ສສຊ ແລະ ສສ ນວ ລົງພົບປະຜູ້ມີສິດເລືອກຕັ້ງ ຢູ່ ກະຊວງ ອຄ

15:27 28/08/2025

ສະມາຊິກສະພາແຫ່ງຊາດ (ສສຊ) ແລະ ສະມາຊິກສະພາປະຊາຊົນ ນະຄອນຫຼວງວຽງຈັນ (ສສ ນວ), ນຳໂດຍ ທ່ານ ວຽງວິໄລ ທ່ຽງຈັນໄຊ ສະມາຊິກສະພາແຫ່ງຊາດ ຊຸດທີ IX ປະຈຳເຂດເລືອກຕັ້ງທີ 1 ນະຄອນຫຼວວຽງຈັນ ຮອງປະທານຄະນະກຳມາທິການຍຸຕິທຳ ສະພາແຫ່ງຊາດ, ທ່ານ ນາງ ວິໄຊ ສຣິດທິລາດ ສະມາຊິກສະພາແຫ່ງຊາດ ຊຸດທີ IX ປະຈໍາເຂດເລືອກຕັ້ງທີ 1 ນະຄອນຫຼວງວຽງຈັນ ຮອງປະທານກຳມາທິການແຜນການ, ການເງິນ ແລະ ການກວດສອບ ສະພາແຫ່ງຊາດ, ທ່ານ ນາງ ສົມພຽນ ວົງໄຊ ສະມາຊິກສະພາແຫ່ງຊາດ ຊຸດທີ IX ປະຈໍາເຂດເລືອກຕັ້ງທີ 1 ນະຄອນຫຼວງວຽງຈັນ, ຄະນະປະຈຳ ສະພາປະຊາຊົນ ນວ ປະທານ ຄະນະກຳມະການຍຸຕິທຳ ແລະ ປ້ອງກັນຊາດ-ປ້ອງກັນຄວາມສະຫງົບ ໄດ້ລົງພົບປະຜູ້ມີສິດເລືອກຕັ້ງ ແລະ ເຜີຍແຜ່ຜົນສຳເລັດກອງປະຊຸມສະໄໝສາມັນເທື່ອທີ 9 ຂອງສະພາແຫ່ງຊາດ ຊຸດທີ IX ແລະ ສະພາປະຊາຊົນ ນະຄອນຫຼວງວຽງຈັນ ຊຸດທີ IV ທີ່ ກະຊວງອຸດສາຫະກຳ ແລະ ການຄ້າ (ອຄ), ໃນວັນທີ 28 ສິງຫານີ້, ໂດຍມີ ທ່ານ ມະໂນທອງ ວົງໄຊ ຮອງລັດຖະມົນຕີກະຊວງອຸດສາຫະກຳ ແລະ ການຄ້າ ແລະ ພະນັກງານ-ລັດຖະກອນ ເຂົ້າຮ່ວມ.

ສສຊ ແລະ ສສ ນວ ລງພບປະຜມສດເລອກຕງ ຢ ກະຊວງ ອຄ - image 1

ໃນໂອກາດດັ່ງກ່າວ, ບັນດາ ສສຊ ແລະ ສສ ນວ ໄດ້ຮັບຟັງ ການລາຍງານໂດຍຫຍໍ້ກ່ຽວກັບ ສະພາບລວມ ແລະ ຈຸດພິເສດຂອງກະຊວງ ອຄ, ສະພາບລວມກ່ຽວກັບການຈັດຕັ້ງປະຕິບັດວຽກງານ ໃນໄລຍະ 6 ເດືອນຕົ້ນປີ ແລະ ທິດທາງແຜນການ 6 ເດືອນ ທ້າຍປີ 2025 ຂອງ ກະຊວງ ອຄ, ສະເໜີ ໂດຍ ທ່ານ ຄຳເພັດ ວົງດາລາ ຮອງຫົວໜ້າຫ້ອງການ ກະຊວງ ອຸດສາຫະກຳ ແລະ ການຄ້າ.

