ສພຊ ໃນອາທິດຜ່ານມານີ້, ທ່ານ ນາງ ສູນທອນ ໄຊຍະຈັກ ຮອງປະທານຄະນະປະຈໍາສະພາແຫ່ງຊາດ (ສພຊ), ທ່ານ ຄຳແພງ ວິລະພັນ ປະທານກຳມາທິການຍຸຕິທຳ ແລະ ຄະນະໄດ້ລົງເຄື່ອນໄຫວເຮັດວຽກຢູ່ແຂວງອັດຕະປື ແລະ ແຂວງສາລະວັນ ເພື່ອເຂົ້າຮ່ວມກອງປະຊຸມຕິດຕາມກວດກາການຈັດຕັ້ງປະຕິບັດຄຳຕັດສິນຂອງສານ ທີ່ຫ້ອງປະຊຸມສະພາປະຊາຊົນແຂວງ, ມີທ່ານປະທານສະພາປະຊາຊົນແຂວງ, ຮອງປະທານສະພາປະຊາຊົນແຂວງ, ສະມາຊິກສະພາແຫ່ງຊາດປະຈຳເຂດເລືອກຕັ້ງ, ຕາງໜ້າຈາກສານປະຊາຊົນແຂວງ, ໄອຍະການປະຊາຊົນແຂວງ, ກອງບັນຊາການປ້ອງກັນຄວາມສະຫງົບແຂວງ, ບັນດາພະແນກການ ແລະ ອົງການທີ່ກ່ຽວຂ້ອງຂອງ 2 ແຂວງເຂົ້າຮ່ວມ.
ກອງປະຊຸມໄດ້ຮັບຟັງການລາຍງານຂອງພະແນກຍຸຕິທໍາແຂວງກ່ຽວກັບການຈັດຕັ້ງຜັນຂະຫຍາຍກົດໝາຍວ່າດ້ວຍການຈັດຕັ້ງປະຕິບັດຄໍາຕັດສິນຂອງສານສະບັບປັບປຸງປີ 2021 ແລະ ສະພາບການຈັດຕັ້ງປະຕິບັດວຽກງານປະຕິບັດຄໍາຕັດສິນຂອງສານແຕ່ລະຂັ້ນ, ການລາຍງານກ່ຽວກັບສະພາບການຈັດຕັ້ງປະຕິບັດດໍາລັດຂອງລັດຖະບານວ່າດ້ວຍຊັບສິນທີ່ຖືກຢຶດ, ອາຍັດ ແລະ ຮິບເປັນຂອງລັດສະບັບເລກທີ 280/ນຍ, ລົງວັນທີ 9/8/2022. ໃນກອງປະຊຸມບັນດາທ່ານຕາງໜ້າໃຫ້ພະແນກການກ່ຽວຂ້ອງ ໄດ້ຍົກໃຫ້ເຫັນຂໍ້ສະດວກ, ດ້ານດີ, ຂໍ້ຫຍຸ້ງຍາກ, ດ້ານຄົງຄ້າງ, ສາເຫດທີ່ໃຫ້ມີການແກ່ຍາວ, ບໍ່ສາມາດຈັດຕັ້ງປະຕິບັດໄດ້, ສິ່ງທ້າທາຍຕ່າງໆ, ບາງບົດຮຽນທີ່ຖອດຖອນໄດ້ ແລະ ທິດທາງແກ້ໄຂວຽກງານດັ່ງກ່າວໃນຕໍ່ໜ້າ.
