ສອງແຂວງຮ່ວມເຝຶກອົບຮົມການປິນປົວຄົນເຈັບ ທີ່ເປັນພະຍາດທາງລະບົບປະສາດ

ຊ່ຽວຊານພະຍາດລະບົບປະສາດ ແລະ ສະໝອງ ຮອງອຳນວຍການໂຮງໝໍມິດຕະພາບ 150 ຕຽງ, ທ່ານ ພູວານາ ອະນຸລັກຄໍາ ອໍານວຍການໂຮງໝໍແຂວງຫຼວງພະບາງ.

ທ່ານ ພູວານາ ອະນຸລັກຄຳ ໄດ້ໃຫ້ສຳພາດວ່າ: ຊຸດອົບຮົມນີ້ ຖືວ່າເປັນໂອກາດດີ ໃຫ້ກັບພະນັກງານ ແພດ-ໝໍ ຈະໄດ້ຊ່ວຍປີ່ນປົວໃຫ້ຄົນເຈັບ ທີ່ເປັນພະຍາດທາງລະບົບປະສາດ ບໍ່ໃຫ້ເປັນພິການ ແລະ ເສຍຊີວິດ ຂອງຄົນເຈັບໄດ້ທັນການ, ຊຶ່ງປັດຈຸບັນພະຍາດທາງລະບົບປະສາດ ກຳລັງເກີດຂຶ້ນກັບປະຊາຊົນເປັນຈຳນວນຫຼາຍ, ຊຶ່ງມີຫຼາຍສາເຫດ ຕົ້ນຕໍແມ່ນຄວາມຊີນເຄີຍຕໍ່ການດຳລົງຊີວິດທີ່ມີຄວາມສ່ຽງ ເຊັ່ນ: ການກີນ-ດື່ມ ແລະ ອື່ນໆ.

ຊຸດອົບຮົມຄັ້ງນີ້, ຜູ້ເຂົ້າຮ່ວມຈະໄດ້ຮຽນຮູ້ ການດູແລຮັກສາສຸຂະພາບຄົນເຈັບ ທີ່ເປັນພະຍາດເສັ້ນເລືອດສະໝອງ, ສາທິດ ແລະ ຝຶກປະຕິບັດ ການກວດກາປະເມີນ ຄວາມໜັກ-ເບົາຂອງອາການຄົນເຈັບ, ສາທິດ ແລະ ປະຕິບັດການກວດກາລະບົບປະສາດ 7 ຂັ້ນຕອນ, ເສັ້ນເລືອດສະມອງອຸດຕັນຊົວຄາວ, ເສັ້ນເລືອດສະໝອງຕີບ, ເສັ້ນເລືອດສະໝອງແຕກ, ການປິ່ນປົວເສັ້ນເລືອດສະໝອງແຕກ ແບບບໍ່ຜ່າຕັດ, ການປິ່ວປົວເສັ້ນເລືອດສະໝອງຕີບທົ່ວໄປ ແບບບໍ່ໃຊ້ຢາລະລາຍກ້ອນເລືອດ, ການພະຍາບານຄົນເຈັບ ທີ່ເປັນພະຍາດເສັ້ນເລືອດສະໝອງ ໂດຍໃຊ້ຢາລະລາຍກ້ອນເລືອດ, ການກະກຽມເຄື່ອນຍ້າຍຄົນເຈັບກ່ອນອອກໂຮງໝໍ, ການປ້ອງກັນ ການເປັນປະພະຍາດເສັ້ນເລືອດໃນສະໝອງ. ຊຶ່ງພາຍຫຼັງຮຽນທິດສະດີແລ້ວ ຈະໄດ້ລົງເຝຶກປະຕິບັດຕົວຈິງຢູ່ໂຮງໝໍແຂວງຫຼວງພະບາງ ແລະ ສືບຕໍ່ທັດສະນະຢູ່ໂຮງໝໍມິດຕະພາບ 150 ຕຽງ ຕື່ມອີກ.

(ພາບ-ຂ່າວ: ດາວອນ ມະນີວັນ)