ສະພາບເງິນຕາຂອງລາວມີສັນຍານເປັນບວກ

12:59 22/05/2025

ໂດຍ: ຣັດສະໝີ ດວງສັດຈະ ຜູ້ຂຽນ ໄດ້ມີໂອກາດເຂົ້າໄປພົວພັນວຽກງານຢູ່ທະນາຄານແຫ່ງ ສປປ ລາວ ກໍໄດ້ພົບປະກັບ ທ່ານ ເພັດສະຖາພອນ ແກ້ວວົງວິຈິດ ຫົວໜ້າກົມບໍລິການ ທະນາຄານແຫ່ງ ສປປ ລາວ ຊຶ່ງທ່ານໄດ້ຜ່ານການເປັນຫຼາຍຫົວໜ້າກົມແລະ ຫ້ອງການ ຂອງທະນາຄານກາງ

ໄດ້ມີເວລາແລກປ່ຽນຄຳເຫັນຫຼາຍປະເດັນທີ່ຕິດພັນ ສະພາບທາງດ້ານເງິນຕາ ແລະ ສັງລວມໄດ້ບາງເຫດຜົນອັນສໍາຄັນວ່າ: ພາຍຫຼັງທີ່ລັດຖະບານເຮົາ ໄດ້ມີຄວາມພະຍາຍາມຢ່າງສູງໃນການແກ້ໄຂບັນຫາຄວາມຫຍຸ້ງຍາກທາງດ້ານເສດຖະກິດ-ການເງິນ, ເງິນຕາ ໃນຜ່ານມາ ໂດຍໄດ້ຊີ້ນໍາຢ່າງໃກ້ສິດຕໍ່ຂະແໜງການທີ່ກ່ຽວຂ້ອງ ລວມທັງຂະແໜງການທະນາຄານເພື່ອຈັດຕັ້ງປະຕິບັດມາດຕະການທີ່ເປັນລະບົບຄົບຊຸດ ເປັນຕົ້ນມາດຕະການທາງດ້ານການເງິນ-ເງິນຕາ ໂດຍສະເພາະ ການດຳເນີນນະໂຍບາຍເງິນຕາຢ່າງຮັດກຸມຂອງທະນາຄານແຫ່ງ ສປປ ລາວ ເພື່ອຄວບຄຸມປະລິມານເງິນ ໃຫ້ຢູ່ໃນຂອບເຂດເໝາະສົມ ຊຶ່ງເປັນພາລະກິດຕົ້ນຕໍສໍາຄັນຂອງທະນາຄານກາງ, ການຄຸ້ມຄອງເງິນຕາຕ່າງປະເທດ, ການອອກນິຕິກໍາໃນການຄຸ້ມຄອງລາຍຮັບ, ການສົ່ງອອກ ດ້ວຍການເປີດບັນຊີສະເພາະ ແລະ ການກຳນົດອັດຕາ. ສ່ວນລາຍຮັບເງິນຕາເຂົ້າມາ ແລະ ກຳນົດມາດຕະການແລກປ່ຽນແບບທັນທີຂັ້ນຕໍ່າເຂົ້າໃນລະບົບທະນາຄານອັນໄດ້ສ້າງສະພາບຄ່ອງ ແລະ ຄວາມສົມດຸນທາງດ້ານເງິນຕາຫຼາຍຂຶ້ນ, ການສ້າງຕະຫຼາດເງິນຕາຕ່າງປະເທດ ເປັນລວມສູນ (LFX) ແລະ ອື່ນໆ;

