ກຳມະການປະຈຳຄະນະພັກແຂວງຢຸນນານຫົວໜ້າພະແນກໂຄສະນາອົບຮົມແຂວງຢຸນນານ, ມີທ່ານNaiPadraລັດຖະມົນຕີກະຊວງຖະແຫຼງຂ່າວແຫ່ງຣາຊະອານາຈັກກຳປູເຈຍ,ທ່ານວັນໄຊຕະວິນຍານຮອງຫົວໜ້າຄະນະໂຄສະນາອົບຮົມສູນກາງພັກຫົວໜ້າບັນນາທິການໃຫຍ່ໜັງສືພິມປະຊາຊົນ,ມີຮອງບັນນາທິການໃຫຍ່ໜັງສືພິມChinaDailyບັນດາຜູ້ຕາງໜ້າສື່ມວນຊົນປະທດພາກພື້ນອາຊີໃຕ້-ອາຊີຕາເວັນອອກສ່ຽງໃຕ້ແລະພາກສ່ວນທີ່ກ່ຽວຂ້ອງເຂົ້າຮ່ວມ.
ໃນພິທີ, ທ່ານນາງເຈິງຢຽນກ່າວວ່າ:ໜັງສືພິມລາຍວັນຈີນແລະສູນການສື່ສານສາກົນພາກພື້ນອາຊີໃຕ້-ອາຊີຕາເວັນອອກສ່ຽງໃຕ້ແຂວງຢຸນນານໄດ້ຮ່ວມກັນລິເລີ່ມສ້າງຕັ້ງສະຫະພັນສື່ມວນຊົນອາຊີໃຕ້-ອາຊີຕາເວັນອອກສ່ຽງໃຕ້ຂຶ້ນ,ປັດຈຸບັນມີສື່ມວນຊົນ100ກວ່າສຳນັກຈາກ12ປະເທດເຂົ້າຮ່ວມສະຫະພັນດັ່ງກ່າວ.ໜຶ່ງປີຜ່ານມານີ້,ສື່ມວນຊົນຂອງແຕ່ລະປະເທດໄດ້ອີງໃສ່ສະຫະພັນ, ສຳຫຼວດຫົວຂໍ້ແຕ່ລະດ້ານຢ່າງກະຕືລືລົ້ນເຊັ່ນ:ການກຳນົດຫົວຂໍ້ສຳຄັນ,ການສ້າງຖານເວທີແພລັດຟອມຮ່ວມກັນ,ການປະດິດສ້າງໃໝ່ທາງເຕັກນິກ,ການແລກປ່ຽນທາງວັດທະນະທຳ-ສັງຄົມ,ຊຸກຍູ້ການແລກປ່ຽນແລະການຮຽນຮູ້ຊຶ່ງກັນໃນດ້ານການແລກປ່ຽນອະລິຍະທຳແລະການເຊື່ອມໂຍງຈິດໃຈຂອງປະຊາຊົນຂອງບັນດາປະເທດ,ປັດຈຸບັນນີ້ການສື່ສານສາກົນໄດ້ກ້າວເຂົ້າສູ່ຂັ້ນຕອນການພັດທະນາໃໝ່,ມີການຮ່ວມມືຂອງສື່ມວນຊົນໃນພາກພື້ນເປັນພື້ນຖານ,
ສ້າງຕັ້ງລະບົບການເຜີຍແຜ່ສາກົນທີ່ມີປະສິດທິພາບຍິ່ງຂຶ້ນ,ທີ່ຕັ້ງ,ພາລະກິດຂອງສື່ມວນຊົນພວກເຮົາຍິນດີຮ່ວມກັບທຸກຝ່າຍ,ໂດຍອີງໃສ່ສະຫະພັນ,ມຸ່ງໝັ້ນທີ່ຈະເປັນຜູ້ເຜີຍແຜ່ການເຊື່ອມໂຍງຈິດໃຈຂອງປະຊາຊົນ
