ເສີມຂະຫຍາຍ ແນວຄິດ ໄກສອນ ພົມວິຫານ ກ່ຽວກັບອົງການຈັດຕັ້ງສະຫະພັນແມ່ຍິງລາວໃນຕໍ່ໜ້າ

1. ຄົ້ນຄ້ວາຜັນຂະຫຍາຍມະຕິກອງປະຊຸມໃຫຍ່ຂອງພັກ, ແຜນພັດທະນາເສດຖະກິດ-ສັງຄົມແຫ່ງຊາດ, ມະຕິກອງປະຊຸມໃຫຍ່ແມ່ຍິງລາວທົ່ວປະເທດ, ແຜນພັດທະນາແມ່ຍິງລາວຕິດພັນກັບການຈັດ ຕັ້ງປະຕິບັດພາລະບົດບາດ, ໜ້າທີ່, ຄວາມຮັບຜິດຊອບຂັ້ນຕົນທີ່ກໍານົດໄວ້ກົດໝາຍ, ກົດລະບຽບຂອງສະຫະພັນແມ່ຍິງລາວ ໃຫ້ມີປະສິດທິພາບດີຂຶ້ນກວ່າເກົ່າ; ປັບປຸງກົງຈັກການຈັດຕັ້ງສະຫະພັນແມ່ຍິງລາວໃຫ້ໜັກແໜ້ນ, ເຂັ້ມແຂງ, ບຸກທະລຸພັດທະນາແມ່ຍິງລາວ, ສ້າງຄ່ານິຍົມທີ່ຖືກຕ້ອງ, ກ້າວໜ້າ, ມີວິທະຍາສາດ, ກ້າຄິດ, ກ້າເຮັດ, ກ້າຮັບຜິດຊອບ ຖືເອົາຜົນສໍາເລັດເປັນໄມ້ຫຼາວັດແທກຄຸນສົມບັດ, ຄວາມສາມາດ ແລະ ຄວາມກ້າວໜ້າຂອງຕົນ, ເສີມຂະຫຍາຍຜົນງານ ແລະ ທ່າແຮງບົ່ມຊ້ອນ ຂອງການນໍາເພດຍິງຮຸ່ນກ່ອນໆ, ແມ່ຍິງລາວບັນດາເຜົ່າໃນການຈັດຕັ້ງປະຕິບັດແນວທາງຂອງພັກ, ລັດຖະ ທຳມະນູນ, ກົດໝາຍ, ນະໂຍບາຍ, ແຜນພັດທະນາເສດຖະກິດ-ສັງຄົມແຫ່ງຊາດ, ສ້າງວິຖີຊີວິດໃໝ່ ເພື່ອພັດທະນາຕົນເອງ ແລະ ຄອບຄົວ ໃຫ້ຫຼຸດພົ້ນຈາກຄວາມທຸກຍາກ; 2. ເອົາໃຈໃສ່ປັບປຸງການ ຈັດຕັ້ງໃຫ້ໜັກແໜ້ນ, ເຂັ້ມແຂງໃນທຸກດ້ານ, ປັບປຸງແບບແຜນວິທີນໍາພາ, ວິທີເຮັດວຽກໃຫ້ແທດຕົວຈິງ, ຕິດແທດກັບຮາກຖານ, ການເຮັດວຽກໃຫ້ມີແຜນການ, ແຜນງານ, ມີໂຄງການລະອຽດ, ມີການຊຸກຍູ້, ຕິດຕາມ, ກວດກາ, ປະເມີນຜົນ, ຕີລາຄາສະຫຼຸບຖອນຖອນບົດຮຽນໃນແຕ່ລະໄລຍະຢ່າງພາວະວິໄສ, ປັບປຸງໂຮມບັນດາກົງຈັກທີ່ມີພາລະບົດບາດ, ໜ້າວຽກທີ່ຄ້າຍຄືກັນເຂົ້າກັນເຮັດໃຫ້ກົງຈັກກະທັດຮັດຕິດພັນກັບການສັບຊ້ອນພະນັກງານໃຫ້ຖືກກັບຄວາມຮູ້-ຄວາມສາມາດ, ພອນສະຫວັນ ແລະ ແທດເໝາະກັບຄວາມຮຽກຮ້ອງຕົວຈິງຂອງວຽກງານໃນໄລຍະໃໝ່; 3. ຂະຫຍາຍການຈັດຕັ້ງ, ຂະຫຍາຍສະມາ ຊິກສະຫະພັນແມ່ຍິງ ອາຍຸ 15 ປີ ຂຶ້ນໄປ ໃຫ້ກວມເອົາແມ່ຍິງຢູ່ຕົວເມືອງ, ເຂດຊົນນະບົດ, ສະຖາບັນການສຶກສາ, ໂຮງຈັກ, ໂຮງງານ, ວິສະຫະກິດ, ຫົວໜ່ວຍທຸລະກິດຂອງລັດ ແລະ ເອກະຊົນ ເພື່ອໃຫ້ແມ່ຍິງໃນທຸກສາຂາອາຊີບ ໄດ້ເຂົ້າເປັນສະມາຊິກ ແລະ ເຂົ້າໃນການຈັດຕັ້ງສະຫະພັນແມ່ຍິງຫຼາຍເທົ່າໃດຍິ່ງດີ; 4. ສືບຕໍ່ຫັນລົງສູ່ຮາກຖານຢ່າງແຂງແຮງ, ປຸກລະດົມຊຸກຍູ້, ຕິດຕາມຂະບວນການ, ກຳແໜ້ນຮາກຖານ, ປະຕິບັດຂໍ້ກຳນົດ, ກົດລະບຽບ, ຫຼັກການຈັດຕັ້ງ ແລະ ການເຄື່ອນໄຫວຂອງສະຫະພັນແມ່ຍິງແຕ່ລະຂັ້ນ ໃຫ້ເປັນເອກະພາບແຕ່ສູນກາງລົງຮອດທ້ອງຖິ່ນ; ສ້າງເງື່ອນໄຂອໍານວຍຄວາມສະດວກ ໃຫ້ພະນັກງານເພດຍິງ, ສະມາຊິກສະຫະພັນແມ່ຍິງ ມີໂອກາດບຳລຸງຍົກລະດັບທິດສະດີການເມືອງ-ການປົກຄອງ, ວິຊາສະເພາະ, ວິຊາຊີບ, ພາສາຕ່າງປະເທດ, ຝຶກອົບຮົມໄລຍະສັ້ນ-ໄລຍະຍາວ ຢູ່ພາຍໃນ ແລະ ຕ່າງປະເທດ ເພື່ອສ້າງພະນັກງານເພດຍິງທີ່ມີຄວາມຮູ້-ຄວາມສາມາດໃນທຸກຂົງເຂດວຽກງານ; 5. ປະສານສົມທົບກັບລັດຖະບານ, ອົງການປົກຄອງແຕ່ລະຂັ້ນ, ແນວລາວສ້າງຊາດ ແລະ ອົງການຈັດຕັ້ງມະຫາຊົນ ເພື່ອຂຶ້ນແຜນກຳນົດກໍ່ສ້າງພະນັກງານເພດຍິງແຕ່ລະຂັ້ນ, ສ້າງຖັນແຖວພະນັກງານເພດຍິງ ໃຫ້ມີຄວາມເຂັ້ມແຂງ, ກ້າວໜ້າໃນທຸກດ້ານ; ສ້າງເງື່ອນໄຂໃຫ້ພະນັກງານເພດຍິງຊົນເຜົ່າຢູ່ຂັ້ນຕ່າງໆໄດ້ບັນຈຸສັບຊ້ອນເຂົ້າໃນຕຳແໜ່ງນໍາພາ, ຕັດສິນບັນຫາສໍາຄັນຂອງຊາດ, ຂອງແຕ່ລະຂົງເຂດ ໃຫ້ນັບມື້ນັບຫຼາຍຂຶ້ນ; ສ້າງເງື່ອນໄຂໃຫ້ສະຫະພັນແມ່ຍິງໄດ້ເຄື່ອນໄຫວຕາມພາລະບົດບາດ, ສິດ, ໜ້າທີ່, ປົກປ້ອງສິດຜົນປະໂຫຍດອັນຊອບທຳຂອງແມ່ຍິງ ແລະ ເດັກ, ຄວາມສະເໝີພາບລະຫວ່າງຍິງ-ຊາຍ ທີ່ໄດ້ກຳນົດໃນກົດໝາຍ ແລະ ກົດລະບຽບສະຫະພັນແມ່ຍິງລາວໃຫ້ຫຼາຍຂຶ້ນກ່ວາເກົ່າ; 6. ເອົາໃຈໃສ່ເກັບກຳຜົນງານການເຄື່ອນໄຫວຂອງສະມາຊິກສະຫະພັນແມ່ ຍິງທີ່ມີຄວາມຫ້າວຫັນ, ກ້າວໜ້າ ເພື່ອນໍາສະເໜີຄະນະພັກແຕ່ລະຂັ້ນຂະຫຍາຍເຂົ້າເປັນສະມາຊິກພັກ; ສະເໜີການເລື່ອນຊັ້ນ, ເລື່ອນຂັ້ນໃຫ້ພະນັກງານເພດຍິງຜູ້ທີ່ມີຜົນງານ; ສະເໜີຂໍການຍ້ອງຍໍໃນການປະກອບສ່ວນຂະບວນການສະເຫຼີມສະຫຼອງວັນສໍາຄັນຂອງຊາດ, ຂອງພັກ ແລະ ຂະບວນແຂ່ງຂັນຮັກຊາດ ແລະ ພັດທະນາຕິດພັນກັບວຽກງານ 3 ສ້າງໃນແຕ່ລະໄລຍະ; ປະຕິບັດມາດຕະການສຶກສາອົບຮົມ, ກ່າວເຕືອນ, ລົງວິໄນຕໍ່ຜູ້ລະເມີດກົດໝາຍ ກໍຄືກົດລະບຽບຂອງສະຫະພັນແມ່ຍິງວາງອອກຕາມກໍລະນີໜັກ ຫຼື ເບົາ ເພື່ອເປັນແບບຢ່າງທີ່ດີໃຫ້ແກ່ມະຫາຊົນ; 7. ສ້າງແມ່ຍິງໃຫ້ມີຊີວະທັດ ແລະ ໂລກະທັດທີ່ກ້າວໜ້າ, ຮູ້ຮັບເອົາສິ່ງໃໝ່ຢ່າງມີການເລືອກເຟັ້ນ, ຮຽນຮູ້ເອົາສິ່ງໃໝ່ທີ່ດີ ແລະ ກ້າວໜ້າໄປເລື້ອຍໆ; ສົ່ງເສີມຫົວຄິດປະດິດສ້າງ ແລະ ທັດສະນະກ້າຄິດ, ກ້າເຮັດ, ກ້າຮັບຜິດຊອບ; ຕັ້ງໜ້າແກ້ໄຂປະກົດການຫຍໍ້ທໍ້ໃນຖັນແຖວເອື້ອຍນ້ອງແມ່ຍິງ ເປັນຕົ້ນແນວຄິດຄອງເດີມ, ໃຈນ້ອຍຄັບແຄບ, ອະຄະຕິ, ບໍ່ສົ່ງເສີມ ຊຶ່ງກັນ ແລະ ກັນ, ບໍ່ກ້າປະເຊີນໜ້າກັບສິ່ງທ້າທ້າຍ, ບໍ່ເປັນເຈົ້າການໃນການພັດທະນາຕົນເອງຕ້ອງເດັດດ່ຽວປັບປຸງ, ແກ້ໄຂໃຫ້ໝົດໄປເທື່ອລະກ້າວ; 8. ເອົາໃຈໃສ່ເກັບກຳຜົນງານທີ່ພົ້ນເດັ່ນຂອງອົງການຈັດຕັ້ງ, ສະມາຊິກສະຫະພັນແມ່ຍິງ, ແມ່ຍິງລາວບັນດາເຜົ່າ ເພື່ອຍ້ອງຍໍສັນລະ ເສີນໃນຂັ້ນຕ່າງໆ ເພື່ອປຸກລະດົມຂົນຂວາຍຂະບວນການຂອງແມ່ຍິງເຂົ້າໃນການປະຕິບັດພາລະກິດປ່ຽນແປງໃໝ່ ຢ່າງມີຫຼັກການຂອງພັກໃຫ້ບັນລຸຄາດໝາຍທີ່ວາງໄວ້.