ທ່ານຫົວໜ້າກົມບໍລິການ ທະນາຄານແຫ່ງ ສປປ ລາວ ໄດ້ຢັ້ງຢືນອີກວ່າ: ນັບແຕ່ທ້າຍປີ 2024 ເປັນຕົ້ນມາ ເຫັນວ່າສະພາບທາງດ້ານການເງິນ-ເງິນຕາ ມີສັນຍານຫຼາຍຢ່າງທີ່ເປັນບວກ ສະແດງອອກຄື: ອັດຕາເງິນເຟີ້ ມີທ່າອ່ຽງຫຼຸດລົງເປັນລໍາດັບ ຈາກລະດັບສູງສຸດ ອັດຕາເງິນເຟີ້ ສະເລ່ຍໃນປີ ແມ່ນ 31.23% ໃນປີ 2023 ມາເປັນ 23.13% ໃນປີ 2024 ແລະ 11.21% ໃນເດືອນມີນາ, ໃນເດືອນເມສາຢູ່ທີ່ 11.1%; ສະພາບອັດຕາແລກປ່ຽນ ມີຄວາມສະຫງົບມານັບແຕ່ທ້າຍປີ 2024 ເປັນຕົ້ນມາ, ອັດຕາແລກປ່ຽນເງິນກີບ ຕໍ່ເງິນຕາຕ່າງປະເທດ ມີທິດທາງແຂງຄ່າຂຶ້ນ, ການຄຸ້ມຄອງລາຍຮັບຈາກການສົ່ງອອກ ເຊິ່ງແມ່ນແຫຼ່ງຕົ້ນຕໍທາງດ້ານເງິນຕາຕ່າງປະເທດ ສາມາດບັນລຸໄດ້ຈາກ 55% ໃນປີ 2023 ມາເປັນ 71.1% ໃນປີ 2024 ແລະ ຮອດເດືອນເມສາ 2025 ສາມາດບັນລຸໄດ້ຫຼາຍກວ່າ 75% ຂອງຍອດມູນຄ່າການສົ່ງອອກ.

ອີງຕາມຂໍ້ມູນຈາກເວັບໄຊ ທຫລ ໃຫ້ຮູ້ວ່າ: ຄັງສໍາຮອງເງິນຕາຕ່າງປະເທດ ໄດ້ເພີ່ມຂຶ້ນເປັນລໍາດັບ ຈາກລະດັບ 1,677 ລ້ານໂດລາສະຫະລັດໃນທ້າຍປີ 2023 ໄດ້ເພີ່ມຂຶ້ນມາເປັນ 2,101 ລ້ານໂດລາສະຫະລັດໃນເດືອນທັນວາ ປີ 2024; ພາຍຫຼັງທີ່ ທຫລ ໄດ້ຫຼຸດຜ່ອນການດັດສົມນໍ້າມັນເຊື້ອໄຟ ແລະ ສິນຄ້າບູລິມະສິດ ນັບແຕ່ເດືອນທັນວາ 2024 ເປັນຕົ້ນມາ ແລະ ໃຫ້ທະນາຄານທະນາຄານທຸລະກິດເຮັດໜ້າທີ່ ດັດສົມເງິນຕາແກ່ສັງຄົມ ແລະ ຄາດວ່າໃນສາມເດືອນຕົ້ນປີ 2025 ຈະເພີ່ມຂຶ້ນກວ່າລະດັບປີ 2024, ສາມາດບັນລຸຄາດໝາຍທີ່ກຳນົດໄວ້ (ຢ່າງໜ້ອຍ 5 ເດືອນຂອງການນໍາເຂົ້າ) ຊຶ່ງໄດ້ສ້າງເງື່ອນໄຂອໍານວຍ ແລະ ສ້າງຄວາມເຊື່ອໝັ້ນໃນການດຳເນີນທຸລະກິດ ແລະ ການລົງທຶນພາຍໃນປະເທດ. ອີງຕາມບົດລາຍງານການປະເມີນສະພາບທາງດ້ານເງິນຕາ ຂອງອົງການ AMRO ທີ່ພິມເຜີຍແຜ່ໃນເດືອນມີນາ 2025 ໄດ້ລະບຸໄວ້ວ່າ: ໜຶ່ງໃນມາດຕະການທີ່ສ້າງສະຖຽນລະພາບມະຫາພາກ ແມ່ນມາດຕະການຄຸ້ມຄອງເງິນຕາຕ່າງປະເທດທີ່ເດັດດຽວ ແລະ ເຂັ້ມຂຸ້ນ (Bold Measures) ໂດຍສະເພາະລະບຽບການວ່າດ້ວຍການຄຸ້ມຄອງລາຍຮັບເງິນຕາຕ່າງປະເທດ ຈາກການສົ່ງອອກ ເຖິງແມ່ນວ່າການຈັດຕັ້ງປະຕິບັດໃນເບື້ອງຕົ້ນ ຈະສ້າງຄວາມກັງວົນແກ່ຜູ້ປະກອບການສົ່ງອອກຈໍານວນໜຶ່ງ ເນື່ອງຈາກເປັນມາດຕະການອອກໃໝ່ ແຕ່ພາຍຫຼັງຈັດຕັ້ງປະຕິບັດມາເປັນເວລາເກືອບ 1 ປີ ເຫັນວ່າ ຫຼາຍພາກສ່ວນ ໄດ້ມີຄວາມເຂົ້າໃຈ ເປັນເອະພາບ ແລະ ໄດ້ປະກອບສ່ວນສ້າງສະພາບຄ່ອງທາງດ້ານເງິນຕາໃນລະບົບທະນາຄານ ແລະ ສະຖຽນລະພາບເງິນຕາດີຂຶ້ນ.

