ສື່ມວນຊົນ ປກຊ ເນັ້ນສະໜອງຂໍ້ມູນຂ່າວສານທີ່ຖືກຕ້ອງ ຕອບໂຕ້ຂ່າວບິດເບືອນໃນສັງຄົມ

ທ່ານ ພັນໂທ ບຸນໄມ ແສງອາລຸນ ໃຫ້ຮູ້ວ່າ: ຕະຫຼອດໄລຍະທີ່ຜ່ານມາ, ສື່ມວນຊົນ ໄດ້ເຮັດໜ້າທີ່ຢ່າງຕັ້ງໜ້າໃນການນໍາເອົາແນວທາງ, ແຜນນະໂຍບາຍຂອງພັກ ແລະ ກົດໝາຍຂອງລັດ ເຜີຍ ແຜ່ ແລະ ເຊື່ອມຊຶມໃຫ້ປະຊາຊົນຮັບຮູ້ ແລະ ເຂົ້າໃຈຢ່າງຖືກຕ້ອງ. ໃນນັ້ນ, ວາລະສານ ປກຊ ກໍເປັນສ່ວນໜຶ່ງທີ່ສໍາຄັນ ໃນການສືບຕໍ່ສຶກສາອົບຮົມ, ເຊື່ອມຊຶມເອົາແນວທາງຂອງພັກ ເຂົ້າເຖິງພະນັກ ງານ, ນັກຮົບ, ນາຍ ແລະ ພົນທະຫານ ໃນທົ່ວກອງທັບ ເພື່ອໃຫ້ມີຄວາມເຂົ້າໃຈຢ່າງເລິກເຊິ່ງ.ຢ່າງໃດກໍຕາມ, ໃນສະພາບປັດຈຸບັນ ທີ່ສື່ສັງຄົມອອນລາຍ ແລະ ຂ່າວສານມີຄວາມຫຼາກຫຼາຍ, ໄດ້ປະກົດມີຂໍ້ມູນຂ່າວສານທີ່ບໍ່ມີຄວາມຈິງ ແລະ ບໍ່ແມ່ນສື່ທາງການ ຊຶ່ງຖືກສ້າງຂຶ້ນມາເພື່ອບິດເບືອນ, ໃສ່ຮ້າຍປ້າຍສີ, ຖັບຖົມໂຈມຕີການນໍາພັກ-ລັດ ເຮັດໃຫ້ປະຊາຊົນ ແລະ ສັງຄົມເກີດຄວາມເຂົ້າໃຈຜິດເຂວ. ສະນັ້ນ, ເພື່ອແກ້ໄຂບັນຫາດັ່ງກ່າວ, ສື່ມວນຊົນລາວ ຈຶ່ງຕ້ອງໄດ້ເພີ່ມທະວີຄວາມເອົາໃຈໃສ່ ແລະ ອອກແຮງຕອບໂຕ້ປະກົດການຫຍໍ້ທໍ້ເຫຼົ່ານັ້ນຢ່າງຕັ້ງໜ້າ.

ຫົວໜ້າບັນນາທິການວາລະສານ ປກຊ ໄດ້ເນັ້ນຢ້ຳຕື່ມອີກວ່າ: ທຸກສື່ມວນຊົນ ຈະຕ້ອງຢຶດໝັ້ນໃນຈັນຍາບັນ ແລະ ຄວາມທ່ຽງທໍາ ໂດຍການສ້າງຂໍ້ມູນຂ່າວສານທີ່ຖືກຕ້ອງ, ຊັດເຈນ, ມີຄວາມໜ້າເຊື່ອຖືໄດ້ ເພື່ອຕອບສະໜອງໃຫ້ແນວທາງການປ່ຽນແປງໃໝ່ຂອງພັກໃນໄລຍະໃໝ່ນີ້ ໃຫ້ມີຄວາມພັດທະນາຂຶ້ນຢ່າງບໍ່ຢຸດຢັ້ງ.