ໃນໂອກາດເຂົ້າຮ່ວມກອງປະຊຸມຢູ່ ແຂວງອັດຕະປື ແລະ ສາລະວັນ, ທ່ານນາງ ສູນທອນ ໄຊຍະຈັກ ໄດ້ມີການສະແດງຄວາມຊົມເຊີຍ ແລະ ຕີລາຄາສູງຕໍ່ບັນດາອົງການກ່ຽວຂ້ອງຂອງແຂວງໃນການສູ້ຊົນຈັດຕັ້ງປະຕິບັດກົດໝາຍວ່າດ້ວຍການປະຕິບັດຄຳຕັດສິນຂອງສານ ແລະ ດຳລັດ 280 ຂອງລັດຖະບານ ແລະ ໄດ້ເນັ້ນໜັກໃຫ້ບັນດາອົງການກ່ຽວຂ້ອງສືບຕໍ່ສູ້ຊົນປະຕິບັດກົດໝາຍວ່າດ້ວຍການຈັດຕັ້ງປະຕິບັດຄໍາຕັດສິນຂອງສານ, ດໍາລັດວ່າດ້ວຍຊັບສິນທີ່ຖືກຢຶດ, ອາຍັດ ແລະ ຮິບເປັນຂອງລັດ. ການຈັດຕັ້ງປະຕິບັດວຽກງານປະຕິບັດຄໍາຕັດສິນຂອງສານແຕ່ລະຂັ້ນໃຫ້ເຂັ້ມງວດ ແລະ ເດັດຂາດ. ສະເໜີໃຫ້ຄະນະພັກ, ຄະນະນຳແຕ່ລະຂັ້ນ ເປັນເຈົ້າການນຳພາ-ຊີ້ນຳການຈັດຕັ້ງຜັນຂະຫຍາຍກົດໝາຍວ່າດ້ວຍການຈັດຕັ້ງປະຕິບັດຄຳຕັດສິນຂອງສານໃຫ້ເຂົ້າສູ່ລວງເລິກ ແລະ ເປັນຮູບປະທຳເທື່ອລະກ້າວ, ໂຄສະນາເຜີຍແຜ່ສ້າງຄວາມຮັບຮູ້ກົດໝາຍໃຫ້ແກ່ສັງຄົມ, ປັບປຸງກົນໄກການຈັດຕັ້ງປະຕິບັດຄຳຕັດສິນຂອງສານໃຫ້ຖືກຕ້ອງຕາມກົດໝາຍໄດ້ກຳນົດໄວ້, ສຶກສາອົບຮົມພະນັກງານເພີ່ມຄວາມຮັບຜິດຊອບການເມືອງສູງຂຶ້ນກວ່າເກົ່າ ຕິດພັບກັບການຕິດຕາມ, ຊຸກຍູ້ ແລະ ສ້າງເງື່ອນໄຂຄວາມສະດວກໃນການຈັດຕັ້ງປະຕິບັດວຽກງານດັ່ງກ່າວໃຫ້ມີປະສິດທິພາບ ແລະ ປະສິດທິຜົນ.
(ຂ່າວ ແລະ ພາບ: ນາງ ກຸກກິກ ບຸດດາໄຊ)
ກອງປະຊຸມໄດ້ຮັບຟັງການລາຍງານຂອງພະແນກຍຸຕິທໍາແຂວງກ່ຽວກັບການຈັດຕັ້ງຜັນຂະຫຍາຍກົດໝາຍວ່າດ້ວຍການຈັດຕັ້ງປະຕິບັດຄໍາຕັດສິນຂອງສານສະບັບປັບປຸງປີ 2021 ແລະ ສະພາບການຈັດຕັ້ງປະຕິບັດວຽກງານປະຕິບັດຄໍາຕັດສິນຂອງສານແຕ່ລະຂັ້ນ, ການລາຍງານກ່ຽວກັບສະພາບການຈັດຕັ້ງປະຕິບັດດໍາລັດຂອງລັດຖະບານວ່າດ້ວຍຊັບສິນທີ່ຖືກຢຶດ, ອາຍັດ ແລະ ຮິບເປັນຂອງລັດສະບັບເລກທີ 280/ນຍ, ລົງວັນທີ 9/8/2022. ໃນກອງປະຊຸມບັນດາທ່ານຕາງໜ້າໃຫ້ພະແນກການກ່ຽວຂ້ອງ ໄດ້ຍົກໃຫ້ເຫັນຂໍ້ສະດວກ, ດ້ານດີ, ຂໍ້ຫຍຸ້ງຍາກ, ດ້ານຄົງຄ້າງ, ສາເຫດທີ່ໃຫ້ມີການແກ່ຍາວ, ບໍ່ສາມາດຈັດຕັ້ງປະຕິບັດໄດ້, ສິ່ງທ້າທາຍຕ່າງໆ, ບາງບົດຮຽນທີ່ຖອດຖອນໄດ້ ແລະ ທິດທາງແກ້ໄຂວຽກງານດັ່ງກ່າວໃນຕໍ່ໜ້າ.