ສະນັ້ນ; ຈຶ່ງເຫັນໄດ້ວ່ານັບແຕ່ທ້າຍປີ 2024 ຜ່ານມາ, ພວກເຮົາສາມາດ ແນມເຫັນຄວາມຄືບໜ້າໃນການຈັດຕັ້ງປະຕິບັດແຜນເງິນຕາ ຂອງພັກ, ສະພາແຫ່ງຊາດ, ລັດຖະບານ ແລະ ຂອງທະນາຄານແຫ່ງ ສປປ ລາວ ໄດ້ມີຈັງຫວະທີ່ດີຂຶ້ນຕະຫຼອດມາ. ຜູ້ຂຽນ, ໃນຖານະສື່ມວນຊົນຄົນໜຶ່ງ ຂໍຮຽກຮ້ອງມາຍັງອົງການຈັດຕັ້ງຕ່າງໆ ທາງພາກລັດ, ພາກທຸລະກິດ ແລະ ພາກປະຊາຊົນ ຈົ່ງພ້ອມກັນບຸກບືນ ແລະ ເພີ່ມທະວີໃນການເຂົ້າຮ່ວມແກ້ໄຂ 2 ວາລະແຫ່ງຊາດ ໂດຍສະເພາະການແກ້ໄຂຄວາມຫຍຸ້ງຍາກທາງດ້ານເສດຖະກິດ - ການເງິນ, ເງິນຕາ ໃຫ້ຜ່ານພົ້ນໄປໂດຍດີ ແລະ ໃຫ້ເສດຖະກິດ ປະເທດເຮົາ ກັບຄືນສູ່ສະພາບປົກກະຕິໂດຍໄວ.

ໂດຍ: ຣັດສະໝີ ດວງສັດຈະ

ຄໍາເຫັນ

ຂ່າວວັດທະນະທຳ-ສັງຄົມ

ບໍລິສັດ ພູເບ້ຍ ມາຍນິງ ຈັດກິດຈະກຳສະຫຼອງວັນອະນຸລັກສັດນ້ຳ-ສັດປ່າ ແລະ ວັນປ່ອຍປາແຫ່ງຊາດ

17/07/2026 15:05

ບໍລິສັດ ພູເບ້ຍ ມາຍນິງ ຮ່ວມກັບອຳນາດການປົກຄອງແຂວງໄຊສົມບູນ ໄດ້ປ່ອຍລູກປາຈຳ ນວນຫຼາຍກວ່າ 22,000 ໂຕລົງ ສູ່ແຫຼ່ງນ້ຳຢູ່ແຂວງໄຊສົມບູນ ເນື່ອງໃນໂອກາດສະຫຼອງວັນ ອະນຸລັກສັດນ້ຳ-ສັດປ່າ ແລະ ວັນປ່ອຍປາແຫ່ງຊາດ ຄົບຮອບ 29 ປີ.

