 |
ທ່ານ ກົງແກ້ວ ມີວໍລະຈັກ ໄດ້ໃຫ້ຮູ້ວ່າ: ເພື່ອເປັນການກະກຽມຄວາມພ້ອມທາງດ້ານເນື້ອໃນ ໃຫ້ແກ່ການດໍາເນີນກອງປະຊຸມຄັ້ງປະຖົມມະລືກ ຂອງສະພາປະຊາຊົນແຂວງຊຸດທີ V, ຄະນະປະຈໍາສະພາປະຊາຊົນແຂວງ ໄດ້ມີການຄົ້ນຄວ້າສ້າງແຜນດໍາເນີນກອງປະຊຸມຍົກສູງຄຸນນະພາບທາງດ້ານເນື້ອໃນ ໃຫ້ແກ່ກອງປະຊຸມຄັ້ງປະຖົມມະລືກ ຂອງສະພາປະຊາຊົນແຂວງ ຊຸດທີ V. ທັງນີ້, ກໍເພື່ອຮັບປະກັນໃຫ້ການດໍາເນີນກອງປະຊຸມດັ່ງກ່າວ ດໍາເນີນໄປຢ່າງມີປະສິດທິຜົນ ແລະ ສໍາເລັດຕາມຄາດໝາຍທີ່ວາງໄວ້.
ທ່ານ ນາງ ດາວວອນ ໄຊສຸລຽນ ປະທານຄະນະກຳມະການປົກຄອງແຂວງ ໄດ້ຜ່ານບົດລາຍງານແຜນພັດທະນາເສດຖະກິດ-ສັງຄົມ ຂອງແຂວງ 5 ປີ ຄັ້ງທີ X (2026-2030) ໃນໄລຍະຜ່ານມາ, ພາຍໃຕ້ການນໍາພາ-ຊີ້ນໍາຂອງຄະນະພັກ ແລະ ອົງການປົກຄອງແຂວງສະຫວັນນະເຂດ ການພັດທະນາເສດຖະກິດ-ສັງຄົມ ໄດ້ຮັບການຈັດຕັ້ງປະຕິບັດຢ່າງຕັ້ງໜ້າ ແລະ ມີຜົນສໍາເລັດໃນຫຼາຍດ້ານ. ແຂວງສະຫວັນນະເຂດໄດ້ສຸມໃສ່ຂຸດຄົ້ນທ່າແຮງບົ່ມຊ້ອນ ແລະ ຂີດຄວາມສາມາດບວກກັບກໍາລັງແຮງຂອງທຸກພາກສ່ວນໃນສັງຄົມ ເຮັດໃຫ້ເສດຖະກິດຂະຫຍາຍຕົວຢ່າງຕໍ່ເນື່ອງ, ລວມຍອດຜະລິດຕະພັນພາຍໃນ (GDP) ສະເລ່ຍ 8% ຕໍ່ປີ, ບັນລຸໄດ້ 40,698 ຕື້ກວ່າກີບ, ລາຍໄດ້ສະເລ່ຍຕໍ່ຫົວຄົນ 35.79 ລ້ານກີບຕໍໍ່ຄົນຕໍໍ່ປີ, ໂຄງປະກອບເສດຖະກິດມີການຫັນປ່ຽນຢ່າງຕັັ້ງໜ້າ ໂດຍສະເພາະຂະແໜງອຸດສາຫະກໍາປຸງແຕ່ງ ແລະ ບໍລິການ ທີີ່ກາຍເປັນແຮງຂັບເຄື່ອນ, ທົ່ວແຂວງສາມາດຈັດເກັບລາຍຮັບເຂົ້າງົບປະມານໄດ້ທັງໝົດ 15.84 ພັນຕື້ກີບ, ບັນລຸໄດ້ເຖິງ 135% ຂອງແຜນການ 5 ປີ. ພ້ອມກັນນັ້ນ, ບັນດາເມືອງ ແລະ ນະຄອນໃນທົ່ວແຂວງ ກໍສາມາດຈັດຕັ້ງປະຕິບັດການເກັບລາຍຮັບໄດ້ຢ່າງມີປະສິດທິຜົນ ແລະ ລື່ນແຜນການໃນທຸກໆເມືອງ ແລະ ນະຄອນ. ຄຽງຄູ່ກັນນັັ້ນ, ແຂວງສາມາດລະດົມແຫຼ່ງທຶນເພື່ອພັດທະນາ ໄດ້ 52,708 ຕື້ກີບ, ລື່ນແຜນ 55.66%; ພື້ນຖານໂຄງລ່າງຂະແໜງກະສິກໍາໄດ້ຮັບການປັບປຸງໃຫ້ດີຂຶ້ນເທື່ອລະກ້າວ ໂດຍສາມາດຜະລິດເຂົ້າເປືອກໄດ້ 4.36 ລ້ານໂຕນ ແລະ ສົ່ງອອກເຂົ້າສານໄດ້ 129,878 ໂຕນ ແລະ ອື່ນໆ.
(ແຫຼ່ງຂ່າວ: ອຂວງສະຫວັນນະເຂດ)
ຄໍາເຫັນ