 |
ໃນນັ້ນ, ຍັງນໍາໃຊ້ລົດດູດ-ປັດ ແລະ ລົດນໍ້າເພື່ອສີດລ້າງ, ຖັງຂີ້ເຫຍື້ອທີ່ນໍາມາວາງໃນບຸນທາດຫຼວງປີນີ້ມີທັງໝົດ 300 ຖັງ, ມີຖົງດໍາໄວ້ຄ່ຽນຖ່າຍຂີ້ເຫຍື້ອພາຍໃນງານ. ສໍາລັບການອານາໄມ ຫຼື ຄ່ຽນຖ່າຍຈຸດທີ່ຢູ່ໃນຖັງ ບໍ່ສາມາດອານາໄມ ຫຼື ກວດຕາມເດີນໄດ້ຕະຫຼອດ ເນື່ອງຈາກສະພາບແອອັດຂອງຄົນ ຈຶ່ງໄດ້ເລີ່ມອານາໄມເວລາ 11 ໂມງກາງຄືນ ຂອງທຸກໆມື້ ໂດຍມີພະນັກງານເກັບມ້ຽນ ແລະ ອານາໄມ 280 ຄົນ ແລະ ໄດ້ແບ່ງກະໃນການເຮັດວຽກລໍຖ້າພາຍໃນງານຕະຫຼອດ 24 ຊົ່ວໂມງ ເຮັດໃຫ້ມີຜົນສໍາເລັດເປັນຢ່າງດີ.
 |
ໂອກາດນີ້ ບໍລິສັດສະມໍລບີ ຍັງໄດ້ມີກິດຈະກໍາຫ້ອງວາງສະແດງໂຄສະນາປະຊາສໍາພັນ ໃຫ້ປະຊາຊົນຖິ້ມຂີ້ເຫຍື້ອໃຫ້ຖືກຖັງຕາມຈຸດຕ່າງໆທີ່ໄດ້ກໍານົດໄວ້ ເພື່ອແກ້ໄຂບັນຫາການຖິ້ມຂີ້ເຫຍື້ອຊະຊາຍ. ນອກນັ້ນ, ໄດ້ມີນັກຮຽນອາສາສະມັກຈາກ ມສ ວຽງຈັນ ແລະ ມສ ມິດຕະພາບລາວ-ຫວຽດນາມເດີນຂະບວນໂຄສະນານຳອີກດ້ວຍ. ໃນນີ້, ຍັງມີກິດຈະກໍາແຈກຂອງລາງວັນໃຫ້ມວນຊົນມາທ່ຽວງານບຸນ ຊຶ່ງກິດຈະກໍານີ້ ຍັງເປັນການໃຫ້ຄວາມຮູ້ດ້ານການຮັກສາສິ່ງແວດລ້ອມ ເຮັດໃຫ້ສັງຄົມມີຄວາມສົນໃຈເປັນຢ່າງດີ ແລະ ຍັງເປັນການປູກຈິດສໍານຶກ ໃຫ້ແກ່ນັກຮຽນ, ເຍົາວະຊົນ ແລະ ໄວໜຸ່ມ ກ່ຽວກັບການຮັກສາສິ່ງແວດລ້ອມ, ການຈັດການສິ່ງເສດເຫຼືອ ແລະ ອື່ນໆຕື່ມອີກ.
 |
ທ່ານ ນາງດີ່ນ້າ ສົມສະໝຸດ ໃຫ້ຮູ້ຕື່ມວ່າ: ໃນແຕ່ລະປີ ແມ່ນໄດ້ນໍາເອົາບົດຮຽນກ່ຽວກັບ
ໜ້າວຽກ ,ບັນຫາຂໍ້ສະດວກ ແລະ ຂໍ້ຫຍຸ້ງຕ່າງໆ ເພື່ອພົວພັນຮ່ວມກັບພາກສ່ວນທີ່ກ່ຽວຂ້ອງ ນໍາມາປັບປຸງແກ້ໄຂໃນແຕ່ລະປີໃຫ້ດີຂຶ້ນເລື້ອຍໆ ເປັນຕົ້ນບັນຫາການຖິ້ມຂີ້ເຫຍື້ອຊະຊາຍຂອງປະຊາຊົນ ແລະ ພໍ່ຄ້າຊາວຂາຍ. ປັດຈຸບັນ ບໍລິສັດສະມໍລບີ ຍັງມີຄວາມພ້ອມໃນການເກັບຂີ້ເຫຍື້ອພາກຄົວເຮືອນໃນນະຄອນຫຼວງວຽງຈັນ ບໍ່ວ່າຈະເປັນດ້ານພາຫະນະ ແລະ ບຸກຄາລາກອນຜູ້ເກັບມ້ຽນ ແລະ ຂົນສົ່ງຂີ້ເຫຍື້ອ, ໄດ້ນໍາເຂົ້າພານະນະກົນຈັກໃໝ່ຂະໜາດໃຫຍ່ 12 ແມັດກ້ອນ ຈໍານວນ 8 ຄັນ.(ຂ່າວ: ວັນເພັງ, ພາບ: ສະມໍລບີ)
ຄໍາເຫັນ