ປະຈໍາປີ 2024 ແລະ ທິດທາງແຜນການ, ວຽກງານຈຸດສຸມ ປະຈໍາປີ 2025, ໄດ້ຈັດຂຶ້ນໃນວັນທີ 23 ມັງກອນນີ້ ຢູ່ທີ່ສະໂມສອນຂອງແຂວງສາລະວັນ, ໂດຍພາຍໃຕ້ການປະທານຂອງ ທ່ານ ພົນເອກ ຈັນສະໝອນ ຈັນຍາລາດ ກຳມະການກົມການເມືອງສູນກາງພັກ ຮອງປະທານ ຜູ້ປະຈຳການຄະນະກຳມະການ ປກຊ-ປກສ ສູນກາງ ຮອງນາຍົກລັດຖະມົນຕີ, ມີມີບັນດາທ່ານ ປະທານ ແລະ ຄະນະກໍາມະການປ້ອງກັນຊາດ-ປ້ອງກັນຄວາມສະຫງົບຂັ້ນແຂວງ ຂອງບັນດາແຂວງດັ່ງກ່າວ ພ້ອມດ້ວຍ ຄະນະບັນຊາກອງພົນທະຫານຮາບທີ 5 ເຂົ້າຮ່ວມ.
ກອງປະຊຸມຄັ້ງນີ້, ໄດ້ຕີລາຄາຄືນການຈັດຕັ້ງປະຕິບັດວຽກງານປ້ອງກັນຊາດ-ປ້ອງກັນຄວາມສະຫງົບໃນໄລຍະ 1 ປີ, ພາຍໃຕ້ການຊີ້ນໍາ-ນໍາພາຂອງກົມການເມືອງສູນກາງພັກ, ລັດຖະບານ, ໂດຍສະເພາະ ແມ່ນການຊີ້ນໍາ-ນໍາພາຂອງຄະນະກຳມະການ ປກຊ-ປກສ ສູນກາງ, ຂັ້ນແຂວງ ແລະ ໄດ້ຮັບການຮ່ວມມືຈາກບັນດາອົງການຈັດຕັ້ງ, ອົງການປົກຄອງແຕ່ລະຂັ້ນ, ການປະກອບສ່ວນຂອງປະຊາຊົນບັນດາເຜົ່າ ແລະ ຄວາມບຸກບືນສູ້ຊົນຂອງກຳລັງປ້ອງກັນຊາດ-ປ້ອງກັນຄວາມສະຫງົບໃນການຈັດຕັ້ງປະຕິບັດວຽກງານໃນປີຜ່ານມາສາມາດຍາດໄດ້ຜົນງານດີຫຼາຍດ້ານ ເປັນຕົ້ນ: ແກ້ໄຂປະກົດການຫຍໍ້ທໍ້ຕ່າງໆ ຕິດພັນກັບການປັບປຸງກໍ່ສ້າງ, ຈັດຕັ້ງຝຶກອົບຮົມຫັດແອບດ້ານສີນລະປະຍຸດ-ຍຸດທະວິທີ, ວິຊາສະເພາະເຕັກນິກໃຫ້ກໍາລັງ, ທັງໄດ້ຫັນລົງກໍ່ສ້າງຮາກຖານການເມືອງ, ພັດທະນາຊົນນະບົດຢ່າງຮອບດ້ານ, ແຂງແຮງ ແລະ ມີຈຸດສຸມ ສະແດງອອກໃນການຮັບປະກັນເຮັດໃຫ້ປະເທດຊາດ, ເວົ້າສະເພາະ 4 ແຂວງມີຄວາມສະຫງົບ, ມີສະຖຽນລະພາບທາງດ້ານການເມືອງຢ່າງໜັກແໜ້ນ, ສັງຄົມມີຄວາມເປັນລະບຽບຮຽບຮ້ອຍ, ລະບົບການເມືອງຢູ່ຂັ້ນຮາກຖານໄດ້ຮັບການປັບປຸງ, ເສດຖະກິດໄດ້ຮັບການພັດທະນາ ແລະ ຂະຫຍາຍຕົວຢ່າງຕໍ່ເນື່ອງ, ຊີວິດການເປັນຢູ່ຂອງປະຊາຊົນບັນດາເຜົ່າໄດ້ພັດທະນາດີຂຶ້ນ. ຈາກນັ້ນ, ຜູ້ເຂົ້າຮ່ວມ ກໍໄດ້ປະກອບຄໍາຫັນ, ແລກປ່ຽນບົດຮຽນໝາກຜົນຂອງການຈັດຕັ້ງປະຕິບັດວຽກງານປ້ອງກັນຊາດ-ປ້ອງກັນຄວາມສະຫງົບ, ທ້ອງຖິ່ນຂອງຕົນ ແລະ ເປັນເອກະພາບສູງຕໍ່ບົດສະຫຼຸບວຽກງານປ້ອງກັນຊາດ-ປ້ອງກັນຄວາມສະຫງົບໃນປີ 2024 ຜ່ານມາແລະ ທິດທາງແຜນການບັນດາວຽກງານຈຸດສຸມປະຈໍາປີ 2025 ໃຫ້ໄດ້ຮັບໝາກຜົນສູງຂຶ້ນກວ່າເກົ່າ.
ໃນໂອກາດນີ້, ທ່ານ ພົນເອກ ຈັນສະໝອນ ຈັນຍາລາດ ໄດ້ເນັ້ນບາງບັນຫາໃຫ້ເອົາໃຈໃສ່ ເປັນຕົ້ນ: ສືບຕໍ່ສຶກສາອົບຮົມການເມືອງແນວຄິດໃຫ້ກໍາລັງ ປກຊ-ປກສ, ປະຊາຊົນບັນດາເຜົ່າຮັບຮູ້-ເຂົ້າໃຈ ແລະ ປະຕິບັດວຽກງານ ປກຊ-ປກສ ຢ່າງແຂງແຮງ, ປັບປຸງແບບແຜນການນໍາພາ-ບັນຊາ, ຈັດຕັ້ງຝຶກອົບຮົມ, ຫັດແອບສີນລະປະຍຸດ-ຍຸດທະວິທີ ແລະ ວິຊາສະເພາະ, ຫັນລົງກໍ່ສ້າງຮາກຖານການເມືອງ, ພັດທະນາຊົນນະບົດ ແລະ ແກ້ໄຂຄວາມທຸກຍາກຂອງປະຊາຊົນ, ສ້າງບ້ານປ້ອງກັນຊາດເຂັ້ມແຂງ, ບ້ານປ້ອມໝັ້ນ-ກຸ່ມບ້ານສູ້ຮົບຕິດລ່ຽນໃຫ້ຫຼາຍຂຶ້ນ ແລະ ເອົາໃຈໃສ່ແກ້ໄຂບັນຫາປະກົດການຫຍໍ້ທໍ້ຕ່າງໆໃນສັງຄົມ ເພື່ອເຮັດໃຫ້ 4 ແຂວງພາກໃຕ້ ສືບຕໍ່ມີສະຖຽນລະພາບທາງດ້ານການເມືອງ, ສັງຄົມມີຄວາມສະຫງົບ-ເປັນລະບຽບຮຽບຮ້ອຍໂດຍພື້ນຖານປະກອບສ່ວນເຂົ້າໃນການພັດທະນາເສດຖະກິດ ແລະ ພັດທະນາຊີວິດການເປັນຢູ່ຂອງປະຊາຊົນໃຫ້ດີຂຶ້ນເປັນກ້າວໆ.
(ຂ່າວ-ພາບ: ວິໄລວອນ ສິດທິໄຊ)
ຄໍາເຫັນ