ສູນຝຶກຄົນພິການເປັນສ່ວນໜຶ່ງທີ່ສຳຄັນທາງສັງຄົມທີ່ປັກກິ່ງ

ເຊິ່ງລັດຖະບານຂອງຈີນ ກໍ່ໄດ້ຖືບັນຫານີ້ເປັນສິ່ງສຳຄັນໃນການເອົາໃຈໃສ່ດູແລຄົນພິການຢ່າງສະເໝີຕົ້ນສະເໝີປາຍ ສູນຝຝຶກຄົນພິການປັກກິ່ງ ຫຸ້ຍອ້າຍ(Hui’ai) ຕັ້ງຢູ່ເມືອງ ເຝິງຖ້າຍທີ່ປັກກິ່ງໂດຍມີພື້ນທີ່ທັງໝົດ 33.200ຕາລາງແມັດ ມີ22ຊັ້ນເຊິ່ງໄດ້ເປີດຢ່າງເປັນທາງການໃນເດືອນມີນາ ປີ 2022 ເຊິ່ງໄດ້ຮັບຮັບການພັດທະນາຂຶ້ນຈາກສະຫະພັນຄົນພິການປັກກິ່ງ ເປັນສະຖານທີ່ດູແລ ແລະ ຝຶກອົບຮົມຂອງຄົນພິການລະດັບແຂວງທີ່ມີຄວາມຊ່ຽວຊານແລະເອົາໃຈໃສ່ໃນລະດັບສູງສຸດໃນຈີນດ ນອກຈາກນີ້ຍັງໄດ້ເຮັດໜ້າທີ່ເປັນແບບຈຳລອງຂອງການສາທິດລະດັບຊາດ ສຳລັບການສ້າງສະພາບແວດລ້ອມທີ່ເຂົ້າເຖິງໄດ້ ແລະ ເປັນບ່ອນແລກປ່ຽນດຮ່ວມມືລະຫວ່າງປະເທດຂອງຄົນພິການ.

ໃນສູນຝຶກດັ່ງກ່າວນີ້ແມ່ນໄດ້ຝຶກອາຊີບຫຼາຍກວ່າ 10 ປະເພດ ການຟື້ນຟູສະມັດຕະພາບທາງອາຊີບເຊັ່ນວ່າ; ການເບິ່ງແຍງທີ່ຢູ່ອາໃສໄລຍະສັ້ນ, ການຟື້ນຟູສະມັດຕະພາບເດັກນ້ອຍ, ການຟື້ນຟູສະມັດຕະພາບຜູ້ໃຫຍ່, ການຝຶກອົບຮົມດ້ານອາຊີບ, ການອົບຮົມດ້ານສິລະປະ, ການເປີດຮູບເງົາລວມໝູ່ ແລະ ການແລກປ່ຽນກ່ຽວກັບການສະແດງຕ່າງອື່ນໆ, ໃນຊ່ວງ3ປີທີ່ຜ່ານມາທາງສູນດັ່ງກ່າວໄດ້ຝຶກອົບຮົມແລະ ສາທິດໃຫ້ຄົນພິການທີ່ຜ່ານມາຫຼາຍກວ່າ 200.000 ຄົນ ເຊິ່ງເປັນທີ່ຍອມຮັບຂອງສັງຄົມວ່າ, ເປັນໜຶ່ງໃນ ສິບອັນອັນດັບທີ່ໄດ້ຮັບລາງວັນລະດັບຊາດດ້ານຄວາມເປັນເລີດ ແລະ ໄດ້ຮັບເຄື່ອງເທັກໂນໂລຍີ ຈາກພາຍໃນ ແລະ ຕ່າງປະເທດ ຫຼາຍກວ່າ 60 ປະເພດ ເພື່ສົ່ງເສີມການປ່ຽນແປງຂອງຄວາມສຳເລັດທາງວິທະຍາສາດ ແລະ ເທັກໂນໂລຊີເພື່ອອຳນວຍຄວາມສະດວກໃຫ້ແກ່ການດຳລົງຊີວິດການເຮັດວຽກສ່ວນຮ່ວມທາງສັງຄົມຂອງຜູ້ພິການ.

ນັບຕັ້ງແຕ່ໄດ້ດຳເນີນການ 3 ປີຜ່ານມາ ສູນດັ່ງກ່າວໄດ້ມີສ່ວນຮ່ວມໃນການພັດທະນາຂອງເມືອງປັກກິ່ງໃນຖານະສູນກາງການລຽກປ່ຽນລະຫວ່າງປະເທດ ຕໍ່ມາໄດ້ເປັນເຈົ້າພາບຈັດກອງປະຊຸມສະເພາະວຽກງານຄົນພິການພາຍໃຕ້ໂຄງການລິເລິ່ມ “ໜຶ່ງແລວ ໜຶ່ງເສັ້ນທາງ” ແລະ ໄດ້ຮັບຄະນະຜູ້ແທນຕ່າງປະເທດ 29 ຄະນະລວມເຖິງຄະນະຜູ້ແທນຈາກສະຫະລັດອາເມລິກາ,

ນອກຈາກນີ້ທາງສູນຍັງໄດ້ເຊື່ອມໂຍງຊັບພະຍາກອນທາງສັງຄົມຢ່າງກວ້າງຂວາງເພື່ອຄວາມຮ່ວມມືສຳເລັດຮູບແບບບໍລິການສາທາລະນະຢ່າງຕໍ່ເນື່ອງ ແລະ ໄດ້ຈັດຕັ້ງທີມອາສາສະໝັກເພື່ອສະໜັບສະໜູນຄົນພິການດຳເນີນໂຄງການບໍລິການສະຫວັດດີການສະທາລະນະເຊັ່ນ; ການຮຽນຮູ້ຂອງຫຸ້ຍອ້າຍ, ກາຟ້ອນຂອງຫຸ້ຍອ້າຍ,ເຮືອນຄົວຂອງຫຸ້ຍອ້າຍ ແລະ ວິສາຫະກິດເພື່ອຫຸ້ຍອ້າຍ, ເປັນຜູ້ນຳແລະ ສະໜັບສະໜູນໃຫ້ທຸກຄົນຈາກທຸກພາກສ່ວນຂອງສັງຄົມບູລະນະ ແລະ ແບ່ງປັນຄວາມກ້າວໜ້າທາງສັງຄົມຮ່ວມກັບຄົນພິການ.