ພະແນກກະສິກຳ ແລະ ປ່າໄມ້ແຂວງຄຳມ່ວນ ແລະ ອົງການມະນຸດສາດເພື່ອຄົນສູ່ຄົນ (HPP) ໄດ້ຈັດກອງປະຊຸມສະຫຼຸບຜົນການຈັດຕັ້ງປະຕິບັດໂຄງການຫຼຸດຜ່ອນຜົນກະທົບຈາກການແຜ່ລະບາດພະຍາດໂຄວິດ-19 ໂດຍຊຸມຊົນເປັນເຈົ້າການ ໄດ້ຈັດຂຶ້ນເມື່ອວັນທີ 11 ມິຖຸນາ ຜ່ານມາ ທີ່ ແຂວງຄຳມ່ວນ ໂດຍການເປັນປະທານ ຂອ

ສະຫຼຸບໂຄງການຫຼຸດຜ່ອນຜົນກະທົບຈາກໂຄວິດ-19 ຊຸມຊົນເປັນເຈົ້າການ

ສະຫຼຸບໂຄງການຫຼຸດຜ່ອນຜົນກະທົບຈາກໂຄວິດ-19 ຊຸມຊົນເປັນເຈົ້າການ
ພະແນກກະສິກຳ ແລະ ປ່າໄມ້ແຂວງຄຳມ່ວນ ແລະ ອົງການມະນຸດສາດເພື່ອຄົນສູ່ຄົນ (HPP) ໄດ້ຈັດກອງປະຊຸມສະຫຼຸບຜົນການຈັດຕັ້ງປະຕິບັດໂຄງການຫຼຸດຜ່ອນຜົນກະທົບຈາກການແຜ່ລະບາດພະຍາດໂຄວິດ-19 ໂດຍຊຸມຊົນເປັນເຈົ້າການ ໄດ້ຈັດຂຶ້ນເມື່ອວັນທີ 11 ມິຖຸນາ ຜ່ານມາ ທີ່ ແຂວງຄຳມ່ວນ ໂດຍການເປັນປະທານ ຂອງ ກະສິກຳ ແລະ ປ່າໄມ້ ແຂວງຄຳມ່ວນ, ມີພາກສ່ວນກ່ຽວຂ້ອງເຂົ້າຮ່ວມ.

ໂຄງການດັ່ງກ່າວ ໄດ້ຮັບການສະໜັບສະໜູນຈາກທະນາຄານພັດທະນາອາຊີ (ADB) ມີຈຸດປະສົງ ເພື່ອຫຼຸດຜ່ອນສິ່ງທ້າທາຍຕ່າງໆທີ່ຕິດພັນກັບການແຜ່ລະບາດພະຍາດໃນລະດັບຊຸມຊົນ ໂດຍເນັ້ນໃສ່ການປັບປຸງຊີວິດການເປັນຢູ່, ການຈ້າງງາ ແລະ ການເບິ່ງແຍງດູແລສຸຂະພາບຢູ່ແຂວງຄໍາມ່ວນ.

ທ່ານ ນາງ ກິດເຕ້ ເຮັກເຕີ້ ຫົວໜ້າຫ້ອງການອົງການ HPP ລາວ ໃຫ້ຮູ້ວ່າ: “ສະເພາະໂຄງການດັ່ງກ່າວ ແນໃສ່ແຮງງານລາວທີ່ໄປເຮັດວຽກຢູ່ໄທ ຫຼາຍແສນຄົນທີ່ກັບຄືນປະເທດ ຍ້ອນການແຜ່ລະບາດຂອງພະຍາດ ໂຄວິດ-19. ອົງການ HPP ລາວ ຮູ້ສຶກດີໃຈທີ່ພວກເຮົາສາມາດສະໜັບສະໜູນຜູ້ດ້ອຍໂອກາດຈຳນວນໜຶ່ງ ໃຫ້ກັບຄືນມາຢູ່ຊຸມຊົນຂອງພວກເຂົາເຈົ້າອີກ ໂດຍຜ່ານການສ້າງທຸລະກິດຂະໜາດນ້ອຍ ແລະ ສະຖານທີ່ເຮັດວຽກ, ພ້ອມດຽວກັນນັ້ນກໍຈັດຕັ້ງ ແລະ ລະດົມຊຸມຊົນ ເພື່ອຍົກສູງມາດຕະຖານເບິ່ງແຍງສຸຂະພາບ ແລະ ປ້ອງກັນວິກິດການ”.