ມອບເຄື່ອງຊ່ວຍເຫຼືອບັນເທົາທຸກໃຫ້ປະຊາຊົນຢູ່ສອງແຂວງ

17/07/2026 12:55

ໃນວັນທີ 15-16 ກໍລະກົດນີ້, ທ່ານ ຄຳລາວັນ ຈັນທະລາວັນ ກຳມະການສູນກາງພັກ ປະທານອົງການກາແດງແຫ່ງຊາດລາວພ້ອມດ້ວຍຄະນະໄດ້ລົງມອບເຄື່ອງຊ່ວຍເຫຼືອບັນເທົາທຸກໃຫ້ປະຊາຊົນຂອງບ້ານນໍ້າມາງ, ກຳປອນ ເມືອງວຽງພູຄາ ແຂວງຫຼວງນ້ຳທາ ຈຳນວນ 50 ຄອບຄົວ ແລະ ບ້ານນໍ້າຕອຍ, ທົ່ງແສງຈັນ, ຫ້ວຍສາລາ, ຈອມຈຸກ, ບໍ່ເຫຼັກ ແລະ ບ້ານນ້ຳຕິນ ເມືອງຫ້ວຍຊາຍ ແຂວງບໍ່ແກ້ວ ຈຳນວນ50 ຄອບຄົວ ລວມມູນຄ່າທັງໝົດ 90 ລ້ານກີບ.

ຜົນສໍາເລັດກອງປະຊຸມໃຫຍ່ສະມາຊິກພັກຄັ້ງທີ V ຂອງອົງຄະນະພັກ ຄະນະກວດກາສູນກາງພັກ ແລະ ອົງການກວດກາແຫ່ງລັດ

17/07/2026 12:53

ກອງປະຊຸມໃຫຍ່ສະມາຊິກພັກຄັ້ງທີ V ຂອງອົງຄະນະພັກ ຄະນະກວດກາສູນກາງພັກ ແລະ ອົງການກວດກາແຫ່ງລັດ ໄດ້ເປີດຂຶ້ນຢ່າງເປັນທາງການ ໃນວັນທີ 16 ກໍລະກົດ ນີ້ ທີ່ ສະໂມສອນຫ້ອງວ່າການສູນກາງພັກ ແລະ ສໍາເລັດຜົນຢ່າງຈົບງາມໃນວັນດຽວກັນ, ໂດຍການໃຫ້ກຽດເຂົ້າຮ່ວມ ຂອງສະຫາຍ ພົອ ວິໄລ ຫຼ້າຄໍາຟອງ ກໍາມະການກົມການເມືອງສູນກາງພັກ ຜູ້ປະຈໍາການຄະນະເລຂາທິການສູນກາງພັກ, ເປັນປະທານກອງປະຊຸມໂດຍ ສະຫາຍ ວັນໄຊ ພອງສະຫວັນ ກໍາມະການກົມການເມືອງສູນກາງພັກ ຄະນະເລຂາທິການສູນກາງພັກ ເລຂາຄະນະບໍລິຫານງານພັກ ປະທານຄະນະກວດກາສູນກາງພັກ ປະທານອົງການກວດກາແຫ່ງລັດ ຫົວໜ້າອົງການຕ້ານການສໍ້ລາດບັງຫຼວງສູນກາງ, ບັນດາສະຫາຍຄະນະປະຈຳພັກ, ກຳມະການພັກ, ບັນດາສະຫາຍຜູ້ແທນສົມບູນ, ສະຫາຍສະມາຊິກພັກອາວຸໂສບຳນານ ແລະ ແຂກທີ່ຖືກເຊີນເຂົ້າຮ່ວມ.

