ປະຫວັດສາດຂອງຊາດ ໄດ້ພິສູດຫຼາຍເທື່ອວ່າ: ເມື່ອປະເທດຕົກຢູ່ໃນສະພາບຄັບຂັນທຸກຄັ້ງ ຫຼື ເມື່ອໂອກາດໃນການພັດທະນາທີ່ສະຫວ່າງສະໄຫວ, ກໍແມ່ນຊາວຫວຽດນາມນັ້ນເອງ ເປັນຜູ້ທີ່ມີຄວາມຈົງຮັກພັກດີຕໍ່ຊາດ, ມີຈິດໃຈເພິ່ງຕົນເອງ, ສ້າງຄວາມເຂັ້ມແຂງດ້ວຍຕົນເອງ ແລະ ສ້າງຄວາມມຸ້ງຫວັງອັນແຮງກ້າ - ເປັນກໍາລັງຕັດສິນໃຈ ແຫ່ງການປະຕິບັດຊາຕາກຳຂອງຊາດ. ປັດຈຸບັນ, ພາຍຫຼັງຜ່ານຜ່າຍຸກສະໄໝແຫ່ງການຍາດເອົາເອກະລາດ ແລະ ຍຸກສະໄໝແຫ່ງການປ່ຽນແປງໃໝ່, ຊາດຫວຽດນາມ ກໍາລັງຢູ່ໃນໄລຍະເວລາ “ຄໍາ”, ເວລາທີ່ມີການປະສານສົມທົບດ້ວຍຫຼາຍປັດໃຈສໍາຄັນ: ຈິນຕະນາການຍຸດທະສາດຂອງພັກ ມີຄວາມເຕີບໃຫຍ່ ແລະ ທັນສະໄໝ; ພື້ນຖານເສດຖະກິດ - ສັງຄົມ ມີສະຖຽນພາບ ແລະ ເຊື່ອມໂຍງກວ້າງຂວາງ, ເລິກເຊິ່ງ; ຮຸ່ນພົນລະເມືອງໃນໄວໜຸ່ມ ທີ່ມີຄວາມຮູ້ສູງ ແລະ ຄວາມໄຝ່ຝັນທີ່ຈະກ້າວຂຶ້ນ; ວົງຄະນາຍາດວິສາຫະກິດ, ປັນຍາຊົນ ແລະ ຊາວຫວຽດນາມ ທີ່ອາໃສຢູ່ຕ່າງປະເທດ ຍັງຄົງໝັ້ນໃຈ ແລະ ຫັນໜ້າມາສູ່ປະເທດຊາດ; ຈິດໃຈຊາດ ແລະ ວັດທະນະທໍາຫວຽດນາມ ຖືກອະນຸລັກຮັກສາ ແລະ ພັດທະນາໃຫ້ຈະເລີນຮຸ່ງເຮືອງຢ່າງບໍ່ຢຸດຢັ້ງ ໃນຂະບວນການຫັນເປັນທົ່ວໂລກ. ບັນດາເງື່ອນໄຂເຫຼົ່ານີ້, ໄດ້ສ້າງໂອກາດທາງປະຫວັດສາດ ເພື່ອສ້າງບາດກ້າວໃໝ່, ກ້າວສູ່ສູ່ຍຸກແຫ່ງການຂະຫຍາຍຕົວ - ດ້ວຍມີຈຸດສູນກາງ ແມ່ນຊາວຫວຽດນາມທີ່ທັນສະໄໝ, ຄຸນທາດ ແລະ ວັດທະນະທໍາ.
