ໂດຍໄດ້ຮັບການສະໜັບສະໜູນຈາກ ອົງການອະນຸລັກ ສັດປ່າ ປະຈໍາ ສປປ ລາວ.ໃຫ້ກຽດເປັນປະທານໂດຍ ທ່ານ ບຸນຄົງ ຫຼ້າຈຽມພອນ ເຈົ້າແຂວງອຸດົມໄຊ, ມີ ທ່ານ ນາງ ສົມຫວັງ ໄຊຍະຕິ ຫົວໜ້າອົງການໄອຍະການປະຊາຊົນ ແຂວງອຸດົມໄຊ ແລະ ທ່ານ ນາງ ມະໂນລີຮອງຜູ້ອໍານວຍການອົງການອະນຸລັກ ສັດປ່າ ປະຈໍາ ສປປ ລາວ, ຄະນະປະສານງານຈາກອອປສ, ບັນດາການນໍາຂັ້ນເມືອງ ທັງ 7 ເມືອງ ແລະ ພາກສ່ວນກ່ຽວຂ້ອງເຂົ້າຮ່ວມ.
ກອງປະຊຸມ ໄດ້ເຜີຍແຜ່ສົນທິສັນຍາສາກົນໄຊເຕັສ,ມາດຕະການບັງຄັບໃຊ້ກົດໝາຍ ພາຍໃຕ້ສົນທິສັນຍາໄຊເຕັສ ຕໍ່ ສປປ ລາວ,ກົດໝາຍ ແລະ ນິຕິກໍາພາຍໃນ ທີ່ກ່ຽວຂ້ອງກັບວຽກງານສະກັດກັ້ນ ແລະ ຕ້ານອາຊະຍາກໍາສັດປ່າ ແລະ ນິຕິກໍາ 9 ຫົວຂໍ້ຄື1) ຄວາມຮູ້ທົ່ວໄປກ່ຽວກັບສົນທິສັນຍາໄຊເຕັສ(CITES), ສະພາບອາຊະກຳສັດປ່າໃນລະດັບສາກົນແລະກໍລະນີສຶກສາກ່ຽວກັບ ການບັງຄັບໃຊ້ກົດໝາຍພາຍໃຕ້ສົນທິສັນຍາໄຊເຕັສໃນລະດັບສາກົນ; 2) ຄວາມຮັບຮູ້ກ່ຽວກັບສົນທິສັນຍາສາກົນໄຊເຕັສ ແລະພາລະບົດບາດຂອງໜ່ວຍງານຄຸ້ມຄອງໄຊເຕັສ ສປປ ລາວ. 3)ມາດຕະການບັງຄັບໃຊ້ກົດໝາຍພາຍໃຕ້ ສົນທິສັນຍາໄຊເຕັສຕໍ່ ສປປລາວ; 4)ບັນດາກົດໝາຍແລະນິຕິກຳພາຍໃນທີ່ກ່ຽວຂ້ອງກັບວຽກງານສະກັດກັ້ນ ແລະ ຕ້ານອາຊະຍາກໍາສັດປ່າ; 5)ສະພາບອາຊະຍາກຳສັດປ່າພາຍໃນສປປລາວແລະພາຍໃນແຂວງອຸດົມໄຊ; 6)ຜົນຂອງການບັງຄັບໃຊ້ກົດໝາຍແລະການຮ່ວມມືໃນວຽກງານດຳເນີນຄະດີລະຫວ່າງໜ່ວຍງານບັງຄັບໃຊ້ກົດໝາຍແຂວງອຸດົມໄຊ; 7)ຂັ້ນຕອນການດຳເນີນຄະດີເບື້ອງຕົ້ນການພົບຮ່ອງຮອຍການກະທຳຜິດແລະການສືບສວນ-ສອບສວນເບື້ອງຕົ້ນ, ຂັ້ນຕອນການປະສານງານກັບພາກສ່ວນກ່ຽວຂ້ອງ, ຂັ້ນການມອບ-ຮັບຄະດີສັດປ່າກັບເຈົ້າໜ້າກອງກວດກາປ່າໄມ້, ນຳສະເໜີກໍລະນີສຶກສາບັນດາຄະດີທີ່ສົ່ງໃຫ້ ໄອຍະການ, ວິເຄາະບັນດາຂໍ້ສະດວກ, ຂໍ້ຫຍຸ້ງຍາກ, ສິ່ງທ້າທາຍແລະຂໍ້ສະເໜີ; 