ທະນາຄານນະໂຍບາຍ (ທນບ) ໄດ້ຈັດຕັ້ງກອງປະຊຸມສະຫຼຸບການເຄື່ອນໄຫວວຽກງານຂອງ ທນບປະຈຳປີ 2023 ແລະກຳນົດທິດທາງແຜນການປະຈຳປີ 2024 ລະຫວ່າງວັນທີ 12-14 ກຸມພາ ຜ່ານມາທີ່ສະໂມສອນສະຖາບັນການທະນາຄານນະຄອນຫຼວງວຽງຈັນ ໂດຍການເປັນປະທານຂອງທ່ານວິສອນໄຊສົງຄາມຜູ້ອຳນວຍການທນບແລະໃຫ້ກຽດເຂົ້າຮ່ວມຂອງທ່ານບຸນເຫຼືອສິນໄຊວໍຣະວົງຜູ້ວ່າການທະນາຄານແຫ່ງສປປລາວປະທານສະພາບໍລິຫານທນບ; ມີບັນດາຄະນະອຳນວຍການ, ຄະນະພະແນກ-ທຽບເທົ່າ, ຄະນະສາຂາ ແລະ ພາກສ່ວນທີ່ກ່ຽວຂ້ອງ ເຂົ້າຮ່ວມ.
ກອງປະຊຸມໄດ້ພ້ອມກັນຄົ້ນຄວ້າຕີລາຄາເຖິງຜົນສຳເລັດໃນການເຄື່ອນໄຫວວຽກງານຂອງ ທນບໃນປີຜ່ານມາ ແລະ ຄົ້ນຄວ້າກຳນົດ ທິດທາງ-ແຜນການ ປະຈຳປີ 2024 ເປັນຕົ້ນ ແຜນການສະໜອງສິນເຊື່ອ ແຜນການດຳເນີນທຸລະກິດ ແລະ ແຜນການກະກຽມຄວາມພ້ອມຮອບດ້ານໃນການຫັນເປັນທະນາຄານພັດທະນາຊົນນະບົດ (ທພບ) ແລະ ຮັບຟັງການລາຍງານການຈັດຕັ້ງປະຕິບັດວຽກງານໃຫ້ບໍລິການ, ການສະໜອງສິນເຊື່ອ ແລະ ຜ່ານຂໍ້ຕົກລົງ ວ່າດ້ວຍການປະເມີນຈັດປະເພດການຈັດຕັ້ງປະຕິບັດວຽກງານດີເດັ່ນຂອງບັນດາສາຂາ, ຫ້ອງການປະສານງານແລະໜ່ວຍບໍລິການປະຈຳປີ 2023.
ໃນໂອກາດດັ່ງກ່າວ, ທ່ານບຸນເຫຼືອສິນໄຊວໍຣະວົງໄດ້ຕີລາຄາສູງຕໍ່ຜົນສຳເລັດໃນການຊີ້ນຳ-ນຳພາຂອງບັນດາຄະນະອຳນວຍການແລະຄະນະບໍລິຫານງານທນບໃນການຈັດຕັ້ງປະຕິບັດວຽກງານໃນປີຜ່ານມາ ຈຶ່ງສາມາດຍາດໄດ້ຜົນສໍາເລັດທີ່ພົ້ນເດັ່ນຫຼາຍດ້ານໂດຍລວມເຫັນວ່າມີຫຼາຍຕົວຊີ້ວັດມີທ່າອຽງດີຂຶ້ນເປັນລໍາດັບ.