ແລະເປັນຜູ້ຊຸກຍູ້ໃນການແລກປ່ຽນທາງດ້ານວັດທະນະທຳ-ສັງຄົມ,ປະກອບສ່ວນສົ່ງເສີມຄຸນຄ່າຮ່ວມກັນຂອງມວນມະນຸດ,ຊຸກຍູ້ການກໍ່ສ້າງປະຊາຄົມຮ່ວມຊາຕາກຳຂອງມວນມະນຸດຄື:ໜຶ່ງ, ປັບປຸງກົນໄກການຮ່ວມມື,
ເລົ່າເລື່ອງລາວມິດຕະພາບຂອງພາກພື້ນ, ການສ້າງຕັ້ງກົນໄກການຮ່ວມມືເຊັ່ນ: ການເຮັດວຽກຮ່ວມກັນໃນຫົວຂໍ້ການປະຊຸມຂອງສະຫະພັນ, ການສ້າງເນື້ອໃນຮ່ວມກັນ,ການສ້າງແພລັດຟອມຮ່ວມກັນ,ການແລກປ່ຽນ
ບົດຄວາມແລະອື່ນໆ. ສອງ,ເພີ່ມທະວີການວາງແຜນການເຄື່ອນໄຫວ,ຍົກລະດັບອິດທິພົນຂອງສະຫະພັນ. ສົມທົບທ່າແຮງຊັບພະຍາກອນຂອງແຕ່ລະຝ່າຍໃນສະຫະພັນ,ຈັດຕັ້ງກິດຈະກຳແລກປ່ຽນເຊັ່ນ: ການສຳພາດຂອງສະຫະພັນສື່ມວນຊົນໃນລະດັບພາກພື້ນ,ກອງປະຊຸມປຶກສາຫາລື, ການປາຖະກະຖາດ້ານວິຊາການ,ການຝຶກອົບຮົມຫົວຂໍ້ພິເສດ,ການຄັດເລືອກຂ່າວປະຈຳປີແລະອື່ນໆ,ການ
ຮ່ວມມືຝຶກອົບຮົມບຸກຄະລາກອນ,ຊຸກຍູ້ການພັດທະນາຮ່ວມກັນ. ສຳຫຼວດຮູບແບບໃໝ່ແລະເສັ້ນທາງໃໝ່
ຂອງການຝຶກອົບຮົບບຸກຄະລາກອນຮ່ວມກັນຂອງສະຫະພັນ,ດຳເນີນການຄົ້ນຄວ້າຮ່ວມກັນໃນບັນຫາສຳຄັນທີ່ມີລັກສະນະສະພາບການຮອບດ້ານ, ການສັງລວມ,ຍຸດທະສາດແລະພື້ນຖານຂອງອາຊີໃຕ້-ອາຊີຕາເວັນອອກສ່ຽງໃຕ້, ທຸກປີຈະມີການຄັດເລືອກບຸກຄະລາກອນສື່ມວນຊົນທີ່ໂດດເດັ່ນຈຳນວນໜຶ່ງເພື່ອໄປຢ້ຽມຢາມຮ່ຳຮຽນແລກປ່ຽນຊຶ່ງກັນແລະກັນ,ເພີ່ມທະວີການຝຶກອົບຮົມຮ່ວມກັນລະຫວ່າງສະຖາບັນການສຶກສາຂັ້ນສູງເພື່ອຝຶກອົບຮົບບຸກຄະລາກອນການສື່ສານສາກົນລະດັບສູງແລະການຍອມຮັບໜ່ວຍກິດຮ່ວມກັນ,ປະສານສົມທົບກັບຄວາມຕ້ອງການເປີດການຝຶກອົບຮົມບຸກຄະລາກອນແລະການຝຶກອົບຮົມທາງດ້ານ
ວຽກງານ.
