 |
ປັດຈຸບັນ ອົງຄະນະພັກ ສູນກາງຊາວໜຸ່ມປະຊາຊົນ ປະຕິວັດລາວ ປະກອບມີ 8 ໜ່ວຍພັກ, ມີສະມາຊິກພັກທັງທັງໝົດ 178 ສະຫາຍ ຍິງ 81 ສະຫາຍ; ເປັນສະມາຊິກພັກສຳຮອງ 3 ສະຫາຍ, ຍິງ 1ສະຫາຍ ແລະ ໄດ້ຮັບການຢັ້ງຢືນເປັນໜ່ວຍພັກປອດໃສ ເຂັ້ມແຂງ ໜັກແໜ້ນ 100% ເຮັດໃຫ້ຄຸນນະພາບຂອງພະນັກງານ, ສະມາຊິກພັກ, ລັດຖະກອນ ທົ່ວ ສຊປລ ມີແນວຄິດຫຼັກໝັ້ນ, ອຸດົມການ, ຄຸນສົມບັດສິນທໍາປະຕິວັດ, ຄ່ານິຍົມ, ຄວາມຮູ້, ຄວາມສາມາດໃນການຈັດຕັ້ງປະຕິບັດໜ້າທີ່ການເມືອງນັບມື້ສູງຂຶ້ນຢ່າງຕໍ່ເນື່ອງ. ຊຶ່ງມາຮອດປະຈຸບັນ ອົງຄະນະພັກ ສຊປລ ມີພະນັກງານລັດຖະກອນທັງໝົດ 167, ສະຫາຍ ຍິງ 82 ສະຫາຍ, ເປັນຄະນະເລຂາທິການ ສຊປລ ຈໍານວນ 7 ສະຫາຍ ຍິງ 3 ສະຫາຍ, ເປັນກໍາມະການຄະນະບໍລິຫານງານ ສຊປລ ຈໍານວນ 4 ສະຫາຍ ຍິງ 2 ສະຫາຍ, ເປັນຫົວໜ້າກົມ 3 ສະຫາຍ ຍິງ 1 ສະຫາຍ, ຮັກສາການຫົວໜ້າກົມ 2 ສະຫາຍ, ຮອງຫົວໜ້າກົມ 18 ສະຫາຍ ຍິງ 8 ສະຫາຍ; ຫົວໜ້າພະແນກ 31 ສະຫາຍ ຍິງ 15 ສະຫາຍ; ຮອງຫົວໜ້າພະແນກ 33 ສະຫາຍ ຍິງ 16, ພະນັກງານວິຊາການທັງໝົດມີ 75 ສະຫາຍ ຍິງ 15 ສະຫາຍ; ລະດັບວິຊາສະເພາະ ຊັ້ນກາງ ມີ 1 ສະຫາຍ ຍິງ 1 ສະຫາຍ; ຊັ້ນສູງ 9 ສະຫາຍ ຍິງ 4 ສະຫາຍ; ປະລິນຍາຕີ 115 ສະຫາຍ ຍິງ 60 ສະຫາຍ; ປະລິນຍາໂທ 46 ສະຫາຍ ຍິງ 20 ສະຫາຍ.
 |
ສໍາລັບວຽກງານຜັນຂະຫຍາຍຍຸດທະສາດການພັດທະນາຊາວໜຸ່ມ, ເຍົາວະຊົນລາວ ປີ 2021-2030 ໂດຍການຊ່ວຍເຫຼືອຂອງອົງການ UNFPA ແລະ UNICEF ໃນວຽກງານໃຫ້ຄໍາປຶກສາ ໄລຍະ 5 ປີ ຜ່ານມາ ໄດ້ໃຫ້ບໍລິການສາຍດ່ວນ ຫຼາຍກວ່າ 13,830 ຄົນ ຍິງ 8,243 ຄົນ (ບັນຫາຄວາມ ຮັກ, ບັນຫາສຸຂະພາບ, ວຽກເຮັດງານທໍາ, ບັນຫາຄອບຄົວ, ບັນຫາການສຶກສາ ແລະ ອື່ນໆ); ຈັດກອງປະຊຸມຖອດຖອນບົດຮຽນ ແລະ ຝຶກອົບຮົມສ້າງຄວາມເຂັ້ມແຂງໃຫ້ຄະນະປະສານງານຂັ້ນເມືອງ ແລະ ແຂວງທີ່ຮັບຜິດຊອບການຈັດຕັ້ງປະຕິບັດຍຸດທະສາດການພັດທະນາຊາວໜຸ່ມ-ເຍົາວະຊົນລາວ ທີ່ ແຂວງ ສະຫວັນນະເຂດ, ລົງໂຄສະນາປຸກຈິດສຳນຶກກ່ຽວກັບຂໍ້ມູນສຳຄັນໃນການປ້ອງກັນພະຍາດຕິດຕໍ່ທາງເພດສຳພັນ HIV/Aids, ຕ້ານການໃຊ້ຄວາມຮຸນແຮງບົນພື້ນຖານຕາມເພດ (GBV), ການຖືພາ ແລະ ການແຕ່ງດອງແຕ່ອາຍຸຍັງນ້ອຍ ແລະ ເບີສາຍດ່ວນ 1554 ຢູ່ 118 ໂຮງຮຽນ, 42 ຊຸມຊົນ ມີຜູ້ເຂົ້າຮ່ວມ 16,286 ຄົນ; ຈັດກິດຈະກຳສະເຫຼີມສະຫຼອງວັນໄວໜຸ່ມສາກົນປະຈຳປີ, ສ້າງ ແລະ ພັດທະນາປຶ້ມຄູ່ມືໃນການໃຫ້ຄຳປຶກສາ ແລະ ຄູ່ມືການໂຄສະນາເພື່ອການປ່ຽນແປງພຶດຕິກຳໄວໜຸ່ມ, ຮ່ວມມືກັບອົງການສະຫະປະຊາຊາດເພື່ອການພັດທະນາ UNDP ໃນການສ້າງອາຄານວິຊາຊີບແຂວງ ຄໍາມ່ວນ ແລະ ສ້າງອາຊີບທາງດ້ານການປູກຝັງ-ລ້ຽງສັດໃຫ້ແກ່ຊາວໜຸ່ມ ຢູ່ທີ່ແຂວງຄຳມ່ວນ ແລະ ສູນໜອງກອກ ຈຳນວນ 50 ຄົນ ໃນມູນຄ່າການຊ່ວຍເຫຼືອ 1,500,000 ໂດລາ.