ຈາກນັ້ນ, ບັນດາສະມາຊິກສະພາແຫ່ງຊາດ ແລະ ສະມາຊິກສະພາປະຊາຊົນ ນວ ໄດ້ຜັດປ່ຽນກັນ ເຜີຍແຜ່ຜົນສຳເລັດກອງປະຊຸມດັ່ງກ່າວໂດຍໃຫ້ຮູ້ວ່າ: ກອງປະຊຸມສະໄໝສາມັນເທື່ອທີ 9 ຂອງສະພາແຫ່ງຊາດ ຊຸດທີ IX ໄດ້ພິຈາລະນາຮັບຮອງເອົາບັນດາເນື້ອໃນວຽກງານສໍາຄັນຕ່າງໆຄື: ວຽກງານຂອງລັດຖະບານ, ການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມແຫ່ງຊາດ, ແຜນງົບປະມານແຫ່ງລັດ ແລະ ແຜນເງິນຕາ 6 ເດືອນຕົ້ນປີ 2025 ຜ່ານມາ, ການຈັດຕັ້ງປະຕິບັດບັນດານະໂຍບາຍ, ນິຕິກໍາ, ກົນໄກຕ່າງໆ ໃນການພັດທະນາພະລັງງານໄຟຟ້າ, ນະໂຍບາຍຊຸກຍູ້ສົ່ງເສີມການກໍ່ສ້າງ ແລະ ສ້ອມແປງທາງໃນໄລຍະໃໝ່, ການສະຫຼຸບຕີລາຄາຜົນການໂຄສະນາເຜີຍແຜ່ກົດໝາຍ, ການຈັດຕັ້ງປະຕິບັດປີທ່ອງທ່ຽວລາວ ແລະ ທິດທາງແຜນການໃນຕໍ່ໜ້າ, ສຳລັບກອງປະຊຸມສະພາປະຊາຊົນນະຄອນຫຼວງວຽງຈັນ ຊຸດທີ IV ໄດ້ພິຈາລະນາ ແລະ ຮັບຮອງເອົາບັນຫາສໍາຄັນ ຂອງນະຄອນຫຼວງວຽງຈັນ ເປັນຕົ້ນວຽກງານທີ່ພົ້ນເດັ່ນຕໍ່ກັບການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ, ແຜນງົບປະມານ 6 ເດືອນຕົ້ນປີ, ຕິດພັນກັບການປະເມີນໂດຍສັງເຂບການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ 5 ປີ ຄັ້ງທີ IX (2021-2025), ການຈັດຕັ້ງປະຕິບັດ 8 ແຜນງານ, 20 ໂຄງການລະດັບຊາດ, ໂຄງການປິ່ນອ້ອມທີ່ກໍານົດໃນແຜນການ 5 ປີ ແລະ ທິດທາງແຜນການ 6 ເດືອນທ້າຍປີ 2025 ນະຄອນຫຼວງວຽງຈັນ, ຮັບຮອງເອົາການສະເໜີປັບລາຄາຊົມໃຊ້ນໍ້າປະປາ ປີ 2025-2027 ຂອງລັດວິສາຫະກິດນໍ້າປະປານະຄອນຫຼວງວຽງຈັນ, ຮັບຮອງເອົາການປັບປຸງກົງຈັກການຈັດຕັ້ງ ຂອງອົງການປົກຄອງນະຄອນຫຼວງວຽງຈັນ, ຮັບຮອງເອົາວຽກງານນິຕິກໍາ, ຮັບຮອງເອົາ ບົດລາຍງານການຈັດຕັ້ງປະຕິບັດແຜນການເຄື່ອນໄຫວວຽກງານ 6 ເດືອນຕົ້ນປີ ແລະ ທິດທາງແຜນການ 6 ເດືອນທ້າຍປີ 2025 ຂອງສະພາປະຊາຊົນ ນະຄອນຫຼວງວຽງຈັນ ຊຸດທີ IV.

