 |
ໃນພິທີ ທ່ານ ນາງ ກັນຍາ ແສງແກ້ວວົງພະຈັນ ຮອງຫົວໜ້າກົມຄຸ້ມຄອງພະນັກງານ ຕາງໜ້າຄະນະຈັດຕັ້ງສູນກາງພັກ ໄດ້ຜ່ານລັດຖະດໍາລັດຂອງປະທານປະເທດ ແຫ່ງ ສປປ ລາວ ສະບັບເລກທີ 215/ປປທ, ລົງວັນທີ 04 ພະຈິກ 2025 ວ່າດ້ວຍການແຕ່ງຕັ້ງ ຮອງຫົວ ໜ້າອົງການໄອຍະການປະຊາຊົນສູງສຸດ ທ່ານ ນາງ ພອນທິບ ສາວະລີ ກຳມະການຄະນະພັກ ເລຂາໜ່ວຍພັກ ຫົວໜ້າກົມຈັດຕັ້ງ-ພະນັກງານ ອົງການໄອຍະການປະຊາຊົນສູງສຸດ ຂຶ້ນເປັນ ຮອງຫົວໜ້າອົງການໄອຍະການປະຊາຊົນສູງສຸດ. ນອກຈາກນັ້ນ, ຍັງໄດ້ປະກາດການສັບຊ້ອນ ແລະ ແຕ່ງຕັ້ງຫົວໜ້າກົມຈັດຕັ້ງພະນັກງາານ ແລະ ຮັກສາການຫົວໜ້າສະຖາບັນຄົ້ນຄວ້າ ແລະ ຝຶກອົບຮົມໄອຍະການ ຄົນໃໝ່.
 |
ໃນໂອກາດດັ່ງກ່າວ, ທ່ານ ໄຊຊະນະ ໂຄດພູທອນ ໄດ້ໂອ້ລົມ ແລະ ໃຫ້ທິດຊີ້ນຳຕໍ່ ບັນດາທ່ານທີ່ໄດ້ຮັບຕຳແໜ່ງ ໃໝ່ ໂດຍເນັ້ນໃຫ້ສືບຕໍ່ເພີ່ມທະວີກໍາລັງແຮງ ແລະ ສຸມສະຕິປັນຍາ ເຂົ້າໃນການປະຕິບັດໜ້າທີ່ການເມືອງ, ທີ່ພັກ-ລັດມອບໝາຍໃຫ້ ແລະ ເພີ່ມທະວີກຳລັງແຮງຄວາມສາມັກຄີພາຍໃນ,ຄວາມເປັນແບບຢ່າງນຳໜ້າໃນການຊີ້ນຳ-ນຳພາ, ເດັດ
ຂາດໃນການປະຕິບັດໜ້າທີ່ວຽກງານບົນຫຼັກການເຮັດວຽກເປັນໝູ່ຄະນະເພື່ອຕອບສະໜອງໄດ້ກັບຄວາມຮຽກຮ້ອງຕ້ອງການຂອງໜ້າທີ່ການເມືອງ, ວຽກງານໄອຍະການໃນໄລຍະໃໝ່. ພ້ອມນີ້, ຍັງໄດ້ຮຽກຮ້ອງໃຫ້ພະນັກງານຫຼັກແຫຼ່ງ ນໍາພາທຸກຂັ້ນຢູ່ພາຍໃນອົງການໄອຍະການປະຊາຊົນສູງສຸດເຊີດຊູຄວາມເປັນແບບຢ່າງນໍາໜ້າໃນການຊີ້ນຳ-ນຳພາ ແລະ ຈັດຕັ້ງປະຕິບັດ ໜ້າທີ່ວຽກງານທີ່ພັກ-ລັດມອບໝາຍໃຫ້, ໂດຍສະເພາະ ການນຳພາຈັດຕັ້ງປະຕິບັດວຽກງານຕິດຕາມກວດກາການປະຕິບັດ ແລະ ເຄົາລົບກົດໝາຍ ແລະ ສັງຟ້ອງຜູ້ຖືກຫາຂຶ້ນສານຕັດສິນ ໃຫ້ໄດ້ຮັບຜົນສຳເລັດ.
 |
(ຂ່າວ:ຕຸໄລເພັດ ຂໍ້ມູນ ອອປສ)
ຄໍາເຫັນ