນສະຫວັນ ແກ້ວວິໄຊ ຫົວໜ້າຂະແໜງບໍລິຫານ ສະຫະພັນແມ່ຍິງແຂວງວຽງຈັນ ໄດ້ຂຶ້ນຜ່ານບົດລາຍງານການເມືອງທັງສອງພາກ. ຈາກນັ້ນ, ທ່ານ ນາງ ກິ່ງແກ້ວ ພົມມະລິນ ຫົວໜ້າຂະແໜງຈັດຕັ້ງ-ກວດກາ ສະຫະພັນແມ່ຍິງແຂວງວຽງຈັນ ໄດ້ຂຶ້ນຜ່ານແຜນພັດທະນາເສດຖະກິດ-ສັງຄົມ 5 ປີ 2021-2025 ແລະ ແຜນການປີ 2026-2030; ທ່ານ ນາງ ເພັດອຸດົມ ພົມພິພັກ ຮອງຫົວໜ້າຂະແໜງ ພະນັກງານ ຄະນະຈັດຕັ້ງແຂວງ ໄດ້ຂຶ້ນຜ່ານມາດຖານ ແລະ ເງື່ອນໄຂຜູ້ລົງສະໝັກເລືອກຕັ້ງເຂົ້າເປັນຄະນະບໍລິຫານງານສະຫະພັນແມ່ຍິງແຂວງວຽງຈັນ ສະໄໝທີ VIII. ຈາກນັ້ນ, ກໍໄດ້ດຳເນີນການປ່ອນບັດທາບທາມ. ໃນກອງປະຊຸມມີຜູ້ແທນສົມບູນເຂົ້າຮ່ວມທັງໝົດ ຈຳນວນ 68 ທ່ານ ແລະ ໃນຮອບທີ I ໄດ້ປ່ອນບັດທາບທາມຄັດເລືອກເອົາຄະນະບໍລິຫານງານຊຸດໃໝ່ ຊຶ່ງມີຜູ້ລົງສະໝັກເລືອກຕັ້ງທັງໝົດ 61 ທ່ານ ຂີດອອກ 13 ທ່ານ.
(ແຫຼ່ງຂ່າວ: ເມືອງທຸລະຄົມ)
ຄໍາເຫັນ