ໃນ 5 ປີຜ່ານມາ ຄະນະບໍລິຫານງານໄດ້ເອົາໃຈໃສ່ໃນການສຶກສາອົບຮົມໃຫ້ພະນັກງານ, ສະມາຊິກກຳມະບານ, ກຳມະກອນ, ຊາວຜູ້ອອກແຮງງານບັນດາເຜົ່າດ້ວຍຫຼາຍຮູບແບບ ທັງເຊິ່ງໜ້າ, ຜ່ານສື່ມວນຊົນ ແລະ ຜ່ານສື່ສັງຄົມອອນລາຍ ເພື່ອໃຫ້ເຂົ້າໃຈຕໍ່ແນວທາງນະໂຍບາຍຂອງພັກ, ລະບຽບກົດໝາຍຂອງລັດ, ສະພາບພາຍໃນ ແລະ ສາກົນ, ຮ່ຳຮຽນຄຸນສົມບັດສິນທຳປະຕິວັດແບບແຜນວິທີເຮັດວຽກຂອງບັນດາທ່ານຜູ້ນຳພັກ-ລັດ ແລະ ເອກະສານສຳຄັນຕ່າງໆຂອງຊາດ-ຂອງພັກ, ຂອງກຳມະບານ ປະຕິບັດໄດ້ຫຼາຍຜົນງານ ໂດຍສະເພາະພົ້ນເດັ່ນແມ່ນວຽກງານກອງທຶນ ຊຶ່ງເປັນກອງທຶນຊ່ວຍເຫຼືອຊຶ່ງກັນ ແລະ ກັນ ຕາມກົດລະບຽບກອງທຶນ ສ້າງຕັ້ງຂຶ້ນ ເພື່ອແນໃສ່ປົກປ້ອງ ແລະ ຊ່ວຍເຫຼືອສະມາຊິກກຳມະບານ ແລະ ສະມາຊິກກອງທຶນໃນເວລາເຈັບເປັນ, ເກີດລູກ, ອັກຄີໄພ ແລະ ເສຍຊີວິດ ຊຶ່ງມີສະມາຊິກກອງທຶນທັງໝົດ 21,978 ສະຫາຍ; ທຽບໃສ່ກອງປະຊຸມໃຫຍ່ຄັ້ງທີ VIII ເພີ່ມຂຶ້ນ 1,1%; ປັດຈຸບັນ ມີເງິນສະສົມກອງທຶນ ທັງໝົດ 20,125,796,000 ກີບ.
ສໍາລັບລະບົບການຈັດຕັ້ງຂອງກໍາມະບານແຕ່ລະຂັ້ນໄດ້ຮັບການປັບປຸງ ໃຫ້ມີຄວາມຄວາມກະທັດຮັດ ແລະ ໜັກແໜ້ນເຂັ້ມແຂງ ທົ່ວແຂວງປະກອບມີ 15 ສະຫະພັນກຳມະບານເມືອງ/ນະຄອນ, 4 ສະຫະພັນພະແນກການ ແລະ ກໍາມະບານຮາກຖານ 65 ຮາກຖານ, ໃນນັ້ນ ຂົງເຂດເອກະຊົນ 23 ຮາກຖານ. ມີກຳມະບານຮາກຖານ ທີ່ຂຶ້ນກັບເມືອງ 532 ຮາກຖານ, ກຳມະບານຮາກຖານທີ່ຂຶ້ນກັບສະຫະພັນພະແນກການ 44 ຮາກຖານ. ທົ່ວແຂວງມີສະມາຊິກກໍາມະບານທັງໝົດ 14,214 ສະຫາຍຍິງ 6,881 ສະຫາຍ ຄະນະບໍລິຫານງານສະຫະພັນກຳມະບານຂັ້ນແຂວງມີ 39 ສະຫາຍ ຍິງ 8 ສະຫາຍ; ຄະນະບໍລິຫານງານສະຫະພັນກຳມະບານເມືອງ, ນະຄອນ ມີ 277 ສະຫາຍ, ຍິງ 89 ສະຫາຍ, ຄະນະກຳມະບານຮາກຖານ 232 ສະຫາຍ ຍິງ 86 ສະຫາຍ; ພະນັກງານກໍາມະບານອາຊີບທັງໝົດ 134 ສະຫາຍ ຍິງ 55 ສະຫາຍ. ສາມາດຂະຫຍາຍການຈັດຕັ້ງກຳມະບານ ໄດ້ 10 ຮາກຖານ, ໃນນີ້ ຂົງເຂດເອກະຊົນ 4 ຮາກຖານ, ກຸ່ມການຜະລິດ 4 ຮາກຖານ ແລະ ພາກລັດ 2 ຮາກຖານ; ຂະຫຍາຍສະມາຊິກກຳມະບານໄດ້ທັງໝົດ 2,444 ສະຫາຍ ຍິງ 1,421 ສະຫາຍ. ທຽບໃສ່ແຜນໄດ້ 48%, ໃນນັ້ນ ຂົງເຂດເອກະຊົນຂະຫຍາຍໃໝ່ໄດ້ 328 ສະຫາຍ.