 |
ສໍາລັບວຽກງານພັດທະນາວິຊາຊີບຊາວໜຸ່ມໄດ້ສົ່ງເສີມວິຊາຊີບ, ສ້າງວຽກເຮັດງານທໍາໃຫ້ຊາວໜຸ່ມຕາມສາຂາອາຊີບໃຫ້ແກ່ຊາວໜຸ່ມ, ນັກຮຽນ, ນັກສຶກສາແລະປະຊາຊົນ ເປັນຕົ້ນຊ່າງສ້ອມແປງລົດໃຫຍ່, ໄຟຟ້າ, ສ້ອມແປງລົດຈັກ, ເຊື່ອມຈອດ, ຕັດຫຍິບ, ເສີມສວຍ, ປຸ່ງແຕ່ງອາຫານ, ປູກຝັງ, ລ້ຽງສັດ, ຕໍ່າຫູກ, ຝຶກອົບຮົມທັກສະການເປັນຜູ້ນໍາ, ທັກສະທາງສັງຄົມ, ທັກສະຊີວິດ, ການຂຽນແຜນທຸລະກິດ, ການຂຽນໂຄງການ, ພາສາອັງກິດ,ພາສາຫວຽດນາມ, ພາສາຈີນ, ຝຶກອົບຮົມວິຊາຊີບໃຫ້ຊາວໜຸ່ມຜູ້ທີ່ຖືກຜົນກະທົບຈາກລູກລະເບີດທີ່ບໍ່ທັນແຕກ ທີ່ ແຂວງຊຽງຂວາງ ແລະ ແຂວງຫົວພັນ ຈຳນວນ 19,642 ຄົນ ຍິງ 11,049 ຄົນ, ສົ່ງເສີມຊາວໜຸ່ມໃນການລິເລີ່ມທຸລະກິດຊາວໜຸ່ມຢູ່ບັນດາແຂວງ ແລະ ນະຄອນຫຼວງວຽງຈັນ ໄດ້244 ຄົນ, ມອບທຶນກູ້ຢືມແບບບໍ່ມີດອກເບ້ຍໃຫ້ 31 ຄົນ ມູນຄ່າ 340ລ້ານກີບ ແລະ ທຶນຊ່ວຍເຫຼືອ213 ຄົນ ມູນຄ່າ 1ຕື້ກວ່າກີບ. ສົ່ງເສີມການປູກໝາກເກົາ ສ້າງລາຍຮັບໄດ້ 8.8 ຕື້ກີບ ແລະ ການປູກຜັກສະອາດບ້ານລາດຄວາຍ ໄດ້ 72 ໂຕນ ມູນຄ່າ 1ຕື້ກວ່າກີບ, ປະກອບສ່ວນຊ່ວຍເຫຼືອຊາວໜຸ່ມ-ເຍົາວະຊົນແລະປະຊາຊົນຄືສ້າງອາຄານຮຽນ,ຫ້ອງນໍ້າຊັ້ນອານຸບານໄດ້ 5 ຫຼັງ ມູນຄ່າ 568 ລ້ານກວ່າກີບ; ປັບປຸງລະບົບນໍ້າ, ຕິດຕັ້ງໄຟຟ້າໂຊລາເຊວ, ສວນຜັກໃຫ້ໂຮງຮຽນປະຖົມໄດ້ 7 ແຫ່ງ ມູນຄ່າ 513ລ້ານກວ່າກີບ; ປັບປຸງພື້ນຖານໂຄ່ງລ່າງສູນມິດຕະພາບຊາວໜຸ່ມລາວ-ຫວຽດນາມ ຂະຫຍາຍ ແລະ ປູກຫຍ້າໄດ້ຈໍານວນ 3 ເຮັກຕາ, ລົງທຶນຊື້ງົວ ຈໍານວນ 35 ໂຕ ມູນຄ່າ 180 ລ້ານກີບ, ປຸກລະດົມ ເຄື່ອງອຸປະໂພກ, ບໍລິໂພກ, ອຸປະກອນການສຶກສາມອບໃຫ້ປະຊາຊົນແລະນັກຮຽນ ໄດ້ 15 ຄັ້ງ ມູນຄ່າ 269ລ້ານກວ່າກີບ.
ຄໍາເຫັນ