ໃນວັນທີ16 ມັງກອນຜ່ານມາ, ສູນຝຶກອົບຮົມທີ່ຂຶ້ນກັບກອງພົນທີ3 ໄດ້ຈັດພິທີປາຖະກະຖາວັນສ້າງຕັ້ງກອງທັບປະຊາຊົນລາວຄົບຮອບ75 ປີຂຶ້ນທີ່ສະໂມສອນດັ່ງກ່າວ ໂດຍການໃຫ້ກຽດປາຖະກະຖາຂອງສະຫາຍພັນໂທສີພົນ ແສງຄຳ ຫົວໜ້າການເມືອງສູນຝຶກອົບຮົມກອງພົນທີ 3, ມີຄະນະພັກ-ຄະນະບັນຊາ, ພະນັກງານ-ນັກຮົບກ່ຽວຂ້ອງເຂົ້າຮ່ວມ.
ສະຫາຍພັນໂທສີພົນແສງຄຳ ໄດ້ຫວນຄືນປະຫວັດມູນເຊື້ອແຫ່ງການກຳເນີດເຕີບໃຫຍ່ຂະຫຍາຍຕົວແລະຜົນງານການເຄື່ອນໄຫວສູ້ຮົບຂອງກອງທັບປະຊາຊົນລາວແຕ່ລະໄລຍະເລີ່ມແຕ່ວັນສ້າງຕັ້ງຈົນເຖິງປັດຈຸບັນ ເພື່ອໃຫ້ພະນັກງານ-ນັກຮົບໄດ້ຮັບຮູ້ເຊື່ອມຊຶມເຂົ້າໃຈຕໍ່ຄວາມໝາຍຄວາມສຳຄັນຂອງວັນດັ່ງກ່າວ ຊຶ່ງກອງທັບປະຊາຊົນລາວໄດ້ກຳເນີດແລະເຕີບໃຫຍ່ຂະຫຍາຍຕົວພາຍໃຕ້ຫົ່ມທຸງພັກ, ຂອງພັກປະຊາຊົນປະຕິວັດລາວກຳເນີດມາຈາກປະຊາຊົນ, ຮັບໃຊ້ປະຊາຊົນເພື່ອຜົນປະໂຫຍດຂອງປະຊາຊົນ, ພາຍໃຕ້ການຊີ້ນຳໂດຍກົງຮອບດ້ານຂອງພັກປະຊາຊົນປະຕິວັດລາວໂດຍແມ່ນປະທານໄກສອນພົມວິຫານເປັນຜູ້ປະກາດສ້າງຕັ້ງຂຶ້ນໃນວັນທີ20 ມັງກອນປີ 1949 ຢູ່ເຂດທີ່ໝັ້ນຕາແສງລາວຮຸ່ງເມືອງຊຽງຄໍ້ ແຂວງຫົວພັນບົນດິນແດນວິລະຊົນຄົນກ້ານັບແຕ່ນັ້ນມາກອງທັບກໍໄດ້ຮັບການປັບປຸງກໍ່ສ້າງແລະເຕີບໃຫຍ່ຂະຫຍາຍຕົວທາງດ້ານປະລິມານແລະຄຸນນະພາບເຮັດໜ້າທີ່ໂຄສະນາຂົນຂວາຍກໍ່ສ້າງຮາກຖານການເມືອງປຸກລະດົມປະຊາຊົນທັງຕໍ່ສູ້ຕ້ານພວກຈັກກະພັດລ່າເມືອງຂຶ້ນແບບເກົ່າແລະໃໝ່ຢ່າງບໍ່ຮູ້ອິດບໍ່ຮູ້ເມື່ອຍ, ຍິ່ງຕີຍິ່ງໄດ້ຮັບໄຊຊະນະ, ຍິ່ງຕີຍິ່ງມີບົດຮຽນ, ຍິ່ງຕີຍິ່ງມີຄວາມເຂັ້ມແຂງເຮັດໃຫ້ການຕໍ່ສູ້ມີຂະບວນການອັນລະອິດລະອ້ຽວຄ່ຽວຂາດເຕັມໄປດ້ວຍຄວາມອົງອາດກ້າແກ່ນບໍ່ຫວັ່ນໄຫວຕໍ່ອຸປະສັກໃດໆ, ຍິ່ງຕີຍິ່ງມີຄວາມຄຽດແຄ້ນນັບທັງກອງທັບ ນັບທັງປະຊາຊົນເຮັດໃຫ້ການຕໍ່ສູ້ຍິ່ງມີຄວາມໝັ້ນໃຈ, ດ້ວຍນ້ຳໃຈເສຍສະຫຼະເພື່ອກອບກູ້ເອົາເອກະລາດ, ອຳນາດອະທິປະໄຕແລະຜືນແຜ່ນດິນອັນຄົບຖ້ວນຂອງຕົນມາສູ່ປະຊາຊົນລາວບັນດາເຜົ່ານັບແຕ່ເໜືອຕະຫຼອດໃຕ້.