ຈາກນັ້ນ, ກໍໄດ້ເປີດໂອກາດໃຫ້ຜູ້ເຂົ້າຮ່ວມໄດ້ປະກອບຄຳຄິດຄຳເຫັນ ແລະ ສະເໜີບັນຫາທີ່ມີຄວາມຂັດຂ້ອງໝອງໃຈ, ໃນນັ້ນ ທ່ານ ມະໂນທອງ ວົງໄຊ ກໍໄດ້ແລກປ່ຽນຄຳຄິດຄຳເຫັນກັບບັນດາ ສສຊ ແລະ ສສ ນວ ເປັນຕົ້ນ, ໃນໄລຍະຜ່ານມາທາງກະຊວງ ອຄ ກໍໄດ້ມີຄຳຊີ້ແຈງຕໍ່ກອງປະຊຸມສະໄໝສາມັນເທື່ອທີ 9 ຂອງສະພາແຫ່ງຊາດຊຸດທີ 9 ຜ່ານມາ, ໂດຍສະເພາະຕໍ່ບັນຫາທີ່ປະຊາຊົນມີຄວາມສົນໃຈ ແລະ ສະມາຊິກສະພາແຫ່ງຊາດ ມີຂໍ້ຊັກຖາມເປັນຕົ້ນໃນ 4 ປະເດັນຄື: ການຄຸ້ມຄອງລາຄາສິນຄ້າ, ຍຸດທະສາດພັດທະນາພະລັງງານນໍ້າມັນເຊື້ອໄຟ, ລາຄາໄຟຟ້າ ແລະ ການຂຸດຄົ້ນແຮ່ທາດ ແລະ ອື່ນໆ, ທັງໝົດນີ້ກໍເພື່ອເປັນການລາຍງານໃຫ້ ສສຊ ແລະ ສສ ນວ ໄດ້ຮັບຮູ້ກ່ຽວກັບການຈັດຕັ້ງປະຕິບັດວຽກງານດັ່ງກ່າວ.

(ຂ່າວ-ພາບ: ສຳນານ)

ຄໍາເຫັນ

ຂ່າວວັດທະນະທຳ-ສັງຄົມ

ຄໍາມ່ວນເຄື່ອນຍ້າຍສະຣິຣະສັງຂານຍາທ່ານໃຫຍ່ ມະຫາ ໜູໄຕ ແກ້ວມະນີໄຊຂຶ້ນສູ່ສາລາໂຮງທັມ ວັດຈອມທອງ

11/02/2026 10:13

ຕອນແລງຂອງວັນທີ 10 ກຸມພາ 2026,ຝ່າຍຄະນະພະເຖຣະນຸເຖຣະນໍາໂດຍພະອາຈານໃຫຍ່ ວັນເພັນ ໄຊຍະສອນ ປະທານອົງການພຸດທະສາສະໜາສໍາພັນລາວ (ອພສ) ແຂວງຄໍາມ່ວນ, ຝ່າຍຄາລະວາດກໍຄືຄະນະການນໍາຂັ້ນສູງຂອງແຂວງຄໍາມ່ວນນໍາໂດຍທ່ານ ໄຊຊະນະ ໂຄດພູທອນ ເລຂາຄະນະບໍລິຫານງານພັກແຂວງຄໍາມ່ວນ,ມີຄະນະນໍາຂອງເມືອງທ່າແຂກ, ອະດີດພະນັກງານການນໍາຂັ້ນຕ່າງໆ, ເຖົ້າແກ່ແນວໂຮມ, ຜູ້ຊົງຄຸນວຸດທິ, ການຈັດຕັ້ງບ້ານຈອມທອງ ແລະ ອອກຕົນຍາດໂຍມຈາກແຫ່ງຕ່າງໆໄດ້ເຂົ້າຮ່ວມ.

