ສະພາປະຊາຊົນແຂວງສາລະວັນ-ແຂວງຫຼວງນ້ຳທາ ພົບປະແລກປ່ຽນບົດຮຽນຮ່ສມກັນ

ສະພາປະຊາຊົນແຂວງຫຼວງນໍ້າທາ ແລະ ສະພາປະຊາຊົນແຂວງສາລະວັນ ໄດ້ຈັດກອງປະຊຸມພົບປະແລກປຽ່ນບົດຮຽນເຊີ່ງກັນ ແລະ ກັນ ຂຶ້ນໃວັນທີ 1 ເມສາຜ່ານມາ ຢູ່ທີ່ຫ້ອງປະຊຸມຂອງສະພາປະຊາຊົນແຂວງຫຼວງນໍ້າທາ ໂດຍການເປັນປະທານຮ່ວມຂອງທ່ານ ຄໍາຟອງ ອິນມານີ ຮອງເລຂາຄະນະບໍລິຫານງານພັກແຂວງ ປະທານຄະນະສະມາຊິກສະພາແຫ່ງຊາດ ປະຈໍາເຂດເລືອກຕັ້ງທີ່ 3 ປະທານສະພາປະຊາຊົນແຂວງຫຼວງນໍ້າທາ ແລະ ທ່ານ ສີເຮັງ ຫອມສົມບັດ ຮອງເລຂາຄະນະບໍລິຫານງານພັກແຂວງ ປະທານຄະນະສະມາຊິກສະພາແຫ່ງຊາດ ປະຈໍາເຂດເລືອກຕັ້ງທີ 14 ປະທານສະພາປະຊາຊົນແຂວງສາລະວັນ, ມີບັນດາຄະນະປະຈຳສະພາປະຊາຊົນແຂວງຫຼວງນ້ຳທາ, ແຂວງສາລະວັນ ແລະ ວິຊາການທັງສອງແຂວງເຂົ້າຮ່ວມ.
       ໃນກອງປະຊຸມໄດ້ຮັບຟັງບົດລາຍງານຫຍໍ້ການເຄື່ອນໄຫວວຽກງານຂອງສະພາປະຊາຊົນແຂວງຫຼວງນ້ໍາທາ ແລະ ສະພາປະຊາຊົນແຂວງສາລະວັນ; ພ້ອມນັ້ນທັງສອງແຂວງຍັງໄດ້ແລກປ່ຽນບົດຮຽນໃນຫົວຂໍ້ຕ່າງໆເປັນຕົ້ນແມ່ນ ການຈັດຕັ້ງປະຕິບັດ 3 ພາລະບົດບາດຂອງສະພາປະຊາຊົນແຂວງຄື: ດ້ານນິຕິກໍາ, ດ້ານການຕົກລົງບັນຫາສໍາຄັນພື້ນຖານຂອງແຂວງ ແລະ ດ້ານການຕິດຕາມກວດກາ, ປະສານງານກັບອົງການປົກຄອງແຂວງ ແລະ ພາກສ່ວນກ່ຽວຂ້ອງ, ການດໍາເນີນກອງປະຊຸມສະພາປະຊາຊົນແຂວງ, ການຄຸ້ມຄອງວຽກງານຈັດຕັ້ງ-ພະນັກງານເຊັ່ນ: ການກໍານົດຕໍາແໜ່ງງານ, ການປັບປຸງການຈັດຕັ້ງ ແລະ ສ້າງຕັ້ງກົງຈັກຊ່ວຍວຽກຄະນະປະຈໍາສະພາປະຊາຊົນແຂວງ, ຄະນະສະມາຊິກສະພາປະຊາຊົນແຂວງປະຈໍາເຂດເລືອກຕັ້ງບັນດາເມືອງ ແລະ ການຈັດຕັ້ງປະຕິບັດໜ້າທີ່ຂອງບັນດາຄະນະກໍາມະການ, ຄະນະເລຂາທິການ ແລະ ບັນດາຂະແໜງຊ່ວຍວຽກ ພ້ອມດຽວກັນນັ້ນ ຍັງໄດ້ເຊັນບົດບັນທຶກຮ່ວມລະຫວ່າງສະພາປະຊາຊົນແຂວງຫຼວງນໍ້າທາ ແລະ ສະພາປະຊາຊົນແຂວງສາລະວັນ ໃນການແລກປ່ຽນບົດຮຽນຄັ້ງນີ້.
(ຂ່າວ: ຫຼວງນໍ້າທາ)