ສູນກາງສະຫະພັນແມ່ຍິງລາວ ເຜີຍແຜ່ວຽກງານປະກັນສັງຄົມ

ທ່ານ ນາງ ຄຸດທະວັນ ອັກຄະຣາດ ຫົວໜ້າພະແນກໂຄສະນາປະຊາສຳພັນ ອົງການປະກັນສັງຄົມແຫ່ງຊາດ ກະຊວງແຮງງານ ແລະ ສະຫວັດດີການສັງຄົມ ໄດ້ຂຶ້ນເຜີຍແຜ່ກ່ຽວກັບວຽກງານປະກັນສັງຄົມ ຊຶ່ງການປະ ກັນສັງຄົມ ແມ່ນການຮັບປະກັນໃຫ້ຜູ້ປະກັນຕົນ ແລະ ສະມາຊິກຄອບຄົວໄດ້ຮັັບການອຸດໜູນຈາກກອງທຶນປະກັນສັງຄົມ ເພື່ອຄໍ້າປະກັນການດຳລົງຊີວິດຂັ້ນພື້ນຖານ ເມື່ອມີການປິ່ນປົວສຸຂະພາບ, ເກີດອຸບັດເຫດແຮງງານ ຫຼື ພະຍາດອາຊີບ, ອອກລູກ, ປ່ວຍການ, ເສຍກຳລັງແຮງງານ, ບຳນານ, ເສຍຊີວິດ, ອຸດໜູນສະມາຊິກຄອບຄົວຕາມເງື່ອນໄຂທີ່ກຳນົດໄວ້ໃນກົດໝາຍ. ພ້ອມນີ້, ກໍໄດ້ເຜີຍແຜ່ກ່ຽວກັບລະບົບປະກັນສັງຄົມໃນ ສປປ ລາວ; ຜົນປະໂຫຍດທີ່ຜູ້ປະກັນຕົນທີ່ຈະໄດ້ຮັບການຄຸ້ມຄອງດ້ານສະຫວັດດີການສັງຄົມທັງໃນປັດຈຸບັນ, ອະນາຄົດ ຕະຫຼອດຮອບວຽນຂອງຊີວິດ ພາຍຫຼັງທີ່ເປັນສະມາຊິກປະກັນສັງຄົມຕື່ມອີກ.

ຂ່າວ: ສສຍລ