ກ່ຽວກັບຜົນສຳເລັດສະພາແຫ່ງຊາດ ພິຈາລະນາ ແລະ ຮັບຮອງເອົາກົດໝາຍ10 ສະບັບ ໃນກອງປະຊຸມສະໄໝສາມັນ ເທື່ອທີ 8 ຂອງສະພາແຫ່ງຊາດ ຊຸດທີ IX ຂຶ້ນໃນວັນທີ 12 ທັນວາ ນີ້ ທີ່ຫໍສະພາແຫ່ງຊາດວ່າ: ເລີ່ມແຕ່ວັນທີ 3-12 ທັນວາ 2024, ກອງປະຊຸມໄດ້ສຸມໃສ່ພິຈາລະນາປະກອບຄໍາເຫັນໃສ່ເນື້ອໃນຂອງຮ່າງກົດໝາຍຈໍານວນ 10 ສະບັບ ຕາມແຜນເບື້ອງຕົ້ນ 9 ສະບັບ ແຕ່ເພື່ອສາມາດປັບປຸງແຜນການລົງທຶນຂອງລັດ 2025 ໃຫ້ແທດເໝາະກັບສະພາບການພັດທະນາເສດຖະກິດ-ສັງຄົມ. ລັດຖະບານ ແລະ ຄະນະປະຈຳສະພາແຫ່ງຊາດ ຈຶ່ງມອບໃຫ້ສະພາປະຊາຊົນຂັ້ນແຂວງ ມີຄວາມຮັບຜິດຊອບຄຸ້ມຄອງ ແລະ ຕົກລົງໂຄງການ 50 ຕື້ ລົງມາ ຈຶ່ງມີຄວາມຈຳເປັນປັບປຸງກົດໝາຍວ່າດ້ວຍການລົງທຶນຂອງລັດມາດຕາ 18 ຜ່ານການຄົ້ນຄວ້າຢ່າງລະອຽດຖີ່ຖ້ວນ ດ້ວຍຄວາມຮັບຜິດຊອບການເມືອງສູງ. ຫຼັງຈາກນັ້ນ, ຄະນະຮັບຜິດຊອບແຕ່ລະຮ່າງກົດໝາຍ ໄດ້ຄົ້ນຄວ້າປັບປຸງ ຕາມຄໍາເຫັນຂອງບັນດາທ່ານສະມາຊິກສະພາແຫ່ງຊາດ (ສສຊ) ໃນວາລະກອງປະຊຸມວັນທີ 11 ທັນວາ 2024 ຜ່ານມາ ຄະນະຮັບຜິດຊອບ ກໍໄດ້ລາຍງານຜົນການປັບປຸງຕາມຄໍາເຫັນຂອງບັນດາ ສສຊ ແລ້ວສະເໜີບັນດາ ສສຊ ພິຈາລະນາລົງຄະແນນສຽງຮັບຮອງເອົາແຕ່ລະກົດໝາຍດ້ວຍການເຫັນດີເປັນສຽງສ່ວນຫຼາຍ. ປະກອບມີ ກົດໝາຍສ້າງໃໝ່ 2 ສະບັບ ແລະ ກົດໝາຍປັບປຸງ 8 ສະບັບດັ່ງນີ້:ກົດໝາຍສ້າງໃໝ່ມີ 2 ສະບັບ:1. ກົດໝາຍວ່າດ້ວຍການພັດທະນາສີມືແຮງງານ ຊຶ່ງແມ່ນກະຊວງແຮງງານ ແລະ ສະຫວັດດີການສັງຄົມ ເປັນຜູ້ສະເໜີ; ມີຜູ້ແທນເຂົ້າຮ່ວມທັງໝົດ 150 ທ່ານ ໄດ້ຮັບຄະແນນສຽງເຫັນດີຈຳນວນ 142ທ່ານ ກວມເອົາ 94.66%, ບໍ່ເຫັນດີຈຳນວນ 7 ທ່ານ ກວມເອົາ 4.66% ແລະ ບໍ່ອອກສຽງຈໍານວນ 1ທ່ານ ກວມເອົາ 0.66%;2.