 |
ສະຫາຍ ມະໄລທອງ ກົມມະສິດ ກ່າວເປີດກອງປະຊຸມວ່າ: ກອງປະຊຸມໃນຄັ້ງນີ້, ດໍາເນີນພາຍໃຕ້ຄໍາຂວັນ "ສືບຕໍ່ຍົກສູງບົດບາດ ແລະ ຄວາມສາມາດນໍາພາຂອງພັກ, ເສີມຂະຫຍາຍທ່າແຮງຂອງຂະ ແໜງອຸດສາຫະກໍາ ແລະ ການຄ້າ ໃຫ້ເປັນກໍາລັງຂັບເຄື່ອນເສດຖະກິດເອກະລາດເປັນເຈົ້າຕົນເອງ ຢ່າງໜັກແໜ້ນ”. ຄໍາຂວັນນີ້, ແມ່ນທິດນໍາທີ່ສ່ອງແສງເຖິງການເບິ່ງເຫັນທ່າແຮງຂອງຂະແໜງອຸດສາຫະກຳ ແລະ ການຄ້າ ແລະ ຄວາມມຸ່ງຫວັງອັນແຮງກ້າ ທີ່ສະມາຊິກພັກໃນທົ່ວອົງຄະນະພັກຈະຜັນຂະຫຍາຍທິດທາງ, ແຜນນະໂຍບາຍ ແລະ ມະຕິຂອງພັກ ເພື່ອປະກອບສ່ວນຢ່າງແຂງແຮງ ໃຫ້ແກ່ການພັດທະນາປະ ເທດຊາດ. ກອງປະຊຸມ ຈະໄດ້ມີການສະຫຼຸບຕີລາຄາຜົນສໍາເລັດ, ຂໍ້ຄົງຄ້າງ ແລະ ບົດຮຽນທີ່ຖອດຖອນໄດ້ ໃນການຜັນຂະຫຍາຍ ແລະ ຈັດຕັ້ງປະຕິບັດມະຕິຂອງພັກ ໃນໄລຍະ 5 ປີຜ່ານມາ; ການກໍານົດທິດທາງ, ຄາດໝາຍ ແລະ ບັນດາວຽກຈຸດສຸມ ເພື່ອສືບຕໍ່ປະຕິບັດພາລະກິດປ່ຽນແປງໃໝ່ຂອງພັກ, ສ້າງເສດຖະກິດເອກະລາດເປັນເຈົ້າຕົນເອງຕາມທິດສັງຄົມນິຍົມ; ຮັບຟັງຮ່າງແຜນພັດທະນາອຸດສາຫະກໍາ ແລະ ການຄ້າ 5 ປີ (2025-2026), ຮັບຟັງການປະກອບຄໍາເຫັນໃນວຽກງານພັກ-ພະນັກງານ, ກວດກາພັກ ແລະ ອົງການຈັດຕັ້ງມະຫາຊົນ, ວຽກງານພັດທະນາອຸດສາຫະກໍາ ແລະ ການຄ້າ ແລະ ວຽກງານພັດທະນາທະນາວິສາຫະກິດ ແລະ ຈະໄດ້ຮັບຟັງການປະກອບຄໍາເຫັນຂອງສະຫາຍຜູ້ແທນສົມບູນ.
 |
ໂອກາດນີ້, ບັນດາສະຫາຍຜູ້ແທນກອງປະຊຸມໃຫຍ່ ຈະໄດ້ໃຊ້ສິດປະຊາທິປະໄຕຂອງຕົນດຳເນີນການເລືອກຕັ້ງເອົາຄະນະບໍລິຫານງານພັກກະຊວງ ອຄ ຊຸດໃໝ່ ສະໄໝທີ VI ເພື່ອສືບຕໍ່ນໍາພາອົງຄະນະພັກກະຊວງ ຈັດຕັ້ງຜັນຂະຫຍາຍ ແລະ ປະຕິບັດມະຕິກອງປະຊຸມໃຫຍ່ ຄັ້ງທີ XII ຂອງພັກ ແລະ ມະຕິກອງປະຊຸມໃຫຍ່ຜູ້ແທນອົງຄະນະພັກກະຊວງ ອຄ ຄັ້ງທີ VI ທີ່ຈະຮັບຮອງໃນມື້ນີ້. ໃນນັ້ນ, ຈະໄດ້ປ່ອນບັດເລືອກຕັ້ງເອົາຜູ້ແທນສົມບູນ ແລະ ສໍາຮອງ ເຂົ້າຮ່ວມກອງປະຊຸມໃຫຍ່ຜູ້ແທນທົ່ວປະເທດຄັ້ງທີ XII ຂອງພັກ. ພ້ອມນັ້ນ, ຈະໄດ້ຮັບຟັງຄໍາເຫັນໂອ້ລົມ ແລະ ໃຫ້ທິດເຍືອງທາງ ຂອງ ສະຫາຍ ນາງ ປານີ ຢາທໍ່ຕູ້ ຕໍ່ຄະນະບໍລິຫານງານພັກຊຸດໃໝ່ ແລະ ຕໍ່ຜູ້ແທນກອງປະຊຸມຕື່ມອີກ.
(ຂ່າວ-ພາບ: ວັນເພັງ)
ຄໍາເຫັນ