 |
ໃນພິທີ, ທ່ານ ວຽງສະຫວັນ ພັນທະລີ ໄດ້ເລົ່າປະຫວັດການກຳເນີດຂອງສະພາທະນາຍຄວາມ ທີ່ໄດ້ຮັບການສົ່ງເສີມຂອງພັກ ແລະ ລັດຖະບານ; ການເຕີບໃຫຍ່ຂະຫຍາຍຕົວຂອງສະພາທະນາຍຄວາມຕະຫຼອດໄລຍະ 37 ປີທີ່ຜ່ານມາ. ດ້ວຍຄວາມເອົາໃຈໃສ່ຊີ້ນຳ-ນຳພາຂອງຂັ້ນເທິງ, ການນຳພາຂອງຄະນະບໍລິຫານງານ, ຄວາມສາມັກຄີຂອງສະມາຊິກ ສະພາທະນາຍຄວາມທຸກທ່ານ ແລະ ການຊ່ວຍເຫຼືອຈາກສາກົນ ໄດ້ເຮັດໃຫ້ສະພາທະ ນາຍຄວາມມີການປ່ຽນແປງຫຼາຍດ້ານ ສາມາດຜ່ານຜ່າອຸປະສັກ ແລະ ສິ່ງທ້າທາຍຕ່າງໆ ພ້ອມທັງຈະສືບຕໍ່ມູນເຊື້ອອັນດີງາມ ແລະ ພັດທະນາຂະຫຍາຍຕົວຂຶ້ນໄປເລື້ອຍໆ.
 |
ໂອກາດນີ້, ທ່ານ ຄຳພັນ ບຸນພາຄົມ ໄດ້ມີຄຳເຫັນໂອ້ລົມເນັ້ນໃຫ້ຄະນະບໍລິຫານງານ-ຄະນະກວດກາ ຖືເອົາການສຶກສາອົບຮົມການເມືອງ-ແນວຄິດໃຫ້ສະມາຊິກທະນາຍຄວາມເປັນສໍາຄັນ ເພື່ອໃຫ້ທະນາຍຄວາມມີຄຸນສົມບັດສິນທໍາປະຕິວັດ, ມີຈັນຍາບັນ, ເປັນທະນາຍຄວາມຂອງປະຊາຊົນຢ່າງແທ້ຈິງ; ຕ້ອງຍົກສູງຄວາມເປັນເອກະພາບພາຍໃນ, ຍົກສູງຄວາມຮັບຜິດຊອບຕໍ່ໜ້າທີ່ວຽກງານທີ່ຖືກມອບໝາຍ; ຖືເອົາວຽກງານກວດກາເປັນວຽກງານທີ່ສຳຄັນ ກວດກາຕາມພາລະບົດບາດ, ສິດ ແລະ ໜ້າທີ່ ເມື່ອກວດກາພົບແລ້ວຕ້ອງແກ້. ຕໍ່ກັບທະ ນາຍຄວາມ ຕ້ອງຍົກສູງນັບຖືການຈັດຕັ້ງ, ເອົາໃຈໃສ່ພັດທະນາຕົນເອງ, ພັດທະນາຄວາມຮູ້-ຄວາມສາມາດ, ເຄົາລົບຈັນຍາບັນ-ຈັນຍາທຳ, ປະຕິບັດວຽກງານຂອງຕົນດ້ວຍຄວາມຮັບຜິດຊອບສູງ.
ຂ່າວ: ວຽງຈັນໃໝ່
ຄໍາເຫັນ