ທ່ານປະທານສະພາບໍລິຫານທນບຍັງໄດ້ເນັ້ນໜັກໃຫ້ເອົາໃຈໃສ່ດັ່ງລຸ່ມນິ້: 1.ສຶກສາອົບຮົມການເມືອງ-ແນວຄິດໃຫ້ແກ່ຖັນແຖວສະມາຊິກພັກ-ພະນັກງານໃຫ້ເປັນປົກກະຕິ ແລະເລິກເຊິ່ງເຖິງຖອງກວ່າເກົ່າ ເພື່ອເຮັດມີການຫັນປ່ຽນທີ່ຕັ້ງໜ້າດີຂຶ້ນ;2. ປັບປຸງແບບແຜນການນຳພາ ແລະວິທີເຮັດວຽກຂອງຄະນະນຳແຕ່ລະຂັ້ນນັບແຕ່ສຳນັກງານໃຫຍ່ຈົນເຖິງຂັ້ນທ້ອງຖິ່ນ-ຮາກຖານ;3.ເອົາໃຈໃສ່ວຽກງານຈັດຕັ້ງ-ພະນັກງານໃຫ້ມີການສັບປ່ຽນໝູນວຽນ ມີການຕິດຕາມການຈັດຕັ້ງປະຕິບັດວຽກງານ ໃຫ້ເປັນປົກກະຕິ; 4.ເອົາໃຈໃສ່ໃຫ້ຄວາມສຳຄັນວຽກງານກວດກາ,ພະນັກງານກວດກາ ຕ້ອງມີຄວາມຮູ້-ຄວາມສາມາດ, ມີຄຸນສົມບັດສິນທຳປະຕິວັດ, ທ່ຽງທຳ, ຮູ້ແລະເຂົ້າໃຈຢ່າງເລິກເຊິ່ງຕໍ່ລະບຽບ, ກົດໝາຍ ເພື່ອເຮັດໃຫ້ວຽກງານກວດກາໄດ້ຮັບປະສິດທິຜົນ; 5. ເອົາໃຈໃສ່ວຽກງານວິຊາສະເພາະ ເປັນຕົ້ນແມ່ນການອຳນວຍຄວາມສະດວກໃຫ້ປະຊາຊົນໄດ້ເຂົ້າເຖິງການບໍລິການທາງດ້ານການເງິນ, ການສະໜອງສິນເຊື່ອຕາມແນວທາງນະໂຍບາຍຂອງພັກ-ລັດຖະບານໃນໄລຍະໃໝ່ ຕິດພັນກັບການຫັນເປັນທະນາຄານພັດທະນາຊົນນະບົດ ໃຫ້ຮັບປະກັນຄຸນນະພາບ, ມີປະສິດທິຜົນ ບົນພື້ນຖານໃຫ້ມີການໄລ່ລຽງຄຽງຄູ່ກັບການສົ່ງເສີມພັດທະນາຊົນນະບົດ ແລະ ແກ້ໄຂຄວາມທຸກຍາກໃຫ້ຫຼຸດລົງຢ່າງເປັນຮູບປະທໍາ,ເອົາໃຈໃສ່ການຄຸ້ມຄອງບໍລິຫານລາຍຮັບ-ລາຍຈ່າຍພ້ອມກັນປະຢັດມັດທະຢັດ, ຫຼີກລ່ຽງລາຍຈ່າຍ ທີ່ເປັນອັນຟຸ່ມເຟືອຍ; 6. ເພີ່ມທະວີການລົງໃກ້ຊີດຕິດແທດກັບທ້ອງຖິ່ນຮາກຖານ ໂດຍສົມທົບອຳນາດການປົກຄອງທ້ອງຖິ່ນໃຫ້ເຂົ້າໃຈຢ່າງເລິກເຊິ່ງ ຕໍ່ພາລະບົດບາດໃນໄລຍະໃໝ່ຂອງ ທພບ; 7.ຕ້ອງເພີ່ມທະວີການໂຄສະນາ,ປະຊາສຳພັນ ແລະ ອໍານວຍຄວາມສະດວກໃຫ້ປະຊາຊົນຢູ່ເຂດຊົນນະບົດສາມາດເຂົ້າເຖິງການບໍລິການ.
(ຂ່າວ-ພາບ:ທນບ)
ກອງປະຊຸມໄດ້ພ້ອມກັນຄົ້ນຄວ້າຕີລາຄາເຖິງຜົນສຳເລັດໃນການເຄື່ອນໄຫວວຽກງານຂອງ ທນບໃນປີຜ່ານມາ ແລະ ຄົ້ນຄວ້າກຳນົດ ທິດທາງ-ແຜນການ ປະຈຳປີ 2024 ເປັນຕົ້ນ ແຜນການສະໜອງສິນເຊື່ອ ແຜນການດຳເນີນທຸລະກິດ ແລະ ແຜນການກະກຽມຄວາມພ້ອມຮອບດ້ານໃນການຫັນເປັນທະນາຄານພັດທະນາຊົນນະບົດ (ທພບ) ແລະ ຮັບຟັງການລາຍງານການຈັດຕັ້ງປະຕິບັດວຽກງານໃຫ້ບໍລິການ, ການສະໜອງສິນເຊື່ອ ແລະ ຜ່ານຂໍ້ຕົກລົງ ວ່າດ້ວຍການປະເມີນຈັດປະເພດການຈັດຕັ້ງປະຕິບັດວຽກງານດີເດັ່ນຂອງບັນດາສາຂາ, ຫ້ອງການປະສານງານແລະໜ່ວຍບໍລິການປະຈຳປີ 2023.
