ນະຄອນຫຼວງວຽງຈັນ ພ້ອມດ້ວຍຄະນະ ໄດ້ລົງພົບປະຜູ້ມີສິດເລືອກຕັ້ງ ແລະ ເຜີຍແຜ່ຜົນສຳເລັດກອງປະຊຸມ ສະໄໝສາມັນເທື່ອທີ 7 ຂອງສະພາແຫ່ງຊາດຊຸດທີ IX ແລະ ສະພາປະຊາຊົນ ນະຄອນຫຼວງວຽງຈັນ ຊຸດທີ IIໃນວັນທີ 14 ສິງຫານີ້ ທີ່ສະໂມສອນເມືອງນາຊາຍທອງນະຄອນຫຼວງວຽງຈັນ ຊຶ່ງມີ ທ່ານ ສຸລິວັນ ພົມມະຫາໄຊ ເຈົ້າເມືອງນາຊາຍທອງ,ມີກອງບັນຊາການ ປກຊ-ປກສ,ຫົວໜ້າ,ຮອງຫົວໜ້າຫ້ອງການອ້ອມຂ້າງເມືອງ ແລະ ເລຂາຄະນະພັກຮາກຖານກຸ່ມບ້ານເຂົ້າຮ່ວມ.
ໃນໂອກາດດັ່ງກ່າວ, ທ່ານ ສຸລິວັນ ພົມມະຫາໄຊ ໄດ້ລາຍງານໂດຍຫຍໍ້ກ່ຽວກັບການພັດທະນາເສດຖະກິດ-ສັງຄົມຂອງເມືອງໂດຍສະເພາະຂົງເຂດເສດຖະກິດແມ່ນໄດ້ເອົາໃຈໃສ່ນໍາພາປະຊາຊົນເຮັດການຜະລິດ ແລະ ປະກອບການຕາມກົນໄກເສດຖະກິດຕະຫຼາດ ທີ່ມີການນໍາພາຂອງພັກ, ການຄຸ້ມຄອງຂອງລັດ ເຮັດໃຫ້ເສດຖະກິດເມືອງນາຊາຍທອງຂະຫຍາຍຕົວຢ່າງຕໍ່ເນື່ອງ,ໄດ້ຕັ້ງໜ້າຂຸດຄົ້ນທ່າແຮງບົ່ມຊ້ອນພາຍໃນເມືອງ ເພື່ອພັດທະນາເສດຖະກິດ ຕາມທິດຫັນເປັນອຸດສາຫະກຳ ແລະ ທັນສະໄໝ, ສົ່ງເສີມ ຊາວກະສິກອນຫັນຈາກການຜະລິດແບບທຳມະຊາດໄປສູ່ການຜະລິດສິນຄ້າ ເພື່ອຕອບສະໜອງດ້ານສະບຽງອາຫານ ແລະ ເປັນສິນຄ້າ ເພື່ອຫຼຸດຜ່ອນການນໍາເຂົ້າທີ່ບໍ່ຈຳເປັນ, ແຜນປູກເຂົ້ານາປີມີ ທັງໝົດ 7,905 ເຮັກຕາ, ຄາດຄະເນ ຜະລິດຕະພາບ 4,55 ໂຕນ/ເຮັກຕາ, ຄາດຄະເນຜົນຜະລິດ 35.967,75 ໂຕນ, ທົ່ວເມືອງມີຟາມສັດລ້ຽງທັງໝົດ 270 ຟາມ,ມີເນື້ອທີ່ປູກຫຍ້າ 720 ເຮັກຕາ,ມີຄອບຄົວຄຕົວແບບດ້ານການລ້ຽງສັດ 78 ຄອບຄົວ,ມີສະຖານີການຜະລິດແນວພັນປາທັງໝົດ 14 ແຫ່ງ ໃນນັ້ນຂອງລັດ 4 ແຫ່ງ ແລະ ເອກກະຊົນ 10 ແຫ່ງກ
ໃນໂອກາດດັ່ງກ່າວ,ບັນດາສະມາຊິກສະພາແຫ່ງຊາດ ແລະ ສະພານະຄອນຫຼວງວຽງຈັນໄດ້ຜັດປ່ຽນກັນຂຶ້ນເຜີຍແຜ່ຜົນສຳເລັດກອງປະຊຸມ ສະໄໝສາມັນເທື່ອທີ 7 ຂອງສະພາແຫ່ງຊາດຊຸດທີ IX ແລະ ສະພາປະຊາຊົນ ນະຄອນຫຼວງວຽງຈັນ ຊຸດທີ II,ຈາກນັ້ນ ໄດ້ເປີດໂອກາດໃຫ້ບັນດາຜູ້ເຂົ້າຮ່ວມໄດ້ປະກອບຄຳຄິດຄຳເຫັນ ແລະ ຄຳສະເໜີ ຕໍ່ບັນດາສະມາຊິກສະພາເພື່ອນຳເອົາຄຳສະເໜີດັ່ງກ່າວໄປຄົ້ນຄວ້າພິຈາລະນາແລ້ວສະເໜີຕໍ່ພາກສ່ວນທີ່ກ່ຽວຂ້ອງເພື່ອມາດຳເນີນໃນການຈັດຕັ້ງປະຕິບັດ,ໂດຍສະເພາະຕໍ່ກັບຄຳສະເໜີຂອງເມືອງນາຊາຍທອງແມ່ນສະເໜີໃຫ້ຂັ້ນເທິງປັບປຸງນິຕິກຳກ່ຽວກັບດຳລັດ146/ນຍ ວ່າດ້ວຍການສ້າງຕັ້ງປ່າສະຫງວນ ແລະ ການປັກຫຼັກໝາຍປ່າສະຫງວນບໍ່ສອດຄອງກັບການປັກຫຼັກໝາຍຕົວຈິງ ປີ 2011,ສະເໜີກ່ຽວກັບຜົນກະທົບຫຼັງຈາກທີ່ມີການສ້າງທາງລົດໄຟ, ທາງດ່ວນ ສຳເລັດເຮັດໃຫ້ມີບັນຫາເກີດຂຶ້ນເຊັ່ນ: ນໍ້າຖ້ວມ, ນໍ້າຂັງ,ນໍ້າເປື້ອນ,ດິນປະຊາຊົນບໍ່ມີທາງເຂົ້າ,ແກ້ໄຂບັນຫາປັບປຸງປົວແປງລະບົບຊົນລະປະທານ,ອ່າງນໍ້າຫຸມ, ອ່າງນໍ້າຊວ່ງ,ຊຸກຍູ້ສົ່ງເສີມການຜະລິດເປັນສິນຄ້າກະສິກຳ,ອຸດສາຫະກຳເພື່ອຫຼຸດຜ່ອນສິນຄ້ານໍາເຂົ້າທີ່ບໍ່ຈໍາເປັນ,ຍົກລະດັບຄຸນນະພາບການສຶກສາ,ການຮຽນ,ການສອນໃຫ້ດີຂຶ້ນທຽບເທົ່າກັບປະເທດອ້ອມຂ້ອງ,ສາກົນ ແລະ ບັນຫາອື່ນໆຕື່ມອີກ.
(ຂ່າວ-ພາບ:ສຳນານ)
ຄໍາເຫັນ