ສໍາເລັດບັນຍາຍເອກະສານຫົວຂໍ້: “ວຽກງານການນໍາພາ-ຊີ້ນໍາ ຕາມທິດຊີ້ນໍາຂອງພັກ-ລັດ”ໃຫ້ພະນັກງານນໍາພາ-ຄຸ້ມຄອງຫຼັກແຫຼ່ງ ທະນາຄານການຄ້າຕ່າງປະເທດລາວມະຫາຊົນ

ໃນພິທີດັ່ງກ່າວ, ທ່ານ ຄໍາກອງ ທໍາມະເທວາ ໄດ້ບັນຍາຍ 3 ເອກະສານ ຄື: 1. ຄຸນທາດການເມືອງ ແລະ ຄຸນສົມບັດສິນທໍາປະຕິວັດ ຂອງພະນັກງານ - ສະມາຊິກພັກ; 2. ພະນັກງານນໍາພາຄຸ້ມຄອງ ຕ້ອງກໍາແໜ້ນແບບແຜນນໍາພາ ແລະ ວິທີເຮັດວຽກທີ່ຖືກກັບແນວທາງຂອງພັກ ແລະ ກົດໝາຍຂອງລັດ; 3. ສັງຄົມສາມັກຄີປອງດອງແມ່ນບໍ່ເກີດແຫ່ງກໍາລັງແຮງ ຂອງການປົກປັກຮັກສາ ແລະ ພັດທະນາປະເທດຊາດ ຊຶ່ງເຮັດໃຫ້ພະນັກງານນໍາພາ-ຄຸ້ມຄອງຫຼັກແຫຼ່ງ ຂອງທະນາຄານການຄ້າຕ່າງປະເທດລາວມະຫາຊົນ ໄດ້ສ້າງຄວາມຮັບຮູ້, ເຂົ້າໃຈ ແລະ ເພື່ອເປັນການເພີ່ມທະວີບົດບາດການນໍາພາ-ຊີ້ນໍາວຽກງານຂອງຕົນໃຫ້ມີປະສິດທິພາບ ແລະ ປະສິດທິຜົນ, ມີຄຸນທາດການເມືອງ, ຄຸນສົມບັດສິນທໍາປະຕິວັດຢ່າງໜັກແໜ້ນ; ຈົງຮັກພັກດີຕໍ່ອຸດົມການສັງຄົມນິຍົມ, ປະຕິບັດໜ້າທີ່ການເມືອງຂອງຕົນຢ່າງບໍລິສຸດສັດຊື່;ມີຄວາມສາມັກຄີເປັນປຶກແຜ່ນ, ມີຄວາມເຊື່ອໝັ້ນຕໍ່ການນໍາພາຂອງພັກ; ເປັນເຈົ້າການປະກອບສ່ວນເຂົ້າໃນພາລະກິດປົກປັກຮັກສາ ແລະ ພັດທະນາປະເທດຊາດ.

(ຂ່າວ-ພາບ: ທອງໄຊ ຈັນທະຄໍາ)