ໂຄງການໄດ້ຮັບການຈັດຕັ້ງປະຕິບັດໃນເດືອນທັນວາ ປີ 2022 ໂດຍໄດ້ຮັບການສະໜັບສະໜູນຈາກໂຄງການຊ່ວຍເຫຼືອທາງດ້ານວິຊາການຂອງ ADB ດ້ວຍບ້ວງເງິນມູນຄ່າ 430.000 ໂດລາ ຈາກກອງທຶນຍີ່ປຸ່ນເພື່ອການຟຶ້ນຟູ ແລະ ຄວາມຈະເລີນຮຸ່ງເຮືອງໃນອາຊີ ແລະ ປາຊີຟິກ ແລະ ກອງທຶນສາທາລະນະລັດ ປະຊາຊົນຈີນ ເພື່ອຫຼຸດຜ່ອນຄວາມທຸກຍາກ ແລະ ການຮ່ວມມືພາກພື້ນ. ໂຄງການດັ່ງກ່າວໄດ້ເປີດໂອກາດສະເພາະໃຫ້ ADB ໄດ້ຮ່ວມເຮັດວຽກໂດຍກົງກັບອົງການຈັດຕັ້ງສັງຄົມ (CSO) ໃນນັ້ນລວມທັງອົງການຈັດຕັ້ງທີ່ບໍ່ສັງກັດລັດຖະບານ ເພື່ອສະໜັບສະໜູນໜ້າວຽກເຊັ່ນ: ກິດຈະກໍາສະກັດກັ້ນ ແລະ ຕ້ານການລະບາດພະຍາດຂອງຊຸມຊົນ ແລະ ການສ້າງລາຍຮັບຂອງຄົວເຮືອນໃຫ້ແກ່ຜູ້ທີ່ໄດ້ຮັບຜົນກະທົບຈາກການລະບາດພະຍາດໂຄວິດ-19.

ທ່ານ ນາງ ໂຊໂນມິ ທະນາກະ ຫົວໜ້າສຳນັກງານ ADB ປະຈຳ ສປປ ລາວ ໄດ້ໃຫ້ຮູ້ວ່າ: “ໂຄງການດັ່ງກ່າວບັນລຸໄດ້ໝາກຜົນອັນສຳຄັນໃນການປັບປຸງສຸຂະອະນາໄມ ແລະ ການເພີ່ມລາຍຮັບຂອງແມ່ຍິງ ແລະ ຜູ້ຊາຍໃນຊຸມຊົນ”, ທ່ານຍັງໄດ້ໃຫ້ຮູ້ຕື່ມອີກວ່າ: “ໂຄງການໄດ້ສ້າງໂອກາດອັນດີໃນການພັດທະນາກົນໄກທາງດ້ານສະຖາບັນ ເພື່ອເຮັດວຽກຮ່ວມກັນທົ່ວທັງພາກລັດ, ອົງການຈັດຕັ້ງສັງຄົມ ລວມທັງອົງການຈັດຕັ້ງທີ່ບໍ່ສັງກັດລັດຖະບານ ແລະ ADB.”