ກຸ່ມບໍລິສັດເຄມີຫວຽດນາມ ມຸ່ງໝັ້ນຂະຫຍາຍຕະຫຼາດ ແລະ ຮັດແໜ້ນຄວາມຮ່ວມມືເສດຖະກິດ ໃນສປປ ລາວ

17/07/2026 11:37

ກຸ່ມບໍລິສັດເຄມີຫວຽດນາມ (Vinachem) ເປັນໜຶ່ງກຸ່ມບໍລິສັດຊັ້ນນໍາຂອງຫວຽດນາມ ທີ່ໄດ້ນໍາເອົາຜະລິດຕະພັນຕ່າງໆຂອງກຸ່ມບໍລິສັດມາວາງສະແດງ ແລະ ຈໍາໜ່າຍໃນງານວາງສະແດງສິນຄ້າລາວ-ຫວຽດນາມ ປະຈໍາປີ 2026 (VIETLAO EXPO 2026) ທີ່ຈັດຂຶ້ນຢ່າງເປັນທາງການ ໃນລະຫວ່າງວັນທີ 16-20 ກໍລະກົດ 2026 ນີ້, ທີ່ສູນການຄ້າລາວ-ໄອເຕັກ (ຕຶກເກົ່າ) ນະຄອນຫຼວງວຽງຈັນ ເພື່ອມຸ່ງໝັ້ນຂະຫຍາຍຕະຫຼາດ ແລະ ຮັດແໜ້ນຄວາມຮ່ວມມືເສດຖະກິດໃນ ສປປ ລາວ.

ສະເຫຼີມສະຫຼອງວັນແມ່ຍິງລາວ ແລະ ເທດສະການອາຫານ

17/07/2026 09:37

ໃນວັນທີ 14 ກໍລະກົດຜ່ານມານີ້, ສະຫະພັນແມ່ຍິງກະຊວງການຕ່າງປະເທດ ໄດ້ຈັດພິທີສະເຫຼີມສະຫຼອງ ແລະ ງານເທດສະການອາຫານ ເນື່ອງໃນໂອກາດຂໍ່ານັບຮັບຕ້ອນ ວັນສ້າງຕັ້ງອົງການຈັດຕັ້ງສະຫະພັນແມ່ຍິງລາວ ຄົບຮອບ 71 ປີ (20/7/1955-20/7/2026) ທີ່ ກະຊວງການຕ່າງປະເທດ, ພາຍໃຕ້ການເປັນປະທານຂອງ ທ່ານ ໄມທອງ ທໍາມະວົງສາ ຮອງເລຂາຄະນະບໍລິຫານງານພັກ ຮອງລັດຖະມົນຕີກະຊວງການຕ່າງປະເທດ ຜູ້ຊີ້ນໍາວຽກງານ 3 ອົງການຈັດຕັ້ງມະຫາຊົນ ຊຶ່ງມີບັນດາພັນລະຍາການນໍາ, ພະນັກງານບໍານານເພດຍິງ, ອົງການຈັດຕັ້ງກຳມະບານ ແລະ ຊາວໜຸ່ມ, ຕະຫຼອດຮອດ ຄະນະບໍລິຫານງານ ແລະ ສະມາຊິກສະຫະພັນແມ່ຍິງຂອງກະຊວງການຕ່າງປະເທດ ເຂົ້າຮ່ວມຢ່າງພ້ອມພຽງ. ນອກຈາກນີ້, ຍັງມີຜູ້ຕາງໜ້າຈາກສູນກາງສະຫະພັນແມ່ຍິງລາວ, ສະຫະພັນແມ່ຍິງກະຊວງຂະແໜງການອ້ອມຂ້າງສູນກາງ ແລະ ບັນດາຫົວໜ່ວຍທຸລະກິດ ທີ່ໃຫ້ການສະໜັບສະໜູນໃນການຈັດງານຄັ້ງນີ້ ເຂົ້າຮ່ວມ.