ບັນດາຜູ້ສະໝັກຮັບເລືອກຕັ້ງ ສສຊ ລົງເຄື່ອນໄຫວໂຄສະນາຫາສຽງຢ່າງຄຶກຄື້ນຢູ່ເມືອງຮົ່ມ

11/02/2026 10:11

ຜູ້ສະໝັກຮັບເລືອກຕັ້ງ ສະມາຊິກສະພາແຫ່ງຊາດ (ສສຊ) ຊຸດທີ X ປະຈຳເຂດເລືອກຕັ້ງທີ 18 ແຂວງໄຊສົມບູນ ໄດ້ລົງເຄື່ອນໄຫວໂຄສະນາຫາສຽງ ຢູ່ 3 ບ້ານເທດສະບານຂອງເມືອງຮົ່ມ ໃນນທີ 9 ກຸມພາຜ່ານມາ ຢູ່ທີ່ສະໂມສອນເມືອງຮົ່ມຫຼັງເກົ່າ ຊຶ່ງຄະນະທີ 1 ມີຈຳນວນ 5 ທ່ານຍິງ 1 ທ່ານ, ມີປະທານຄະນະກຳມະການປົກຄອງເມືອງ ພ້ອມດ້ວຍພະນັກງານ-ລັດຖະກອນ, ທະຫານ, ຕຳຫລວດ ຕະຫລອດຮອດ ອຳນາດການປົກຄອງ 3 ບ້ານ (ບ້ານນໍ້າຄຽນ, ບ້ານຜາລະແວກ, ບ້ານຮົ່ມທາດ) ແລະ ປະຊາຊົນພາຍໃນບ້ານ ເຂົ້າຮ່ວມ ທີ່ເຕັມໄປດ້ວຍບັນຍາກາດຟົດຟື້ນ.

ຝ່າຍຄຸ້ມຄອງລະບົບໄຟຟ້າພາກໃຕ້ສະຫຼຸບວຽກງານ ປະຈໍາປີ 2026

11/02/2026 10:09

ກອງປະຊຸມສະຫຼຸບການຈັດຕັ້ງປະຕິບັດວຽກງານ ປະຈໍາປີ 2025 ແລະ ວາງທິດທາງແຜນການ2026 ຂອງຝ່າຍຄຸ້ມຄອງລະບົບໄຟຟ້າພາກໃຕ້ ຈັດຂຶ້ນໃນວັນທີ 9-10 ກຸມພານີ້ ທີ່ສະໂມສອນສະພາປະຊາຊົນແຂວງເຊກອງ ໂດຍການເປັນປະທານ ຂອງທ່ານ ອາຄົມເດດ ວົງໄຊ ກໍາມະການສໍາຮອງສູນກາງພັກຜູ້ອໍານວຍການໃຫຍ່ລັດວິສາຫະກິດໄຟຟ້າລາວ.

ສະມໍລບີ ສ້າງຂະບວນການອະນາໄມລວມ ແກ້ໄຂບັນຫາການຖິ້ມ-ຈູດຂີ້ເຫຍື້ອຊະຊາຍ

10/02/2026 11:17

ບັນຫາການຖິ້ມຂີ້ເຫຍື້ອຊະຊາຍ ແລະ ການຈູດຂີ້ເຫຍື້ອໃນພື້ນທີ່ສາທາລະນະຍັງເປັນປະເດັນສໍາຄັນທີ່ສົ່ງຜົນກະທົບຕໍ່ສິ່ງແວດລ້ອມ, ສຸຂະພາບຂອງປະຊາຊົນເຂດໃກ້ຄຽງ ໂດຍສະເພາະການຖິ້ມໃສ່ພື້ນທີ່ ທີ່ເປັນດິນເປົ່າວ່າງ ປະຊາຊົນບາງກຸ່ມຍັງສວຍໂອກາດບໍ່ເຂົ້າຮ່ວມສັນຍາ. ບັນຫາດັ່ງກ່າວບໍ່ພຽງແຕ່ສະທ້ອນພຶດຕິກໍາສ່ວນບຸກຄົນ ແຕ່ຍັງສະທ້ອນຊ່ອງວ່າງທາງສັງຄົມ, ການສວຍໂອກາດ ແລະ ຄວາມບໍ່ເຂົ້າໃຈດ້ານການຮັບຜິດຊອບຕໍ່ສ່ວນລວມ.