ໂຄງການຊ່ວຍເຫຼືອທາງດ້ານວິຊາການນີ້ ໄດ້ຈັດຕັ້ງປະຕິບັດຢູ່ 5 ບ້ານໃນເມືອງຄູນຄຳ ແລະ ເມືອງທ່າແຂກ ຂອງ ແຂວງຄຳມ່ວນ ເພື່ອຈັດຝຶກອົບຮົມການຜະລິດກະສິກຳ ແລະ ລະດົມຊຸມຊົນໃຫ້ມີມາດຕະການປ້ອງກັນພະຍາດລະບາດ ແລະ ສ້າງຕັ້ງບ່ອນເຮັດວຽກທີ່ບໍ່ເປັນທາງການ ເພື່ອຊ່ວຍເຫຼືອຊຸມຊົນທີ່ໄດ້ຮັບຜົນກະທົບຈາກການລະບາດຂອງພະຍາດ ໂດຍເນັ້ນໃສ່ແຮງງນຜູ້ທີ່ຍົກຍ້າຍຖິ່ນຖານກັບຄືນປະເທດ ແລະ ພ້ອມທັງ ຄອບຄົວຂອງພວກເຂົາເຈົ້າ ໃນການຮັບປະກັນວຽກເຮັດງານທໍາ ແລະ ສ້າງລາຍຮັບ. ໄດ້ມີການສະໜອງອຸປະກອນ ແລະ ວັດສະດຸໃຫ້ແກ່ບ້ານເປົ້າໜາຍຂອງໂຄງການເພື່ອຜະລິດສະບູ, ຕິດຕັ້ງບ່ອນລ້າງມື, ຜະລິດຜ້າອັດປາກ-ດັງ ພ້ອມທັງ ເຄື່ອງນຸ່ງຫົ່ມ ແລະ ເຄື່ອງໃຊ້ຂອງສອຍທີ່ເຮັດດ້ວຍແຜ່ນແພອື່ນໆ; ພ້ອມນັ້ນ ການສະໜອງພັນພືດ ແລະ ແນວພັນສັດ ກໍເປັນສ່ວນໜຶ່ງຂອງໂຄງການ.

ພາຍຫຼັງໂຄງການເຮັດສຳເລັດໃນເດືອນພະຈິກ 2023, ປະຊາຊົນຫຼາຍກວ່າ 1.265 ຄົນ, ໂດຍສະເພາະແຮງງານເຄື່ອນຍ້າຍໃນເມື່ອກ່ອນ, ສາມາດຜະລິດສະບູ, ຫຍິບຜ້າອັດປາກ ພ້ອມທັງເຄື່ອງນຸ່ງ ແລະ ເຄື່ອງໃຊ້ຂອງສອຍທີ່ເຮັດດ້ວຍແຜ່ນແພເພື່ອສ້າງລາຍຮັບ, ໃນຂະນະທີ່ການປັບປຸງການຜະລິດກະສິກຳ ແລະ ລ້ຽງສັດ ແລະ ການປະມົງ ຊ່ວຍຮັບປະກັນສະບຽງອາຫານ ແລະ ສ້າງລາຍໄດ້. ຄອບຄົວຊາວນາ ແລະ ແຮງງານເຄື່ອນຍ້າຍທີ່ໄດ້ຮັບການຝຶກອົບຮົມ ຍັງໄດ້ຂະຫຍາຍການຜະລິດຂອງພວກເຂົາເຈົ້າ ຊຶ່ງເຮັດໃຫ້ແຮງງງານເຄື່ອນຍ້າຍໃນເມື່ອກ່ອນມີລາຍຮັບທີ່ໝັ້ນຄົງ ຢູ່ບ້ານເກີດເມືອງນອນຂອງພວກເຂົາເຈົ້າ.

