ໃນນີ້, ຂະແໜງ ການຄ້າ 746 ຫົວໜ່ວຍ; ຂະແໜງການຜະລິດ 267 ຫົວໜ່ວຍ ແລະ ຂະແໜງບໍລິການ 405 ຫົວໜ່ວຍ. ການຢຶນຢັນ ERC: ມາຮອດວັນທີ 30 ເມສາ 2026 ມີທັງໝົດ 1,318 ຫົວໜ່ວຍ. ໃນນີ້, ຢຶນຢັນສໍາເລັດແລ້ວ 885 ຫົວໜ່ວຍ ແລະ ຄ້າງບໍ່ທັນຢືນຢັນ 433 ຫົວໜ່ວຍ.
ສໍາລັບແຜນໃນຕໍ່ໜ້າ, ສ່ວຍສາອາກອນປະຈໍາແຂວງເຊກອງ ຈະສືບຕໍ່ປະຕິບັດພາລະບົດບາດ, ຜັນຂະຫຍາຍແນວທາງນະໂຍບາຍຂອງພັກ, ລະບຽບກົດໝາຍຂອງລັດກ່ຽວກັບວຽກງານສ່ວຍສາອາກອນ ແລະ ສູ້ຊົນເກັບລາຍຮັບໃຫ້ໄດ້ຕາມແຜນງົບປະມານປີ 2026 ຈໍານວນ 257.81 ຕື້ກີບ ໂດຍໄດ້ກໍານົດ 9 ແຜນວຽກຈຸດສຸມທີ່ສໍາຄັນດັ່ງນີ້: 1). ສຸມໃສ່ໂຄສະນາ ແລະ ຝຶກອົບຮົມ ເພື່ອຊຸກຍູ້ໃຫ້ຫົວໜ່ວຍທຸລະກິດ ແຈ້ງ-ມອບອາກອນ ດ້ວຍຕົນເອງຜ່ານລະບົບ TaxRIS ຄື: ສໍາລັບຫົວໜ່ວຍທຸລະກິດ ທີ່ຂຶ້ນກັບການຄຸ້ມຄອງຂອງແຂວງໃຫ້ໄດ້ 70% ແລະ ຫົວໜ່ວຍທຸລະກິດ ທີ່ຂຶ້ນກັບການຄຸ້ມຄອງຂອງເມືອງໃຫ້ໄດ້ 50% ຂອງຫົວໜ່ວຍທັງໝົດ (ບໍ່ລວມຫົວໜ່ວຍທຸລະກິດ ທີ່ມີລາຍຮັບແຕ່ 50 ລ້ານກີບລົງມາ). 2). ສືບຕໍ່ປະສານສົມທົບ ກັບຂະແໜງຊັບສິນຂອງລັດ ເພື່ອຄຸ້ມຄອງ, ຕິດຕາມ ວຽກງານຄຸ້ມຄອງຊັບສິນ ໄດ້ປະຕິບັດຕາມແຈ້ງ ຂອງຫ້ອງການກະຊວງ ເລກທີ 1671/ຫກ, ລົງວັນທີ 25 ມິຖຸນາ 2024 ວ່າດ້ວຍຂັ້ນຕອນການດໍາເນີນ ແລະ ປະກອບເອກະສານ ເພື່ອມອບພັນທະຈາກຂະແໜງຄຸ້ມຄອງຊັບສິນແຫ່ງລັດ ທີ່ແຈ້ງມອບຜ່ານ ລະບົບຄຸ້ມຄອງລາຍຮັບສ່ວຍສາອາກອນ (Tax RIS) ໃຫ້ໄດ້ຮັບຜົນດີ. 3). ສືບຕໍ່ຕິດຕາມຫົວຫນ່ວຍວິສາຫະກິດຂຶ້ນໃໝ່ ຈາກຂະແໜງອຸດສາຫະກາ ແລະ ການຄ້າ ໂດຍຜ່ານ ການອອກເລກປະຈຳຕົວ ໃນລະບົບ TaxRIS ໃຫ້ໄດ້ດີ ແລະ ມີການປະສານສົມທົບກັນ ກັບຂະແໜງອຸດສາຫະກຳ ແລະ ການຄ້າໃຫ້ເປັນປົກກະຕິ. 