![ປຶກສາຫາລື ການຈັດຕັ້ງປະຕິບັດໂຄງການປະກັນໄພການທ່ອງທ່ຽວ ແບບທັນສະໄໝ]()
ວັນທີ່ 18 ມີນາຜ່ານມາ ທີ່ໂຮງແຮມພູແມນ ນະຄອນ ຫຼວງພະບາງ ແຂວງຫຼວງພະບາງໄດ້ຈັດກອງປະຊຸມ ປຶກສາຫາລື ການຈັດຕັ້ງປະຕິບັດໂຄງການປະກັນໄພການທ່ອງທ່ຽວ ແບບທັນສະໄໝ ລະຫວ່າງກະຊວງວັດທະນະທຳ ແລະ ການທ່ອງທ່ຽວ, ກະຊວງການເງິນ ແລະ ບໍລິສັດ ລາວຢູນີເວີຊໍ ດີວີລ໋ອບເມັ້ນ ຈຳກັດ, ໂດຍເປັນປະທານຮ່ວມຂອງ ທ່ານ ໄຊສົມບັດ ບຸນນະຜົນ ວ່າການຫົວໜ້າກົມຄຸ້ມຄອງການທ່ອງທ່ຽວ ກະຊວງວັດທະນະທຳ ແລະ ການທ່ອງທ່ຽວ, ທ່ານ ນາງ ສຸດາພອນ ຄົມທະວົງ ຫົວໜ້າພະແນກວັດທະນະທຳ ແລະ ການທ່ອງທ່ຽວ ແຂວງຫຼວງພະບາງ.
![ຈະພິຈາລະນາຮັບຮອງບັນຫາສໍາຄັນພື້ນຖານຂອງປະເທດຊາດ]()
ທ່ານ ນາງ ອຳໄພວອນ ລ້ອມບຸນແພງ ກຳມະການສູນກາງພັກ ຫົວໜ້າຫ້ອງວ່າການສະພາແຫ່ງຊາດໄດ້ຖະແຫຼງຂ່າວຕໍ່ສື່ມວນຊົນ ກ່ຽວກັບການດໍາເນີນກອງປະຊຸມຄັ້ງປະຖົມມະລືກຂອງສະພາແຫ່ງຊາດ ຊຸດທີ X ໃນວັນທີ 18 ມີນາ ນີ້ ທີ່ສະພາແຫ່ງຊາດວ່າ: ກອງປະຊຸມຄັ້ງນີ້ ແມ່ນມີຄວາມໝາຍຄວາມສໍາຄັນຍິ່ງ ເພາະເປັນກອງປະຊຸມຄັ້ງທໍາອິດ ແລະ ເປັນການເລີ່ມຕົ້ນການເຄື່ອນໄຫວປະຕິບັດບົດບາດສິດ ແລະ ໜ້າທີ່ ຂອງສະພາແຫ່ງຊາດ ຊຸດທີ X ຢ່າງເປັນທາງການ. ກອງປະຊຸມຄັ້ງນີ້ ຈະໄດ້ພິຈາລະນາ,ຮັບຮອງບັນຫາສໍາຄັນພື້ນຖານຂອງປະເທດຊາດ ຕາມທີ່ໄດ້ກໍານົດໄວ້ໃນລັດຖະທໍາມະນູນ ແລະ ກົດໝາຍ ລະອຽດດັ່ງນີ້:
![ເມືອງມຸນລະປາໂມກ ຈັດກອງປະຊຸມຄົບຄະນະບໍລິຫານງານຊາວໜຸ່ມ ຄັ້ງທີ 3 ສະໄໝທີ IX]()
ໃນວັນທີ 18 ມີນານີ້ ທີ່ຫ້ອງວ່າການເມືອງມຸນລະປາໂມກ ແຂວງຈໍາປາສັກ, ຄະນະບໍລິຫານງານຊາວໜຸ່ມ ປປລ ເມືອງ ໄດ້ຈັດກອງປະຊຸມຄົບຄະນະບໍລິຫານງານຊາວໜຸ່ມ ປປລ ເມືອງ ຄັ້ງທີ 3 ສະໄໝທີ IX, ພາຍໃຕ້ການເປັນປະທານຂອງສະຫາຍ ສົມຈັນ ສີຈັນແດງ ຮອງເລຂາພັກເມືອງ ປະທານກວດກາລັດ ຫົວໜ້າອົງການຕ້ານການສໍ້ລາດບັງຫຼວງຂອງເມືອງ.