ຂ່າວ: ADB

ຄໍາເຫັນ

ຂ່າວວັດທະນະທຳ-ສັງຄົມ

ມອບ - ຮັບ ວຽກງານສື່ມວນຊົນ ແລະ ຖະແຫຼງຂ່າວມາຂຶ້ນກັບ ຄອສພ

ມອບ - ຮັບ ວຽກງານສື່ມວນຊົນ ແລະ ຖະແຫຼງຂ່າວມາຂຶ້ນກັບ ຄອສພ

ພິທີເຊັນບົດບັນທຶກການມອບ - ຮັບວຽກງານສື່ມວນຊົນ (ວຽກງານຖະແຫຼງຂ່າວ) ມາຂຶ້ນກັບຄະ ນະໂຄສະນາອົບຮົມສູນກາງພັກ (ຄອສພ) ໄດ້ຈັດຂຶ້ນໃນວັນທີ 8 ກໍລະກົດນີ້ ທີ່ ຄະນະໂຄສະນາອົບ ຮົມສູນກາງພັກ. ໂດຍການຮ່ວມລົງນາມໃນບົດບັນທຶກລະຫວ່າງ ທ່ານ ຄຳພັນ ເຜີຍຍະວົງ ຄະນະ ເລຂາທິການສູນກາງພັກ ຫົວໜ້າຄະນະໂຄສະນາອົບຮົມສູນກາງພັກ ປະທານສະພາທິດສະດີສູນກາງພັກ ແລະ ທ່ານ ນາງ ສວນສະຫວັນ ວິຍະເກດ ລັດຖະມົນຕີກະຊວງວັດທະນາທຳ ແລະ ການທ່ອງທ່ຽວ ມີພາກສ່ວນທີ່ກ່ຽວຂ້ອງທັງສອງຝ່າຍເຂົ້າຮ່ວມ.
ສຳເລັດກອງປະຊຸມໃຫຍ່ຜູ້ແທນແນວລາວສ້າງຊາດ ເມືອງວຽງຄໍາ ຄັ້ງທີ VI

ສຳເລັດກອງປະຊຸມໃຫຍ່ຜູ້ແທນແນວລາວສ້າງຊາດ ເມືອງວຽງຄໍາ ຄັ້ງທີ VI

ກອງປະຊຸມໃຫຍ່ຜູ້ແທນແນວລາວສ້າງຊາດເມືອງວຽງຄໍາ ແຂວງວຽງຈັນ ຄັ້ງທີ VI ໄດ້ໄຂຂຶ້ນ ແລະ ສຳເລັດລົງ ໃນວັນທີ 8 ກໍລະກົດຜ່ານມາ ທີ່ຫ້ອງວ່າການປົກຄອງເມືອງ, ໂດຍການເຂົ້າຮ່ວມຂອງ ທ່ານ ເທບພະໄທ ແກ້ວເຂັມເພັດ ຄະນະປະຈຳພັກແຂວງ ປະທານແນວລາວສ້າງຊາດແຂວງວຽງຈັນ, ທ່ານ ສົມໝາຍ ໄຊຍະວົງ ເລຂາຄະນະບໍລິຫານງານພັກເມືອງ.
ໄຟຟ້າຫົງສາ ຖວາຍທຽນພັນສາ-ຜ້າອາບນໍ້າຝົນ ໃຫ້ວັດພາຍໃນເມືອງຫົງສາ

ໄຟຟ້າຫົງສາ ຖວາຍທຽນພັນສາ-ຜ້າອາບນໍ້າຝົນ ໃຫ້ວັດພາຍໃນເມືອງຫົງສາ

ໃນລະຫວ່າງວັນທີ 3-7 ກໍລະກົດ ນີ້ ບໍລິສັດໄຟຟ້າຫົງສາ ຈໍາກັດ ໄດ້ຈັດກິດຈະກໍາ ຖວາຍທຽນພັນສາ ແລະ ຜ້າອາບນໍ້າຝົນໃຫ້ວັດພາຍໃນເຂດເມືອງຫົງສາ ລວມທັງໝົດຈໍານວນ 15 ວັດ ເນື່ອງໃນໂອກາດວັນບຸນເຂົ້າພັນສາ ປະຈໍາປີ 2025 ເພື່ອຮ່ວມສົ່ງເສີມພຸດທະສາສະໜາ ແລະ ອະນຸລັກຮີດຄອງປະເພນີອັນດີງາມຂອງຊາວພຸດໃນທ້ອງຖິ່ນ.
ປີນີ້ ລັດຖະບານ ມີແຜນປ່ອຍປາ ແລະ ສັດນໍ້າ ໃຫ້ໄດ້ຫຼາຍກວ່າ 65 ລ້ານໂຕ