ໃນໂອກາດເຂົ້າຮ່ວມກອງປະຊຸມຢູ່ ແຂວງອັດຕະປື ແລະ ສາລະວັນ, ທ່ານນາງ ສູນທອນ ໄຊຍະຈັກ ໄດ້ມີການສະແດງຄວາມຊົມເຊີຍ ແລະ ຕີລາຄາສູງຕໍ່ບັນດາອົງການກ່ຽວຂ້ອງຂອງແຂວງໃນການສູ້ຊົນຈັດຕັ້ງປະຕິບັດກົດໝາຍວ່າດ້ວຍການປະຕິບັດຄຳຕັດສິນຂອງສານ ແລະ ດຳລັດ 280 ຂອງລັດຖະບານ ແລະ ໄດ້ເນັ້ນໜັກໃຫ້ບັນດາອົງການກ່ຽວຂ້ອງສືບຕໍ່ສູ້ຊົນປະຕິບັດກົດໝາຍວ່າດ້ວຍການຈັດຕັ້ງປະຕິບັດຄໍາຕັດສິນຂອງສານ, ດໍາລັດວ່າດ້ວຍຊັບສິນທີ່ຖືກຢຶດ, ອາຍັດ ແລະ ຮິບເປັນຂອງລັດ. ການຈັດຕັ້ງປະຕິບັດວຽກງານປະຕິບັດຄໍາຕັດສິນຂອງສານແຕ່ລະຂັ້ນໃຫ້ເຂັ້ມງວດ ແລະ ເດັດຂາດ. ສະເໜີໃຫ້ຄະນະພັກ, ຄະນະນຳແຕ່ລະຂັ້ນ ເປັນເຈົ້າການນຳພາ-ຊີ້ນຳການຈັດຕັ້ງຜັນຂະຫຍາຍກົດໝາຍວ່າດ້ວຍການຈັດຕັ້ງປະຕິບັດຄຳຕັດສິນຂອງສານໃຫ້ເຂົ້າສູ່ລວງເລິກ ແລະ ເປັນຮູບປະທຳເທື່ອລະກ້າວ, ໂຄສະນາເຜີຍແຜ່ສ້າງຄວາມຮັບຮູ້ກົດໝາຍໃຫ້ແກ່ສັງຄົມ, ປັບປຸງກົນໄກການຈັດຕັ້ງປະຕິບັດຄຳຕັດສິນຂອງສານໃຫ້ຖືກຕ້ອງຕາມກົດໝາຍໄດ້ກຳນົດໄວ້, ສຶກສາອົບຮົມພະນັກງານເພີ່ມຄວາມຮັບຜິດຊອບການເມືອງສູງຂຶ້ນກວ່າເກົ່າ ຕິດພັບກັບການຕິດຕາມ, ຊຸກຍູ້ ແລະ ສ້າງເງື່ອນໄຂຄວາມສະດວກໃນການຈັດຕັ້ງປະຕິບັດວຽກງານດັ່ງກ່າວໃຫ້ມີປະສິດທິພາບ ແລະ ປະສິດທິຜົນ.
(ຂ່າວ ແລະ ພາບ: ນາງ ກຸກກິກ ບຸດດາໄຊ)
ຄໍາເຫັນ