ພ້ອມນີ້, ກຳມະບານແຕ່ລະຂັ້ນໄດ້ປຸກລະດົມສ້າງຂະບວນການແຂ່ງຂັນພາຍໃຕ້ຫົວຂໍ້ເສີມຂະຫຍາຍພາລະບົດບາດ, ໜ້າທີ່ຂອງກຳມະບານ, ເພື່ອປະຕິບັດຜົນສຳເລັດ ມະຕິກອງປະຊຸມໃຫຍ່ ຄັ້ງທີ VIII ຂອງສູນກາງສະຫະພັນກຳມະບານລາວ ແລະ ຄັ້ງທີ VIII ຂອງສະຫະພັນກຳມະບານແຂວງໃນໄລຍະຜ່ານມາ ສະຫະພັນກໍາມະບານແຕ່ລະຂັ້ນກໍໄດ້ເຊື່ອມຊຶມ, ຈັດຕັ້ງປະຕິບັດຂໍ້ແຂ່ງຂັນ 5 ເປັນເຈົ້າ ແລະ ຕິດພັນກັບຂະບວນການແຂ່ງຂັນຮັກຊາດ ແລະ ພັດທະນາ ກໍ່ສ້າງໜ່ວຍພັກປອດໃສ,ເຂັ້ມແຂງ, ໜັກແໜ້ນ ແລະ ປະຕິບັດໜ້າທີ່ວິຊາສະເພາະ ຂອງກໍາມະບານແຕ່ລະຂັ້ນ; ສາມາດສ້າງໄດ້ຄອບຄົວຕົວແບບຂອງສະມາຊິກກຳມະບານດ້ວຍການປູກ-ການລ້ຽງ ພົ້ນເດັ່ນໄດ້ 5 ຄອບຄົວ ສະເລ່ຍລາຍຮັບຄອບຄົວລະ 140 ລ້ານກວ່າກີບຕໍ່ປີ; ກຳມະບານແຕ່ລະຂັ້ນໄດ້ປະກອບສ່ວນເຮັດພັນທະປ້ອງກັນຊາດ-ປ້ອງກັນຄວາມສະຫງົບ, ພ້ອມກັນນັ້ນກໍໄດ້ເອົາໃຈໃສ່ ແລະ ຖືສໍາຄັນໃນການຊ່ວຍເຫຼືອສັງຄົມດ້ວຍການລະດົມວັດຖຸ, ທຶນຮອນຈາກສະມາຊິກກຳມະບານເປັນຕົ້ນ: ເຄື່ອງອຸປະໂພກ-ບໍລິໂພກ ໃຫ້ແກ່ປະຊາຊົນພາຍໃນແຂວງທີ່ຖືກຜົນກະທົບຈາກພະຍາດໂຄວິດ -19 ແລະ ຜູ້ປະສົບໄພນໍ້າຖ້ວມ ເປັນວັດຖຸ ແລະ ເງິນສົດ ມູນຄ່າ 86 ລ້ານກວ່າກີບ; ຮັບຮອງ ແລະ ມອບທຸງໄຊ 5 ເປັນເຈົ້າ ໃຫ້ສະຫະພັນກຳມະບານ 14 ເມືອງ, 1 ນະຄອນ, 4 ສະຫະພັນກຳມະບານພະແນກການ ແລະ 54 ຮາກຖານອ້ອມຂ້າງແຂວງ; ຍ້ອງຍໍໃຫ້ກົມກອງດີເດັ່ນ ໃນການຈັດຕັ້ງປະຕິບັດວຽກງານກຳມະບານຮອບດ້ານ ປະເພດຍ້ອງຍໍ 8 ສະຫະພັນ, 41 ຮາກຖານ ແລະ ຊົມເຊີຍ 11 ສະຫະພັນ, 91 ຮາກຖານ; ຍ້ອງຍໍ, ຊົມເຊີຍບຸກຄົນທີ່ມີຜົນງານດີເດັ່ນ ໃນການຈັດຕັ້ງປະຕິບັດວຽກງານກຳມະບານ ໄລຍະ 5 ປີ ຮັບຫຼຽນກາກຳມະບານ ສູນກາງກໍາມະບານລາວ ກົມກອງດີເດັ່ນ ໄດ້ 18 ໜ່ວຍ, ບຸກຄົນດີເດັ່ນ 279 ໜ່ວຍ, ປະເພດຍ້ອງຍໍ 5,865 ສະຫາຍ ຍິງ 2,713 ສະຫາຍ ແລະ ປະເພດຊົມເຊີຍ 1,748 ສະຫາຍ ຍິງ 981 ສະຫາຍ; ຮັບການຍ້ອງຍໍ ແລະ ຊົມເຊີຍ ຂອງທ່ານເຈົ້າແຂວງສະຫວັນນະເຂດ ປະເພດຍ້ອງຍໍ 953 ສະຫາຍ ຍິງ 556 ສະຫາຍ, ປະເພດຊົມເຊີຍ 231 ສະຫາຍຍິງ 134 ສະຫາຍ.
ຄໍາເຫັນ