ໃນໂອກາດດັ່ງກ່າວ, ທ່ານບຸນເຫຼືອສິນໄຊວໍຣະວົງໄດ້ຕີລາຄາສູງຕໍ່ຜົນສຳເລັດໃນການຊີ້ນຳ-ນຳພາຂອງບັນດາຄະນະອຳນວຍການແລະຄະນະບໍລິຫານງານທນບໃນການຈັດຕັ້ງປະຕິບັດວຽກງານໃນປີຜ່ານມາ ຈຶ່ງສາມາດຍາດໄດ້ຜົນສໍາເລັດທີ່ພົ້ນເດັ່ນຫຼາຍດ້ານໂດຍລວມເຫັນວ່າມີຫຼາຍຕົວຊີ້ວັດມີທ່າອຽງດີຂຶ້ນເປັນລໍາດັບ.
ທ່ານປະທານສະພາບໍລິຫານທນບຍັງໄດ້ເນັ້ນໜັກໃຫ້ເອົາໃຈໃສ່ດັ່ງລຸ່ມນິ້: 1.ສຶກສາອົບຮົມການເມືອງ-ແນວຄິດໃຫ້ແກ່ຖັນແຖວສະມາຊິກພັກ-ພະນັກງານໃຫ້ເປັນປົກກະຕິ ແລະເລິກເຊິ່ງເຖິງຖອງກວ່າເກົ່າ ເພື່ອເຮັດມີການຫັນປ່ຽນທີ່ຕັ້ງໜ້າດີຂຶ້ນ;2. ປັບປຸງແບບແຜນການນຳພາ ແລະວິທີເຮັດວຽກຂອງຄະນະນຳແຕ່ລະຂັ້ນນັບແຕ່ສຳນັກງານໃຫຍ່ຈົນເຖິງຂັ້ນທ້ອງຖິ່ນ-ຮາກຖານ;3.ເອົາໃຈໃສ່ວຽກງານຈັດຕັ້ງ-ພະນັກງານໃຫ້ມີການສັບປ່ຽນໝູນວຽນ ມີການຕິດຕາມການຈັດຕັ້ງປະຕິບັດວຽກງານ ໃຫ້ເປັນປົກກະຕິ; 4.ເອົາໃຈໃສ່ໃຫ້ຄວາມສຳຄັນວຽກງານກວດກາ,ພະນັກງານກວດກາ ຕ້ອງມີຄວາມຮູ້-ຄວາມສາມາດ, ມີຄຸນສົມບັດສິນທຳປະຕິວັດ, ທ່ຽງທຳ, ຮູ້ແລະເຂົ້າໃຈຢ່າງເລິກເຊິ່ງຕໍ່ລະບຽບ, ກົດໝາຍ ເພື່ອເຮັດໃຫ້ວຽກງານກວດກາໄດ້ຮັບປະສິດທິຜົນ; 5. ເອົາໃຈໃສ່ວຽກງານວິຊາສະເພາະ ເປັນຕົ້ນແມ່ນການອຳນວຍຄວາມສະດວກໃຫ້ປະຊາຊົນໄດ້ເຂົ້າເຖິງການບໍລິການທາງດ້ານການເງິນ, ການສະໜອງສິນເຊື່ອຕາມແນວທາງນະໂຍບາຍຂອງພັກ-ລັດຖະບານໃນໄລຍະໃໝ່ ຕິດພັນກັບການຫັນເປັນທະນາຄານພັດທະນາຊົນນະບົດ ໃຫ້ຮັບປະກັນຄຸນນະພາບ, ມີປະສິດທິຜົນ ບົນພື້ນຖານໃຫ້ມີການໄລ່ລຽງຄຽງຄູ່ກັບການສົ່ງເສີມພັດທະນາຊົນນະບົດ ແລະ ແກ້ໄຂຄວາມທຸກຍາກໃຫ້ຫຼຸດລົງຢ່າງເປັນຮູບປະທໍາ,ເອົາໃຈໃສ່ການຄຸ້ມຄອງບໍລິຫານລາຍຮັບ-ລາຍຈ່າຍພ້ອມກັນປະຢັດມັດທະຢັດ, ຫຼີກລ່ຽງລາຍຈ່າຍ ທີ່ເປັນອັນຟຸ່ມເຟືອຍ; 6. ເພີ່ມທະວີການລົງໃກ້ຊີດຕິດແທດກັບທ້ອງຖິ່ນຮາກຖານ ໂດຍສົມທົບອຳນາດການປົກຄອງທ້ອງຖິ່ນໃຫ້ເຂົ້າໃຈຢ່າງເລິກເຊິ່ງ ຕໍ່ພາລະບົດບາດໃນໄລຍະໃໝ່ຂອງ ທພບ; 7.ຕ້ອງເພີ່ມທະວີການໂຄສະນາ,ປະຊາສຳພັນ ແລະ ອໍານວຍຄວາມສະດວກໃຫ້ປະຊາຊົນຢູ່ເຂດຊົນນະບົດສາມາດເຂົ້າເຖິງການບໍລິການ.
(ຂ່າວ-ພາບ:ທນບ)
ຄໍາເຫັນ