ສື່ມວນຊົນມີຄວາມສຳຄັນ ໃນການປຸກລະດົມທົ່ວປວງຊົນລາວທັງຊາດ

ສື່ມວນຊົນແມ່ນພາກສ່ວນໜຶ່ງ ທີ່ເປັນສື່ກາງອັນສໍາຄັນຂອງພັກ ໃນການປະຕິບັດບົດບາດ ແລະ ໜ້າທີ່ ໂດຍນໍາເອົາແນວທາງ, ນະໂຍບາຍ, ລະບຽບ, ກົດໝາຍ, ນິຕິກໍາຕ່າງໆຂອງລັດ ນໍາໄປເຜີຍແຜ່ໂຄສະນາສູ່ເປົ້າໝາຍຜູ້ຟັງ, ຜູ້ອ່ານ ແລະ ຜູ້ຊົມໄດ້ເປັນຢ່າງດີ ແລະ ກວ້າງຂວາງ ເຮັດໃຫ້ປະຊາຊົນລາວບັນດາເຜົ່າໄດ້ຮັບຮູ້, ເຂົ້າໃຈ, ເອກະພາບ ແລະ ປະຕິບັດຕາມ ເຮັດໃຫ້ສັງຄົມມີຄວາມສະຫງົບສຸກ, ມີການປ່ຽນແປງໃໝ່ ແລະ ພັດ ທະນາ’’ ສື່ມວນຊົນຍັງເປັນຂົວຕໍ່ ລະຫວ່າງ ປະຊາຊົນກັບພັກ-ລັດ ໃນການນໍາເອົາແນວຄິດຈິດໃຈ, ສຽງສະທ້ອນສັງຄົມ ແລະ ຄວາມມຸ່ງມາດປາຖະໜາຂອງປະຊາຊົນລາວບັນດາເຜົ່າ ສູ່ພັກ-ລັດ ເຮັດໃຫ້ພັກ-ລັດຂັ້ນເທິງເຫັນໄດ້ສະພາບການຕ່າງໆ ແລ້ວຫັນໄປສູ່ການນໍາພາປັບປຸງ, ແກ້ໄຂ, ພັດທະນາ ເຮັດໃຫ້ຊີວິການເປັນຢູ່ຂອງປະຊາ ຊົນນັບມື້ນັບຢູ່ດີກິນດີ.

ທ່ານຍັງໄດ້ຍົກໃຫ້ເຫັນ 4 ເນື້ອໃນສໍາຄັນ ເປັນຕົ້ນ 1. ຄວາມສໍາຄັນຂອງວຽກງານສື່ມວນຊົນ, 2. ຜົນການຈັດຕັ້ງປະຕິບັດວຽກງານສື່ມວນຊົນໄລຍະຜ່ານມາ ທັງອັນລວມ ແລະ ສະເພາະຂົງເຂດແນວລາວສ້າງຊາດ ນັບແຕ່ປີ 1997 ເປັນຕົ້ນມາ, ຄະນະພັກ ສນຊ ໄດ້ສ້າງຕັ້ງວາລະສານລາວສ້າງຊາດ, ລາຍການວິທະຍຸ ເມືອງລາວຄົນລາວ, ລາຍການໂທລະພາບ ລາວສ້າງຊາດ, ໜັງສືພິມສາມັກຄີ ແລະ ພັດທະນາ, ເວັບໄຊ, ຢູທູບ ແລະ ເຟສບຸກ-ເພຈ: ຂ່າວສານແນວໂຮມ ເພື່ອເປັນກະບອກສຽງໃຫ້ຄະນະພັກ, ຄະນະປະຈໍາ, ກໍາມະການ ສນຊ ແລະ ແນວລາວສ້າງຊາດທ້ອງຖິ່ນ ໃນການໂຄສະນາແນວທາງນະໂຍບາຍ, ມະຕິຂອງພັກ, ນິຕິກໍາຂອງລັດ, ແນວທາງການເຕົ້າໂຮມຄວາມສາມັກຄີປອງດອງຂອງແນວລາວສ້າງຊາດ ຕາມພາລະບົດບາດ, 3. ທ່ານໄດ້ຕີລາຄາຂໍ້ຄົງຄ້າງ ແລະ ຄວາມຫຍຸ້ງຍາກໃນການປະຕິບັດໜ້າທີ່ວຽກງານສື່ມວນຊົນຜ່ານມາ ແລະ 4. ບາງຈິດໃຈໃນການວາງທິດທາງນໍາພາຊີ້ນໍາ ຕໍ່ການເຄື່ອນໄຫວວຽກງານສື່ມວນຊົນໃນຕໍ່ໜ້າ ໂດຍເນັ້ນວ່າ: 1. ສະເໜີໃຫ້ລັດຖະບານ ເພີ່ມທະວີການລົງທຶນໃນການພັດທະນາບຸກຄະລາກອນສື່ມວນຊົນ ໃຫ້ມີຄວາມຮູ້-ຄວາມສາມາດ ແລະ ທັກສະໃນການນຳໃຊ້ເຕັກໂນໂລຊີທັນສະໄໝ, 2. ສ້າງເງື່ອນໄຂ ແລະ ໂອກາດໃຫ້ນັກສື່ມວນຊົນໄດ້ສຶກ ສາ, ຄົ້ນຄວ້າ ແລະ ພັດທະນາຕົນເອງຢ່າງຕໍ່ເນື່ອງ, 3. ຈັດສັນງົບປະມານ ແລະ ຈັດຫາອຸປະກອນທີ່ຈຳເປັນ ເພື່ອຮອງຮັບການປະຕິບັດວຽກງານສື່ມວນຊົນໃຫ້ມີປະສິດທິຜົນ, 4. ສົ່ງເສີມການນຳໃຊ້ເຕັກໂນໂລຊີໃໝ່ ແລະ ປັນຍາປະດິດ (AI) ໃນວຽກງານສື່ສານ ແລະ 5. ສົ່ງເສີມໃຫ້ນັກສື່ມວນຊົນປະກອບສ່ວນຢ່າງຕັ້ງໜ້າ ໃນການໂຄສະນາເຜີຍແຜ່ແນວທາງນະໂຍບາຍຂອງພັກ ແລະ ລັດ ພ້ອມທັງປະກອບສ່ວນໃນການປົກປັກຮັກສາ ແລະ ສ້າງສາພັດທະນາປະເທດຊາດ.