ເລຂາພັກແຂວງຄຳມ່ວນ ລົງກວດກາສະຖານທີ່ ສ້າງ “ແລນມາກໃໝ່” ຂອງເມືອງທ່າແຂກ

16/07/2026 16:30

ໃນວັນທີ 15 ກໍລະກົດ 2026 ທ່ານ ໄຊຊະນະ ໂຄດພູທອນ ເລຂາພັກແຂວງ ປະທານສະພາປະຊາຊົນແຂວງຄຳມ່ວນ ພ້ອມດ້ວຍ ທ່ານ ເດດສັກດາ ມະນີຄຳ ຮອງປະທານຄະນະກຳມະການປົກຄອງແຂວງ ແລະ ຄະນະຕິດຕາມ ໄດ້ຮ່ວມກັບການຈັດຕັ້ງບ້ານ ລົງກວດກາສະຖານທີ່ເຮືອນໄມ້ ຫຼື ຫໍຄອຍພໍ່ເຖົ້າບຸນອຸ້ມ ທີ່ຕັ້ງຢູ່ບ້ານໂພນສະອາດ ເມືອງທ່າແຂກ ເພື່ອສຶກສາຄວາມເປັນໄປໄດ້ໃນການພັດທະນາເປັນຫໍຊົມວິວ, ຈຸດພັກຜ່ອນ ແລະ ຮ້ານກາເຟ ໃຫ້ກາຍເປັນແລນມາກໃໝ່ຂອງເມືອງທ່າແຂກ ແຂວງຄຳມ່ວນ ເພື່ອຮອງຮັບນັກທ່ອງທ່ຽວ ແລະ ຜູ້ເດີນທາງຜ່ານແຂວງ.

ກອງປະຊຸມໃຫຍ່ສະມາຊິກສະມາຄົມນັກທຸລະກິດໜຸ່ມແຂວງເຊກອງ ຄັ້ງທີ l

16/07/2026 16:27

ກອງປະຊຸມໃຫຍ່ສະມາຊິກສະມາຄົມນັກທຸລະກິດໜຸ່ມແຂວງເຊກອງ (ສທໜຂ) ຄັ້ງທີ l ຈັດຂຶ້ນໃນວັນທີ 15 ກໍລະກົດຜ່ານມາ, ທີ່ຫ້ອງວ່າການແຂວງ ໂດຍການເຂົ້າຮ່ວມຂອງທ່ານ ສາກົນ ພອນປະເສີດ ຄະນະປະຈຳພັກແຂວງ ປະທານກວດກາພັກ, ປະທານອົງການກວດກາລັດແຂວງ, ມີທ່ານ ສອນເພັດ ເລື່ອງຜິວວົງແສນ ຮອງປະທານສະ ມາຄົມນັກທຸລະກິດໜຸ່ມສູນກາງ, ທ່ານ ແສງໂນພາ ມິກດາວົງ ກຳມະການພັກແຂວງ, ເລຂາຄະນະບໍລິຫານງານຊາວໜຸ່ມແຂວງ ພ້ອມດ້ວຍພາກສ່ວນກ່ຽວຂ້ອງເຂົ້າຮ່ວມ.

ຄຕພ ເຜີຍແຜ່ມະຕິກອງປະຊຸມຜູ້ແທນກຳມະບານທົ່ວປະເທດ ຄັ້ງທີ IX

16/07/2026 16:23

ຄະນະພົວພັນຕ່າງປະເທດສູນກາງພັກ ປປ ລາວ (ຄຕພ) ໄດ້ຈັດກອງປະຊຸມເຜີຍແຜ່ມະຕິກອງປະຊຸມໃຫຍ່ຜູ້ແທນກຳມະບານລາວທົ່ວປະເທດ ຄັ້ງທີ IX ຂຶ້ນໃນວັນທີ15 ກໍລະກົດນີ້ ທີ່ ຄຕພ, ໃຫ້ກຽດເຜີຍແຜ່ໂດຍ ສະຫາຍ ວິໄລ ວົງຂະເສີມ ຮອງເລຂາຄະນະພັກ ຮອງປະທານຄະນະບໍລິຫານງານສູນກາງສະຫະພັນກຳມະບານລາວ, ພ້ອມດ້ວຍບັນດາສະມາຊິກພາຍໃນ ຄຕພ ເຂົ້າຮ່ວມຢ່າງພ້ອມພຽງ. ກ່ອນເຂົ້າຫ້ອງປະຊຸມ ຄະນະໄດ້ເຂົ້າຢ້ຽມຂໍ່ານັບ ສະຫາຍ ບຸນເຫຼືອ ພັນດານຸວົງ ກຳມະການສູນກາງພັກ ເລຂາຄະນະພັກ ຫົວໜ້າ ຄະນະພົວພັນຕ່າງປະເທດສູນກາງພັກ ເພື່ອແຈ້ງຈຸດປະສົງຂອງການລົງເຄື່ອນໄຫວວຽກງານໃນຄັ້ງນີ້.