8)ຂັ້ນຕອນການດຳເນີນຄະດີຂອງອົງການຕ້ານການສໍ້ລາດບັງຫຼວງ; 9)ບັນຫາ,ສິ່ງທ້າທາຍ, ຂໍ້ສະດວກ, ຂໍ້ຫຍຸ້ງຍາກແລະຄຳແນະນຳກ່ຽວກັບການດຳເນີນຄະດີອາຊະຍາກຳສັດປ່າພາຍໃນແຂວງອຸດົມໄຊ; ຈາກນັ້ນ, ກໍມີການຄົ້ນຄວ້າ ປຶກສາຫາລື ຕົກລົງເປັນເອກະພາບ ກ່ຽວກັບ ການດໍາເນີນຄະດີ ບໍ່ວ່າຈະເປັນອົງການສືບສວນ-ສອບສວນ ຂອງເຈົ້າໜ້າທີ່ຕໍາຫຼວດ, ພາສີ, ປ່າໄມ້, ອົງການໄອຍະການປະຊາຊົນ ສາມາດດໍາເນີນການສືບສວນ-ສອບສວນຕໍ່ຜູ້ກະທໍາຜິດໄດ້ຫຼາຍກໍລະນີ ເປັນຕົ້ນ ການຄ້າຂາຍ ຫຼື ມີໄວ້ຄອບຄອງສັດປ່າ ທີ່ຫວງຫ້າມ ເຊັນ:ຊິ້ນສ່ວນສັດປ່າທີ່ຢູ່ໃນບັນຊີ 1,ບັນຊີ 2 ຂອງ ໄຊເຕັສ ເພື່ອເປັນການຈັດຕັ້ງຜັນຂະຫຍາຍກົດໝາຍ ແລະ ບັນດານິຕິກໍາ ໃຫ້ທ້ອງຖິ່ນໃນການຈັດຕັ້ງປະຕິບັດໃຫ້ມີຄວາມເປັນເອກະພາບກັນ. ນອກຈາກນັ້ນ, ຍັງໄດ້ຮັບຟັງວຽກງານການຮ່າງເອກະສານທາງລັດຖະການ ແລະ ວຽກງານພິທີການ ນຳບັນດາອາຈານຜູ້ຊ່ຽວຊານ ຈາກພະແນກພາຍໃນ ແລະ ພະແນກພົວພັນຕ່າງປະເທດ ແຂວງອຸດົມໄຊ.
ໂອກາດນີ້, ທ່ານປະທານ ໄດ້ມີຄຳເຫັນໃນກອງປະຊຸມ ເພື່ອເປັນການຈັດຕັ້ງຜັນຂະຫຍາຍກົດໝາຍ ແລະ ບັນດານິຕິກໍາລຸ່ມກົດໝາຍ ເຂົ້າໃນການເຄື່ອນໄຫວດໍາເນີນຄະດີອາຊະຍາກໍາສັດປ່າໃນ ສປປ ລາວເວົ້າລວມ,ເວົ້າສະເພາະຢູ່ແຂວງອຸດົມໄຊ ໃຫ້ໄດ້ຮັບການຈັດຕັ້ງປະຕິບັດຕົວຈິງຢ່າງມີປະສິດທິພາບສູງ ແລະ ເພື່ອເຮັດໃຫ້ບັນດາຜູ້ເຂົ້າຮ່ວມກອງປະຊຸມມີຄວາມຮັບຮູ້, ມີຄວາມເຂົ້າໃຈຢ່າງເລິກເຊິ່ງ ກ່ຽວກັບອາຊະຍາກໍາສັດປ່າທີ່ເກີດຂຶ້ນໃນລະດັບພາກພື້ນ ແລະ ສາກົນ. ພ້ອມທັງເປັນການຍົກລະດັບຂີດຄວາມສາມາດຂອງບັນດາອົງການສືບສວນ-ສອບສວນ,ພະນັກງານວິຊາການ ແລະເພື່ອເປັນບ່ອນອີງໃຫ້ແກ່ເຈົ້າໜ້າທີ່,ທີ່ກ່ຽວຂ້ອງໃນການຈັດຕັ້ງປະຕິບັດວຽກງານດໍາເນີນຄະດີອາຊະຍາກໍາສັດປ່າ ໃຫ້ມີຄວາມເປັນເອກະພາບ ມີປະສິດທິພາບ ແລະ ປະສິດທິຜົນສູງ.
(ຂ່າວ:ສຸກ ອອປສ)
ຄໍາເຫັນ