ໃນວາລະຂອງກອງປະຊຸມທ່ານວັນໄຊຕະວິນຍານໄດ້ຕາງໜ້າສື່ມວນຊົນລາວຂຶ້ນກ່າວຄຳເຫັນໂດຍໄດ້ຕີລາຄາສູງຕໍ່ຜົນງານການເຄື່ອນໄຫວຂອງເຄືອຂ່າຍສື່ມວນຊົນອາຊີໃຕ້ແລະອາຊີຕາເວັນອອກສ່ຽງໃຕ້ຊຶ່ງມີເປົ້າໝາຍຊຸກຍູ້ການເຊື່ອມໂຍງສື່ມວນຊົນແລະພັດທະນາຢ່າງມີຫົວຄິດປະດິດສ້າງແບບຍືນຍົງຂອງເຄືອຂ່າຍແລະຄວາມຈະເລີນຮຸ່ງເຮືອງຂອງນັກຂ່າວໃນພາກພື້ນໂດຍຜ່ານການແລກປ່ຽນຊັບພະຍາກອນ, ແລກປ່ຽນປະສົບການແລະການຮ່ວມມືດ້ານວິຊາຊີບ. ນອກຈາກນັ້ນ, ຍັງເປັນການເພີ່ມທະວີການແລກປ່ຽນວັດທະນະທຳ, ການສຶກສາແລະຄວາມໄວ້ເນື້ອເຊື່ອໃຈຊຶ່ງກັນແລະກັນ. ຮ່ວມມືກັບສື່ມວນຊົນພາຍໃນແລະຕ່າງປະເທດພ້ອມກັນໂຄສະນາໃນສິ່ງທີ່ເປັນຄວາມຈິງເປັນປະໂຫຍດຕໍ່ປະຊາຊົນລະຫວ່າງປະເທດສະມາຊິກເວົ້າສະເພາະແມ່ນການສ້າງຄວາມເຂົ້າອົກເຂົ້າໃຈກັນແລະພ້ອມກັນພັດທະນາຕ່າງຝ່າຍຕ່າງໄດ້ຮັບຜົນປະໂຫຍດກໍຄືຮ່ວມກັນຕອບໂຕ້ຖ້ອຍທຳນອງຂອງຄົນບໍ່ດີທີ່ໃສ່ຮ້າຍປ້າຍສີຕໍ່ການຮ່ວມມືລະຫວ່າງສອງຊາດລາວ-ຈີນ.
ທ່ານກ່າວຕື່ມວ່າ:ໃນໄລຍະ 3 ປີຜ່ານມານີ້, ໜັງສືພິມປະຊາຊົນສຽງຂອງສູນກາງພັກປະຊາຊົນປະຕິວັດລາວກັບເຄືອຂ່າຍສື່ມວນຊົນອາຊີໃຕ້ແລະອາຊີຕາເວັນອອກສ່ຽງໃຕ້ໄດ້ມີການຮ່ວມມືນັບມື້ນັບແໜ້ນແຟ້ນໂດຍໄດ້ມີການແລກປ່ຽນແບ່ງປັນຂໍ້ມູນຂ່າວສານທີ່ເປັນຜົນປະໂຫຍດໃຫ້ກັນແລະກັນອອກໜັງສືພິມລາຍວັນ, ເຟສບຸກແລະເວັບໄຊສ, ໄດ້ຮ່ວມກັນແລກປ່ຽນຄະນະນັກຂ່າວລາວ-ຈີນໄປຢ້ຽມຢາມແລະເຄື່ອນໄຫວສໍາພາດໃນຫົວຂໍ້ຕ່າງໆແລກປ່ຽນປະສົບການ, ປຶກສາຫາລືໃນການພົວພັນຮ່ວມມືເປັນແຕ່ລະໄລຍະ. ອັນໄດ້ເຮັດໃຫ້ປະຊາຊົນສອງຊາດລາວ-ຈີນໄດ້ຮັບຮູ້ຂໍ້ມູນດ້ານວັດທະນະທຳ, ຮີດຄອງປະເພນີ, ການທ່ອງທ່ຽວຂອງສອງປະເທດນັບມື້ນັບຫຼາຍຂຶ້ນແລະໃນປີ 2025 ນີ້ພວກເຮົາກໍາລັງຂຶ້ນແຜນຮ່ວມກັນເພື່ອຈັດກິດຈະກຳເຜີຍແຜ່ວັດທະນະທຳບຸນກຸດຈີນພາຍໃຕ້ຫົວຂໍ້“ດື່ມນໍ້າສາຍດຽວກົມກຽວດັ່ງຄອບຄົວດຽວກັນປີ 2025” ຢູ່ນະຄອນຫຼວງວຽງຈັນສປປລາວ.
