ເທື່ອທີ 8 ຂອງສະພາປະຊາຊົນແຂວງ ຊຸດທີ II ທີ່ໄຂຂຶ້ນໃນລະຫວ່າງວັນທີ 21-24 ມັງກອນ 2025 ທີ່ສະໂມສອນຂອງແຂວງ, ຊຶ່ງທ່ານໄດ້ກ່າວບາງຕອນວ່າ: ໃນປີ 2023 ມີຄະດີຂັ້ນຕົ້ນ ແລະ ຂັ້ນອຸທອນ ຢູ່ສານປະຊາຊົນແຂວງ ແລະ ເຂດ ຄ້າງມາທັງໝົດ ຈໍານວນ 182 ເລື່ອງ ແລະ ເຂົ້າໃໝ່ ປີ 2024 ຈໍານວນ 923 ເລື່ອງ, ລວມທັງໝົດ ເປັນຈຳນວນ 1,105 ເລື່ອງ, ພິຈາລະນາຕັດສິນ ແລະ ແກ້ໄຂແລ້ວ 810 ເລື່ອງ, ເທົ່າກັບ 73.30% ຂອງຄະດີທັງໝົດ (ຕາມແຜນແກ້ໄຂແມ່ນໃຫ້ໄດ້ 85% ຂຶ້ນໄປ). ໃນນີ້, ມີການຂໍອຸທອນ ແລະ ຂໍລົບລ້າງທັງໝົດ 48 ເລື່ອງ ເທົ່າກັບ 5.93% ຂອງຄະດີທີ່ຕັດສິນທັງໝົດ (ຕາມແຜນແມ່ນບໍ່ໃຫ້ເກີນ 13%) ແລະ ຍັງຄ້າງ ກໍາລັງດໍາເນີນຢູ່ 295 ເລື່ອງ, ເທົ່າກັບ 26,7%. ໃນນີ້, ມີຄະດີອາຍາຂັ້ນຕົ້ນ ແລະ ຂັ້ນອຸທອນ ຄ້າງມາ 50 ເລື່ອງ, ເຂົ້າໃໝ່ 651 ເລື່ອງ, ລວມ 701 ເລື່ອງ, ແກ້ໄຂແລ້ວ 560 ເລື່ອງ, ມີການຂໍອຸທອນ ແລະ ຂໍລົບລ້າງ 22 ເລື່ອງ, ຍັງຄ້າງ 141 ເລື່ອງ. ຄະດີແພ່ງຂັ້ນຕົ້ນ ແລະ ຂັ້ນອຸທອນ ຄ້າງມາ 89 ເລື່ອງ, ເຂົ້າໃໝ່ 216 ເລື່ອງ, ລວມທັງໝົດ 305 ເລື່ອງ, ແກ້ໄຂແລ້ວ 214 ເລື່ອງ. ໃນນີ້, ມີການຂໍອຸທອນ ແລະ ຂໍລົບລ້າງ 23 ເລື່ອງ, ຍັງຄ້າງ 91 ເລື່ອງ. ຄະດີຄອບຄົວຂັ້ນຕົ້ນ ແລະ ຂັ້ນອຸທອນ ຄ້າງມາ 15 ເລື່ອງ, ເຂົ້າໃໝ່ 38 ເລື່ອງ, ລວມ ທັງໝົດ 53 ເລື່ອງ, ແກ້ໄຂແລ້ວ 28 ເລື່ອງ. ໃນນີ້, ມີການຂໍອຸທອນ ແລະ ຂໍລົບລ້າງ 5 ເລື່ອງ, ຍັງຄ້າງ 25 ເລື່ອງ. ຄະດີການຄ້າ ຄ້າງມາ 6 ເລື່ອງ, ເຂົ້າໃໝ່ 17 ເລື່ອງ, ລວມທັງໝົດ 23 ເລື່ອງ, ແກ້ ໄຂແລ້ວ 8 ເລື່ອງ. ໃນນີ້, ມີການຂໍອຸທອນ ແລະ ຂໍລົບລ້າງ 2 ເລື່ອງ, ຍັງຄ້າງ 15 ເລື່ອງ. ຄະດີເດັກ ຄ້າງມາ ຈໍານວນ 3 ເລື່ອງ, ເຂົ້າໃໝ່ 19 ເລື່ອງ, ລວມທັງໝົດ 22 ເລື່ອງ, ແກ້ໄຂແລ້ວ 22 ເລື່ອງ. ຄະດີແຮງງານ ຄ້າງມາ 1 ເລື່ອງ, ແກ້ໄຂແລ້ວ 1 ເລື່ອງ.
(ແຫຼ່ງຂ່າວ: ແຂວງວຽງຈັນ)
ຄໍາເຫັນ