ປີນີ້ ລັດຖະບານ ມີແຜນປ່ອຍປາ ແລະ ສັດນໍ້າ ໃຫ້ໄດ້ຫຼາຍກວ່າ 65 ລ້ານໂຕ

ໃນວັນທີ 7 ກໍລະກົດ ຜ່ານມາ ນີ້ ທີ່ ກະຊວງກະສິກໍາ ແລະ ສິ່ງແວດລ້ອມ, ທ່ານ ນາງ ຈັນທະຄອນ ບົວລະພັນ ຮອງລັດຖະມົນຕີກະຊວງກະສິກໍາ ແລະ ສິ່ງແວດລ້ອມ ໄດ້ໃຫ້ກຽດຖະແຫຼງຂ່າວ ເນື່ອງໃນໂອກາດ ວັນປ່ອຍປາ ແລະ ສັດນໍ້າແຫ່ງຊາດ ວ່າ: ພັກ ແລະ ລັດຖະບານ ຍາມໃດກໍເຫັນຄວາມສໍາຄັນ ແລະ ຖືເອົາການຄຸ້ມຄອງ ການປົກປັກຮັກສາ ການພັດທະນາ ແລະ ການນຳໃຊ້ ປາ ແລະ ສັດນໍ້າ ເປັນວຽກສຳຄັນ ແລະ ມີຄວາມຈໍາເປັນ ສໍາລັບຊີວິດການເປັນຢູ່ ຂອງປະຊາຊົນລາວ ຊຶ່ງໄດ້ກຳນົດເອົາ ວັນທີ 13 ກໍລະກົດ ຂອງທຸກໆປີ ເປັນວັນປ່ອຍປາ ແລະ ສັດນໍ້າ ແຫ່ງຊາດ ເພື່ອຄຸ້ມຄອງ ປົກປັກຮັກສາ ແລະ ພັດທະນາສັດນ້ຳ ໃຫ້ອຸດົມສົມບູນ ແລະ ມີຄວາມຍືນຍົງ ຊຶ່ງໄດ້ເລີ່ມແຕ່ປີ 1997 ເປັນຕົ້ນມາ ແລະ ໃນປີນີ້ ກໍຄົບຮອບ 28 ປີ. ນອກຈາກນີ້ ວັນດັ່ງກ່າວ ຍັງກົງກັບ ວັນເກີດຂອງ ປະທານ ສຸພານຸວົງ ຜູ້ນໍາທີ່ແສນເຄົາລົບຮັກ ຂອງປວງຊົນລາວທັງຊາດ.
2024 ນະຄອນຫຼວງວຽງຈັນ ສາມາດປົດໜີ້ສິນໂຄງການລົງທຶນຂອງລັດໄດ້ 25 ໂຄງການ

2024 ນະຄອນຫຼວງວຽງຈັນ ສາມາດປົດໜີ້ສິນໂຄງການລົງທຶນຂອງລັດໄດ້ 25 ໂຄງການ

ສະມາຊິກສະພາປະຊາຊົນນະຄອນຫຼວງວຽງຈັນ (ສສນວ) ຮັບຟັງການຊີ້ແຈງກ່ຽວກັບການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ 6 ເດືອນຕົ້ນປີ ຄັ້ງທີ IX (2021- 2025) ໃນວັນທີ 8 ກໍລະກົດນີ້ ທີ່ກອງປະຊຸມສະໄໝສາມັນເທື່ອທີ 9 ຂອງສະພາປະຊາຊົນນະຄອນຫຼວງວຽງຈັນ ຊຸດທີ II, ໂດຍການເປັນປະທານຂອງທ່ານ ອານຸພາບ ຕຸນາລົມ ປະທານສະພາປະຊາຊົນ ນວ.
ມອບ-ຮັບໃບຢັ້ງຢືນໜ່ວຍພັກປອດໃສ ເຂັ້ມແຂງ ໜັກແໜ້ນ ປະຈຳປີ 2024

ມອບ-ຮັບໃບຢັ້ງຢືນໜ່ວຍພັກປອດໃສ ເຂັ້ມແຂງ ໜັກແໜ້ນ ປະຈຳປີ 2024

ຄະນະປະຈຳພັກ ມະຫາວິທະຍາໄລແຫ່ງຊາດ (ມຊ) ໄດ້ຈັດພິທີມອບ-ຮັບໃບຢັ້ງຢືນໜ່ວຍພັກປອດໃສ ເຂັ້ມແຂງ ໜັກແໜ້ນ ປະຈຳປີ 2024, ປະກາດພະນັກງານເຂົ້າຮັບອຸດໜູນບຳນານ ແລະ ເຜີຍແຜ່ເຊື່ອມຊຶມມະຕິກອງປະຊຸມຄົບຄະນະບໍລິຫານງານສູນກາງພັກ ຄັ້ງທີ 10 ສະໄໝ XI ຂຶ້ນໃນວັນທີ 8 ກໍລະກົດນີ້ ທີ່ ມຊ ໂດຍການເປັນປະທານຂອງສະຫາຍ ທອງສະລິດ ມັງໜໍ່ເມກ ເລຂາຄະນະພັກ ລັດຖະມົນຕີກະຊວງສຶກສາທິການ ແລະ ກິລາ (ສສກ), ມີຄະນະພັກ, ຄະນະນຳ, ພະນັກງານ-ລັດຖະກອນ ເຂົ້າຮ່ວມ.
ຄວາມຄິດເຫັນ ຕໍ່ວັນສ້າງຕັ້ງສະຫະພັນແມ່ຍິງລາວ ຄົບຮອບ 70 ປີ  (20 ກໍລະກົດ1955-20 ກໍລະກົດ 2025)

ຄວາມຄິດເຫັນ ຕໍ່ວັນສ້າງຕັ້ງສະຫະພັນແມ່ຍິງລາວ ຄົບຮອບ 70 ປີ (20 ກໍລະກົດ1955-20 ກໍລະກົດ 2025)

ໃນໂອກາດວັນສ້າງຕັ້ງ ສະຫະພັນແມ່ຍິງລາວ ຄົບຮອບ 70 ປີ, ທ່ານ ນາງ ຜາສຸກ ວົງວິຈິດ ຄະນະບໍລິຫານງານສູນກາງສະຫະພັນແມ່ຍິງລາວ ປະທານສະຫະພັນແມ່ຍິງ ກະຊວງສາທາລະນະສຸກ ຮອງອະທິການບໍດີ ມະຫາວິທະຍາໄລ ວິທະຍາສາດ ສຸກຂະພາບ ໄດ້ສະແດງຄວາມຄິດເຫັນຕໍ່ວັນດັ່ງກ່າວວ່າ: ວັນທີ 20 ກໍລະກົດ ປີ 1955 ເປັນວັນທີ່ມີຄວາມໝາຍຄວາມສຳຄັນທີ່ສຸດ ເປັນວັນກຳເນີດເກີດຂຶ້ນຂອງສະຫະພັນແມ່ຍິງລາວ ນັບແຕ່ ວັນທີ 22 ມີນາ 1955 ພັກປະຊາຊົນລາວ ໄດ້ຮັບການສ້າງຕັ້ງຂຶ້ນ; ພັກກໍໄດ້ຈັດຕັ້ງໜ່ວຍຄົ້ນຄວ້າວຽກງານແມ່ຍິງ ຂຶ້ນຢ່າງເປັນທາງການ (ຊຶ່ງເປັນ​ຕົ້ນກຳເນີດ ຂອງອົງການຈັດຕັ້ງສະຫະພັນແມ່ຍິງລາວໃນປັດຈຸບັນ)
ແມ່ຍິງ ຄອສພ ປາຖະກະຖາສະຫຼອງວັນສ້າງຕັ້ງສະຫະພັນແມ່ຍິງລາວ ຄົບຮອບ 70 ປີ

ແມ່ຍິງ ຄອສພ ປາຖະກະຖາສະຫຼອງວັນສ້າງຕັ້ງສະຫະພັນແມ່ຍິງລາວ ຄົບຮອບ 70 ປີ

ສະຫະພັນແມ່ຍິງຄະນະໂຄສະນາອົບຮົມສູນກາງພັກ (ຄອສພ) ໄດ້ຈັດພິທີປາຖະກະຖາສະເຫຼີມສະຫຼອງວັນສ້າງຕັ້ງສະຫະພັນແມ່ຍິງລາວ ຄົບຮອບ 70 ປີ (20 ກໍລະກົດ 1955-20 ກໍລະກົດ 2025) ຂຶ້ນໃນວັນທີ 8 ກໍລະກົດນີ້ ທີ່ຄອສພ ໂດຍໃຫ້ກຽດປາຖະກະຖາຂອງສະຫາຍນາງ ອາລີ ວົງໜໍ່ບຸນທໍາ ກໍາມະການສູນກາງພັກ ປະທານຄະນະບໍລິຫານງານສູນກາງສະຫະພັນແມ່ຍິງລາວ (ສສຍລ), ມີສະຫາຍ ນາງ ວິລະວອນ ພັນທະວົງ ຄະນະປະຈໍາພັກ ຮອງຫົວໜ້າ ຄອສພ ຜູ້ຊີ້ນໍາອົງການຈັດຕັ້ງມະຫາຊົນ ຄອສພ, ມີ ສະຫາຍ ນາງ ຈັນສຸກ ພິມມະວັນ ປະທານສະຫະພັນແມ່ຍິງ ຄອສພ, ມີບັນດາປະທານ-ຮອງປະທານສະຫະພັນແມ່ຍິງ, ສະມະຊິກແມ່ຍິງອ້ອມຂ້າງ ຄອສພ ເຂົ້າຮ່ວມຮັບຟັງ.
ຮອງປະທານ ສນຊ ຍົກໃຫ້ເຫັນພາລະບົດບາດ ມູນເຊື້ອ ອັນສະຫງ່າງາມ ຂອງແນວລາວສ້າງຊາດ

ຮອງປະທານ ສນຊ ຍົກໃຫ້ເຫັນພາລະບົດບາດ ມູນເຊື້ອ ອັນສະຫງ່າງາມ ຂອງແນວລາວສ້າງຊາດ

ທ່ານ ນາງ ອິນລາວັນ ແກ້ວບຸນພັນ ກຳມະການສູນກາງພັກ ຮອງປະທານສູນກາງແນວລາວສ້າງຊາດ (ສນຊ) ໄດ້ຂຶ້ນແລກປ່ຽນບົດຮຽນ ກັບພະນັກງານນຳພາ-ຄຸ້ມຄອງ ໃນຊຸດບຳລຸງວຽກງານປ້ອງກັນຊາດ-ປ້ອງກັນຄວາມສະຫງົບ (ປກຊ-ປກສ) ຊຸດທີ XXI ຢູ່ທີ່ວິທະຍາຄານປ້ອງກັນຊາດ ໄກສອນ ພົມວິຫານ ໃນວັນທີ 7 ກໍລະກົດ ນີ້.
ສຳມະນາການເສີມສ້າງບຸກຄະລິກກະພາບຈາກພາຍໃນສູ່ພາຍນອກ

ສຳມະນາການເສີມສ້າງບຸກຄະລິກກະພາບຈາກພາຍໃນສູ່ພາຍນອກ

ກອງປະຊຸມສຳມະນາ ໃນຫົວຂໍ້ “ການເສີມສ້າງບຸກຄະລິກກະພາບຈາກພາຍໃນສູ່ພາຍນອກ ແລະ ໃຫ້ຄວາມຮູ້ດ້ານສຸຂະພາບ (ພະຍາດມະເຮັງ) ແລະ ຫຼັກການຮັບປະທານ ໄດ້ຈັດຂຶ້ນຫວ່າງມໍ່ໆມານີ້ ທີ່ ສະພາການຄ້າ ແລະ ອຸດສາຫະກຳແຫ່ງຊາດລາວ ໂດຍການເປັນປະທານຂອງ ທ່ານ ນາງ ຈັນທະຈອນ ວົງໄຊ ປະທານສະມາຄົມນັກທຸລະກິດແມ່ຍິງລາວ, ມີພາກສ່ວນທີ່ກ່ຽວຂ້ອງ ແລະ ນັກສຳມະນາກອນເຂົ້າຮ່ວມ.
ເພີ່ມເຕີມ