ກົດໝາຍວ່າດ້ວຍທີ່ຢູ່ອາໄສ ຊຶ່ງແມ່ນກະຊວງໂຍທາທິການ ແລະ ຂົນສົ່ງ ເປັນຜູ້ສະເໜີ; ມີຜູ້ແທນເຂົ້າຮ່ວມທັງໝົດ 150 ທ່ານ ໄດ້ຮັບຄະແນນສຽງເຫັນດີຈໍານວນ 130 ທ່ານ ກວມເອົາ 86.66%, ບໍ່ເຫັນດີຈຳນວນ 19 ທ່ານ ກວມເອົາ 12.66% ແລະ ບໍ່ອອກສຽງຈໍານວນ 1ທ່ານ ກວມເອົາ 0.66%. ໃນນັ້ນ, ກົດໝາຍປັບປຸງມີ 8 ສະບັບ:1. ກົດໝາຍວ່າດ້ວຍທະນາຄານແຫ່ງ ສປປ ລາວ (ສະບັບປັບປຸງ) ຊຶ່ງແມ່ນທະນາຄານແຫ່ງ ສປປ ລາວ ເປັນຜູ້ສະເໜີ; ມີຜູ້ແທນເຂົ້າຮ່ວມທັງໝົດ 148 ທ່ານ ໄດ້ຮັບຄະແນນສຽງເຫັນດີຈຳນວນ 139 ທ່ານ ກວມເອົາ 93.91%, ບໍ່ເຫັນດີຈຳນວນ 9 ທ່ານ ກວມເອົາ 6.08% ແລະ ບໍ່ອອກສຽງຈໍານວນ 0 ທ່ານ ກວມເອົາ 0%;2.ກົດໝາຍວ່າດ້ວຍສະຫະພັນແມ່ຍິງລາວ (ສະບັບປັບປຸງ) ຊຶ່ງແມ່ນສູນກາງສະຫະພັນແມ່ຍິງລາວ ເປັນຜູ້ສະເໜີ; ມີຜູ້ແທນເຂົ້າຮ່ວມທັງໝົດ 141 ທ່ານ ໄດ້ຮັບຄະແນນສຽງເຫັນດີ 132 ທ່ານ ກວມເອົາ 96.35%, ບໍ່ເຫັນດີຈຳນວນ 4 ທ່ານ ກວມເອົາ 2.29% ແລະ ບໍ່ອອກສຽງຈຳນວນ 1 ທ່ານ ກວມເອົາ 0.72%;3. ກົດໝາຍວ່າດ້ວຍການດໍາເນີນຄະດີແພ່ງ (ສະບັບປັບປຸງ) ຊຶ່ງແມ່ນສານປະຊາຊົນສູງສຸດ ເປັນຜູ້ສະເໜີ; ມີຜູ້ແທນເຂົ້າຮ່ວມທັງໝົດ 147 ທ່ານ ໄດ້ຮັບຄະແນນສຽງເຫັນດີ 142 ທ່ານ ກວມເອົາ 96.59%, ບໍ່ເຫັນດີຈຳນວນ 4 ທ່ານ ກວມເອົາ 2.72% ແລະ ບໍ່ອອກສຽງຈຳນວນ 1 ທ່ານ ກວມເອົາ 0.68%;4. ກົດໝາຍວ່າດ້ວຍອົງການໄອຍະການປະຊາຊົນ (ສະບັບປັບປຸງ) ຊຶ່ງແມ່ນອົງການໄອຍະການປະຊາຊົນສູງສຸດ ເປັນຜູ້ສະເໜີ; ມີຜູ້ແທນເຂົ້າຮ່ວມທັງໝົດ 150 ທ່ານ ໄດ້ຮັບຄະແນນສຽງເຫັນດີ 138 ທ່ານ ກວມເອົາ 92%, ບໍ່ເຫັນດີຈຳນວນ 12 ທ່ານ ກວມເອົາ 8% ແລະ ບໍ່ອອກສຽງຈໍານວນ 0 ທ່ານ ກວມເອົາ 0%;5. ກົດໝາຍວ່າດ້ວຍການສຶກສາ (ສະບັບປັບປຸງ) ຊຶ່ງແມ່ນກະຊວງສຶກສາທິການ ແລະ ກິລາ ເປັນຜູ້ສະເໜີ; ມີຜູ້ແທນເຂົ້າຮ່ວມທັງໝົດ 148 ທ່ານ ໄດ້ຮັບຄະແນນສຽງເຫັນດີ 141 ທ່ານ ກວມເອົາ 95.27%, ບໍ່ເຫັນດີຈຳນວນ 7 ທ່ານ ກວມເອົາ 4.72% ແລະ ບໍ່ອອກສຽງຈໍານວນ 0 ທ່ານ ກວມເອົາ 0%;6.ກົດໝາຍວ່າດ້ວຍການພັດທະນາ ແລະ ປົກປ້ອງແມ່ຍິງ (ສະບັບປັບປຸງ) ຊຶ່ງແມ່ນສູນກາງສະຫະພັນແມ່ຍິງລາວເປັນຜູ້ສະເໜີ; ມີຜູ້ແທນເຂົ້າຮ່ວມທັງໝົດ 148 ທ່ານ ໄດ້ຮັບຄະແນນສຽງເຫັນດີ 145 ທ່ານ ກວມເອົາ 99.97%, ບໍ່ເຫັນດີຈຳນວນ 2 ທ່ານ ກວມເອົາ 1.35% ແລະ ບໍ່ອອກສຽງຈຳນວນ 1 ທ່ານ ກວມເອົາ 0.67%;7.