ຄະນະຜູ້ສະໝັກຮັບເລືອກຕັ້ງ ສສຊ ເຂດເລືອກຕັ້ງທີ 15 ແຂວງຈຳປາສັກ ແລະ ຜູ້ສະໝັກຮັບເລືອກຕັ້ງ ສສຂ ສືບຕໍ່ພົບປະຜູ້ມີສິດເລືອກຕັ້ງຢູ່ບ້ານນາຫຼົ້ງ

10/02/2026 10:24

ຄະນະຜູ້ສະໝັກຮັບເລືອກ ຕັ້ງສະມາຊິກສະພາແຫ່ງຊາດ (ສສຊ) ເຂດເລືອກຕັ້ງທີ 15 ແຂວງຈຳປາສັກ ຄະນະທີ 2 ນໍາໂດຍທ່ານ ປອ.ອາລຸນໄຊ ສູນນະລາດ ກຳມະການສູນກາງພັກ ເລຂາພັກແຂວງຈຳປາສັກ ຮ່ວມກັບ ຜູ້ສະໝັກຮັບເລືອກຕັ້ງສະມາຊິກສະພາປະຊາຊົນແຂວງ ຊຸດທີ V ປະຈໍາເຂດເລືອກຕັ້ງເມືອງຊະນະສົມບູນ ນໍາໂດຍທ່ານ ຄຳສີ ຫຼິນສະຫວາດ ກໍາມະການພັກແຂວງ ເລຂາຄະນະບໍລິຫານງານພັກເມືອງ ໄດ້ເຄື່ອນໄຫວໂຄສະນາຫາສຽງພົບປະຜູ້ມີສິດເລືອກຕັ້ງຢູ່ບ້ານນາຫຼົ້ງ ເມືອງຊະນະສົມບູນ ໃນຕອນບ່າຍວັນທີ 9 ກຸມພານີ້, ໂດຍມີຄະນະພັກ - ອົງການປົກຄອງເມືອງ, ອົງການປົກຄອງບ້ານ ແລະ ພໍ່ແມ່ປະຊາຊົນພາຍໃນບ້ານນາຫຼົ້ງ ເຂົ້າຮ່ວມຕ້ອນຮັບ.

ບໍລິສັດ ພູເບ້ຍ ມາຍນິ້ງ ມີຫ້ອງຄວບຄຸມລະບົົບການຜະລິດຜ່ານລະບົບຄອມພິວເຕີ

10/02/2026 10:00

ໂຄງການຂຸດຄົ້ນ-ປຸງແຕ່ງ ຄໍາ-ເງິນ, ບໍລິສັດພູເບຍ ມາຍນິ້ງ ກຳກັດ ຕັ້ງຢູ່ບ້ານຫ້ວຍຊາຍ ເມືອງລອງແຈ້ງ ແຂວງໄຊສົມບູນ ຫ່າງຈາກໂຄງການ ພູຄໍາ ປະມານ 25 ກິໂລແມັດ, ໂຄງການດັ່ງກ່າວໄດ້ເລີ່ມການຜະລິດໃນປີ 2012, ໂດຍນໍາໃຊ້ວິທີການຂຸດຄົ້ນແບບບໍ່ເທິງໜ້າດິນ ຊຶ່ງວິທີການຂຸດຄົ້ນທີ່ໄດ້ນໍາໃຊ້ຢ່າງກວ້າງຂວາງໃນວົງການອຸດສາຫະກຳບໍ່ແຮ່ ແລະ ປ້ອນແຮ່ເຂົ້າໂຮງງານຜະລິດປຸງແຕ່ງ ທີ່ນໍາໃຊ້ລະບົບຈັບແຮ່ດ້ວຍທາດກາກບອນ (CIL) ແລະ ໃຊ້ຕາໜ່າງແຍກແຮ່ ແບບແຮງໂນ້ມທ່ວງ (gravity).

ຜູ້ສະໝັກຮັບເລືອກຕັ້ງ ສສຊ ຊຸດທີ X ປະຈໍາເຂດເລືອກຕັ້ງທີ 18 ແຂວງໄຊສົມບູນ ສືບຕໍ່ລົງຫາສຽງ ແລະ ສະເໜີໂຕ ຢູ່ເມືອງຮົ່ມ