ຜ່ານຂະບວນວິວັດແຫ່ງການຕໍ່ສູ້ອັນອົງອາດກ້າແກ່ນ, ລະອິດລະອ້ຽວແລະຍືດເຍື້ອຍາວນານຂອງກອງທັບກັບປະຊາຊົນລາວບັນດາເຜົ່າໂດຍພາຍໃຕ້ການຊີ້ນຳ-ນຳພາອັນປີຊາສາມາດສະຫຼາດສ່ອງໃສຂອງພັກປະຊາຊົນປະຕິວັດລາວຈຶ່ງເຮັດໃຫ້ພາລະກິດຂອງຊາດມີຜົນສຳເລັດສາມາດຍາດໄດ້ເອກະລາດ ປະຊາທິປະໄຕແລະຜືນແຜ່ນດິນອັນຄົບຖ້ວນມາສູ່ປະຊາຊົນປະກາດສະຖາປະນາເປັນປະເທດສາທາລະນະລັດປະຊາທິປະໄຕປະຊາຊົນລາວຢ່າງສະຫງ່າຜ່າເຜີຍໃນວັນທີ 2 ທັນວາປີ 1975.ນັບແຕ່ນັ້ນມາປະຊາຊົນລາວບັນດາເຜົ່າໄດ້ມີຄວາມພາກພູມໃຈທີ່ໄດ້ເປັນເຈົ້າຂອງປະເທດຊາດຢ່າງແທ້ຈິງ.ຕະຫຼອດໄລຍະ 75ປີກອງທັບປະຊາຊົນລາວໄດ້ຮັບການປັບປຸງກໍ່ສ້າງ ແລະ ຍົກລະດັບທາງດ້ານປະລິມານແລະຄຸນນະພາບກາຍເປັນກອງທັບທີ່ມີຄວາມເຂັ້ມແຂງແລະທັນສະໄໝ. ໃນພິທີໄດ້ປະກາດການຈັດຕັ້ງຍົກຍ້າຍ, ສັບຊ້ອນພະນັກງານພາຍໃນກົມກອງຈຳນວນໜຶ່ງຕື່ມອີກ.
ຂ່າວ: ສຸລິພັນ ແກ້ວອຸດົມ, ພາບ: ສຸວິໄລ ຄໍາສະຫວັນ
ສະຫາຍພັນໂທສີພົນແສງຄຳ ໄດ້ຫວນຄືນປະຫວັດມູນເຊື້ອແຫ່ງການກຳເນີດເຕີບໃຫຍ່ຂະຫຍາຍຕົວແລະຜົນງານການເຄື່ອນໄຫວສູ້ຮົບຂອງກອງທັບປະຊາຊົນລາວແຕ່ລະໄລຍະເລີ່ມແຕ່ວັນສ້າງຕັ້ງຈົນເຖິງປັດຈຸບັນ ເພື່ອໃຫ້ພະນັກງານ-ນັກຮົບໄດ້ຮັບຮູ້ເຊື່ອມຊຶມເຂົ້າໃຈຕໍ່ຄວາມໝາຍຄວາມສຳຄັນຂອງວັນດັ່ງກ່າວ ຊຶ່ງກອງທັບປະຊາຊົນລາວໄດ້ກຳເນີດແລະເຕີບໃຫຍ່ຂະຫຍາຍຕົວພາຍໃຕ້ຫົ່ມທຸງພັກ, ຂອງພັກປະຊາຊົນປະຕິວັດລາວກຳເນີດມາຈາກປະຊາຊົນ, ຮັບໃຊ້ປະຊາຊົນເພື່ອຜົນປະໂຫຍດຂອງປະຊາຊົນ, ພາຍໃຕ້ການຊີ້ນຳໂດຍກົງຮອບດ້ານຂອງພັກປະຊາຊົນປະຕິວັດລາວໂດຍແມ່ນປະທານໄກສອນພົມວິຫານເປັນຜູ້ປະກາດສ້າງຕັ້ງຂຶ້ນໃນວັນທີ20 ມັງກອນປີ 1949 ຢູ່ເຂດທີ່ໝັ້ນຕາແສງລາວຮຸ່ງເມືອງຊຽງຄໍ້ ແຂວງຫົວພັນບົນດິນແດນວິລະຊົນຄົນກ້ານັບແຕ່ນັ້ນມາກອງທັບກໍໄດ້ຮັບການປັບປຸງກໍ່ສ້າງແລະເຕີບໃຫຍ່ຂະຫຍາຍຕົວທາງດ້ານປະລິມານແລະຄຸນນະພາບເຮັດໜ້າທີ່ໂຄສະນາຂົນຂວາຍກໍ່ສ້າງຮາກຖານການເມືອງປຸກລະດົມປະຊາຊົນທັງຕໍ່ສູ້ຕ້ານພວກຈັກກະພັດລ່າເມືອງຂຶ້ນແບບເກົ່າແລະໃໝ່ຢ່າງບໍ່ຮູ້ອິດບໍ່ຮູ້ເມື່ອຍ, ຍິ່ງຕີຍິ່ງໄດ້ຮັບໄຊຊະນະ, ຍິ່ງຕີຍິ່ງມີບົດຮຽນ, ຍິ່ງຕີຍິ່ງມີຄວາມເຂັ້ມແຂງເຮັດໃຫ້ການຕໍ່ສູ້ມີຂະບວນການອັນລະອິດລະອ້ຽວຄ່ຽວຂາດເຕັມໄປດ້ວຍຄວາມອົງອາດກ້າແກ່ນບໍ່ຫວັ່ນໄຫວຕໍ່ອຸປະສັກໃດໆ, ຍິ່ງຕີຍິ່ງມີຄວາມຄຽດແຄ້ນນັບທັງກອງທັບ ນັບທັງປະຊາຊົນເຮັດໃຫ້ການຕໍ່ສູ້ຍິ່ງມີຄວາມໝັ້ນໃຈ, ດ້ວຍນ້ຳໃຈເສຍສະຫຼະເພື່ອກອບກູ້ເອົາເອກະລາດ, ອຳນາດອະທິປະໄຕແລະຜືນແຜ່ນດິນອັນຄົບຖ້ວນຂອງຕົນມາສູ່ປະຊາຊົນລາວບັນດາເຜົ່ານັບແຕ່ເໜືອຕະຫຼອດໃຕ້.ຜ່ານຂະບວນວິວັດແຫ່ງການຕໍ່ສູ້ອັນອົງອາດກ້າແກ່ນ, ລະອິດລະອ້ຽວແລະຍືດເຍື້ອຍາວນານຂອງກອງທັບກັບປະຊາຊົນລາວບັນດາເຜົ່າໂດຍພາຍໃຕ້ການຊີ້ນຳ-ນຳພາອັນປີຊາສາມາດສະຫຼາດສ່ອງໃສຂອງພັກປະຊາຊົນປະຕິວັດລາວຈຶ່ງເຮັດໃຫ້ພາລະກິດຂອງຊາດມີຜົນສຳເລັດສາມາດຍາດໄດ້ເອກະລາດ ປະຊາທິປະໄຕແລະຜືນແຜ່ນດິນອັນຄົບຖ້ວນມາສູ່ປະຊາຊົນປະກາດສະຖາປະນາເປັນປະເທດສາທາລະນະລັດປະຊາທິປະໄຕປະຊາຊົນລາວຢ່າງສະຫງ່າຜ່າເຜີຍໃນວັນທີ 2 ທັນວາປີ 1975.ນັບແຕ່ນັ້ນມາປະຊາຊົນລາວບັນດາເຜົ່າໄດ້ມີຄວາມພາກພູມໃຈທີ່ໄດ້ເປັນເຈົ້າຂອງປະເທດຊາດຢ່າງແທ້ຈິງ.ຕະຫຼອດໄລຍະ 75ປີກອງທັບປະຊາຊົນລາວໄດ້ຮັບການປັບປຸງກໍ່ສ້າງ ແລະ ຍົກລະດັບທາງດ້ານປະລິມານແລະຄຸນນະພາບກາຍເປັນກອງທັບທີ່ມີຄວາມເຂັ້ມແຂງແລະທັນສະໄໝ. ໃນພິທີໄດ້ປະກາດການຈັດຕັ້ງຍົກຍ້າຍ, ສັບຊ້ອນພະນັກງານພາຍໃນກົມກອງຈຳນວນໜຶ່ງຕື່ມອີກ.
ຂ່າວ: ສຸລິພັນ ແກ້ວອຸດົມ, ພາບ: ສຸວິໄລ ຄໍາສະຫວັນ
ຄໍາເຫັນ