 |
ໃນພິທີ, ສະຫາຍ ພົນຈັດຕະວາ ຄໍາຫອມ ແສງບົວລົມ ຮອງເລຂາຄະນະບໍລິຫານງານພັກ ຮອງປະທານ ສນຫລ ໄດ້ໃຫ້ກຽດເຜີຍແຜ່ເຊື່ອມຊຶມເນື້ອໃນ 3 ເອກະສານສໍາຄັນຄື: 1) ມະຕິຕົກລົງຂອງກົມການເມືອງສູນກາງພັກ ສະບັບເລກທີ 06/ກມສພ, ລົງວັນທີ 12/5/2025 ວ່າດ້ວຍການຈັດຕັ້ງ ແລະ ການເຄື່ອນໄຫວຂອງ ສນຫລ ໂດຍຍົກໃຫ້ເຫັນໜ້າທີ່ ແລະ ຂອບເຂດສິດ, ໂຄງປະກອບກົງຈັກການຈັດຕັ້ງ ແລະ ບຸກຄະລາກອນ, ນະໂຍບາຍຕໍ່ບຸກຄົນ ທີ່ມາປະຈໍາການ ຢູ່ສະຫະພັນນັກຮົບເກົ່າແຕ່ລະຂັ້ນ, ຫຼັກການ, ແບບແຜນວິທີການເຮັດວຽກ ແລະ ລະບອບການພົວພັນ; 2) ມະຕິຕົກລົງຂອງຄະນະເລຂາທິການສູນກາງພັກ ສະບັບເລທີ 502/ຄລສພ, ລົງວັນທີ 12/5/2025 ວ່າດ້ວຍການປັບປຸງກົງຈັກການຈັດຕັ້ງຂອງ ສນຫລ; 3) ມະຕິຕົກລົງຂອງຄະນະເລຂາທິການສູນກາງພັກ ສະບັບເລກທີ 503/ຄລສພ, ລົງວັນທີ 12/5/2025 ວ່າດ້ວຍການສ້າງຕັ້ງກົມກວດກາຂຶ້ນກັບ ສນຫລ.
ໂອກາດນີ້, ສະຫາຍ ພົນໂທ ແສງນວນ ໄຊຍະລາດ ໄດ້ໃຫ້ກຽດໂອ້ລົມເພື່ອເປັນເຂັມທິດເຍືອງທາງໃຫ້ ສະຫະພັນນັກຮົບເກົ່າແຕ່ລະຂັ້ນ ກໍຄືພະນັກງານ-ລັດຖະກອນ ແລະ ອົງການຈັດຕັ້ງກ່ຽວຂ້ອງ ເພື່ອເປັນບ່ອນອີງໃນການຈັດຕັ້ງປະຕິບັດໜ້າທີ່ການເມືອງຂອງຕົນໃຫ້ມີຜົນສໍາເລັດຢ່າງຈົບງາມ.
(ຂ່າວ-ພາບ: ວັນເພັງ)
ຄໍາເຫັນ