10/02/2026 09:57

ຜູ້ສະໝັກຮັບເລືອກຕັ້ງ ສະມາຊິກສະພາແຫ່ງຊາດ (ສສຊ) ຊຸດທີ X ປະຈໍາເຂດເລືອກຕັ້ງທີ 18 ແຂວງໄຊສົມບູນ ຄະນະທີ 2 ສືບຕໍ່ລົງເຄື່ອນໄຫວຫາສຽງ ແລະ ສະເໜີໂຕ ຕໍ່ຜູ້ມີສິດເລືອກຕັ້ງ ຢູ່ເມືອງຮົ່ມ ໃນຕອນເຊົ້າຂອງວັນທີ 9 ກຸມພານີ້ ທີ່ສະໂມສອນຫຼັງໃໝ່ຂອງເມືອງ ໂດຍການນໍາພາຂອງທ່ານ ພອຍຄໍາ ຮຸ່ງບຸນຍວງ ກໍາມະການສູນກາງພັກ ເລຂາຄະນະບໍລິຫານງານພັກ ແຂວງໄຊສົມບູນ, ຜູ້ສະໝັກເບີ 2 ພ້ອມດ້ວຍຄະນະຜູ້ສະໝັກທັງໝົດຈໍານວນ 5 ທ່ານ ຍິງ 1 ທ່ານ ໂດຍມີຄະນະນໍາຂອງເມືອງຮົ່ມ ຕະຫຼອດຮອດພະນັກງານ-ລັດຖະກອນ ອ້ອມຂ້າງເມືອງ ເຂົ້າຮ່ວມຕ້ອນຮັບ ຢ່າງຟົດຟື້ນ.

ອົງການເກັບກູ້ລະເບີດແມັກ ສະຫຼຸບທ້າຍໂຄງການສໍາຫຼວດ ແລະ ກວດກູ້ຜົນກະທົບຈາກລະເບີດລູກຫວ່ານ ຢູ່ເມືອງບົວລະພາ

10/02/2026 09:47

ອົງການເກັບກູ້ລະເບີດ (ແມັກ) ໄດ້ຈັດກອງປະຊຸມສະຫຼຸບທ້າຍໂຄງການສໍາຫຼວດ ແລະ ກວດກູ້ຜົນກະທົບຈາກລະເບີດລູກຫວ່ານ ຢູ່ເມືອງບົວລະພາ ຂຶ້ນໃນວັນທີ 9 ກຸມພາ 2026 ທີ່ຣີສອດສາຍພູຫຼວງ ເມືອງບົວລະພາ ແຂວງຄໍາມ່ວນໄລຍະ VIII ໂດຍມີ ທ່ານ ແກ້ວອຸດອນ ບຸດສິງຂອນ ປະທານຄະນະກໍາມະການຄຸ້ມຄອງເພື່ອແກ້ໄຂບັນຫາລະເບີດບໍ່ທັນແຕກຂັ້ນແຂວງ ເປັນປະທານກອງປະຊຸມ. ໃນກອງປະຊຸມມີຜູ້ແທນຈາກພາກສ່ວນທີ່ກ່ຽວຂ້ອງທັງລະດັບສູນກາງ, ທ້ອງຖິ່ນ, ອົງການສາກົນ, ອໍານາດການປົກຄອງເມືອງ ແລະ ບ້ານເປົ້າໝາຍ ເຂົ້າຮ່ວມຢ່າງພ້ອມພຽງ.

ຜູ້ຮັບສະໝັກເລືອກຕັ້ງເປັນ ສສຊ ຊຸດທີ X ປະຈໍາເຂດເລືອກຕັ້ງທີ 2 ແຂວງຜົ້ງສາລີ ລົງເຄື່ອນໄຫວສະເໜີຕົວ ແລະ ໂຄສະນາຫາສຽງ.

