 |
ສະຫາຍ ສຸດທິໂສມ ແກ້ວໄຊຍະວົງ ໄດ້ເຜີຍແຜ່ມະຕິກອງປະຊຸມຄົບຄະນະບໍລິຫານງານພັກແຂວງ ຄັ້ງທີ 3 ສະໄໝທີ X ທົ່ວແຂວງສາລະວັນ ຕິດພັນກັບການເອົາໃຈໃສ່ປັບປຸງກົງຈັກການຈັດຕັ້ງພັກ-ລັດແຕ່ລະຂັ້ນ ໃຫ້ມີຄວາມໜັກແໜ້ນ, ເຂັ້ມແຂງ, ໄດ້ເອກະພາບຮັບຮອງເອົາເນື້ອໃນເອກະສານສຳຄັນ ຄື: ຮັບຮອງເອົາທິດທາງແຜນການນຳພາຮອບດ້ານ ປະຈຳປີ 2026 ເປັນຕົ້ນ: ວຽກງານປ້ອງກັນຊາດ-ປ້ອງກັນຄວາມສະຫງົບ, ວຽກງານເສດຖະກິດ, ວຽກວັດທະນະທຳ-ສັງຄົມ, ວຽກບູລະນະກົງຈັກລັດ ແລະ ອົງການປົກຄອງ, ວຽກງານແນວລາວສ້າງຊາດ, ສະຫະພັນນັກຮົບເກົ່າ ແລະ ອົງການຈັດຕັ້ງມະຫາຊົນ, ວຽກການຕ່າງປະເທດ, ວຽກງານກໍ່ສ້າງຮາກຖານການເມືອງ, ພັດທະນາຊົນນະບົດ, ແກ້ໄຂຄວາມທຸກຍາກ ແລະ ວຽກງານ 3 ສ້າງ ແລະ ວຽກກໍ່ສ້າງພັກ-ພະນັກງານ. ຈາກນັ້ນ, ໄດ້ເຜີຍແຜ່ບົດສະຫຼຸບການຈັດຕັ້ງປະຕິບັດວຽກງານປ້ອງກັນຊາດ-ປ້ອງກັນຄວາມສະຫງົບ ປະຈຳປີ 2025 ແລະທິດແຜນການຕໍ່ໜ້າ, ບົດສະຫຼຸບການເຄື່ອນໄຫວວຽກງານປະຈຳປີ 2025ແລະທິດທາງແຜນການ 2026 ຂອງສານປະຊາຊົນສູງສຸດ ແລະຜ່ານຂໍ້ຕົກລົງຂອງປະທານສານປະຊາຊົນສູງສຸດ ວ່າດ້ວຍການຈັດຕັ້ງເຄື່ອນໄຫວ ແລະກົນໄກ, ແບບແຜນວິທີເຮັດວຽກຂອງສະພາຜູ້ພິພາກສາ ສານປະຊາຊົນສູງສຸດ ເພື່ອເຮັດໃຫ້ການປະຕິບັດໜ້າທີ່ວຽກງານໂລ່ງລ່ຽນ, ກົມກຽວ, ມີຄຸນນະພາບ ແລະປະສິດທິພາບສູງ. ທັງນີ້, ກໍ່ເພື່ອ ເຮັດໃຫ້ພະນັກງານຫຼັກແຫຼງພາຍໃນສານປະຊາຊົນແຂວງ ໄດ້ຮັບຮູ້ເຊື່ອມຊຶມ, ນຳໄປຈັດຕັ້ງປະຕິບັດເຂົ້າໃນວຽກງານໃຫ້ມີຜົນສຳເລັດເປັນກ້າວໆ.
(ພາບ-ຂ່າວ: ທິດລານີ ໂຄດໂຍທາ)
ຄໍາເຫັນ