4). ສຸມໃສ່ໃນການປະຖົມນິເທດໃຫ້ຫົວໜ່ວຍວິສາຫະກິດ ໃນການແຈ້ງ-ມອບ ອາກອນເຂົ້າງົບປະມານ ດ້ວຍຕົນເອງໃຫ້ຫຼາຍຂຶ້ນ ເພື່ອຫຼຸດຜ່ອນການເຮັດວຽກຂອງເຈົ້າໜ້າທີ່ສ່ວຍສາອາກອນລົງ. 5). ສືບຕໍ່ປ້ອນຂໍ້ມູນຕອນດິນເຂົ້າໃນລະບົບ TaxRIS ໃຫ້ສໍາເລັດໃນງວດ 2 ປີ 2026 ໂດຍເລີ່ມຈາກບ່ອນທີ່ມີເງື່ອນໄຂກ່ອນ ເພື່ອລໍຖ້າການພັດທະນາລະບົບ ເຊື່ອມຕໍ່ຂໍ້ມູນກັບລະບົບຂອງກົມທີ່ດິນ ໃຫ້ສຳເລັດ ເພື່ອຮອງຮັບການຈັດເກັບອາກອນລາຍໄດ້ຈາກການຊື້-ຂາຍ ແລະ ໂອນກຳມະສິດທີ່ດິນ ໃນເວລາອອກໃບຕາດິນ. 6). ສຸມໃສ່ຂະຫຍາຍຖານອາກອນມູນຄ່າເພີ່ມ ໂດຍຫັນຫົວໜ່ວຍທຸລະກິດທີ່ຢູ່ນອກລະບົບ (ອມພ) ໃຫ້ເຂົ້າໃນລະບົບ ສອດຄ່ອງຕາມກົດໝາຍ ແລະ ລະບຽບການກຳນົດ ເພື່ອຢຸດຕິການເກັບອາກອນແບບມອບເໝົາໃຫ້ຂາດຕົວ ແລະ ນໍາໃຊ້ໃບເກັບເງິນໃຫ້ຖືກຕ້ອງຕາມກົດໝາຍ. 7). ສຸມໃສ່ການແນະນໍາ, ເຜີຍແຜ່ ແລະ ໂຄສະນາໃຫ້ຫົວໜ່ວຍທຸລະກິດ ແຈ້ງ-ມອບອາກອນດ້ວຍຕົວເອງ ຜ່ານລະບົບ TaxRIS. 8). ສຸມໃສ່ວຽກງານກວດກາໄລ່ລຽງ ພ້ອມທັງຈັດຕັ້ງປະຕິບັດໃຫ້ໄດ້ຕາມແຜນງວດ ແລະ ແຜນປີທີ່ວາງໄວ້, ປະສານສົມທົບກັບບັນດາບໍລິສັດ ເພື່ອເອົາຂໍ້ມູນເພີ່ມເຕີມໃນການກວດກາ, ປະສານສົມທົບກັບພະແນກການອ້ອມຂ້າງແຂວງ, ບັນດາຂະແໜງ ທີ່ຂຶ້ນກັບສ່ວຍສາອາກອນ ແລະ 4 ຕົວເມືອງ. 9). ເລັ່ງທວງໜີ້ສິນ ແລະ ແກ້ໄຂໃນການກວດສອບ-ກວດກາໃຫ້ຫຼຸດລົງ ຫຼື ຂາດຕົວ ໂດຍມອບໃຫ້ຫົວໜ້າສ່ວຍສາອາກອນແຂວງ ແລະ ບັນດາເມືອງ ເປັນເຈົ້າການກວດກາ, ຕິດຕາມ ແລະ ປະເມີນຜົນເປັນແຕ່ລະໄລຍະມອບໃຫ້ຂະແໜງກວດກາພາຍໃນ ເປັນໃຈກາງໃນການກວດກາຕິດຕາມ ແລະ ລາຍງານສະພາບການແກ້ໄຂຜົນການກວດສອບ ໃຫ້ການນໍາຂະແໜງສ່ວຍສາອາກອນຂອງຕົນ ເພື່ອສັງລວມລາຍງານ ເປັນປົກກະຕິ ແລະ ຕໍ່ເນື່ອງ.
(ຂ່າວ: ສັນຍາ)
ຄໍາເຫັນ