ກົດໝາຍວ່າດ້ວຍການກວດສອບອິດສະຫຼະ (ສະບັບປັບປຸງ) ຊຶ່ງແມ່ນກະຊວງການເງິນ ເປັນຜູ້ສະເໜີ; ມີຜູ້ແທນເຂົ້າຮ່ວມທັງໝົດ 147 ທ່ານ ໄດ້ຮັບຄະແນນສຽງເຫັນດີ 135 ທ່ານ ກວມເອົາ 91.83%, ບໍ່ເຫັນດີຈຳນວນ 11 ທ່ານ ກວມເອົາ 7.48% ແລະ ບໍ່ອອກສຽງຈຳນວນ 1 ທ່ານ ກວມເອົາ 0.68%;8.ກົດໝາຍວ່າດ້ວຍການດໍາເນີນຄະດີແພ່ງ (ສະບັບປັບປຸງ) ຊຶ່ງແມ່ນສານປະຊາຊົນສູງສຸດ ເປັນຜູ້ສະເໜີ; ມີຜູ້ແທນເຂົ້າຮ່ວມທັງໝົດ 147 ທ່ານ ໄດ້ຮັບຄະແນນສຽງເຫັນດີ 142 ທ່ານ ກວມເອົາ 96.59%, ບໍ່ເຫັນດີຈຳນວນ 4 ທ່ານ ກວມເອົາ 2.72% ແລະ ບໍ່ອອກສຽງຈຳນວນ 1 ທ່ານ ກວມເອົາ 0.68%. ພິເສດສໍາລັບກົດໝາຍວ່າດ້ວຍການປັບປຸງມາດຕາ 18 ຂອງກົດໝາຍວ່າດ້ວຍການລົງທຶນຂອງລັດ ສະບັບປັບປຸງປີ 2015 ຊຶ່ງແມ່ນກະຊວງແຜນການ ແລະ ການລົງທຶນ ເປັນຜູ້ສະເໜີ; ມີຜູ້ແທນເຂົ້າຮ່ວມທັງໝົດ 150 ທ່ານ ໄດ້ຮັບຄະແນນສຽງເຫັນດີ 149 ທ່ານ ກວມເອົາ 99.33%, ບໍ່ເຫັນດີຈຳນວນ 1 ທ່ານ ກວມເອົາ 0.66% ແລະ ບໍ່ອອກສຽງຈໍານວນ 0 ທ່ານ ກວມເອົາ 0%.
ການພິຈາລະນາ ແລະ ຮັບຮອງເອົາກົດໝາຍ ຈໍານວນ 10 ສະບັບນີ້ ແມ່ນຜົນສໍາເລັດທີ່ສໍາຄັນໃນການຈັດ ຕັ້ງປະຕິບັດແຜນການສ້າງ ແລະ ປັບປຸງກົດໝາຍ ແຕ່ປີ 2023-2025 ແລະ ແຜນການສ້າງ ແລະ ປັບປຸງກົດໝາຍ ປະຈໍາປີ 2024 ທັງເປັນການປະກອບສ່ວນສໍາຄັນໃນການປັບປຸງ ແລະ ເພີ່ມທະວີພາຫະນະໃນການຄຸ້ມຄອງລັດ, ຄຸ້ມຄອງເສດຖະກິດ-ສັງຄົມຂອງປະເທດເຮົາ ໃຫ້ເປັນລະບົບຄົບຊຸດຂຶ້ນຕື່ມ ເພື່ອຮັບປະກັນປົກປ້ອງສິດ ແລະ ຜົນປະໂຫຍດຂອງລັດ, ລວມໝູ່, ບຸກຄົນ, ນິຕິບຸກຄົນ ແລະ ປະຊາຊົນລາວບັນດາເຜົ່າ ສ້າງຄວາມເຊື່ອໝັ້ນໃຫ້ແກ່ນັກລົງທຶນສະກັດກັ້ນ ແລະ ຕ້ານບັນດາປະກົດການຫຍໍ້ທໍ້ ທີ່ເປັນພຶດຕິກໍາລະເມີດກົດໝາຍ ຢູ່ໃນສັງຄົມ, ປະກອບສ່ວນໃນການສ້າງລັດເຮົາໃຫ້ເປັນລັດປະຊາທິປະໄຕ ທີ່ປົກຄອງດ້ວຍກົດໝາຍໃຫ້ເຂັ້ມງວດຂຶ້ນ.
(ຂ່າວ ວັນເພັງ-ພາບ: ແສງຈັນ)
ຄໍາເຫັນ