![ຄໍາມ່ວນ ເປີດງານຕະຫຼາດນັດ ແລະ ຈຳໜ່າຍສິນຄ້າ ບັ້ນຮົບປ້ອງກັນຕົວເມືອງທ່າແຂກ ແລະ ສະຫຼອງ ພູຫີນໜາມໜໍ່ ເປັນມໍລະດົກໂລກ]()
ໃນຕອນແລງ ວັນທີ 18 ມີນານີ້ ທີ່ສວນອານຸສອນສະຖານປະທານສຸພານຸວົງ ແຂວງຄໍາມ່ວນ ໄດ້ຈັດພິທີເປີດງານວາງສະແດງ ແລະ ຈຳໜ່າຍສິນຄ້າ ເພື່ອລະນຶກເຖິງວັນປະຫວັດສາດ ບັ້ນຮົບປ້ອງກັນຕົວເມືອງທ່າແຂກ (21 ມີນາ 1946 - 21 ມີນາ 2026) ຄົບຮອບ 80 ປີ ແລະ ສະເຫຼີມສະຫຼອງ ອຸທິຍານແຫ່ງຊາດ ພູຫີນໜາມໜໍ່ ທີ່ໄດ້ຮັບຮອງເຂົ້າເປັນມໍຣະດົກໂລກທາງທຳມະຊາດຮ່ວມຊາຍແດນ ກັບ ອຸທິຍານຟອງຍາ-ແກບາງ ສສ ຫວຽດນາມ, ໃຫ້ກຽດເຂົ້າຮ່ວມໃນງານໂດຍ ທ່ານ ໄຊຊະນະ ໂຄດພູທອນ ກຳມະການສູນກາງພັກ ເລຂາຄະນະບໍລິຫານງານພັກແຂວງຄໍາມ່ວນ ພ້ອມຄະນະນຳແຂວງ, ອະດີດການນໍາ, ແຂກຖືກເຊີນ, ຈາກສູນກາງ, ບໍລິສັດ, ຫ້າງຮ້ານຂອງລາວ, ສສ ຫວຽດນາມ ແລະ ຣາຊະອານາຈັກໄທ ເຂົ້າຮ່ວມ.
![ສືບຕໍ່ເພີ່ມທະວີວຽກງານປ້ອງກັນ-ການຄວບຄຸມ ແລະ ການຟື້ນຟູຫຼັງໄພພິບັດໃຫ້ມີຄວາມເຂັ້ມແຂງ]()
ພັກ-ລັດຖະບານ ກໍຄືກະຊວງແຮງງານ ແລະ ສະຫວັດດີການສັງຄົມ (ຮສສ), ຄະນະກຳມະການຄຸ້ມຄອງໄພພິບັດຂັ້ນສູນກາງ (ຄພສ) ແລະ ທ້ອງຖິ່ນ ຍາມໃດກໍຖືສໍາຄັນວຽກງານຄຸ້ມຄອງໄພພິບັດຢູ່ ສປປ ລາວ ໂດຍສະເພາະໃນປີ 2026 ຈະສືບຕໍ່ເພີ່ມທະວີວຽກງານປ້ອງກັນ, ການຄວບຄຸມ ແລະ ການຟື້ນຟູຫຼັງໄພພິບັດຕ່າງໆ ໃຫ້ມີຄວາມເຂັ້ມແຂງ ແລະ ສາມາດປະຕິບັດວຽກງານດັ່ງກ່າວໄດ້ຢ່າງມີປະສິດທິຜົນ.
![ຖອດຖອນບົດຮຽນວຽກງານເລືອກຕັ້ງ ສສຊ ຊຸດທີ X ແລະ ສສຂ ຊຸດທີ V]()
ກອງປະຊຸມສະຫຼຸບຖອດຖອນບົດຮຽນວຽກງານການເລືອກຕັ້ງສະມາຊິກສະພາແຫ່ງຊາດ (ສສຊ) ຊຸດທີ X ແລະ ສະມາຊິກສະພາປະຊາຊົນຂັ້ນແຂວງ (ສສຂ) ຊຸດທີ V ຈັດຂຶ້ນໃນວັນທີ 17 ມີນາຜ່ານມານີ້ ທີ່ນະຄອນຫຼວງວຽງຈັນ ໂດຍການເປັນປະທານຂອງ ທ່ານ ໄຊສົມພອນ ພົມວິຫານ ປະທານສະພາແຫ່ງຊາດ ປະທານຄະນະກຳມະການເລືອກຕັ້ງລະດັບຊາດ, ມີຄະນະກຳມະການເລືອກຕັ້ງລະດັບຊາດ, ຄະນະກຳມະການເລືອກຕັ້ງຂັ້ນແຂວງ, ນະຄອນຫຼວງ, ພ້ອມດ້ວຍແຂກຖືກເຊີນ ແລະ ພາກສ່ວນກ່ຽວຂ້ອງເຂົ້າຮ່ວມ.
![ເຊກອງ ເຂັ້ມງວດຄຸ້ມຄອງ-ກວດກາລາຄາສິນຄ້າ ຫຼັງມີການປັບຂຶ້ນລາຄານໍ້າມັນເຊື້ອໄຟ]()
ໃນວັນທີ 17 ມີນານີ້, ທ່ານ ນາງ ວິລະຄອນ ບັນທະເວີ ຮອງຫົວໜ້າພະແນກ ອຸດສາຫະກຳ ແລະ ການຄ້າແຂວງເຊກອງ ພ້ອມດ້ວຍເຈົ້າໜ້າທີ່ກວດກາການຄ້າ ແລະ ຂະແໜງການກ່ຽວຂ້ອງ ໄດ້ລົງເຄື່ອນໄຫວຕິດຕາມກວດກາລາຄາສິນຄ້າຢູ່ທີ່ຕະຫຼາດສົດເທສະບານແຂວງເຊກອງ.