ເນື້ອໃນຫຼັກຂອງຍຸກແຫ່ງການຂະຫຍາຍຕົວ – ຍຸກແຫ່ງສະຕິປັນຍາ, ສີສັນຊາດ ແລະ ປະດິດສ້າງຂອງຫວຽດນາມ
“ຍຸກແຫ່ງການຂະຫຍາຍຕົວ” ນໍາມາບັນດາເນື້ອໃນຍຸດທະສາດເລິກເຊິ່ງ ແລະ ແຕກຕ່າງຈາກໄລຍະການພັດທະນາໃນເມື່ອກ່ອນ. ນັ້ນແມ່ນ: ຍຸກແຫ່ງການພັດທະນາ ດ້ວຍສະຕິປັນຍາ ແລະ ປະດິດສ້າງ. ຫວຽດນາມ ບໍ່ສາມາດກ້າວໄວຂຶ້ນໄດ້ ໂດຍໃຊ້ວິທີເກົ່າ. ວິທະຍາສາດ, ເທັກໂນໂລຊີ, ປ່ຽນແປງໃໝ່ປະດິດສ້າງ, ການຫັນປ່ຽນດີຈີຕອນ ຕ້ອງກາຍເປັນ DNA ຂອງພື້ນຖານເສດຖະກິດ. ຍຸກແຫ່ງການຍົກຍ້ອງວັດທະນະທໍາຫວຽດນາມ. ວັດທະນະທໍາ ບໍ່ພຽງແຕ່ເປັນພື້ນຖານທາງຈິດໃຈເທົ່ານັ້ນ, ແຕ່ຫາກຍັງກາຍເປັນພະລັງແຮງໃນການພັດທະນາ, ສ້າງສີສັນຊາດໃຫ້ແກ່ປະເທດຊາດ ໃນການເຊື່ອມໂຍງໂລກາພິວັດ. ຍຸກແຫ່ງມະນຸດເປັນຈຸດສູນກາງ ແລະ ເປັນເປົ້າໝາຍຂອງການພັດທະນາ. ນະໂຍບາຍການພັດທະນາ ຕ້ອງຖືເອົາການຍົກລະດັບຄຸນນະພາບຊີວິດການເປັນຢູ່ຮອບດ້ານ ໃຫ້ແກ່ປະຊາຊົນ ເປັນຈຸດສຸມ - ນັບແຕ່ການສຶກສາ, ການແພດ, ສິ່ງແວດລ້ອມ ຈົນເຖິງການພັດທະນາທາງຈິດໃຈ ແລະ ປະດິດສ້າງຢ່າງເສລີ. ຍຸກແຫ່ງຄວາມພາກພູມໃຈຕໍ່ຊາດ ແລະ ຄວາມມຸ້ງຫວັງໃນການກ້າວສູ່ໂລກ. ຊາດຫວຽດນາມ ບໍ່ໄດ້ມຸ່ງໝັ້ນເພື່ອການເທົ່າທຽມ ແຕ່ມຸ່ງໄປສູ່ຕໍາແໜ່ງໃໝ່ ໃນພາກພື້ນ ແລະ ໃນໂລກ.
ກໍານົດທິດຍຸດທະສາດ: ນໍາພາຊາວຫວຽດນາມ ໃຫ້ກາຍເປັນ “ແຫຼ່ງພະລັງຕັດສິນໃຈ” ໃນການພັດທະນາປະເທດຊາດ
ເພື່ອຫັນການປະຕິບັດຄວາມມຸ້ງຫວັງໃນການພັດທະນາ, ຫວຽດນາມ ຈໍາເປັນຕ້ອງມີຍຸດທະສາດສັງລວມ ເພື່ອເສີມຂະຫຍາຍສາມາດບົ່ງຊ້ອນຂອງມະນຸດ - ແຫຼ່ງກໍາລັງອັນລໍ້າຄ່າທີ່ສຸດຂອງຊາດ: ການປະຕິຮູບດ້ານການສຶກສາ - ຝຶກອົບຮົມ, ການສ້າງຮຸ່ນປະຊາກອນທົ່ວໂລກ, ມີຄຸນທາດ, ປະດິດສ້າງ, ມີຈິດໃຈຮັບໃຊ້ ແລະ ຄວາມມຸ້ງຫວັງອັນໃຫຍ່ຫຼວງ. ສ້າງສິ່ງແວດລ້ອມ ທີ່ສົ່ງເສີມຄວາມສາມາດ ແລະ ສະຕິປັນຍາ, ສົ່ງເສີມການເລີ່ມຕົ້ນທຸລະກິດປະດິດສ້າງ, ພັດທະນາພື້ນຖານເສດຖະກິດທາງປັນຍາ ແລະ ການນໍາໃຊ້ເຕັກໂນໂລຊີສູງ ໃນທຸກຂົງເຂດ. ສ້າງສະພາບແວດລ້ອມການດໍາລົງຊີວິດທີ່ມະນຸດສະທໍາ, ປອດໄພ ແລະ ພັດທະນາຮອບດ້ານ, ຮັບປະກັນສະຫວັດດີການສັງຄົມ, ສຸຂະພາບ, ສິ່ງແວດລ້ອມສີຂຽວ, ສິດໃນການເຂົ້າເຖິງເຕັກໂນໂລຊີ ແລະ ຂໍ້ມູນຂ່າວສານ ສໍາລັບທຸກຄົນ. ຍົກຍ້ອງຄຸນຄ່າຂອງແຮງງານ, ຄຸນສົມບັດ ແລະ ການອຸທິດຕົນ, ກໍາເນີດພື້ນຖານວັດທະນະທໍາພັດທະນາທັນສະໄໝ ທີ່ເຕັມໄປດ້ວຍສີສັນຊາດແບບຫວຽດນາມດັ່ງເດີມ. ດັ່ງທີ່ ທ່ານ ຫງວຽນ ຝູ ຈ້ອງ ອະດີດເລຂາໃຫຍ່ ພັກກອມມູນິດຫວຽດນາມ ໄດ້ຢືນຢັນຢ່າງຊັດເຈນວ່າ: “ການພັດທະນາປະເທດໄວ ແລະ ຢ່າງຍືນຍົງ ບໍ່ສາມາດເພິ່ງພາແຕ່ສັບພະຍາກອນທໍາມະຊາດເທົ່ານັ້ນ ແຕ່ຕ້ອງເພິ່ງພາແຫຼ່ງກໍາລັງຂອງຊາວຫວຽດນາມ ແລະ ວັດທນະທໍາຫວຽດນາມ”.