ໃນອານາຄົດໜັງສືພິມປະຊາຊົນຍັງຈະສືບຕໍ່ເພີ່ມທະວີການຮ່ວມມືກັບເຄືອຂ່າຍສື່ມວນຊົນອາຊີໃຕ້ແລະອາຊີຕາເວັນອອກສ່ຽງໃຕ້ພ້ອມກັນສານຕໍ່ຕາມວິໄສທັດຂອງເຄືອຂ່າຍທີ່ແນໃສ່ສ້າງເວທີການສື່ສານສໍາລັບການປຶກສາຫາລືການເຊື່ອມໂຍງຢ່າງແໜ້ນແຟ້ນໃນການແລກປ່ຽນວັດທະນະທຳລະຫວ່າງປະເທດແລະຊຸກຍູ້ໃຫ້ບັນດາປະເທດ
ເພີ່ມທະວີຄວາມເຂົ້າໃຈຊຶ່ງກັນແລະກັນໃນການແລກປ່ຽນຄວາມຄິດຄວາມເຫັນເຜີຍແຜ່ດ້ານວັດທະນະທຳອັນດີງາມທີ່ເປັນເອກະລັກຂອງປະເທດຕ່າງໆ.ທັງໝົດນີ້ແມ່ນເປັນການເສີມຂະຫຍາຍແນວຄິດລິເລີ່ມຂອງປະທານສີຈິ້ນຜິງວ່າດ້ວຍໜຶ່ງແລວໜຶ່ງເສັ້ນທາງໃຫ້ແຕກດອກອອກຜົນຂຶ້ນໄປເລື້ອຍໆພິເສດໄປກວ່ານັ້ນແມ່ນການຜັນຂະຫຍາຍວ່າດ້ວຍການສ້າງຄູ່ຮ່ວມຊາຕາກຳລາວ-ຈີນສະບັບປີ2024-2028ໃຫ້ປະກົດຜົນເປັນຈິງ.
ໃນໂອກາດດັ່ງກ່າວສູນການສື່ສານສາກົນພາກພື້ນອາຊີໃຕ້ - ອາຊີຕາເວັນອອກສ່ຽງໃຕ້ໄດ້ລົງນາມໃນສັນຍາຮ່ວມມືດ້ານສື່ມວນຊົນໃນປີ2025ປະກອບມີປະເທດປາກິດສະຖານ,ບັງກະລາເທດ,ມຽນມາ,ໄທ,ຫວຽດນາມ,ລາວ(ໜັງສືພິມປະ
ຊາຊົນ)ຕາງໜ້າຮ່ວມລົງນາມຝ່າຍລາວໂດຍທ່ານວັນໄຊຕະວິນຍານ,ໃນນັ້ນຍັງໄດ້ເປີດໂຄງການຮ່ວມມືດ້ານສື່ມວນ
ຊົນໃນປີ2025ຊຸດທຳອິດ,ໂດຍຂຶ້ນຮ່ວມໃນພິທີເປິດໂຄງການດັ່ງກ່າວຝ່າຍລາວໂດຍແມ່ນທ່ານສະຫວັນຄອນຣາຊມຸນຕີປະທານສະມາຄົມນັກຂ່າວແຫ່ງສປປລາວ.
(ຂ່າວ-ພາບ:ສຳນານ)
ຄໍາເຫັນ