![ສາລະວັນ ຕີລາຄາການຈັດຕັ້ງປະຕິບັດວຽກງານໄລຍະໜຶ່ງເດືອນ ແລະ ວາງແຜນວຽກຈຸດສຸມໃນຕໍ່ໜ້າ]()
ວັນທີ 17 ມີນານີ້ ທີ່ສະໂມສອນແຂວງ, ຄະນະກໍາມະການປົກຄອງແຂວງສາລະວັນ ຕີລາຄາການຈັດຕັ້ງປະຕິບັດວຽກງານປະຈຳເດືອນມີນາ 2026 ແລະ ຄົ້ນຄວ້າວຽກງານທີ່ເຄັ່ງຮ້ອນ ພ້ອມທັງວາງແຜນວຽກຈຸດສຸດຕ່າງໆ ໃນຕໍ່ໜ້າ, ໂດຍໃຫ້ກຽດເປັນປະທານຂອງທ່ານ ປະເດີມພອນ ສົນທະນີ ປະທານຄະນະກຳມະການປົກຄອງແຂວງສາລະວັນ, ມີຫົວໜ້າ-ຮອງຫົວໜ້າພະແນກການ, ອົງການທຽບເທົ່າ, ປະທານຄະນະກຳມະການປົກຄອງເມືອງ 8 ເມືອງ, ນັກທຸລະກິດ ແລະ ພາກສ່ວນທີ່ກ່ຽວຂ້ອງອ້ອມຂ້າງແຂວງເຂົ້າຮ່ວມ.
![ບໍລິສັດ ລາວຄາຍຢວນ ບໍ່ແຮ່ຈໍາກັດ ຜູ້ດຽວ ມອບເງິນ 1,3 ຕື້ກີບ ໃຫ້ແຂວງຄໍາມ່ວນ]()
ໃນຕອນບ່າຍວັນທີ 17 ມີນານີ້ ທີ່ຫ້ອງວ່າການແຂວງຄໍາມ່ວນ, ບໍລິສັດ ລາວຄາຍຢວນ ບໍ່ແຮ່ຈໍາກັດຜູ້ດຽວ ໄດ້ມອບເງິນຈໍານວນ 1,3 ຕື້ກີບໃຫ້ແກ່ແຂວງຄໍາມ່ວນ ເພື່ອປະກອບສ່ວນສະໜັບສະໜູນການຈັດງານສໍາຄັນ ຄົບຮອບ 80 ປີ ຂອງບັ້ນຮົບປ້ອງກັນຕົວເມືອງທ່າແຂກ 21 ມີນາ 1946. ມອບໂດຍ ທ່ານ ຫານ ຫຸຍລູ ປະທານບໍລິສັດ ແລະ ຮັບໂດຍ ທ່ານ ໄຊຊະນະ ໂຄດພູທອນ ກໍາມະການສູນກາງພັກ ເລຂາພັກແຂວງຄໍາມ່ວນ, ໂດຍມີ ທ່ານ ຫວາງ ເຕີສວນ ຜູ້ອຳນວຍການບໍລິສັດ, ຫົວໜ້າຫ້ອງວ່າການແຂວງເຂົ້າຮ່ວມ.
![ອກລ ຈັດຕັ້ງເຊື່ອມຊຶມ ມະຕິກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ XII ຂອງພັກ ປປ ລາວ]()
ໃນວັນທີ 17 ມີນາ ນີ້, ອົງການກວດສອບແຫ່ງລັດ (ອກລ) ໄດ້ຈັດກອງປະຊຸມເຜີຍແຜ່ເຊື່ອມຊຶມ ແລະ ຜັນຂະຫຍາຍມະຕິກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ XII ຂອງພັກປະຊາຊົນ ປະຕິວັດລາວ, ພາຍໃຕ້ການເປັນປະທານຂອງ ສະຫາຍ ວຽງທະວີສອນ ເທບພະຈັນ ກຳມະການສູນກາງພັກ ເລຂາຄະນະບໍລິຫານງານພັກ, ປະທານອົງການກວດສອບແຫ່ງລັດ ຊຶ່ງເຂົ້າຮ່ວມກອງປະຊຸມມີ ສະຫາຍຮອງເລຂາຄະນະບໍລິຫານງານພັກ, ຄະນະປະຈຳພັກ, ກຳມະການຄະນະບໍລິຫານງານພັກ, ບັນດາສະຫາຍເລຂາໜ່ວຍພັກ, ຄະນະໜ່ວຍພັກ, ຄະນະກົມ, ຄະນະພະແນກ ພ້ອມດ້ວຍສະມາຊິກພັກຂອງບັນດາໜ່ວຍທີ່ຂຶ້ນກັບອົງຄະນະພັກອົງການກວດສອບແຫ່ງລັດ ເຂົ້າຮ່ວມ.
ຄໍາເຫັນ