ຫວຽດນາມໃນຍຸກໃໝ່ - ປະເທດໜຶ່ງທີ່ມີຄວາມຮັບຜິດຊອບ, ເຕັມໄປດ້ວຍຄວາມໄຝ່ຝັນ ແລະ ອຸດົມໄປດ້ວຍສີສັນຊາດ
ເມື່ອກ້າວເຂົ້າສູ່ຍຸກໃໝ່, ຫວຽດນາມ ໄດ້ກໍານົດຈຸດຢືນໃນຖານະເປັນປະເທດໜຶ່ງທີ່ກໍາລັງພັດທະນາ ແຕ່ມີຈິນຕະນາການຂອງປະເທດກ້າວໜ້າ, ເຊື່ອມໂຍງເຂົ້າກັບໂຄງສ້າງໂລກ, ພ້ອມທັງຢືນຢັນຄວາມເປັນເອກະລັກສະເພາະຂອງຕົນ. ໃນດ້ານການຕ່າງປະເທດ, ຫວຽດນາມ ສືບຕໍ່ເປັນເຈົ້າການ, ຕັ້ງໜ້າໃນການສ້າງປະຊາຄົມອາຊຽນ ASEAN ສາມັກຄີ, ຮັກສາບົດບາດເປັນຂົວຕໍ່ ລະຫວ່າງ ບັນດາ ພື້ນຖານເສດຖະກິດໃຫຍ່, ຊຸກຍູ້ການພົວພັນການຕ່າງປະເທດ, ສັນຕິພາບ ແລະ ພັດທະນາຢ່າງຍືນຍົງ.ໃນການຮ່ວມມືພັດທະນາ, ຫວຽດນາມ ໄດ້ໃຫ້ຄໍາໝັ້ນສັນຍາ ຊຸກຍູ້ຄວາມເທົ່າທຽມ ໃນໂລກ, ແບ່ງປັນປະສົບການການພັດທະນາ ກັບບັນດາປະເທດທີ່ຢູ່ໃນໄລຍະການປ່ຽນຜ່ານ, ປະກອບສ່ວນຄວາມກ້າວໜ້າຂອງມວນມະນຸດ. ກ່ຽວກັບສີສັນວັດທະນະທໍາ ຫວຽດນາມ ໄດ້ນໍາມາສູ່ໂລກ ບັນດາຄຸນຄ່າວັດທະນະທໍາທີ່ເປັນເອກະລັກ, ຮູບພາບຂອງປະເທດໜຶ່ງ ທັງທັນສະໄໝ ທັງເລິກເຊິ່ງດ້ວຍຈິດໃຈມະນຸດສະທໍາ, ກ້າແກ່ນ ແຕ່ເຕັມໄປດ້ວຍຈິດໃຈທີ່ສັນຕິ. ໃນການເຄື່ອນໄຫວທົ່ວໂລກ, ຫວຽດນາມ ແມ່ນໜຶ່ງໃນບັນດາປະເທດກໍາລັງພັດທະນາຈໍານວນໜ້ອຍ ທີ່ມີຄວາມກ້າຫານ ໃນການໃຫ້ຄໍາໝັ້ນສັນຍາຢ່າງແຂງແຮງ ກ່ຽວກັບການເປັນກາງດ້ານກາກບອນ, ການຫັນປ່ຽນພະລັງງານແບບຍືນຍົງ ແລະ ເປັນເຈົ້າການຮັບມືກັບການປ່ຽນແປງສະພາບອາກາດ.
“ຍຸກແຫ່ງການຂະຫຍາຍຕົວ” ແມ່ນຄໍາສັນຍາທົ່ວປວງຊົນ. ນັ້ນບໍ່ພຽງແຕ່ຄວາມໄຝ່ຝັນ, ແຕ່ເປັນຄໍາໝັ້ນສັນຍາຂອງພັກ, ລັດ ແລະ ປະຊາຊົນຫວຽດນາມ ຕໍ່ຕົນເອງ ແລະ ຕໍ່ວົງຄະນາຍາດສາກົນ.ບົນເສັ້ນທາງເດີນນີ້, ຊາວຫວຽດນາມ, ປັນຍາຊົນຫວຽດນາມ ແລະ ວັດທະນະທໍາຫວຽດນາມ ຈະແມ່ນແຫຼ່ງຕົ້ນຕໍສ້າງກໍາລັງແຮງໃໝ່, ນໍາພາປະເທດກ້າວເຂົ້າສູ່ອະນາຄົດ ຢ່າງໝັ້ນຄົງ ໃນອະນາຄົດ - ອະນາຄົດແຫ່ງຄວາມຈະເລີນຮຸ່ງເຮືອງ, ຄວາມສຸກ ແລະ ຄວາມຍືນຍົງຂອງຊາດ.
ຄໍາເຫັນ