ສານປະຊາຊົນ ອັດຕະປື​-​ກວາງຫງາຍ ເພີ່ມທະວີການຮ່ວມມື ປ້ອງກັນ-ຕ້ານອາຊະຍາກຳຂ້າມຊາຍແດນ

ໃນພິທີ, ທັງສອງຝ່າຍໄດ້ປຶກສາຫາລື ແລກປ່ຽນປະສົບການດ້ານວິຊາສະເພາະ ກ່ຽວກັບການຊ່ວຍເຫຼືອດ້ານຍຸຕິທຳ, ການຕໍ່ສູ້ ແລະ ຕ້ານອາຊະຍາກຳຂ້າມຊາຍແດນ ລະຫວ່າງສອງປະເທດ ເວົ້າລວມ ເວົ້າສະເພາະ ກໍຄືສອງແຂວງອັດຕະປື ແລະ ແຂວງກວາງຫງາຍ. ຈາກນັ້ນ, ທັງສອງແຂວງໄດ້ຕົກລົງເອກະພາບເຊັນບົດບັນທຶກຊ່ວຍຈໍາດັ່ງນີ້: 1) ທັງສອງຝ່າຍ ຕົກລົງເປັນເອກະພາບເຫັນດີທີ່ຈະສືບຕໍ່ປະສານງານການຈັດຕັ້ງປະຕິ ບັດບົດບັນທຶກຊ່ວຍຈຳ ສະບັບລົງວັນທີ 2 ຕຸລາ ປີ 2013; 2) ເພີ່ມທະວີການປະສານງານໃນການຈັດຕັ້ງປະຕິບັດການຊ່ວຍເຫຼືອດ້ານຕຸລາການ ແລະ ການຈັດສົ່ງເອກະສານຂັ້ນຕອນສຳລັບທຸກປະເພດຄະດີຕາມກົດ ໝາຍຂອງແຕ່ລະປະເທດ; 3) ຊຸກຍູ້ການປັບປຸງຄວາມສາມາດດ້ານພາສາຂອງກັນ ແລະ ກັນ ໃນບັນດາພະ ນັກງານ-ລັດຖະກອນ ແລະ ເຈົ້າໜ້າທີ່; 4) ຜູ້ນຳສານປະຊາຊົນຂອງສອງແຂວງ ຕ້ອງສ້າງເງື່ອນໄຂທີ່ເອື້ອອຳນວຍໃຫ້ເຈົ້າໜ້າທີ່ຈາກທັງສອງໜ່ວຍງານໄດ້ພົບປະ, ພົວພັນ ແລະ ແລກປ່ຽນປະສົບການໃນການຈັດການຄະດີປະເພດຕ່າງໆ, ໂດຍສະເພາະໃນການຕໍ່ສູ້ກັບອາຊະຍາກຳຂ້າມຊາຍແດນ, ພ້ອມທັງເຂົ້າໃຈວັດທະນະທຳຂອງແຕ່ລະປະເທດໃຫ້ດີຂຶ້ນ, ໂດຍສອດຄ່ອງກັບເນື້ອໃນທີ່ເປັນເອກະພາບຂອງກອງປະຊຸມສານສູງສຸດຂອງ 3 ປະເທດ ຫວຽດນາມ - ລາວ ແລະ ກໍາປູເຈຍ, ໃນກໍລະນີຮີບດ່ວນ ແລະ ຈຳເປັນ, ເອກະສານນີ້ອາດຈະຖືກຈັດຕັ້ງທາງອອນລາຍ.

ໂອກາດນີ້, ສານປະຊາຊົນ ແຂວງກວາງຫງາຍ ໄດ້ມອບອຸປະກອນຮັບໃຊ້ຫ້ອງການໃຫ້ສານປະຊາຊົນແຂວງອັດຕະປື ແລະ ສານປະຊາຊົນແຂວງອັດຕະປື ກໍໄດ້ມອບຂອງຂວັນທີ່ລະນຶກໃຫ້ແຂວງກວາງຫງາຍ ເພື່ອເປັນການສະແດງເຖິງຄວາມຮັກແພງ ແລະ ການຮ່ວມມືອັນດີງາມ ລະຫວ່າງ ສອງອົງການຕຸລາການຂັ້ນທ້ອງຖິ່ນຂອງສອງຊາດ ລາວ - ຫວຽດນາມ ທີ່ມີມາຢ່າງຍາວນານ.

ຂ່າວ: ວົງສະໄໝ