ງານມະຫະກຳການຄ້າທາງເອເລັກໂຕຣນິກລະດັບຊາດຈະຈັດຂຶ້ນທ້າຍເດືອນກັນຍາ

16/07/2026 16:21

ເພື່ອເປັນການຂັບເຄື່ອນເສດຖະກິດດີຈີຕອນ ແລະ ສົ່ງເສີມຫົວໜ່ວຍທຸລະກິດລາວ ໃຫ້ສາມາດແຂ່ງຂັນໄດ້ໃນຍຸກສະໄໝໃໝ່, ກະຊວງອຸດສາຫະກຳ ແລະ ການຄ້າ (ອຄ) ໄດ້ຈັດພິທີຖະແຫຼງຂ່າວຢ່າງເປັນທາງການ ກ່ຽວກັບການກຽມຄວາມພ້ອມຈັດງານບຸນມະຫະກຳການຄ້າທາງເອເລັກໂຕຣນິກ ຫຼື "Lao E-Commerce Festival 2026" ໃນວັນທີ 15 ກໍລະກົດ ນີ້ ທີ່ກະຊວງ ອຄ. ໃຫ້ກຽດຖະແຫຼງ ໂດຍ ທ່ານ ພຸດທະວັນ ນັນທະວົງ ຮອງລັດຖະມົນຕີ ກະຊວງອຸດສາຫະກໍາ ແລະ ການຄ້າ (ອຄ), ເຂົ້າຮ່ວມມີບັນດາທ່ານຫົວໜ້າກົມ-ຮອງກົມ, ທູຕານຸທູດ ແລະ ຕາງໜ້າອົງການຈັດຕັ້ງສາກົນ ແຂກຖືກເຊີນຈາກພາກລັດ-ເອກະຊົນ.

6 ເດືອນ ດ່ານພາສີສາກົນພູເກືອ ເກັບລາຍຮັບບັນລຸ ເກີນແຜນ

16/07/2026 16:20

ໃນໄລຍະ 6 ເດືອນຕົ້ນປີ 2026 ນີ້, ດ່ານພາສີສາກົນພູເກືອ ແຂວງອັດຕະປື ສາມາດຈັດເກັບລາຍຮັບບັນລຸເກີນແຜນ, ຊຶ່ງເກັບໄດ້ 151 ຕື້ກວ່າກີບ, ເທົ່າກັບ 52.30% ຂອງແຜນປີ ແລະ ເທົ່າກັບ 104.60% ຂອງແຜນ 6 ເດືອນຕົ້ນປີນີ້, ສູງກວ່າໄລຍະດຽວກັນຂອງປີຜ່ານມາ 29.46% ໃນນີ້, ລາຍຮັບຈາກພາສີກວມເອົາ 38 ຕື້ກວ່າກີບ ຫລື 25.16% ຂອງລາຍຮັບທັງໝົດ, ສ່ວນລາຍຮັບຈາກອາກອນກວມເອົາ 113 ຕື້ກວ່າກີບ ຫລື 74.84% ຂອງລາຍຮັບທັງໝົດ ໂດຍອາກອນມູນຄ່າເພີ່ມ (VAT) ຍັງເປັນແຫຼ່ງລາຍຮັບຫຼັກ ກວມເອົາເຖິງ 69.60%.

ເພີ່ມເຕີມ