 |
ສະຫາຍ ນາງ ສຸດສາຍໃຈ ດວງສະຫວັນ ໄດ້ລາຍງານສະພາບລວມ ແລະ ຜົນງານທີ່ພົ້ນເດັ່ນ ໃນການຈັດຕັ້ງປະຕິບັດຂໍ້ແຂ່ງຂັນ 3 ດີ, 4 ບຸກ ແລະ 5 ເປັນເຈົ້າ. ຈາກນັ້ນ, ຕາງໜ້າ 3 ອົງການຈັດ ຕັ້ງມະຫາຊົນໄດ້ຜ່ານບົດລາຍງານຜົນງານແຕ່ລະດ້ານ ແລະ ສະຫາຍ ນາງ ອາທິລະກາ ສີສຸພັນ ປະທານແມ່ຍິງຮາກຖານ ສລດ ໄດ້ຜ່ານຜົນງານການຈັດຕັ້ງປະຕິບັດຂໍ້ແຂ່ງຂັນ 3 ດີ; ສະຫາຍ ນາງ ບຸນມາລີ ຈັນບຸນມີ ເລຂາຊາວໜຸ່ມຮາກຖານ ສລດ ຜ່ານຜົນງານວຽກງານ 4 ບຸກ ແລະ ສະຫາຍ ນາງ ທຸມມະລີ ບຸນຈະເລີນ ປະທານກຳມະບານຮາກຖານ ສລດ ຜ່ານຜົນງານວຽກງານ 5 ເປັນເຈົ້າ" ປະຈຳປີ 2026.
ຜ່ານການນຳພາ-ຊີ້ນຳຢ່າງໃກ້ຊິດຕິດແທດ ຂອງຄະນະພັກຮາກຖານ ບວກກັບຄວາມທຸ້ມເທສະຕິປັນຍາ, ເຫື່ອແຮງຂອງສະມາຊິກພັກ ແລະ ພະນັກງານທຸກສະຫາຍ ເຮັດໃຫ້ 3 ອົງການຈັດຕັ້ງມະຫາຊົນ ສລດ ສາມາດປະກອບສ່ວນຢ່າງຕັ້ງໜ້າ ເຂົ້າໃນວຽກງານພັດທະນາຜູ້ປະກອບການ ແລະ ພາລະກິດປົກປັກຮັກສາ ສ້າງສາປະເທດຊາດ ຕະຫຼອດໄລຍະຜ່ານມາ ເຮັດໃຫ້ຜົນງານການຈັດຕັ້ງປະຕິບັດຂໍ້ແຂ່ງຂັນບັນລຸ 100% ໃນທຸກໆປີ. ໃນພິທີໄດ້ປະດັບຫຼຽນກາລະນຶກ 50 ປີ ວັນສະຖາປະນາ ສປປ ລາວ ໃຫ້ ພະນັກງານ-ສະມາຊິກພັກທີ່ມີຜົນງານດີເດັ່ນຈຳນວນ 6 ສະຫາຍ ຍິງ 4 ສະຫາຍ ໃຫ້ກຽດປະດັບຫຼຽນໂດຍສະຫາຍ ຕຸດາວັນ ໜໍ່ເມືອງເສດ. ຕອນທ້າຍພິທີ, ສະຫາຍ ຕຸດາວັນ ໜໍ່ເມືອງເສດ ໄດ້ໃຫ້ກຽດໂອ້ລົມ ພ້ອມທັງເນັ້ນໜັກໃຫ້ສະມາຊິກພັກ ພະນັກງານທຸກສະຫາຍເອົາໃຈໃສ່ 4 ວຽກງານຈຸດສຸມ ຄື: ສຶກສາອົບຮົມໃຫ້ສະມາຊິກພັກ ແລະ ພະນັກງານ ມີທັດສະນະຫຼັກໝັ້ນການເມືອງໜັກແໜ້ນ, ມີຄຸນສົມບັດສິນທຳປະຕິວັດ ແລະ ຕັ້ງໜ້າປະຕິບັດແນວທາງຂອງພັກ-ລັດ; ຍົກສູງຄວາມຮັບຜິດຊອບໃນການຈັດຕັ້ງຜັນຂະ ຫຍາຍມະຕິກອງປະຊຸມໃຫຍ່ຜູ້ແທນອົງຄະນະພັກກະຊວງ ສສກ ແລະ ຂັ້ນເທິງ ໃຫ້ປະກົດຜົນເປັນຮູບປະທຳ; ສືບຕໍ່ເຊື່ອມຊຶມມູນເຊື້ອອັນສະຫງ່າລາສີຂອງພັກ ແລະ ອົງການຈັດຕັ້ງມະຫາຊົນ, ສ້າງຄວາມສາ ມັກຄີໃຫ້ໜຽວແໜ້ນ ແລະ ອຸທິດກຳລັງແຮງເຂົ້າໃນການສ້າງສາພັດທະນາ; ສືບຕໍ່ຮັກສາຄຸນນະພາບການ ຈັດຕັ້ງປະຕິບັດຂໍ້ແຂ່ງຂັນ 3 ດີ, 4 ບຸກ ແລະ 5 ເປັນເຈົ້າໃຫ້ບັນລຸ 100% ຢ່າງຕໍ່ເນື່ອງ, ຟົດຟື້ນ ແລະ ມີປະສິດທິພາບ.
ຂ່າວ-ພາບ: ສົງການ ພັນແພງດີ
ຄໍາເຫັນ