10/02/2026 09:45

ໃນລະຫ່ວາງວັນທີ 8-9 ກຸມພານີ້, ຂະບວນການລົງຫາສຽງຂອງບັນດາຜູ້ສະໝັກເລືອກຕັ້ງເປັນສະມາຊິກສະພາແຫ່ງຊາດ (ສສຊ) ຊຸດທີ X ປະຈຳເຂດເລືອກຕັ້ງທີ 2 ແຂວງຜົ້ງສາລີ ລົງເຄື່ອນໄຫວສະເໜີ ຕົວ ແລະ ໂຄສະນາຫາສຽງຢູ່ເມືອງໃໝ່ ຊຶ່ງເປັນເມືອງທຳອິດໃນການລົງໂຄສະນາຫາສຽງ ໂດຍການນຳພາຂອງ ທ່ານ ພົຕ ສົມພອນ ມິດຕະພອນ ກຳມະການສູນກາງພັກ ເລຂາຄະນະບໍລິຫານງານພັກແຂວງຜົ້ງສາລີ, ຜູ້ສະໝັກຮັບເລືອກຕັ້ງເປັນ ສສຊ ຊຸດທີ X ນໍ້າເບີ 1 ປະຈໍາເຂດເລືອກຕັ້ງທີ 2 ແຂວງຜົ້ງສາລີ, ພ້ອມດ້ວຍບັນດາທ່ານຜູ້ສະໝັກ ສສຊ ຈຳນວນທັງໝົດ 9 ທ່ານ ຍິງ 2 ທ່ານ, ໂດຍການຕ້ອນຮັບຂອງທ່ານ ທອງຄູນ ໄຊຍະຄອນ ຮອງເລຂາພັກເມືອງ ປະທານຄະນະກຳມະການປົກຄອງເມືອງ, ພ້ອມດ້ວຍຄະນະການນຳຂັ້ນເມືອງ, ພະນັກງານ - ລັດຖະກອນ, ທະຫານ - ຕໍາຫຼວດ ອ້ອມຂ້າງເມືອງ, ອົງການປົກຄອງບ້ານ, ຕະຫຼອດຮອດປະຊາຊົນຜູ້ມີສິດປ່ອນບັດເລືອກຕັ້ງ 4 ບ້ານຄື: ບ້ານນາຊອງ, ບ້ານນໍ້າງາ, ບ້ານຫ້ວຍຈີກ ແລະ ບ້ານນາງກາງ ເຂົ້າຮ່ວມຮັບຟັງຢ່າງພ້ອມພຽງ.

ຜູ້ສະໝັກຮັບເລືອກຕັ້ງ ສສຊ ເຂດເລືອກຕັ້ງທີ 3 ແຂວງຫຼວງນໍ້າທາ ໂຄສະນາຫາສຽງ ຢູ່ເມືອງຫຼວງນໍ້າທາ

10/02/2026 09:43

ຄະນະຜູ້ສະໝັກຮັບເລືອກຕັ້ງສະມາຊິກສະພາແຫ່ງຊາດ (ສສຊ) ຊຸດທີ X ປະຈຳເຂດເລືອກຕັ້ງທີ 3 ແຂວງຫຼວງນໍ້າທາ ແລະ ສະມາຊິກສະພາປະຊາຊົນແຂວງ (ສສຂ) ປະຈໍາເຂດເລືອກຕັ້ງເມືອງຫຼວງນໍ້າທາ ໄດ້ລົງເຄື່ອນໄຫວໂຄສະນາຫາສຽງພົບປະຜູ້ມີສິດເລືອກຕັ້ງຢູ່ສະໂມສອນເມືອງຫຼວງນໍ້າທາ ໃນວັນທີ 9 ກຸມພານີ້, ຊຶ່ງນໍາໂດຍທ່ານນາງ ປິ່ງຄໍາ ລາຊະສີມມາ ກໍາມະການສູນກາງພັກ ຄະນະກໍາມະການເລືອກຕັ້ງລະດັບຊາດ, ມີບັນດາທ່ານຜູ້ຮັບສະໝັກເລືອກຕັ້ງເປັນ ສສຊ ຊຸດທີ X ປະຈໍາເຂດເລືອກຕັ້ງທີ 3 ແລະ ສສຂ ຊຸດທີ V ປະຈໍາເຂດເລືອກຕັ້ງເມືອງຫຼວງນໍ້າທາ, ມີຄະນະກຳມະການເລືອກຕັ້ງຂັ້ນແຂວງ, ຂັ້ນເມືອງ, ມີພະນັກງານ-ລັດຖະກອນອ້ອມຂ້າງເມືອງເຂົ້າຮ່ວມ.

ເພີ່ມເຕີມ